極尚大瀛喜日本料理 (已結業)

銅鑼灣午餐消費不嬲價錢幾高，難得朋友搵到一間小食任食、還有刺身正餐，而價錢亦都只是50至60幾蚊，簡直無得輸 一入餐廳有消毒酒精和密實袋畀你包住口罩，這個值得一讚，其次小食方面有泡菜餃子、章魚丸、螺肉、中華沙律等等前菜無限添加，仲有甜品豆腐花、糖水啫喱可以畀你揀，飲品方面亦都有蘋果白桃茶，樽裝或者杯裝飲品給你選擇，一共有八種到，正餐方面有刺身，亦都有海鮮丼或者有炸豬扒飯等等任君選擇，座位都十分舒適，值得大家推介，還有可以使用信用卡，如果儲分都可以

極尚大瀛喜我已經幫襯左好多好多次，佢嘅中午放題簡直係超水準，係同區食過咁多間日式放題，呢一間係最好嘅❤️首先，佢嘅食物種類非常多，大家食日式放題主要都係食刺身，佢嘅中午放題，刺身就有帶子、三文魚、蝦都有好多唔同款，希靈魚、白玉豚......仲有好多不能盡錄，而且都非常新鮮，唔會將貨就價，另外有海膽手卷，黑松露壽司卷，呢啲貴價食品，中午放題好多間都冇，佢嘅熟食，種類更加係非常之多，燒羊架好野味，炒牛肉粒好入味，仲有燒牛舌，全部係我嘅至愛，仲有細細粒嘅燒日本番薯，榴槤炸彈，香芋丸......全部係超級好食😋😋😋另外飲品可以任飲，我最鍾意嘅忌廉溝鮮奶都有，加分🥰🥰🥰雪糕牌子比較普通，但亦有榴槤味嘅雪條，同埋自家製嘅抹茶糯米糍，都好好味😋埋單一個人二百幾蚊，有如此高質素嘅放題，真係超值😃

以前每隔一個月都會食一次，因為食日本野癮起，就一定會想到嚟大瀛喜！不過，因為肺炎疫情影響下，餐廳生意差咗好多，中午放題只有三四枱客，但係餐廳質素真係差咗好多！午市放題$198 +1刺身方面：三文魚一般質素，薄切，紅鯛魚，油甘魚一般甜蝦好普通，細细隻虎蝦，大赤蝦，名不如其名👎🏻超细隻，冇味👎🏻壽司：唔錯👍🏻好味👍🏻燒物：牛舌好un👎🏻，菠蘿好甜好食👍🏻羊架👍🏻雞軟骨好咸好乾好細粒👎🏻士匪雞翼好咸好乾👎🏻炸物：雞翼好咸👎🏻天婦好厚粉漿炸👎🏻甜品：不知所謂，垃圾👎🏻以前覺得最好味的奶凍，而家好甜👎🏻無奶香👎🏻成陣香精味👎🏻比佢哋伏到一個點，其他完全唔想食！真係好少寫食評，原因對佢哋太失望😞總結：唔會有下次，可以在收藏中除名！

呢間日式放題已經嚟過好多次因為相比同類形放題夠平 啱晒同一大班朋友出嚟聚腳呢間位於銅鑼灣廣場嘅放題 平日人流唔多因為附近都有好多同類型嘅日式放題我嗰日去嘅時候7:00開始食到9:00 提前半個鐘last order 可能係星期三平日嘅關係當晚人流唔算多 但係出去拎嘢食條路都係好窄 啲人棋晒喺條路拎雪糕 根本行唔到 條路僅僅一個身位咁闊而燈光亦都偏暗 座位幾乎都係卡位 同埋c型嘅枱面 環境方面一般般坐低之後可以用QR code點餐 比起以前字典咁大本點餐紙慢慢搵 來得方便食物方面 主要有壽司軍艦炸物天婦羅串燒同埋一啲其他日式放題有嘅嘢其中個人認為最好食嘅莫過於牛舌同芝麻雞翼牛舌唔會太韌 𡁻唔爛嗰隻 反而係有牛味之餘又有少少咬口 芝麻雞翼唔會炸到乾晒 十分juicy之後叫咗一堆刺身 整體來講刺身都中規中矩冇咩特別 不過有個鮑魚片應該係假鮑之餘 仲要勁甜完全食唔落口飲品方面 嗰度嘅飲品選擇都幾多 除咗一般嘅汽水茶之外 仲有梅酒清酒 甜品嗰度冇咩特別 雪糕都係一啲平價嘅牌子成個用餐體驗最大問題就係漏單 呢個情況仲要係十分嚴重 但係作為一間收+1嘅餐廳咁基本嘅服務都提供唔到 真係有啲唔掂 要顧

