極尚大瀛喜日本料理

營業中

休息中

觀塘平價放題😍😍今日得閒同屋企人一齊黎食放題🤩見到好多人都推薦呢間 所以就立刻黎食呢間放題性價比好高！！👍🏼啱啱嗌完10分鐘就差唔多全部都已經上曬🤩🤩上菜速度超快！！不過味道都幾高質😌😌飲品同埋甜品選擇都幾多黎食放題 刺身就一直要食！刺身黎講 蝦刺身真係超級好食！好爽口好彈牙😋 而且夠曬凍！對比其他高價嘅刺身 呢間都唔輸架！烏冬烏冬都唔伏👍🏼 而且份量都唔少！我都叫左唔少壽司 味道都唔錯！

極尚大喜屋呢間放題向來質素有保證，價錢唔貴之餘食物款式又多，今次就試一試位於觀塘分店，享受一個豐富午餐。沙律及小食吧提供多款日式前菜，有八爪魚，螺肉，中華沙律，沙律菜，食落味道都唔錯，熟食方面就有薯角，春卷，青口，雞翼等等，食物溫度同味道做得好好。飲品方面都應有盡有，除左汽水，果汁外，仲提供梅酒、清酒，而且有凍有熱，非常細心。刺身用冰鎮方式上枱，擺碟精美。刺身必點三文魚、赤蝦、赤貝，呢幾款刺身味道鮮甜，三文魚油份充足，赤蝦又大又甜，赤貝爽口得黎又鮮味。牛舌即叫即燒熱辣辣上枱，牛舌爽口又唔會太鹹，細細串一啖一串好滋味。焗大蝦味道濃郁，芝士份量十足，大蝦肉質食落唔錯有彈牙口感。牛肉壽喜燒牛肉質素都唔錯，唔會好鞋好韌，以放題嚟講絕對收貨，啱哂鐘意食牛肉朋友大刷一餐。壽司款式都有好多，而且仲有海膽款式，以咁抵嘅價錢食到咁多矜貴食材，今餐真係物超所值。

今次來到觀塘的極尚大瀛喜位置在APM旁邊的亞太中心5樓今次來吃午市定食加自助沙律吧餐廳開12點, 11:50來到已經有人在餐廳內進食中餐廳環境很大, 平日中午時間非常多人看看Menu先, 總共有31款可以選擇, 還有一張Menu有圖片可以看由最貴的$168到最平的$68都有, 最平的是滑蛋豬扒丼定食, 鹽燒鯖花魚定食, 和什錦天婦羅定食抗疫期間回饋優惠, 每款定食照價減$10我點了$75的天婦蘿拼盤跟稻廷烏冬沙律生果區有凍蜆, 中華沙律, 壽司薑, 柚子醋番茄, 青瓜, 螺肉, 西瓜, 提子, 車厘茄, 沙律菜, 枝豆熟食區有菜, 雞翼, 炸雞粒, 章魚燒, 還有一塊不知道是什麼, 還有3款湯飲品區飲品非常多先拿一些前菜青瓜少少辣, 好吃, 凍蜆沒有味而且有沙中華沙律味道正常螺肉的醬汁很"杰", 要把醬弄走才吃, 不然一"pat"醬在口裡, 口感很差柚子醋番茄, 吃不出柚子味, 和普通番茄一樣蟹肉胡麻豆腐, 表面有蟹肉, 豆腐很滑, 好吃第二轉拿一些熟食這一塊不知道是什麼, 味道有點甜, 外面脆, 入面有少少煙韌炸雞粒, 炸得都算脆, 不過肉很乾, 沒有肉汁雞翼, 類似蜜糖雞翼, 味道

難得得閒嘅日子，要同男朋友好好咁二人世界，出去拍下拖，畢竟人越大，總係會越嚟多嘢做🥲今日食左間好好味嘅日式放題🥢，令我最想推薦嘅係呢到嘅刺身，我除左唔食希靈魚，其他樣樣都有食到，大概有三文魚、帶子、甜蝦、仿鮑片、油甘魚、北寄貝⋯⋯🤤樣樣都鮮甜可口，但又唔會太膩，不過就厚薄就真係要睇彩數😂另外佢嘅壽司🍣都唔太差，炙燒三文魚腩壽司、炙燒和牛壽司同芝士皇帝蟹棒壽司都係值得大大推薦👍🏻佢嘅海膽手卷就一時時，因為叫左兩次，但第一次同第二次嘅質素係有明顯分別。呢張係第一次叫嘅時候影嘅🤧最後就係佢嘅自助品區、甜品區同沙律區都係有相當多嘅選擇，整體而言，係一間比較多選擇又高水平嘅日式放題餐廳😍

