極尚大瀛喜日本料理

營業中

休息中

襯放假帶左屋企去觀塘食放題🍣星期日都只係$208加一由12點食到3點 呢個價錢真係好抵食食過好幾間放題 無論環境～食物定服務質素呢間都係最好❤️❤️一坐底就有QR code落order~等野食其間就可以出去拎野飲同小食前菜完全無浪費任何一秒除左一般既汽水仲有好多唔同牌子嘅嘢飲🧃仲有啤酒🍻梅酒 清酒等等亦有即沖熱茶咖啡奶茶見到有鮑魚壽司 貪得意叫左🤗味道就…其他好食得多了呢個芝士蝦都幾好味下 叫左幾轉👍🏻牛舌必叫！！好食過出面啲串燒店 好香燒過既味 又有牛味又唔"so"又唔"un"🐮🐮呢度嘅炸嘢都好出色 熱辣辣唔燶-芝麻雞翼炸得好香脆 同出面日式餐廳$88 5隻同樣質素仲有榴槤炸彈 天婦羅都係必食🐒蜜糖芥末雞軟骨 個醬極好食😋講到回本之選 必定係呢個炆花膠鮑魚係呢啲放喺點食到嘅花膠都知唔係貴價野～純粹好奇之心想試吓 點知出乎意料之外 個花膠好林好滑個味道都好好👍🏻到最後當然唔少得甜品 有個雪櫃放咗好多唔同嘅蛋糕小甜品亦有好多唔同款嘅雪條雪糕豆腐花整體來講呢一間放題真係好高質🥰講起放題一定會諗起呢間～呢個價錢真係冇乜嘢可以彈

屋企人食過一次之後指定話要來呢間再食，所以睇吓呢間餐廳究竟有咩咁吸引。首先佢嘅選擇係幾多嘅，無論係出面冰櫃嘅飲品，定係我哋掃咗QR code之後可以選擇嘅壽司、魚生、各式各樣嘅嘢都會搵得到。另外佢嘅上菜速度都好快。佢唔會漏單，唔會靜靜雞比少啲件數你。相反，佢樣樣野嘅份量同大小都有返咁上下。以前食其他嘅放題呢首詩會比較細件，但係呢度嘅壽司係同你喺出面壽司舖買嘅大小係一樣嘅，所以建議大家唔好叫咁多壽司（如果唔係好快就冇辦法食得落其他嘢）食物質素方面魚生係非常爽口，件件都非常厚切。飽足感一流，所以都特別快令人覺得飽。建議大家可以少少少少咁嗌，唔好一次過叫得太多。佢嘅榴槤炸球非常之香會令人食過返尋味。甜品方面出面有大把選擇，可以親身出去拎。另外一個賣點就係佢嘅軟雪糕甜筒，但係由於甜筒暴露咗喺空氣中太耐，所以已經唔太脆喇。佢嘅朱古力味嘅雪糕非常香朱古力奶味，可惜蓋過咗側邊嘅綠茶雪糕，唔多覺有綠茶味存在。

#極尚大瀛喜屋（觀塘鱷魚中心）分店※今日朋友生日 ， 我地約咗去食放題， 當然要揀間質素高嘅餐廳去食啦！※那裏地方闊落 ，裝修新淨 ，上菜速度快，店員招呼周到，令您有賓至如歸的感覺！1. 刺身方面:三文魚、象拔蚌、赤貝、吞拿魚和鲜帶子， 大大件而且厚切， 用冰承載著上枱， 保持新鮮， 吃起來鮮味十足。2.串燒方面：最愛吃牛舌，肉質够嫰，彈牙爽口，充滿牛味； 芝麻雞翼醃得非常入味， 表皮炸得非常香脆， 內裏非常juicy ，味道一流。3 炸物方面： 各款天婦羅款式多， 而且香脆， 最愛吃蝦天婦羅，外脆內爽， 原隻蝦非常新鮮爽口彈牙。 ※另外榴槤炸彈和大良鮮奶也是我的至愛， 這兩款食物 較難在一般食肆中找到，而且價錢較貴。 榴槤 一咬落去， 流沙的榴楗餡料 慢慢滲出嚟 ；炸鮮奶的火候也控制得非常好， 非常美味！4.壽司方面 ：不但 款式多，而且非常精美 ，三文魚壽司帶子和鰻魚也是保持到水準， 不但厚切，而且味道很鮮甜 ，保持到食物的水準。5.中式小炒: 廚師同樣做得非常出色， 鑊氣十足。* 瑤柱扒豆苗 ：瑤柱份量多， 豆苗新鮮清脆； 大大塊的 炸蟮片， 外脆內軟！*沙窩蟹粥 ：粥底綿綿，