事先查詢過是香港比較有名的一家放題 就提前預約了位置過來吃 刺身蠻新鮮 小菜烤物也一應俱全 還有零食跟冷飲 店主很大方價格看來真的性價比超級高 在日料店點完全不止這個價錢 是很不錯的一家放題

近排食放題真係食得有啲多，冇計朋友生日個個都話想食放題，唯有捨命陪君子，之後再減肥啦今次朋友揀咗極上大瀛喜去慶祝生日，好耐之前好似食過一次，不過都冇乜印象<晚市放題$248>晚市放題加埋一都係$300一個左右，其實日本野咁食法真係幾抵魚生都叫做幾多選擇，同埋幾新鮮，上菜速度都算好快返以前放題都係用畫紙嘅，但係而家就變咗用Apps點菜，感覺上漏單嘅頻率低左好多，算係幾進步特別想讚下羊㗎同埋芝麻雞翼，燒到香噴噴又脆又熱，真係好正甜品選擇都好多仲有Fatbrown 最鍾意食嘅榴槤雪條最後都食左兩三枝先走

嚟到餐廳差唔多12點3左右，仲未到lunch時間，所以暫時人數不多，坐低就發現呢個餐廳係用QR code去點食物的，都幾環保呢出咗去自助區看下有咩嘢可拎嚟食，食物款式不算多也不算少，有兩個甜品櫃係裝細細件嘅蛋糕，啫喱，泡芙，豆腐花等等，熟食有芝士焗西蘭花，章魚丸，薯角，炸魚皮等，還有沙律區，水果都有數款選擇，仲有糖果比小朋友食添，飲品櫃：超級多款式，有盒裝飲品，罐裝飲品，橙汁，蘋果汁，啤酒類，同埋仲有梅酒，清酒呀，我都拎咗1杯梅酒飲，都幾好飲呀，仲有一個雪糕櫃，裏面雪糕雪條款式就普通款式，類似士多嘅類型而我喺QR code度點咗d串燒雞腎，燒蝦，炸雞翼，壽司主要我都係點咗三文魚，迷你海膽手卷（真係超級迷你）,刺身方面就北寄貝，油甘魚等等，質素放題嚟講都係差唔多，價錢220左右屬於正常👍

經過呢頭入去試下，呢間放題既食物選擇不多，其中刺身既質素較高，幾新鮮，屬於中上，另外值得推薦既係任飲清酒梅酒，配埋燒烤類食品幾唔錯。如果只係想飲酒聚會可以揀宵夜時段先過黎，都係唔錯既選擇。不過如果係想食好多種類好野既人就可能會失望。

唔知點解人大左對於餐廳環境要求都幾高食完極上大迎喜先發現自己唔係咁鍾意食放題係因為位置座位比較迫餐具又抹唔乾燈光好暗食物方面客人可以去出面夾前菜不過原來只係中華沙律 泡菜 之類魚生係食極都有三文魚腩算係新鮮不過熟食質素麻麻唔算太突出炸物方面喺炸芋頭 炸芝士年糕最好食有一個位可以讚嘅係佢哋嘅雪條係韓國製造入口蜜瓜味超級好食總之留肚唔食咁多壽司⋯⋯飲品好多選擇最好緊係飲解茶 食咁多熱氣肥膩野飲完有助消化呀嘛～～～

$78可以食到半放題?!  你無睇錯，係真架，因為我食過!  就係呢間午市有半放題，出面自助區提供沙律吧，日式前菜 (中華沙律/螺肉/支豆等)，韓式泡菜，蘿蔔，港式小食如鹵水鷄翼，炸蝦餅，粟米蟹柳羹等仲有甜品如豆腐花，精緻甜點，糖果等!多款主食選擇，未食主食其實已經飽左一半，主食可選雙併，最"抵食"應該係選刺身拼盤為其中之一大路種類，每款2片，擺盤唔馬虎呀，蝦隻鮮甜另外再拼呢碗雜菌野菜烏冬，相當大碗，烏冬都幾煙韌，味道唔錯!無加一，埋單真係每人$78，仲包一罐飲品，真係抵到一個點.................

Lunch放題超高質！一坐低就放低左個QR code俾我地可以電話落單，好環保好方便，仲要冇乜點漏過單 👍🏻特別推介係燒饅魚。嘩! 平時日本餐廳叫個鰻魚飯得5-6舊賣舊幾水，呢度俾$200加一 $220 就可以任食，下次可約埋FD黎呢度齋食鰻魚 😂 天婦羅都好正呀，特別欣賞蝦同蟹柳，炸鮮奶都勁好味，100分 😍肉方面呢，牛舌同羊架係必食，熱辣辣，又夠調味，juicy! 刺身唔使講，一睇相就知佢冇慳住俾，魚生大大塊，甜蝦大大隻。好甜好新鮮。芝麻雞翼係炸雞翼，漲卜卜，好脆炸得好好。甜品老實講係麻麻地，但有好多唔同色既馬卡龍，食落唔多甜，拎黎打卡影相都好好呀! 😙值得一提閒日午市有個後生仔好靚仔，韓仔style，服務態度超好又好笑容，大家可以去偶遇下佢 🤣

