極尚大瀛喜日本料理 (已結業)

叫食物要電話QR code落單，最好帶大mon電話或者ipad更好。嚴重流單，頭一轉已經減少單嘅數目，味道一般，服務質素態度尚可，飲品款式多，雪糕選擇少，上菜速度快，收碟速度都快，整體可一不可再。

這間日式餐廳食超過無數次，次次都滿意離場，不但服務好，而且每個員工都好勤快，好似好等錢使咁值得一贊，如果所有老闆都有甘樣嘅員工就發達，最勁就係連傳菜員都好似足球前鋒，係甘衝，快，準，狠，又唔炒先服，這餐廳款色多，又有水準，老少咸宜，無論家庭朋友情侣，就算一支公，自己食都正，收費只需港元二百幾，相比其他放題，非常實惠，期待下一次再光顧

啤王老五好耐冇蒲頭，原來係閉關搬咗成年屋，XO仔見師兄就快生日就好識做地請佢食飯，等佢可以輕鬆一吓。地點由佢揀去銅鑼灣「極尚大瀛喜日本料理」食放題，明顯係要牛一啤一啤佢！由於晚市七點半前離座可享八五折優惠，好多訂咗位嘅客人五點幾已到步，店子未正式開門走廊經已排哂隊。可能見人龍太長，負責人未夠五點半就陸續俾食客就座，友善之態度及應變嘅能力更勝從前。用餐大堂極之開揚，空間感好足。兩口子被安排入座最舒適嘅卡位。餐桌上有齊備嘅餐具，但就冇咗之前厚厚嘅點菜天書。原來潮流熱店早已將落單流程電子化，只要用智能手機掃一掃個二維碼，即可快速點餸，效率高，夠環保，又可以隨時對單，這個升呢絕對值得一再加許。唔夠數據唔緊要，因食客可享免費上網服務。放題餐廳於不同方面不斷作出改進及提升，能贏取「最優秀灣仔/銅鑼灣區開飯熱店」之榮譽確真實至名歸！電子落單項目主要為最受歡迎嘅刺身、壽司、串燒、炸物、鍋物、一品料理等等，廚房入面嘅師傅仔真係忙個不停架！大多食物即點即煮，製作需時，故店子中央亦設有自助區，擺放沙律、開胃前菜、送酒小食、熱湯等等，方便食客可以食住等。任飲項目選擇都唔弱架，除咗有凍熱茶水、紙包及罐裝果汁、汽

今日收早，朋友提議食放題，於是係openrice睇下邊間推介之後就決定試下呢間極尚大灜喜～唔知係我太耐冇食放題定係點，而加原來用wechat掃一掃個qr code就可以落單，方便得黎又好環保！刺身種類唔多，但最想食既野都有E.g. 三文魚、油甘魚、象拔蚌、甜蝦、北寄貝等刺身好新鮮，件件都好大件而且好鮮甜牛舌唔係好薄個款，係厚身但又唔會燒到Un大家可以放心叫，好食炸物方面我中意食佢個芝士年糕好中意食個種外脆入面煙韌既感覺而且每咬一啖都有芝士係入面，雖然邪惡度100分但非常好食，大推！另外仲有樣野不得不提，係熟食區，有好多意想不到既野食...炸魚皮、沙律吧、炆牛腩同我最愛既雞煲！啲雞好惹味而且好大舊，我自己都食左好多，推介！中意飲酒既朋友可以試下佢啲清酒/梅酒，我見好多人都出去斟同行朋友都有飲到 如果怕太烈都可以自己加水/茶落去 都唔錯架～唔好酒精類飲品嘅朋友都唔怕 有大量樽裝茶/汽水飲 唔需要擔心！