最近好掛住日本，決定食極上大喜屋既放題去回憶一下日本美食🍣 一上到去餐廳，發現好新好闊落，算係高級版放題👏 座位闊落，個人覺得好正！飲品櫃既選擇比其他放題餐廳多，有各式各樣既果汁，菊花蜜，咖啡，清酒，啤酒，熱飲等等 出面都有一個熟食區同甜品櫃。我自己即刻食左日式章魚小丸子！勁好食呀。仲有豆腐花同水果！ 食左提子🍇 好甜又新鮮。落單係手機落單，方便又環保♻️ 而且無咁易漏單！有刺身類，壽司類，燒物，小食等等So far覺得呢度係新開所以食物都感覺衛生，可以食落肚😂 燒物例如燒菠蘿都出奇地好好味，無諗過係唔酸仲要勁甜！所以都有encore. 剌身無叫到三文魚都上左比我地，有帶子同甜蝦😋 壽司叫左海膽同鰻魚，一樣都好正熟食叫埋花膠同壽喜燒牛煲🥰咩都有得食，實在太幸福啦！

極尚大瀛喜觀塘店位於亞太中心5樓 ，而這座大廈經常性很多人等𨋢，今日我哋lunch去食，就足足在樓下等咗七分鐘電梯，所以如果 book了位，記得預多少少時間去等𨋢。今日係午餐時間去食，好彩一早book定位，今日都接近全場爆滿，應該冇得walk in，所以星期六日記得預早訂位。其實食這間大瀛喜已經好多年，的確食物質素比以前差了，不過，以這個價錢來說尚可接受。先嚟點咗一盤刺身，但係擺盤已經沒以前擺得那麼靚，今日的三文魚不太肥美，反而赤貝同埋赤紅大蝦就不錯， 另外，有個新的款式叫吞拿魚他他，感覺中咗伏，完全怪怪不好食。反而有款新嘅食物叫做墨魚子沙律醬🦐蝦多士，非常好食，麵包並沒有像出面那些索滿油，咬下去沒有油咇出來，🦐蝦膠亦差不多佔滿整個麵包的面，所以非常推介。至於，我一直覺得非常出色的芝麻🐓雞翼，好像沒以前那麼有水準。 第一轉直頭唔夠脆，好彩我第二轉再叫的時候，就有回以前嘅水準，炸到皮香肉嫩。至於燒菠蘿🍍 亦燒到菠蘿嘅甜味都帶出來，總共叫了幾轉，都非常好味。以上3️⃣款係我個人覺得最好味的食物可以翻叫再翻叫。今日個海膽好像比較乾，比以前嘅海膽手捲遜色少少，但係我好欣賞它們的手捲和壽司🍣，造到超

放題$238好味指數：😋😋😋😋抵食指數：💲💲💲💲環境舒適：😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️推介原因：飲品種類超多，多得像便利店般。有冷熱獨立包裝飲品、茶包、咖啡等。單是啤酒已有5個品牌，包括Asahi, Carlsberg，Hite，Skol以及Umai Mugi。喜歡部分食物如前菜、沙律、甜品、雪糕雪條是放在自助區。下單等其他食物時可以在自助區取些食物，邊吃邊等。雪糕雪條又是極多款式，最吸引是雀巢的Mega和韓國Melona雪條。其他食物上菜速度快。有我最愛的刺身蝦壽司。亦有芝麻雞翼。芝麻雞翼味道較濃，送酒一流。

今日星期六，加上假期大家都出返黎食野今日book左呢到午時放題，可以食到下午3點鐘其實邊到真係食到咁耐丫都係貪有個地方可以坐下，傾下計之前幫襯過佢同一集團下尖沙咀分店極為失望，有比較就有傷害今次幫襯返觀塘分店真係唔同晒，起碼位置坐得舒服啲刺身算係新解，起碼解凍做得好唔會有雪味，唔會仲有冰甜蝦刺身係帶頭嘅，唔係之前tst店個啲手指尾甜蝦起碼呢到啲係貨真價實另外想講下酒精飲品雪櫃入面有幾隻唔同啤酒有韓國hite、日本Asahi、Somersby 、嘉士伯等老實講，200蚊左右，有咁多款啤酒任飲一大班朋友一齊黎都開心啦另外，仲有清酒同埋梅酒任飲外面仲有好多唔同小食可以攞個日有章魚小丸子同埋台式鹽酥雞仲有唔同湯有得飲睇返放題入面嘅食物，有幾個係想推介一下呢到用嘅蟹籽係大粒啲卜卜脆嘅，唔係出面壽司店用個d飛魚籽仲有，呢到係有三文魚籽軍中唔係到到都有！ 所以記得叫黎食！再想講下佢一品料理有花膠，但當然唔會係貴價花膠但佢煮得真係唔差黃金咖哩炒蜆都係港人口味唔會好辣的，都係值得一試除左出面有唔同雪糕甜品任攞之外呢到仲有椰汁雪耳燉燕窩呢個甜品膠質好重女士一定最愛，當然喇....燕窩......應該都有嘅

6點入座，d刺身6點40分先黎，黎到細過我手指尾🤮🤮🤮7點半last order，我7:28分禁落單，佢已經唔比落，我問經理佢就話有時係會早2分鐘，仲話係咁架啦，隔離枱33分落都過左，但求下個經理就比佢地落埋，咁唔公平？😅 以後唔再幫襯😅

