極尚大瀛喜日本料理 (已結業)

次次食放題都難免食到D伏野，但係依間真心正。壽司種類多不在話下，最緊要係D魚生夠新鮮，又唔會太大件，啱啱好一啖一舊， 原汁原味，正！其次佢野飲既選擇真係極多，啤酒汽水樣樣齊，茶，梳打水，椰子水，就連楊枝甘露都有，真係剩係飲野都夠晒飽然後就係佢地既燒物炸物的確唔錯,原隻帆立貝大大粒，火侯掌握岩岩好，配埋面頭D芝士，食落好juicy，唯一敗北係中間略嫌太多千島醬定唔知沙律醬，有小小蓋過左原味. 仲有就係佢地炸蠔真係勁正，粉唔似出邊咁會勁厚，入面超多汁，忍唔住嗌左成5 round.牛舌本身自己唔係成日食，因為出邊大多都燒得好un，但係食落彈牙有水份，唔會話燒得太乾. 另外值得一提既就係佢地既燒菠蘿，本身以為係伏野，但係朋友叫左，比預期中好，超香同多汁，食到半路可以叫黎解滯開胃撐埋下半場.價錢黎講計埋+1每人250-300，對咁正既放題黎講係真係抵，有機會都會去，一大班FD去食多次.

今午二人到這店食午市的放題，每位$207，可由12:00至1500，1430last order. 時間相當充裕，環境都可以，惟座位空間卻焗促。二人坐二人座位是沒錯的，但食放題就真的一般了。看食評都是很不錯，但我今次卻一般。首先，海膽手卷是迷你版是好的，但來三次的紫菜都是淋的😑。創意壽司款式都不錯，但味道就只有蒜香牛那款值得encore, 很香、精緻。刺身方面，款式都幾多，厚切，質感幾好。燒烤類就沒有特別，蝦都不錯，肉質不會霉。但天婦羅粉太厚，只叫一次便算了。那韓式墨魚咀卻很特別，第一眼和初嚐時，像生炒骨😅。少少辣，質感好特別，我喜歡這味。另外，羊架很香，不會太肥。還有精緻甜品、軟雪糕、乳酪雪糕，這是錦上添花😋。

This place is so good, great atmosphere with nice lighting and nice staff. Food is excellent, especially the dishes which include salmon. Definitely would recommend.

這間放題店評語不錯, 與友今晚到此店嚐嚐餐廳座位濶落, 佈置可以, 坐下後先拿飲品, 有if椰青水, 正.先吃刺身, 很新鮮及好, 最讚是一直都是新鮮, 不似一般酒店及放題店, 最先是新鮮, 後來的是不太鮮或差.有三文魚, 北寄貝, 榮螺, 帶子, 甜蝦.......愛吃的:-有天婦羅, 味道ok, 可惜太油.焗凡立貝, 個汁調得很好味, 正.鰻魚, 不太好吃.燒蝦, 蝦很鮮甜乳酪雪糕, 很正評分: 85分, 會再來.

想食呢間好耐了 終於抽到時間食!我地早到左店員都俾我地早啲入餐廳環境唔錯 座位都好闊落 唔會坐到好逼 一坐低就嗌咗個勁大盆嘅刺身 嚟到仲要有乾冰噴煙 不過掛住錄片 食到一半先記得影相嗌咗三文魚油甘魚 基本上樣樣都有嗌啲 啲刺身都好新鮮 盆底仲有冰粒保持冷凍 啲赤蝦、甜蝦大隻到有平時嘅兩隻 食到停唔到口 除咗刺身之外 仲有嗌咗其他小食 特別推介嘅係黃金燒原隻帆立貝 真係好好味 勁邪惡 一口氣食咗三隻 另外個個燒有機菠蘿 勁多汁 一咬落去好似落雨咁 啲汁滴哂出嚟 黑松露牛油炒雜菌都重點推介 黑松露都幾多 成碟好香 牛油粟米都幾好 芝麻雞翼個皮都幾脆 但係我就覺得有少少辣 牛油果軟殻蟹卷都唔錯 個牛油果好好味 仲有嗌咗個海膽手卷 雖然細個咗啲 但係啲海膽都好新鮮 飲品就有三個雪櫃咁多 可以慢慢揀 如果都揀唔到 另外仲有果汁機可以自己針 雪糕機隔離仲有好多款唔同配料可以落 唔想煩嘅係果汁機隔離都有個雪櫃係有現成雪糕食嘅 除咗雪糕之外都有啲甜品係雪櫃嘅 有各款蛋糕 和菓子 乳酪 仲有啲生果添 另外除咗自己畫紙嗌野食 出面都有各款小食 有章魚燒 葡撻等 仲有湯飲㗎 不過其實食完自己畫㗎野食都冇乜位

呢度大部份係自助形式連沙律都係要自己攞節省人手嘅方式老闆有諗頭魚生夠曬新鮮肥美壽司雖然係細小但係 唔會好似板x 咁唔好食起碼壽司飯有醋味而且細小可以食唔同種類最緊要熟食都夠曬滋味燒牛舌煙煙韌韌連frozen yogurt都好好味炒雜菜 竟然有驚喜唔會溶溶爛爛飲品食品選擇較多建議好多人去先可以食曬所有種類因為兩個鐘之內要交枱都有催人嘅情況漏單情況亦都有但唔算嚴重