環境4分：放題餐廳地方好大，坐卡位唔迫，張枱都算大，可以畀四分。衛生5分：地方都打掃得好乾淨，又有任用紙巾，杯，筷子同匙羮。自助飲品區有各種汽水，綠茶，紅茶，啤酒，果汁，大部份獨立包裝好企理。出面有沙律，熱盤，湯，甜品，任攞唔嬲，衛生好好可以畀五分。服務5分：手機落單又快又準又環保，夥記送餐收碟換骨桶都算快，服務一樣可以畀五分。味道5分：1) Ｄ刺身枱枱都係成隻船咁上，虎蝦，俄羅斯甜蝦，珍寶大赤蝦全部都好爽好甜好滑，三文魚同油甘魚好肥好鮮，乾冰效果令到視覺同味覺都滿分。2)  兩隻海膽醬黃金蝦壽司好濃味又爽口，池魚壽司就好鮮。3)  鰻魚燒到好香，呢個一定要encore。4)  比目魚原塊上枱，食落甘香，Ｄ皮仲有少少脆。5)   羊架Ｄ肉非常之淋，又有肉汁。6)  芝麻雞翼冇得輸，因為好香脆，熱氣都要食多幾隻。7)  蘆筍炒珊瑚蚌好脆好嘢味。8)  自助沙律Ｄ生菜好鮮脆，相睇唔到，但生菜下面Ｄ粟米粒同蟹柳絲同青瓜絲，又甜又脆。9)   中華沙律，八爪魚，海蜇絲好清涼好香辣。10) 鮑汁花膠好似成梳翅咁淋同滑，唔encore對唔住自己。11) 燒菠蘿帶有少少酸味，飯後食可幫助消化。抵食5

一直都好中意食極尚大瀛喜，覺得質素唔錯，尤其lunch time cp值高。今次就同朋友去食銅鑼灣極尚大瀛喜。用手機apps 落單好方便，中意叫咩即刻叫到唔洗舉手等人埋黎。等野食嘅同時就去左拎甜品。 馬卡龍有好多種口味，脆身唔會太硬，味道都唔錯。叫左嘅壽司同刺身好快就到！花之戀壽司好食！三文魚好肥美，仲有好多魚籽。另一款非常推薦嘅就係鵝肝帶子壽司。鵝肝肥美嘅油脂配上鮮甜偏淡嘅帶子，好味！醬燒三文魚壽司都好食，三文魚嘅油脂加上沙律醬同蔥，好味！蒜香牛油燒牛肉壽司都ok，如果牛肉厚身d就更好。黑松露系列嘅壽司就一直表現唔錯！中意食黑松露嘅朋友記得要食！熟食方面，羊扒份量十足，大大舊，有肉汁。燒物方面，最推薦嘅係燒菠蘿！燒菠蘿好甜好juicy ! 好食！燒雞軟骨都唔錯! 同行嘅朋友最有食榴櫣炸彈添，我冇食都閒到好大陣榴櫣味，好足料！食完主食梗係要再食甜品啦，食返個yogurt 解解膩，正！

為食嘅兩口子 慶祝紀念日就當然要食下放題啦今次就試下極尚大瀛喜有別於其他放題 呢度係用WeChat落單 好過一張張紙咁落 確實係比較環保選擇都算多 除左可以落單點嘅之外出面都有啲熱食凍食可以自己夾～最先上台嘅就係最期待嘅刺身拼盤兩口子嗌得唔多 三文魚 油甘魚 赤蝦 帆立貝塊塊都算厚切 而且都幾新鮮～正呀！熱食之中最喜歡就係牛舌燒得好香口 粒粒黑椒吊起哂肉味 完全值得不斷encore～同男朋友仔黎都唔怕 又有烏冬又有鍋物 絕對夠哂飽！甜品之中 最欣賞就係炸鮮奶（下圖右邊） 好濃味 外層香脆入面幼滑仲有杯裝雪糕 雪條 同雪米滋揀添～

極尚大瀛喜不嬲都好高質，今次就黎試下銅鑼灣嘅極尚大瀛喜。呢到用apps 落單，都好簡單，而且好方便。上菜速度都好快！刺身壽司方面一如既往高質，新鮮肥美。帶子就特別鮮甜彈牙。 壽司種類繁多，而且係一般放題少見d嘅種類。海膽蝦壽司好食！熱食方面，最中意就係花膠同牛舌！花膠大大舊，煮都好軟食而且好入味。d大白菜吸曬d 汁都好好食。牛舌燒得剛剛好，外面微脆，入面嫩身仲有肉汁添。記得加少少檸檬汁就冇咁膩，正！呢到飲品種類非常多，滿滿3個雪櫃，仲有清酒，梅酒飲。食到飽飽濟濟仲可以飲返杯熱茶，又可以再戰！甜品種類都好多！仲中意食yogurt 同馬卡龍。馬卡龍有多種口味，eg 咖啡，芝麻，檸檬，士多啤梨，都好脆口，不過就甜左d。而且仲有好多種類嘅蛋糖同軟糖。而且仲有時令生果，正！想食放題嘅朋友記得一試！