好耐冇食過放題啦!左揀右揀，揀左呢間多人食，位置便利，而又價錢合理嘅極尚大喜屋。放題既好處係有熟食同生野比你揀，而且每次order都可以一件件咁叫，等你可以試咗好食先大量叫。當日我都係用呢個策略，第一round試左好多!野，等我highlight返我覺得好食嘅比大家參考下先。食放題唔食刺身好似好難回本，就算唔太好生野嘅我都點左少少。 我覺得佢嘅刺身都幾新鮮，佢用咗好多冰墊係底，所以啲刺身好冰凍，一d都唔腥。其中，我最鐘意就係佢嘅蜜汁鮑片，佢甜甜地同好林身，我覺得好好食。手卷方面，我最鐘意係佢嘅海膽手卷! 海膽好creamy冇腥味。飯同紫菜分量都岩岩好，唔會太多，填飽晒個肚😀壽司方面，我不嬲都好鐘意食三文魚，佢有兩三款唔同嘅三文魚，有普通嘅有磯燒嘅有蔥花擺面嘅，我食左普通同磯燒嘅，都幾好食，有三文魚油香味。佢全部壽司都細細件，等你可以食多d唔同款😋食埋串燒加唔同類型嘅燒肉後，緊係要食雪糕去做一個完美嘅總結啦，佢有好多種雪糕，我揀咗最穩陣嘅Mega Cookies and Cream味，好味好開😊😊😊

第一次食放題用手機落單，其實係幾方便，當然都唔好係咁嗌，又食唔晒啦。小食好多選擇，可以直接出去拎，唔洗落單，好似帶子裙邊丫，螺肉丫，鳳爪，湯，雪糕，軟糖，沙律，小龍包都係自己拎既。其他都係用手機下載app落單既，數量都足嫁，冇話多左少左，依樣唔錯丫刺身全部都好新鮮夠凍，厚薄岩岩好，壽司都值得讚，因為佢細細件，唔會太飽花膠都有得食，夠厚。天婦羅就差少少，炸得唔夠耐，可以好d。仲有d炸鮮奶，香芋丸，榴蓮炸彈，但我就唔食既，d朋友都食到lam lam脷雪糕佢款式都好多，有沖繩海鹽，榴蓮，糯米池，好多唔同既野食，一定有樣岩你。野飲又係，連枝裝都有，勁，真係要嘜有嘜，我個人係覺得可以再食既，但當然環境丫，服務你唔好諗到高級食店咁，冇咩可能嫁啦，但就唔差既，不過不失，處理落單都唔會求其話知你

本人好鍾意食放題，可以滿足我無限order嘅慾望。今日食咗極尚大瀛喜，二百零蚊一個人非常抵! 我鍾意食熟嘢多啲，叫咗好多串燒、燒物、手卷同壽司 。燒牛脷、燒蝦、芝士焗蠔、芝士焗扇貝、 芝麻雞翼、炸豆腐、牛肉壽司等等，全部都幾好食!燒牛脷係牛脷心個位置，咬樂唔會un，爽爽地。燒蝦肉唔會霉，而且幾大隻。芝士焗蠔真係有粒大概手指公咁大粒嘅蠔肉。芝麻雞翼新鮮炸起，脆loklok。炸豆腐嘅皮唔厚粉。牛肉壽司塊肉燒得剛剛好，唔會過熟。雪糕令我超驚喜，佢個海鹽味嘅雪糕係鹹鹹地又甜甜地，兩樣味道中和一齊幾夾、幾好味。佢有好多卡位，座位都幾寬闊。落單上菜速度快，waiter收碟嘅速度都好高!整體嚟講，service同埋環境係呢個價錢嚟講絕對ok。要讚一讚㗎係而家落單全自動化，會用q r code掃描入去佢個system度落order。環保啲，唔使嘥紙。同埋我落嘅單全部都冇漏。

好耐冇食過放題，諗住是但係Openrice睇下見呢間幾多好評就黎幫襯下一打去book位個職員態度已經唔係咁好兩個人坐低 張枱細到喊 放兩三盤野食已經冇位 啲碟仲要好耐疊到兩三層先有人收 啲待應仲要態度好差 明知張枱冇位放 係求其推開啲位 或者直接比你就走左人野食方面 係 差！差！差！食放題最重要係刺身 但係我想講全部刺身味道都好淡 冇鮮味 勁失望而抄熱食方面 味道係好咸 例如牛柳粒 同 抄魷魚絲 要飲好多飲品先解到渴而且食品選擇小到爆 價錢方面同區可以揀到第二間更多好既放題真心真心建議大家唔好食呢間野兩個字黎形容 垃__！以後永不幫襯