極尚大瀛喜日本料理 (已結業)

出開黎銅鑼灣，行完街去搵野食位於銅鑼灣廣場2 十一樓啲放題，就好快醫飽我依隻餓鬼食野最緊要講質素，我點左依度特有啲木瓜桃膠燉鮮奶，濃濃啲奶味又補又滋養食放題當然唔少得有刺身啦，我同友人狂風掃落葉咁點左甜蝦啦，日本甘魚刺身啦，北海道帶子刺身啦，翡翠螺刺身啦好快地，一大盤新鮮啲滿滿的送來，好甜好凍好鮮味呀，真系食到停唔到口最最最要推介啲系燒有機新鮮菠蘿，甜甜的入口超開胃，美食仲有牛舌，酒煮榮螺片，都好超香口，食過番尋味的而鵝肝帶子就high class得黎又入口即溶，哈，真系筆墨難以形容咁好味整體來說，下單速度快，仲有外面任食任攞啲飲品，放題服務一流下次同朋友聚腳會再去唷!

今日約咗同事去銅鑼灣食lunch襯老闆放假好放肆咁去咗食放題一去到行緊埋個位嗰陣已經見到好多自助嘅嘢食同埋嘢飲一去到都可以拎定嘢飲先！坐埋位之後佢就會比張飛你scan個QR codescan完就去咗個餐牌度 開始點嘢食喇本身lunch Time過嚟食放題會驚唔夠時間但係呢間店完全唔會有呢個問題因為佢上菜上得好快 好快就見到我哋第一盤刺身啊刺身就一定要介紹呢一隻甜蝦！！佢係超大隻口感好爽！所以我哋下幾蚊都帶咗呢一隻蝦！推介！放題另一個重點就係海膽手卷佢個海膽份量都幾多喎

成日心思思想放肆咁食餐好既，約埋同事lunch去左食日式放題，causeway bay呢個放題好近地鐵站好方便。我地一早book左枱，一去到就有位坐。呢間放題既沙律、飲品同甜品都係自己係出面拎。飲品既種類有好多選擇。沙律吧有中華沙律、螺肉等等既冷盤。點菜用wechat或者一個唔知咩apps, 掃個QR code點，環保又快捷。第一round指定動作要叫一堆刺身啦～D甜蝦好大隻，好鮮甜，係我最欣賞既刺身。油甘魚都不俗。壽司係細細件，唔駛驚好快俾飯塞飽左。海膽手卷，一啖一口花之戀都係一口一啖😛熱食都唔錯，都熱辣辣，份量唔少。叫左羊鞅、雞翼、清酒蜆、炸榴連、牛舌、炒野菜等等，全部都唔錯。最後要食埋個甜品先大滿足。榴連雪條，好味道一讚呢仲度上菜同收碟速度都好快手👍🏻

今日同朋友一齊去食放題 喺銅鑼灣呢間放題有好多朋友以前都食過好正！最近再食都保持到質素，唔錯一去到就自己拎，食咗啲芝士撻 好濃郁嘅芝士味 廣島蠔係必食嘅！每一次都會每人食幾隻 佢啲鰻魚都好出色 除咗芝士撻仲有辣味薯角、章魚小丸子、炸蝦餅。值得一讚自己落單用QR code好方便，同朋友一齊食分開落又得！我地就緊係食刺身先，食咗油甘魚、三文魚、帶子、玉子、鮑魚片，全部都好新鮮，仲叫咗兩次！然後就係叫燒物，有我最愛嘅榴槤炸彈，一定會食幾舊，仲有燒菠蘿、甜番薯仔，之後仲有蒜燒海蝦、牛舌，蟹肉天婦羅、蝦天婦羅、南瓜天婦羅，好多野食可以揀！嘢飲都有好多選擇有冬瓜茶、荔枝茶，解茶同埋䑎解茶。仲有燒酒、清酒同埋梅酒，我隻隻都試哂，最鍾意飲係梅酒 因為佢酸酸甜甜、好開胃。當中最好食海膽手卷、芝士鰻魚玉子燒、芝麻雞翼、蟹粥、桃膠燉木瓜甜品。雪糕就有幾隻味，紅豆、綠茶味糯米滋仔，玄米茶、波子汽水味雪糕。

今日約左好耐冇見既朋友出黎聚下～行下shopping下行左一陣大家都開始有d肚餓～又想食日本嘢wo～經過銅鑼灣二期個陣見到有放題食好吸引ah～所以就二話不說入左去食lu可能因為個陣仲係5:30都有d早～都唔算太多人～而d staff都好好 見到我地5個人仲比左兩張枱我地添等我地可以坐得舒服d跟住我地見個到係用QRcode黎點嘢食！所以好方便！！！！我地可以同時一齊點嘢食！！！ 我地點完之後見嘢食未黎～就出左去自助bar拎左d小食試下～令我最難忘就係我脆薯角la因為賣相都尚可～但食落口仲熱辣辣！脆脆地～仲有d辣粉係面～好開胃跟住就到d主角出場la！！！！一黎就係刺身盤la佢d帶子唔算細粒～又唔算太簿～好好味而佢既炸物同熟食我都比好高分！因為份量都足夠我地食～而且炸物食落都唔覺佢沾左好多粉～都唔算太熱氣～仲有仲有～～～我發覺個度真係勁多飲品！仲有燒酒任飲！搞到我地都忍唔住飲左幾杯下次可以再去食多次！！！