預計自己下晝要出席幾個鐘既”港島行”緊係之前要對自己好啲：食餐好啦！上openrice見好多人都推介呢間放題而且價錢一啲都唔貴值得同一班朋友黎試試。星期日中午去到唔覺好多人，可能地方大所以唔多覺，就算係只有兩個人都可以坐四人臺。我自己唔太食魚生所以叫左唔少熟食。串燒雞軟骨同牛舌都好食，土匪雞翼同喺X哥果度食一樣，如果係天婦羅既會推介炸南瓜，仲有炸鮮奶，唔會太甜而且外脆內軟。熟食我覺得最正係鮑汁燴花膠，雖然唔知係咪真係用鮑汁燴，但舊花膠真係又淋又滑又入味，最後我地每人都叫左一小碗黎食。壽司刺身我唔太特別好，所以只係試左火灸壽司，無論係三文魚定左口魚都好好食，經火炙後油脂出哂黎，非常鮮味，連平時唔係火灸既朋友都食埋一份。食到開始滯就點左燒菠蘿同牛油粟米，比起出面既都算唔錯。呢度仲有好多唔同種類既飲品可以揀，我地仲試左梅洒同熱清酒，個個飲到面都紅哂。雪糕雪條雖然冇咩大牌子，但都好食，玄米茶味雪糕大推！本身對放題冇咩太大期待但呢度既真心唔錯。

過左咁辛勞既五月勞動月，梗係要食番d好野慰勞下自己，番左半日工，決定去附近既大灜喜食放題開心下！😆我要表揚佢無紙下單既方法，scan QR Code 就可以落order, 減少使用紙張，十分環保👍👍👍因為之前新聞話魚生有蟲，都怕怕地，但唔緊要，還有我最愛既北寄貝，榮螺，鮑片，甜蝦做頭盤， 之後就試左燒雞軟骨串，熱辣辣，好正吖！仲有燒蝦，牛舌都好好味！另一極力推薦係黎度既「榴槤波波」！鐘意食榴槤既人真係會不停encore, 出面炸到熱辣辣，裹面係榴槤流心黎ga! 熱到出晒煙，十級正！另外有一種食物令我十分驚喜，就係黑松露野菇，外表平凡既佢，估唔到咁好食，好好味！除左點餐既食物外，出面自取既食物都好多選擇，炸燒賣，辣酒煮花螺，炸薯餅，冷盤爪，八爪魚，螺肉等，質素都好高！而飲品既選擇都包蘿萬有，涷酒，茶，汽水，韓國既果汁及熱茶都有，一定有款適合你！食左3個鐘後，飽到連晚都唔使食！勁滿足既一餐

今日去咗銅鑼灣同朋友食放題 lunch時段 人流都算多 一黎就叫咗刺身先 呢排都避免食咁多魚生 唯有叫多少少貝殼類原來而家啲放題都改咗做電子落單， scan qr code就可以落單啦，唔知係咪就可以改善漏單一既情況呢除左食刺身的之外我哋都有嗌其他串燒小食炸物等 番薯仔牛舌都好好食 仲有避風塘魷魚鬚都勁惹味另一方面 我都幾鍾意佢出面有一啲自助式嘅嘢食 例如甜品沙律 前菜等等 沙律菜都幾新鮮加上有好多唔同嘅醬汁畀你選擇甜 仲有芝士撻，細細個唔怕漏而飲品方面 有酒類有果汁類紙包等 茶葉類都有樽裝同埋普通嘅熱茶 雪糕種類都不少 選擇困難症既你就要辛苦d啦