一直都想試下呢一間放題，平日7點左右到，都已經好多人了，排左一陣都入到去食。餐廳環境好大，都好闊落，而且有好多卡位，坐得好舒服。上菜速度都好快，叫完5分鐘內都會到。一開始梗係即刻叫刺身。有我最愛嘅甜蝦、三文魚、吞拿魚、赤貝、帆立貝等等，都好新鮮，完全唔會有腥味。其他壽司都不錯，係一口分量嘅壽司，好岩食放題。其中特別推介左口魚壽司，入口即溶，正！串燒都有好多選擇，燒牛舌，牛舌是厚切的，每一串有2片，肉質彈牙。而燒菠蘿都是必吃的，酸酸甜甜幫助開胃。另外想重點推介蒜蓉粉絲蒸扇貝，十分好吃，而且扇貝都比想像中大粒，Encore左幾次！炸物除咗天婦羅，還有大良炸鮮奶，炸蠔，榴槤炸彈等等。全部都炸得十分香脆，榴槤炸彈入邊有濃濃的榴槤流心，鐘意食榴槤的人必叫！

觀塘不嬲都多好野食~呢間放題進駐左呢區之後阿爸阿媽一路都話想黎~地點超方便，係APM隔離，見價錢勁抵，午市食足3粒鐘都係$188，呢日就專登請日假帶爸媽黎試下~一入到去見空間感十足，眼球一黎已經被自助區既野食同一排既飲品吸引!我地被安排到卡位坐~坐低掃個QR CODE快手落左第一ROUND既單就即刻出去自助區拎野食~呢度既自助區選擇好多、沙律區已經有差唔多10款前菜同沙律可以選擇!中華沙律、八爪魚仔呢D大路野有得揀就係基本啦~但估唔到仲有好新鮮既沙律菜、蕃茄仔、仲有連殼枝豆、泡菜，生果除左罐頭生果之外仲有西瓜同提子~樣樣都好新鮮!而另一邊既炸物區有炸春卷、炸餃子、炸麥樂雞同炸咖哩角等等，有暖燈照住都唔會凍哂!仲有D麵豉湯可以筆~我就選擇去雪櫃拎飲品好過飲湯~雪櫃入面既飲品包羅萬有，基本既可樂、橙汁、汽水都有，驚喜既係連D健康茶都有得揀，真係不得了!甜品櫃選擇都好多，有乳酪、藍莓芝士杯、朱古力慕絲杯、法式燉蛋、豆腐花、紅豆軟糕、甜筒、西瓜雪條等等，大福都有3種口味，包括朱古力、抹茶同個人覺得最特別既楊支甘露大福!拎完出面D沙律同飲品番埋位，之前落單既食物都好快就到，刺身頭一ROUND既赤

上次食完殿·大喜屋，最高lv個間，荷包乾乾哋，就嚟食下中價位版。魚生🐟 正常款式～元貝鮮甜～象拔蚌好食～三文魚正常壽司 🍣 反而幾特別，每樣野都幾細件，可以試多幾款～冇飯用咗玉子燒作底加埋啲鰻魚芝士，鹹鹹甜甜幾好食～花之戀一品料理🍳～黑椒炒牛柳薯仔粒👍🏻 估唔到又大排檔菜式，必食，有鍋氣～一品花膠盛宴 補補身煮物🍲～壽喜燒，上次食過想知有冇分別🤣 食落差唔多飲品🍻方面都有酒提供甜品🍦方面有軟雪糕機之外，同埋韓國牌子雪條，有較少見嘅黑糖珍珠鮮奶味🤣 利申想試好耐，另外都仲有好多甜品選擇

