極尚大瀛喜日本料理 (已結業)

母親節過後就到父親節了！爸爸鍾愛食日式食物，而我下個月要出國公幹，抽唔到時間一家人慶祝，所以就提早同爸爸食飯。 我地選擇中午時段食放題。除了人少、價錢平、出貨快，食飽都可以有一整天時間消化，不用怕腸胃不適。爸爸已有好幾年可無食放題，對住仍停留於填紙仔年代的他，有感電子化的便利。一直都覺得填紙仔不太環保，到今日只要打開手機用apps scan QR code，放題菜單自動彈出。這個做法既環保又減低留單的機會，更減輕待應落單的工作，太棒了！前菜款式自助拎取，選擇也不少但食放題怕飽既我只拎少少淺嚐，竟然味道都不錯。刺身主攻貝殼類海產，因為油份較低食多幾轉都唔會易飽。今次有赤海蝦，帶子，鮑片及北寄貝。幾款海鮮都好新鮮，好鮮甜又爽身，重點推介大大隻的帶子同赤海蝦。至於海膽、鮭魚籽手卷一口size的飯量，上左年紀的爸爸覺得一啖不會太溜，必吃。燒海蝦大大隻還有好多膏，燒過的蝦殼特別香。牛舌加入少少黑椒燒，味道更特出。 燒菠蘿突出其甜味，而燒番薯仔有少許酒香，味道好特別。羊架少少肥多多瘦更冇無騷味，除左刺身外，深信羊架亦是回本之位。辣酒煮蜆，蜆肉大大隻粒粒都有肉，食落去都有清酒香味。露荀炒魚片頭，都係

今日同家人去食放題，決定食極上大瀛喜，三小時任食，價錢才200蚊左右一位，非常超值。一黎到首先整啖熱湯先，係花膠湯，幾好飲不過有少少腥餐前小食都好多，芝士撻係ok的，好濃味，不過食一件好啦，太多會heavy！海草都好新鮮！由於魚生最近有蟲，所以都少食，食左蝦，呢隻都正，又鮮又爽口，可以食多d！呢度有大喜x集團無既雞軟骨串，所以呢度係喜愛雞軟骨既朋友必黎既地方，不過佢燒得一般，因為有d燒得唔夠乾身。改善左一定更好！鰻魚又係另一回本位，加上鰻魚汁令你食完一舊又一舊！ 叫左5-6round阿！！呢個鰻魚玉子燒，當然無蒲燒鰻魚咁好，建議一舊起兩舊止。而家有得電話落單功能，非常方便。但午餐放題沒有迷你心太軟，有點失望，唯有食多2條mega補數！

朋友係澳州返嚟, 佢好想食日本嘢, 我就立即諗到同佢食放題不過題外話, 發現原來而家食中午時段的放題並唔多. 幸好呢間餐廰仲有做.朋友好鐘意飲酒, 初頭好驚冇酒招呼唔到, 好在呢度除左有啤酒外, 仲有清酒, 正合佢的心意.食放題當然唔少得叫刺身啦, 我呢位外國朋友眼見呢個刺身船立即目瞪口呆除左大大件, 賣相靚外, 佢仲有乾冰噴出嚟, 好靚, 不過可惜影相影唔到所有刺身都好好味, 好有口感我地覺得最為突出就係珍寶大赤蝦, 好爽口, 好鮮甜, 食多好多隻都得.壽司, 手卷: 細細件, 口大的人可以一啖一口, 好正! 仲有好少見的魚子手卷, 魚子手卷的魚子仲要好多, 朋友一口氣食左4件.其實去到呢度, 朋友已經話值回票值, 係外國叫壽司船加手卷都已經唔止呢個價錢, 仲要有質素, 問我點解可以咁抵食. 哈哈, 我只能回應香港是個美食天堂.我地當然仲有叫其他熟食, 包括: 飬顏的花膠, 花膠整得好好味, 好淋, 係女士的恩物.燒鰻魚, 都係一啖一口, 好甜, 好味.黑松露什菌, 黑松露配什菌, 一流, 好香好味.厚燒菠蘿, 少少熱, 波羅的甜味帶晒出嚟.甜品: 日式和菓子加綠茶雪米糍, 兩者不太