好似好耐無食過放題，所以星期日同女朋友黎左銅鑼灣呢間極尚大瀛喜食午市放題，食既野同晚市一樣，但價錢平好多，188加1。一坐低職員就比左張QR code我地，原來係電子落單，好處除左環保，仲可以check住叫左咩野食，咁就唔怕漏單或叫多左。出去行個圈，都有唔少熟食，但都係留返個肚好d。午市除左平，仲有一個好處，就係上菜快。行個圈返黎，刺身就到左喇。三文魚好肥美，油甘魚，八爪魚，北寄貝都非常新鮮，略點醬油已經很好味。牛舌燒得稍為乾左點，但調味岩岩好，唔係死鹹。芝士鰻魚玉子燒，配搭又幾夾。香蔥鵝肝帶子，鵝肝再大舊點就好，帶子都新鮮。蒜辣炒生蠔，避風塘炒魷魚鬚，惹味配啤酒一流。三文魚子/海膽手卷，魚子卜卜脆，海膽鮮甜無腥味。最後食到咁上下，出去拎雪糕食，好多選擇。試左本地生產既海鹽味雪糕，鹹既雪糕，幾特別。第一次食午市放題，價錢平，又可以食足3個鐘，非常抵食，下次會帶多d朋友再encore。

呢度真係抵食又好味通常放題都係用劣食嚟堆砌魚生壽司係新鮮但係熟食就好難食但係呢度唔會竟然畀我見到有土匪雞翼out of curiosity 叫咗兩隻嚟食我同朋友都覺得好好味我覺得下次應該先叫 刺身壽司先因為如果一次過叫曬成枱嘢熟食都凍曬啦而且一次過叫曬好易浪費食物呢度嘅魚生壽司梗係好啦佢好多嘢都加埋黑松露喺入面但係我覺得佢個 避風塘魷魚鬚油咗啲又太大碟燒牛舌燒得啱啱好但係冇乜嘢醃料好似冇乜味如果佢畀啲鹽我就好啦同埋燒雞軟骨都係冇乜味炒雜菇黑松露個味道真係幾夾一定會返嚟食

同朋友補祝生日，揀左極尚大灜喜，之前食過其他分店最鍾意佢價錢平選擇多而家壽司細細件，可以試多好多款。今日嚟到銅鑼灣分店。食兩個鐘，星期一至四7：30前離座$238八折，折左價錢同元朗分店差不多。上年食仲係用緊呢啲點心紙，當時都覺得好唔環保。今次嚟到已經轉左手機落單喇👍👍👍慳返好多紙張，職員又易睇啲，值得欣賞！食物嚟到之前出去行左轉自助區，都好多款式揀，有沙律吧，又有炸物，連炸魚皮都有。另外仲有幾款卷物同壽司。揀左個辣炒蜆幾好食。刺身全部都好鮮甜，最鍾意大虎蝦刺身同希靈魚。壽司依舊係一口size，呢個絕對係賣點，可以試多好多款唔同味。壽司味道整體不過不失。有啲燒物，菠蘿同蕃薯仔都好甜👍其中好鍾意呢個黑松露炒休菌，炒得好香又唔會過油😋同埋個羊架都好正，肉質又香又嫩。最後飲左碗花膠藥材湯，好足料，味道唔錯。同要左杯清酒。印象中之前冇試過其他放題店可以任湛清酒，哈哈，感覺又抵左。今次放題整體依舊覺得抵食，但款式上感覺少左，不過以咁嘅價錢嚟講，食物款式量真係已經好足夠！！

多人食放題就最好啦一早預訂左7:00-9:006:45黎到都一早留左位俾我啦一坐低就有個好好既待應話俾我地聽電話落單出面有小食/雪糕/飲品可以食當然識食就梗係叫左魚生先啦叫完出去拎野食拎左啲章魚燒、芝士撻、海蜇、沙律一返到黎魚生已經到啦 除左魚生刺身我地仲叫左好多小食 其中我覺得芝士年糕係必推另外雞翼都係非常唔錯佢仲有水果 包括荔枝同燒菠蘿而甜品亦都有超多款有韓國Melon雪條、大腳板、杯裝雪糕等等好多店多數都係haagen daz幾隻味我無諗到呢到係有接近10款牌子味道揀好多店野飲都係得一個雪櫃 但係佢係3-4個雪櫃值得一推 下次一定會再食過