每位$198加一，是一餐超值的日式放題！。排隊上樓等都快，但落樓等到花兒也謝了…兩人枱好細，似拉麵店的size，食物一齊上枱弄得很狼狽！食物上枱快，密密收碟，食兩個鐘，咁嘅價錢同咁多選擇，很值了！估吾到有花膠和蟹粥食！花膠炆得夠淋入味，蟹粥過甜…似食糖水…北寄具和帶子好鮮甜！蝦刺身就無乜味…炙燒蟹腳壽司原來係仿蟹柳，鰻魚壽司一般水準。燒鰻魚夠厚身，剛燒好上枱熱辣辣，讚！其它壽司質素ok，比目魚西京燒香口惹味。自助區有大大盤的鱆魚燒，但餡料粉太厚重…醉鮑魚清新爽甜，食了兩次！不知是否人太多 refill 吾切，在自助熱飲機取“柑橘味綠茶”，斟出黎竟然只有熱水…試綠茶軟雪糕時，有d陰影…好在質素吾錯。整體來說，是物超所值的；只係食兩小時比較趕，離座前半小時截單，食物上枱要盡快清碟…以為成功，頭頂又會有碟壽司或魚生放落黎！要同時間競賽…

適逢生日緊係要賀一賀佢 唔食得放縱啲點對得住自己 一行六人黎左觀塘準備大擦一餐🍽一坐低緊係要點左放題既精髓 刺身 我既目標好明確 甜蝦 帶子 榮螺 刺身鮮甜 温度保持良好 而且大大片 真係好爽😆😆壽司 卷物 手卷等正常發揮 飯唔會好多 全部都係一口size🍣另外 熱食方面 我推介既有 燒羊鞍 鰻魚 蒜蓉粉絲蒸扇貝 海蝦黃金燒 鱈魚西京燒 一口牛柳 芝麻雞翼 等等💁🏻‍♀️飲品方面 可以出去自己揀 除左汽水之外 茶既款式都好多 亦都有咖啡機 另外 呢度亦係愛酒之人既天堂 啤酒 梅酒 清酒任飲 最欣賞既係佢地有個暖櫃 可以提供暖既飲品 同時間亦有室温飲品 好貼心❤️甜品選擇雖多 不過唔太揀得落手 雪條選擇頗多 只係去到最尾時剩返三四款 所以我情願食燒菠蘿同小蕃薯做甜品🍍🍠呢個價錢 性價比真係好高 生日不妨黎呢度食餐勁既🎂

原本昨晚🤔在家煮食，但朋友突然call約一起去官塘「極上大灜喜」食17:00-19:00日式料理 buffet🍣🍤🍱，因為聽聞呢間啲食物唔錯、款式多兼座位距離👌🏻，所以便😃一起🚶‍♀️🚶‍♂️🚶‍♀️🚶‍♂️去🍴😛。雖然我哋預先book咗位，但full house，所以早了點去取位，等了大約20分鐘後便安排入座4人卡位，座位都算寬敞舒適。因時間有限，便立時order了一連串👇🏻食物，落單後大約15分鐘，便逐一送上：首先就係我的至愛💖～刺身，每款都好鮮甜👍🏻🤤😘隨著送上👇🏻，令我哋大快朵頤，感覺非常滿足🤩🤩🤩壽司😘😘😘手卷、炸物及其他……😍😍😍👆🏻大部份食材都唔錯，尤其係鮑汁燴花膠及比目魚西京燒，我仲encore咗兩次。另外，各款手卷、壽司size比較細、一口一件，可以試多啲不同款式😋😋😋。美中不足就係扇貝，啲蒜蓉有點苦澀味😒，兼肉質麻麻哋！最後，梗係唔少得甜品啦…但款式唔多、味道大致一般，反而雪條有驚喜😉，同時都有許多飲品以供選擇！😄😄😄總體而言、物有所值；服務質素就一般啦，可能人太多的關係。另外，如進食時間上可長多dd，可以輕鬆啲選擇食物，咁就very good喇！😏😆