提起放題第一反應就是去旺角，銅鑼灣的放題卻是第一次嘗試。以前聽聞這間極尙不錯，但價格略高於市面均價，這次專門吃早一個時段，1730-1930入座有85折。五點場其實店內的人不算多，面積不小，有很多位置。擺好袋第一件事就是去自助吧檯看看有甚麼好吃的！我們身後就是甜品臺，竟然有五顏六色的馬卡龍😍一開始先拿蘆薈汁飲，轉頭發現雪櫃裡有椰子水，好正！大體上所提供的飲品質素和選擇要比其他的放題店好好多。冷盤小菜可以自行領取，麻醬豆腐的碗就相當特別。而豆腐冰涼嫩滑，配上我最愛的醬料，好正。前菜種類豐富，鳳爪同雞腎表現平平。刺身拼盤端上來的時候冒著縷縷白煙，相當之夢幻，秀色可餐，刺身的新鮮度亦不在話下。甜蝦同虎蝦肉質甘甜飽滿，過癮。北極貝鮮紅爽口，帶子白白嫩嫩，三文魚腩又夠曬肥，總之樣樣都爽口彈牙，有新鮮刺身食幸福感爆棚！仲有好多壽司小卷都相當出色，迷你海膽手卷亦是不能忽略，分量小巧，不怕滯。海膽甘香，入口即化，又唔會有腥味。花之戀賣相雖然談不上精緻，但花瓣是超有誠意的三文魚腩！推薦的極品和牛壽司也是必試！牛肉燒的正正好，淋上蔥花燒汁，非常惹味。一句概括，選擇繁多，質量上乘，味道正點。算是放題店中比較

好耐冇寫過食評下今次寫嘅竟然係一餐放題因為真係估唔到放題嘅質素可以咁高首先好值得介紹嘅就係嗰羊架！首先笑得好多汁而且個樣味好重👍🏻唯獨是唔係每一件都咁靚有啲睇彩數之後係一啲好有特色嘅壽司，我個人推介係花之戀。我覺得個份量啱啱好車好香三文魚味道我個朋友話個吞拿魚茸好好食至於串燒就不過不失同一般放題嘅質素差唔多，不過一定要叫菠蘿！因為開胃啲可以食多啲野啊刺身。雖然係最早食但我都係覺得同出面差唔多，三文魚都幾肥美

早排好多野做，今日終於都搞掂晒，就同朋友去食放題獎勵下自己！我地揀咗呢間係銅鑼灣嘅放題，網上嘅評論都幾正面，價錢又合理，一於試下。一坐低就當然要叫刺身食啦～ 叫完野食，我地就去咗自助bar睇下有咩好食。熟食、冷盤同炸物嘅款式都好多，任你揀，不過就無咩遮蓋，怕唔太衛生就無食到。拎埋飲品，行咗個圈，都係決定留肚食正野同甜品！大大盤刺身到，雖然正常都會按返人數而比少啲，但睇落都幾足份量。放題必食嘅三文魚好厚身，好肥美鮮甜啊，口感唔錯。吞拿魚都好厚切，不過味道就差緊少少～甜蝦味道唔腥，又夠凍，好食～生蝦都好爽口，同埋放題比較少機會食到，幾好。北寄貝同象拔蛘都好爽口，同埋食落新鮮先係最重要！另外，叫咗啲燒物同焗豪。朋友怕焗豪會腥，先叫咗一個，點知又幾好食，加埋啲料同汁好夾，之後又再叫過。牛舌燒得啱啱好，唔會硬而咬唔到，仲好香添。雞軟骨就一般，比較硬，而唔係脆口。燒鰻魚都係翻叫之一，肉質腍得嚟都好結實，加埋燒汁，好食～之後叫咗啲天婦羅就普通，上到枱都已經腍晒。唔夠脆，點完汁更腍，味道都唔太夠。炸粉較多，有待改善～最後就一定要食甜品同乳酪啦～呢到甜品選擇真係比一般放題多，有蛋糕、布甸、馬卡龍、泡芺等

試過好幾間日式放題連所店的食物水準都是一般般，估唔到今晚竟然有驚喜這裹食物種類多選擇唔在講，仲有自家製甜品＋乳駱任食我個人最愛是海鮮夠新鮮，特別推薦珍寶赤蝦和🦀粥，一定要試

今次朋友聚會去左試下極尚既放題有5點半食到8點半既時段，可以一邊食一邊傾，正呀首先個飲品櫃簡直包羅萬有然後首先試魚生先淨係蝦都有幾種同埋好多都好新鮮呀油甘魚帶子大大件好味芝士焗帶子！勁多芝士好味芝麻雞翼勁脆勁好味呀熱辣辣食岩岩好燒羊架雖然味道好騷但係好多肉汁好好味難得一間放題有燒鰻魚架！勁勁勁好味忍唔住叫左3次！甜品方面仲有百福豆付花，馬卡龍，大腳板，雪糕，乳酪計起試黎真係好多野食呀正