咁啱今日同個friend都放假就決定早少少去食一個好豐富嘅晚餐 五點半開始入去食只係200蚊咋 放題嚟講真係超級抵 入到去餐廳都坐咗一半人但係其實唔算逼 幾闊落 一坐低就即刻用QR code 點嘢食 好方便 不過唔知係咪時段早啲選擇好似冇記憶之中咁多 反而喺出面自己拎嘅甜品前菜同飲品就超級多選擇 連泰式鳳爪蛋撻同埋糖都有 不過當然要忍手留肚食點到成枱都係嘅食物 每樣嘢食都係細細件 可以試好多款唔同嘅嘢食又唔驚好快就畀啲壽司飯撐飽咗刺身夠曬厚，炸榴槤超好味，全部嘢食得好新鮮食到飽飽地仲可以飲番個花膠湯中和一下 唯一有少少美中不足嘅係雪糕係冇haagen-dazs同 movenpick架，個推廣已經過左淨係食咗個雀巢雪糕，其他味道都冇乜特別 不過食完呢餐已經飽曬好滿足啦

第一次食午市放題！咁就比左極上大灜喜！午餐由12點，可以食到3點！而家佢地轉左用手機落單，環保左好多！漏單情況又少左，抵讚！餐前小食都幾多，不過我就無乜點試。呢期魚生有路虫所以食得比較少，但佢既蝦不得不讚，食落爽口又鮮，我地叫左都有至少30隻。熱帶子(無影相)亦都好鮮甜，而且並不是細細的小貝柱！靜係呢2樣都夠殺食！蝦餅新鮮炸起，食落都很好，不過就唔夠厚，再厚d會更加好！海膽都好鮮阿，不過就太少啦，放多2舊落去會更好！紫菜就唔多夠脆。花膠足料，大大碗，正！芝麻雞翼炸得夠乾身，外脆內滑，非常好！蜆就正常，不過有d沙。鰻魚才是重點，好食。我地之後叫左超過20舊，不過食得太多好快飽，建議中後段才開始食飲品都係大路野就唔多評價了。不過呢度清酒任飲，而且重有candy corner夾糖就少有d。雪糕當然無另一對手用料咁豐厚，不過整體也唔差！

今時今日，二百幾三百蚊食個西餐可能只係一碟意粉一杯飲品， 所以放題都係呢個價嚟講，真係好抵食，任食又多野食，食到飽一飽。一坐底，即刻點刺身，選擇都多， 三文魚，北海道帶子， 油甘魚，吞拿魚，希靈魚， 北奇貝，甜蝦等， 我覺得當中三文魚，油甘魚，吞拿魚，北寄貝都好鮮甜彈牙。壽司方面，花之戀又好正， 三大塊三文魚包住好細個飯，加埋不多不少嘅 沙律醬好好食。另外，鰻魚都好肥美，好好食，燒得唔錯， 醬汁多調得好好味。講下飲品方面，都係自助形式， 啤酒，汽水，茶，忌廉奶， 韓式飲品， 果汁等等都有。 甜品方面都好多選擇， 芒果布甸好好食，另外仲有得自己整乳酪雪糕，幾正。最後食埋幾個水果， 西瓜好甜，食完好滿足。

今日同朋友去開銅鑼灣，大家都係日式食物的愛好者。就當然要找間日式食店食下啦。結果大家選擇了係銅鑼灣廣埸二期的極尚大瀛喜日式放題食店。店內地方又大，坐位又夠寬，冷氣又充足，環境非常舒服。飲品方面特別多選擇，朋友喜歡喝酒，有啤酒提供任飲。而我也找到我喜歡的維他奶。選完食物，上菜時間也很快，又無漏單，差不多一落單，食物轉頭就到。讚得一值。叫咗刺身，賣相好精美，三文魚又新鮮，口感又好。好好食。螺肉及八瓜魚又新鮮，又入味，食咗幾轉。带子又新鮮，味道好食。甜蝦也很爽好。又叫咗牛舌，又熱熱地，似即燒的，又香又有口感，是必食的食物。芝麻雞翼也有水準。好脆，好好食。海膽也非常新鮮。牛柳粒也非常好味道。不算太硬。口感很好。最後食榴槤雪條。十分難忘的一餐。又豐富又好食又飽滿的一餐。

放假好開心咁去左銅鑼灣食午市放題😆今次係我第一次食呢間極上大瀛喜，官塘個間比較就腳，又質素幾好，食得比較多。環境幾好，裝修大氣又乾淨，枱枱凳凳都無唔污跡，或者油膩。一坐低，就見到張雪糕紙。雖然只係一人一杯，但都好過唔少放題連Häagen-Dazs都冇。但係呢幾年可能為咗節省成本，又或者係費事浪費，好多放題係雪糕上面都縮左水，所以已經十分滿足。我都唔知依家放題先進左，唔再用紙落單。不過咁都好，減少漏單既情況，又環保啲。落左單之後，就出左去睇下有咩小食同拎野飲。我見到都有沙拉、魚蛋同章魚燒之類。跟著就慢慢上菜啦。蠔好食，啲醬汁正，極力推薦。芝麻雞翼炸得好香口，熱辣辣。鰻魚肥肥既，油香十足。軟殻蟹壽司都好食，沙律醬同佢相當夾。刺身唔係點左好多，主要都係蝦、油甘魚同希靈魚。三種都好新鮮。大蝦都無沙。點左幾款壽司，其中鰻魚同牛肉壽司最推薦。牛肉壽司燒得剛剛好，唔會老，醬汁又唔會太多，炸蒜又令佢更香。兩種貴壽司😂帶子鵝肝同海膽魚子我個人比較鐘意海膽魚子，覺得佢口感好啲豐富啲。總而言之，質素幾好，下次都可以食下呢邊呢間放題。

