極尚大瀛喜日本料理 (已結業)

早排好多野做，今日終於都搞掂晒，就同朋友去食放題獎勵下自己！我地揀咗呢間係銅鑼灣嘅放題，網上嘅評論都幾正面，價錢又合理，一於試下。一坐低就當然要叫刺身食啦～ 叫完野食，我地就去咗自助bar睇下有咩好食。熟食、冷盤同炸物嘅款式都好多，任你揀，不過就無咩遮蓋，怕唔太衛生就無食到。拎埋飲品，行咗個圈，都係決定留肚食正野同甜品！大大盤刺身到，雖然正常都會按返人數而比少啲，但睇落都幾足份量。放題必食嘅三文魚好厚身，好肥美鮮甜啊，口感唔錯。吞拿魚都好厚切，不過味道就差緊少少～甜蝦味道唔腥，又夠凍，好食～生蝦都好爽口，同埋放題比較少機會食到，幾好。北寄貝同象拔蛘都好爽口，同埋食落新鮮先係最重要！另外，叫咗啲燒物同焗豪。朋友怕焗豪會腥，先叫咗一個，點知又幾好食，加埋啲料同汁好夾，之後又再叫過。牛舌燒得啱啱好，唔會硬而咬唔到，仲好香添。雞軟骨就一般，比較硬，而唔係脆口。燒鰻魚都係翻叫之一，肉質腍得嚟都好結實，加埋燒汁，好食～之後叫咗啲天婦羅就普通，上到枱都已經腍晒。唔夠脆，點完汁更腍，味道都唔太夠。炸粉較多，有待改善～最後就一定要食甜品同乳酪啦～呢到甜品選擇真係比一般放題多，有蛋糕、布甸、馬卡龍、泡芺等