影片
更多
2020-04-12
376 瀏覽
晚飯到朋友家吃飯加餸想起了附近有間「有顏色的」滷水鵝但係check app (和你Pay)時佢已經搬左大舖註：係同一位置都開左另一間（食x喜）同路人小心正所謂「有人辭官歸故里，有人漏夜趕科場」充滿危險既地方往往都會有一線生機逆時搬大舖的他們相信都有這種想法吧：）個日落雨，門口個位有積水路人想入去幫襯有少少論盡，但相信無礙幫襯的心情內裡都有一半滿座（無法，限枱令下）堂食多左張靚menu ,又多左選擇係幾好的有豆腐，鵝肝，腎等。。。可能因為假期關係，有要供應堂食下外賣鵝要等45分鐘，咁我當然無等（笑）係買左鴨（半隻$7x)就算，員工阿姨仲細心叮囑我只需叮滷水，不用叮鴨就可保持肉質鮮嫩拎到返屋企食，只加熱滷水然後和鴨一起吃果然係大埔最好味的滷水鵝（雖然我當天只吃了鴨）特別之處係佢無鴨羶味，肉又有滷水汁味最重要個肉唔鞋~~平時只食一兩塊既我食多左好多塊餸飯：））））朋友話佢個區買唔到咁好味既滷水，搞到我有少少自豪添第二次因為好想食，所以屋企人落左去買外賣鵝今次係食上庄 （$75/包片鵝肉）好開心~因為只買上庄都片肉的店真的不多，我鍾意食鵝片，屋企人喜歡啃骨，大家各取所需發覺鴨鵝既滷水汁係一樣，
晚飯到朋友家吃飯加餸
想起了附近有間「有顏色的」滷水鵝
但係check app (和你Pay)時佢已經搬左大舖
註：係同一位置都開左另一間（食x喜）同路人小心
正所謂「有人辭官歸故里，有人漏夜趕科場」
充滿危險既地方往往都會有一線生機
逆時搬大舖的他們相信都有這種想法吧：）
個日落雨，門口個位有積水
路人想入去幫襯有少少論盡，但相信無礙幫襯的心情
內裡都有一半滿座（無法，限枱令下）
堂食多左張靚menu ,又多左選擇係幾好的
有豆腐，鵝肝，腎等。。。
可能因為假期關係，有要供應堂食下
外賣鵝要等45分鐘，咁我當然無等（笑）
係買左鴨（半隻$7x)就算，員工阿姨仲細心叮囑我
只需叮滷水，不用叮鴨就可保持肉質鮮嫩
拎到返屋企食，只加熱滷水然後和鴨一起吃
果然係大埔最好味的滷水鵝（雖然我當天只吃了鴨）
特別之處係佢無鴨羶味，肉又有滷水汁味
最重要個肉唔鞋~~平時只食一兩塊既我
食多左好多塊餸飯：））））
朋友話佢個區買唔到咁好味既滷水，搞到我有少少自豪添
第二次因為好想食，所以屋企人落左去買外賣鵝
今次係食上庄 （$75/包片鵝肉）好開心~
因為只買上庄都片肉的店真的不多，
我鍾意食鵝片，屋企人喜歡啃骨，大家各取所需
發覺鴨鵝既滷水汁係一樣，當然鵝好食好多
但係經濟實惠之選一定係鴨~~
不好意思，因為太為食的關係，小妹沒有拍照
但為左身體力行支持顏色經濟圈，
我會落筆支持我所有食過又好味既小店
作為大埔街坊同路人，默默幫襯支持
下次我一定會堂食支持,以實現標題上的推測哈
張貼