最近好喜歡跟朋友到處找放題食今次找來這間食物選擇頗多，特別驚訝其飲品選擇何其多，害我選不下手呢地方都寬敞舒適，走廊間行得舒服由於我地食到最後，食客都走得八八九九了先來2款飲品，平常外面的放題也未見過左面的我在外面餐廳飲過一次，個人覺得非常好飲想不到在這會再次遇上先來個噴煙的新鮮刺身，選擇超多，甜蝦，三文魚，帶子，鮑片，鱆紅魚，希靈魚......多到唔記得，呵呵款款新鮮鮮甜，該爽口的爽口，彈牙的彈牙特別有些要再點，同樣沒有不新鮮的發生，而且同樣有心機擺放，還會出煙呢^_^炸物亦多選擇芝麻雞翼好香，味道適中吉列炸蠔外脆內鮮味一口芝士，芝士味濃榴槤炸彈，我至愛食的，味濃而不膩，超正紫心香芋丸，香濃，芋香撲鼻天婦羅最愛一口芝士粒，食落有點像油條香氣，內是流心，香濃好味道而其他南瓜，蕃薯，蟹柳亦炸得外脆內適中，味亦正常，不會淡芝士焗帆立貝，汁香濃軟滑，帆立貝亦有嚼口彈牙，味道不錯一口蕃薯仔亦正常的味道，不會燒得過火菠蘿更是口感適中，記得吃過某些放題的菠蘿不是太硬太厚就是酸，但這鮮甜多汁，唔會乾身，厚薄適中，食多數片都沒有問題牛舌，鹹度適中且好香沙嗲墨魚丸，彈牙，本身墨魚丸已有特定的味道，加上沙嗲

今日t8放假又唔想煮飯一家同友人3人去左傳聞中好好食既日本放題雖然自己唔人達人但都成日食開咁就去啦！！有馬卡龍差d以為睇錯好正勁多甜野食有湯又有冷盤但就麻麻地唔使5分鐘新鮮刺身好味道和牛好食雖然賣相唔好蟹棒自己食左6件太好味壽c選擇唔多好可惜牛牛鍋好入味芝麻雞翼一定要食有d咸沙律醬個元貝浪費左熱辣辣牛舌必食

朋友響加國回來，想帶佢去試下香港既日本放題，睇下同加國既all you can eat有乜唔同. 於是訂咗銅鑼灣既極尚大瀛喜日本料理.一入到去我地見到好多精美既食物放響bar枱上，有我至愛既章魚燒、魷魚及一些炸物， 仲有marcaroon, 有即製frozen yoghurt bar, 好多款甜點,生菓,yoghurt, 連楊枝甘露和麵鼓湯也有.有menuA至K選擇，款式之多真係無辦法每樣都試哂. 朋友話加國既放題無咁多款式.刺身有三文魚,油甘魚,劍魚腩,虎蝦,珍寶甜蝦,帶子,北寄貝. 各樣都好新鮮、肥美. 我地覺得珍寶甜蝦好鮮甜而油甘和劍魚腩入口即溶, 甘味在口中回味無窮.和牛壽司和炙燒左囗魚裙邊令朋友驚喜，質素好高. 和牛壽司味道濃郁又香口, 炙燒左口魚裙邊加上姜絲，入口立即溶化, 忍唔住要encore兩次.迷你海膽手卷、軟殼蟹卷整得好靚, 朋友話味道好好. 海膽手卷雖然係迷你卷, 但海膽份量一點也不迷你, 紫菜包著大量新鮮既海膽.燒物點了蒜香牛舌同蒜片牛柳粒, 兩樣都整得恰好, 很入味, 加埋炸蒜片, 味道更上一層樓.燒有機菠蘿十分鮮甜可口, 食過咁多肉類後, 清

剛剛行完展覽會，同成班同事諗住食餐勁嘅！聽同事講個話呢間放題質素唔差所以今次專登嚟試吓。去到已經有好多人等位，好彩同事一早book咗位如果唔係一定無位，好嘢梗係多人食啦我明白嘅。一入到去見到啲點餐只選擇好多好興奮！食物有好多選擇炸榴槤好creamy,友人男人推介炸蝦唔太新鮮，炸皇帝蟹冇甜味仲要炸到乾乾地魚生比我想像中好，尚算新鮮，尤其是係三文魚同埋劍魚都好好味，不過啲蝦就唔係太新鮮啦個頭全部都黑色燒牛舌燒得太熟，不個調味得唔錯烏冬麵個湯底實在太清，勝在啲夠熱。燒菠蘿好正，好refreshing...!燒雞翼同埋燒鰻魚都幾好食！總結：呢個價錢有咁多選擇，大部份嘢食都幾好味，飲品選擇都好多，有日本汽水又有維他奶，但係甜品同埋沙律吧就麻麻哋啦，不過如果一大班人都算抵食，一定食飽飽先走。