同同事去食依間lunch，發現而家lunch好抵食，點解會咁講呢。店員會問你食放題定定食，咁我地lunch hour得1個鐘，當然定食就算啦。原來佢既前菜小食你可以任拎任食，依佢收個價錢都係你叫定食既價錢炸!以下就定食既餐牌同價錢，你會見到都係around $50-$80到，但佢包埋甜品野飲小食所有野。好，咁講返d野食先，小食就有各種各類既，但我冇影到，不過好食個d我就有影到我就拎左中華沙津，泡菜，炸薯條，仲有豉油雞翼，但我想講如果你係鍾意食雞翼你係會停唔到，我未食個定食都已經食左6隻haha，依d野食就冇乜好評論，只係普通既菜式。首先我叫左個極尚海鮮丼拼炸物，但個飯太酸，而且d魚生食落都唔得完全食得出個味道係水準以下，不過$52依個價錢可以食咁多都算係咁。

見咁耐無食放題，朋友又生日，所以就約埋成班人一齊去放縱一下。我地都幾鐘意食依一間，覺得食物款式多，而且有酒飲。一去到見到啲小食已經忍吾住夾咗幾舊，有蟹鉗、章魚燒、芝士鐽、辣味薯角，真係幾吸引。個蟹鉗好彈牙，即刻食多咗一個，而個芝士鐽都好重芝士味。我地今次終於無瘋狂叫魚生，但個鮑片真係幾入味，虎蝦都好新鮮，加埋必點既生蝦汁真係勁夾。帶子都幾新鮮，係我地清得快既其中一樣。芝麻雞翼真係必叫，賣相好吸引而且仲有好多芝麻係雞翼上面，入啲啲雞肉都好入味。焗芝士蠔係另一樣大熱，外面好多芝士，啲蠔都好肥美，厚肉，不過吾可以食好多，吾係會太濟🤣燒牛柳粒都好入味，而且啲牛肉粒仲一啲都吾硬，岩岩好呀。除咗熟食，仲有好多甜品包括乳酪、豆腐花、Tiramisu、焦糖燉蛋等。仲有清酒、梅酒、西柚味清酒，真係好特別。

這間放題是我的一向首選，除了食物質素高、刺身新鮮外，我非常欣賞食店坐位寬敞，而且店員非常有禮貌。飲飲食食當中，我最睇重食肆的服務和店員的質素，因為這兩項元素十分影響食客的心情。眼見這間食店服務殷勤主動，清碟快，對客人有禮貌，所以在我心中大大加了好多分。好了，講講食物，食物種類很多，而且質素高而好抵食，有花膠又有鮑魚，好抵食。而且留意係午飯時段都有，非常之好！刺身新鮮美味，任食！蒜蓉蝦同燒鰻魚非常吸引。黃金翅真係有隻鮑魚俾你食。芝麻雞翼必食。成碗花膠 任食章魚丸波波，好開心。（Sorry, 我掛住食，這幅相我影得唔好）燒牛舌真心推介，我第一次飲，好好味！我飲左幾鑵。羊鞍又係必食之選。嘩嘩嘩，任食豆腐花。

前幾日朋友生日，我地一班5個發現大家都好耐無去食放題，就打算一齊去食番次順便可以慶祝生日！平時放題多數都會落單先有野食，餐廳好貼心係餐廳中間設置左一個自助區，有大大小小嘅小食可以比你拎左醫下肚仔先，例如有小蛋撻，炸蟹鉗，薯角等，大家落單叫其仔野食之前可以食下呢啲當開胃菜！講到放題，當然離唔開刺身啦，餐廳都有好多款式嘅剌身比你揀，我地叫左大眾少少嘅三文魚，鮑片，北寄貝，生蝦等。刺身食落好新鮮，唔會有腥味。提提大家，可以問職員拎泰式生蝦醬，食生蝦更正！值得推介重有呢個燒廣島蠔同燒鰻魚，兩樣都唔會燒得太老，岩岩好，好食！串燒方面我地都叫左唔少，希望盡量試！有蝦，牛舌，小蕃薯，菠蘿，雞軟骨。值得推介係個牛舌，餐廳用比較厚身嘅牛舌，更有咬口！如果用少少檸檬汁味道會更好！炸物方面，炸皇帝蟹棒，炸芋頭，蝦餅，芝麻雞翼等都好好食！尤其係芋頭，因為我係芋頭愛好者，餐廳炸得岩岩好，好好食！最後當然食番個甜品先走啦！餐廳提供各式各樣嘅雪糕雪條，比較特別嘅有沖繩海鹽味！好好味！