大時大節同家人生日，食咩慶祝向來係最困難決定，今次係本宮生日加上母親節，一餐過慶祝晒就最好不過，之前都食過呢間放題覺得水準好好而收費只係同其他放題價一樣，都係價錢合理級別，但食物真係好大分別，所以預先打黎book定枱，住九龍但過海都要黎食用CODE掃單禁機點餐，環保好多，好過飛紙仔，入機直接落單亦可以避免左走單問題，又無咁浪費紙張，值得一讚好多餐前小點~~每樣都夾左d，因為重點都集中係後面，以免好易會飽坐左張四人枱，梗係先叫先啦，我地一坐低就狂叫刺身! 赤貝、帶子，吞拿魚、三文魚等, 放題有樣好就係單係食經已回番晒本樣樣都點左，每款都好新鮮，比個正，所以都encore左3轉，每樣少少咁點，一來可以因應自個胃口仲有幾多quota用，二來可以控制份量唔會浪費壽司細細件，味道好正~~餡多飯少炸物入面我最讚不絕口既係芝麻雞翼，熱騰騰放係面前，Yummy燒雞翼 : 好味 又係燒得好香口, 唔會燒到黑孟孟, 又唔會未熟天婦羅外觀看似好齋，但吃得出蝦既鮮粉不多,脆口,熱烘烘的,好好味,必食之選 燒菠羅同番薯都好味，值得推介牛舌: 燒得微焦，但內裡肉汁仍能保持著牛肉喜壽鍋 :基本上次次食放題都會點，食

Happy Friday當然要獎勵一下自己，同朋友去食放題，晚市食放題真係要事先BOOK位，實在太多人排，好彩朋友加上心，事前有打去BOOK定位，唔係今晚就要落空環境都好唔錯，我地坐既位置附近都巡得好密，有求必應店員比左張單我地掃上面個二維碼，我用WECHAT掃完就可以直接落單，呢個夠晒方便前菜可以自行扲小食小食呢幾款建議必扲~~好食好驚喜有軟糖任扲點左D, 有三文魚,吞拿魚,油甘魚,劍魚腩,帶子,甜蝦,墨魚,魷魚,赤貝等等. 全部樣樣都好新鮮好厚切，之後我們encore帶子,甜蝦和赤貝，因為最回本試左海膽手卷,個手卷細細卷，啱啱好，海膽好新鮮好甜，無腥味，應該係包起無耐，紫菜仲好脆身P.S: 温馨提示：盡快點先吃，不然紫菜淋了無咁好吃壽司都好正, 每樣壽司都點D，當花之戀激推同芥末八爪魚之後轉戰串燒，為左每樣都可以試到吓，就每款都只係一串起兩串止包括有雞軟骨,雞翼,牛舌,焗蠔,粟米等，每款食品屬中上水準，推介牛舌，牛舌爽滑不韌，牛舌味濃,夠香口惹味雞軟骨燒得十分之香脆味美必不能錯過既燒物，芝士焗帆立貝為上上之選燒鰻魚味鮮，肉質爽滑, 必點壽喜燒牛肉鍋不錯，甜度適中，而且牛肉份量充足飲

成班人食飯，除左打邊爐，其次係放題，叫多左可以share，又可以唔使就大家口味，各有各叫講到日式放題，一開始梗係食剌身做熱身，大喜屋咁旺場，剌身消耗快，所以新鮮就一定架啦，三文魚夠油香，蝦夠甜，螺夠爽，我地叫左幾輪先開始叫熱食，串燒水準亦都無投訴，蝦，雞翼，羊架，上枱全部熱辣辣，解凍功夫做得足，所以無雪味，最後食到飽飽梗係食埋個雪糕先走人啦