好耐冇食放題，諗唔到食乜嘢，所以又去食下其實放題真係好多人食，次次都full晒，不過今次有啲新鮮感，因為多咗啲新菜式。出邊嘅食物方便多咗個海鮮區域有凍蝦青口，另外有蘿蔔泡菜螺肉八爪魚同生果，生果方面有提子同西瓜🍉飲品櫃選擇非常之多，多咗一個暖飲櫃，又熱維他奶熱朱古力奶等等，而我最喜歡的是另外的熱菊蜜。食物方便有新鮮感的是多了燒雞泡魚乾，小鮑魚軍艦，係圓粒嘅一啖過，另外好鍾意做佢嘅花膠炆鮑魚，花膠蚊到好林，鮑魚亦好入味，亦多咗唔同款式嘅手卷有飛魚子手卷同蟹膏手卷，仲有煎魚，咖喱蟹等等⋯⋯食物款式依然係咁多上野食速度都快，不過有時都會上錯咗，明明冇叫都會來，但效率還是高的，水準還是keep到

今次電話訂枱訂左星期六5:30pm可以食兩個鐘$220加一、星期六嚟講又唔算貴。佢應該五點鐘開始因為上到去已經有人食緊，啱啱開始唔算多人但去到七點幾已經差唔多爆場。⬇️出面飲品小食區好似多選擇過以前、有凍蝦同埋凍青口仲有煙燻鴨胸。仲有我最鍾意嘅蠔油豆苗帶子仿鮑片不停新鮮出爐任拎，老火湯應該係蟲草花都飲咗兩三碗。刺身同埋壽司都同以前差唔多、炸物熟食都係好快上枱，等得最耐係炸榴槤。今次遇到嘅收碟同收錢姐姐都好有禮貌、佢仲話我哋嘅戰鬥力好低好快就好似飽咗！送嘢食嚟嗰啲哥哥係冇乜反應可能已經行左幾百轉攰到喊。⬇️花膠、咖喱炒蜆、白酒煮花螺、天婦羅、炒牛柳粒、香煎銀雪魚、切件鰻魚、冷烏冬或者肥牛煲都仲有 ⋯ 甜品除咗嗰個熱食嘅椰汁乜鬼之外、出面啲雪條雪糕飲品都可以塞爆你個肚。都食得開心嘅 ⋯ 真係飽左成晚。不過阿媽有一樣野唔滿意佢話女廁全部冇廁所板、如果係阿婆嗰啲去廁所就唔知點算 😩 個個扎馬到腳軟。

午餐到這間店食帶子墨汁意大利粉😣，勁酸...係勁酸????不明白食過很多餐廳的墨汁意大利粉，都不會有酸味。跟餐廳部長講，部長態度勁差，勁無禮貌。只是跟你說帶子墨汁意大利粉本身是酸的！是酸的！無其他客人投訴過，係你的問題。講完後就轉身走。一點禮貌都沒有，身為飲食業的部長點可以咁無禮貌對客人。餐廳午市多人，食物款式多，但服務員的態度就勁差.....今時今日咁嘅服務態度是否需要檢討一下。差差差差差差差

一早訂了午餐，店舖位於亞太中心，與APM並不相通，如果由商場過去，要搭升降機到地面，再走過去。11:50am已經可以入座。可惜二人位太窄，放不下太多食物，建議坐二人枱，一次點餐不能點太多，又忙著要清空枱面，吃得很匆忙。自助區食物很多選擇，由於胃部體積太小，甜品區的甜品幾乎都沒有吃過。食物高質素，總覺得百多元的價錢，店舖能賺錢嗎？平常去吃元X壽司，平均也要兩百多一個人，這裡真是超級超值！飲品也超級多款式，連無糖茶也大概有四款，三款解茶和韓式龍井茶。水果則有西瓜和蜜柑。

過左幾年再去幫襯左一次，發現佢既刺身好似冇之前咁新鮮，但賣相份量都可以接受，比較推介既反而係熟食同埋炸物，好似天婦羅、芝麻雞翼、燒牛舌呢d都唔錯，送上黎仲係熱辣辣

一早book定位，但係冇卡位坐。就坐兩人為一枱，放食物都有少少逼囉。lunch hour見到好多人排隊呀~~不停入人，都好好生意。用app落單可以即時睇到落咗啲咩嘢食，電子化都唔錯。講下啲嘢食先：出面又可以拎嘅一啲小食、飲品、湯、茶、咖啡同埋雪條雪糕等。。。刺身方便比較欣賞挪威三文魚刺身同油甘魚，好厚切。跟住就帶子刺身同虎蝦刺身都唔錯。有啲特別嘅壽司都可以一試，極上花之戀同埋迷你海膽手卷就必食啦~其他食評講嘅椰汁鮮奶雪耳燉燕窩我自己就覺得稀咗少少，唔係講到咁特別。另外未滿意嘅地方就係啲咖啡十分之難飲，因為我係每日都必須要飲咖啡嘅人就覺得佢嘅咖啡一飲就係超級平貨，實在未能出口。不過overall 質素唔錯，飲料選擇都多，都難怪平日都咁多人。平日lunch time放題連加一$207 位，價錢合理。味道：4/5食物種類：4/5環境/服務：3.5/5價錢：4/5