已經好耐冇食過放題啦，今日約左成班朋友一齊食，特別開心。因為大家重放緊假，就食5點半個round，估吾到平日都幾多人，好彩book定左。依家食放題真係好先進，用qr code就可以點食物，吾似以前要用紙點，依家環保好多。淨係食魚生，我地都叫左2-3round。三文魚切得夠厚，食落有口感，帶子、甜蝦亦鮮甜，而我最鐘意係食油甘魚，油脂均勻。之後叫左海膽手卷，好彩一d都吾腥，重幾甜，細細件，吾會好飽。食左魚生刺生，緊係要食炸物啦。我最鐘意就係食芝麻雞翼，炸得好香口，肉質又嫩，又入味，好好食。而炸蝦餅都吾錯，啖啖料。牛舌燒得好香，吾會硬，岩岩好，一口一啖，點夠呀，緊係要再叫！估吾到瑤柱蟹粥都煲得咁綿，好好食，吾似其他餐廳。出面重有好多款酒，可以自己斟。甜品重有好多款，雪糕當要拎我最鐘意既紅豆味。估吾到玄米茶味都幾有趣，茶味幾重，相信鐘意茶既人都會鐘意。

同友人去銅鑼灣shopping完, 搵野食之際, 比我地發現左依間響銅鑼灣廣場2期11樓啲放題!一入門口個logo招牌已經好鬼型, 再加上時尚科技點菜, 一坐低掃下個QRcode已經可以落單落完單等佢送黎啲時候, 我地就已經衝左出去攞野食, 哈哈 無計, 反正系閏蜜, 唔洗點理儀態 一大盤我最愛啲芝麻八瓜魚同埋味付螺肉任你夾, 我唔客氣喇XDDD除左凍食之外, 值得一提啲系佢有一倒轉左好特別啲清酒, 好有日本風味, 真系要同友人不醉無歸攞埋野飲(個人好鍾意提子汁, 所以攞左幾包黎送酒), 番到座位時一碟碟野食已經送到!!!黑松露油甘腩壽司! 好吃極尚花之戀! 得意得黎易入口香蔥鵝肝帶子! 時尚得黎又香口鹽燒牛舌, 燒有機新鮮菠蘿, 莆燒鰻魚, 黃金焗廣島蠔, 清酒煮大蛽, 正正正~ 就如到了日本一樣, 有幾多吃幾多, 岩曬我地shopping完啲兩隻飽鬼我特別推介蒜蓉牛油焗大蝦 同埋 燒有機新鮮菠蘿, 依兩樣我同朋友再次加單左幾次因為海蝦佢真系用牛油黎整，再加足料香香啲蒜蓉一點都不馬虎菠蘿甜甜的，當你食到飽飽時再食一黎易入口二黎又幫助消化, 系咪好有食放題啲技巧呢XD整體放題都非常滿意

半年無見的朋友約食飯，當然要大吃大喝，所以揀選了食放題。 價錢與質素都算是成正比，一直有保持水平。 其實2個小時都完全夠食，安排了卡位坐很舒適。 有很多我們愛吃的刺身/壽司，熟食種類也不少，還有最愛的榴槤炸彈😋

在銅鑼灣食lunch最少都要$40-50起，份量亦不多。而附近有好多放題設有lunch set，啱晒我地上班一族食個夠！我們揀左set後，就可以出去自助拎前菜、小食、湯、飲品！

去左差唔多成個月旅行，呢幾日終於返到香港，好掛住地道嘅香港食物，特別係日式放題，所以就約埋一班舊生今晚出去食返餐好嘅，順便傾下大家嘅近況因為我哋預先book咗枱，所以一去到唔需要等位就可以入去坐，坐低左先發現冇咗點餐紙，店員話依家餐廳轉晒用電子點餐，要scan QR code用返自己嘅電話落單就可以，初初用都唔係太習慣，不過用用下都覺得幾方便又快捷，仲好環保添點完嘢趁啲嘢食未黎之前就出去拎嘢飲，見到有成三四個大雪櫃，裏面有各式各樣唔同嘅飲品，有啲仲係韓國飲品添，不過我怕太甜所以要左解纖茶，之前飲開嘅都係解茶，但見到有一種新嘅茶話可以阻隔油，於是即管嚟試吓，味道同之前嘅解茶差唔多，希望真係可以阻隔到食物的油分拎完飲品行過熟食區，發現有幾種食物我都好有興趣想試吓，其中一樣係小籠包，望落去好似好大份，裡面應該有好多湯汁，點知咬落去真係爆晒汁，估唔到熟食區都有好野食食到咁上下就打算出去食甜品，見到甜品櫃有幾款可以揀，就每樣都拎一小件返去食果撻既撻皮充滿牛油味，但忌廉唔算太多。至於其他甜品就一般般，無乜太大特別今餐我覺得普普通通，可以接受，因為實在係太耐無食過放題喇，好掛住其他香港特色食物

最喜歡食日本野，特別是魚生，包括海膽、三文魚子、甜蝦、吞拿魚都是我的最愛。今日有幸與家人一齊去食放題，我們選擇了這一間，食物選擇非常之多，無論是魚生、壽司、燒物，還有火鍋都令人垂涎欲滴！雖然環境有少少擠迫，但係為咗美食，我們一家人都食得不亦樂乎。