其實間間放題都差唔多，但見到呢間極尚大灜喜有咁多食評，決定去試下佢我同朋友決定食第一個時段，因為人少d，食得舒服d睇下個menu，刺身竟然有象拔蚌，好少見，encore左五次呀，超鮮甜爽口，其他嘅不過不失，象拔蚌就一定要試啦壽司方面都有驚喜，首先舊飯唔會好大舊，唔會話食幾舊就食飽你，推介牛肉同蟹棒，好味等食期間，睇吓啲甜品，款式算多重有candy bar雪糕方面都有驚喜，榴槤味，最衰最後食得太飽，所以冇食到熟食方面買花膠堅野，不過都幾多菜係底，建議可以喺紙到寫走菜，留返d空間食其他合格，雖然細粒咗啲，但個味係鮮甜既牛舌燒得香口，正！再嚟多轉壽司，估唔到都俾幾多黑松露醬，一擺落口，成口都係黑松露香甜品賣相吸引最後，飲多幾杯野飲，已經飽到不得了啦

今日去極尚大瀛喜食 lunch, 我第一次在食店利用手機落 order, 感覺非常方便，真接在手機輸入想食的東西，好快店員就會送上食物，真心覺得非常有效率，而且有免費 wifi 提供，唔怕浪費數據。落 order 後，我可以在 app 畫面睇番叫過咩食物，一目了然（我塗左訂單的份量和價錢）。此外，最重要一點是沒有漏單，非常可靠。好了，講番食店環境，開揚，寬敞，有卡位，私隱度高，自成一隅。食物方便，非常有水準，刺身鮮甜，食物款式非常多，十分吸引。刺身魚厚切，食落好開心。我極度推薦蒲燒鰻魚，味道吸引，佳品。食放題有甘大塊花膠，又鮑汁又瑤柱，食店是否想破產？羊鞍和芝麻雞翼一向無得輸，必食！蘆筍靚，珊瑚蚌正，加上魚片炒好好正！天婦羅夠熱，炸得恰到好處。避風塘炒魷魚鬚，好惹味，落足料，製作認真。泰式蝦餅，肉質夠實正，啖啖蝦肉。店員態度殷勤，收碟快，對食客有禮貌，提供優質服務。整體而言，無論在環境、食材、服務質素上都表現優異，落單方便有效率，值得番食。

今晚同朋友都諗唔到食乜，時間又早，決定放題，早食無咁大罪惡感呀嘛⋯⋯好彩係平日又係第一個時段，walk in都有位，但到晚市時段已經全場爆滿，門口已經很多人在等位，下次黎一定要book位，廢事摸門釘。由於早食，唔係好肚餓，所以只貴精不貴多！刺身當然放題唔少得喇！首輪必點象拔蚌同榮螺係推介，味鮮爽口，可以encore！海膽手拳d飯唔多架，海膽味豐厚新鮮，而且唔洗驚太多飯會太飽呢！羊架，朋友叫既，無需再蘸任何醬汁，加少少檸檬汁調味，佢話已經好正，唔羶～～這裏的小菜都好推介，始終食咁多生冷野都要食返d小炒暖下胃，估唔到小菜都有驚喜，夠香口惹味！到甜品啦，超多選擇，簡直眼花瞭亂呢個心太軟大愛呀😍係好飽既情況下可以食到2舊，係放題食到流心既心太軟係一個surprise，鍾意朱古力甜品，一定要試埋！

踏入 4 月份, 特別多節目, 生日飯, 升職飯, 又係復活節......總之個肚皮就停不了。今次同事升職, 請食放題。極尚大瀛喜, 地方闊落, 坐得舒適。剛入座就已經被這個咁 colourful 嘅 coner 吸引住, 原來係小朋友咁至愛~~~各種橡皮糖及朱古力。ㄧ坐低就整返碗藥膳雞腳蕩暖暖胃先, 好濃嘅藥材味。三文魚唔一定要食刺身嘅, 芝士焗三文魚又係另ㄧ番風味。醬燒比目魚, 燒到金黃色, 恰到好處, 又唔太乾身。芝麻雞翼就食得多, 土匪雞翼唔係間間有, 今晚有得食, 我又食唔出有甚麼特別之處。龍蝦沙律棋子, 幾粒蟹子加上龍蝦沙律, 好好味。另外芝士鰻魚玉子燒, 又ㄧ特別之作。榴槤炸彈, 皮薄得嚟又夠脆, 𥚃面嘅榴槤蓉非常之正。仲有北海道牛乳炸鮮奶, 又係我嘅至愛之選。成碟都係我嘅~~~食咗咁多野, 係時候嘆返罐凍飲啦, 我對涼粉爽特別喜愛, 鍾意佢有口感。甜品又點可以缺少, 心太軟, tiramisu, 朱古力杯, 雪糕, 雪條, 雪米糍, 樣樣都食齊。今晚這餐食得特別有意義, 真係替升職嘅同事開心