今日打風冇乜嘢做，所以就同屋企人去食個日式放題 。。呢間日式放題8號風球都有開， 實在太好喇 ! 每人要258加一， 好似幾抵喎 !book咗枱七點鐘 ，入到去都幾多人， 啲樓面個個都好忙。。 落單用q r code首先要登記係有啲麻煩， 不過之後都方便嘅。。 嘢食叫咗好多刺身， 壽司 火焰壽司 日式定食有烏冬。 牛肉鍋， 菠蘿， 牛脷 ，手捲 。。。其實選擇都幾多壽司刺身都新鮮 ，平時喺出面食嘅希靈魚好多都有啲腥， 但呢度完全唔腥，好食 不過海膽就麻麻。。出面仲有個熟食區，可以攞熟蝦，青口，螺肉，沙律 等等。。。 最重要當然是甜品及雪糕喇 ! 雖然甜品唔及一啲西式buffet咁多，不過呢個價錢 都已經好足夠

今日(9 Oct )瞓醒就已經係8號波、本身已經book咗今日食早場$200一位再加一。打去問佢哋依然有開門仲早到有4:45pm開始，本身訂咗三個人臨時減一個變咗兩個人就一定坐返窄到貼住隔離既枱。⬇️去到走嗰一刻都係半場滿、都明白餐廳盡量留多啲枱可以做多啲 Walk-in但係你真係絕對聽到曬隔離左右枱嘅所有對話！呢樣嘢係比較美中不足。⬇️今日4:45入座去到6:30先Last order七點一定要離座所以打算慢慢食、拎咗出面啲小食同埋嘢飲食完先開始用 QR code 落單。第一次出面咁少人 ⋯ 蟲草花湯堅好飲仲有碎螺頭同好似花膠、冷盤就有青口同埋蝦仲有鴨胸同埋一大堆嘢，熱小食有蝦多士小丸子同埋雞翼。試左既都唔錯 ⋯ 但聽到隔離枱話唔知乜嘢有沙、唔知乜嘢好腥 ( 真係好近隔離個師奶好似同我講一樣 😂 ）。⬇️開始落Order榴槤炸彈勁臭但朋友不停再叫。天婦羅今次最新鮮出晒煙好好食、手卷亦都好食細細隻紫菜亦都脆有再叫！醉鮑魚好香、自己拎出面冷盤蝦整埋醉蝦好食到飛。雞軟骨如果可以選擇冇醬會開心啲。⬇️跟住叫咗少少刺身、講真最早呢個時間黎第一輪嘢食全部都正，刺身好新鮮既感覺不過嗰個唔知乜嘢海蜇唔好味好

今日同屋企人打住八號風球去食日式放題 之前嚟過呢間記得印象唔錯 ，今次 再翻兜一次! 我哋七點鐘入嚟， 之後就馬上叫不同嘅食物：例如身壽司火焰壽司定食， 串燒 ，種類都幾多 。。。外面仲有雪糕 ，水果，都幾多嘢食。。 我地好鍾意食壽司 刺身 ，當然 要食餐飽 !叫咗刺身之後，大概15分鐘就上枱了，上餐速度頗快的! 幾份量方面亦都跟足質素方面不算是頂級刺身但是這個價錢任食絕對收貨， 感覺新鮮 ，食落味道 也鮮甜。我哋叫咗好多好多甜蝦， 味道鮮甜 ，三文魚肥美 ，希靈魚出奇地新鮮， 吞拿魚他他也不錯 !唯一覺得冇咁好食嘅就係海膽手捲 ，口感麻麻地，味道也不是太好。叫咗好多其他 壽司例如火焰三文魚壽司， 花之戀也不錯。 飲品選擇繁多有熱茶凍茶 芒果汁 甘蔗汁 忌廉溝鮮奶 菊花茶 朱古力奶。。。等等。。。只是$258 加一，下次想食壽司都會再過嚟!

有一斷時間無食日式放題，忽然想食，早兩日訂定位去食早場17:30只係$190+10%。17:20到場已發現唔少人食緊，唔洗等安排入場，坐位有D迫，但可接受。開波叫一輪魚生，壽司，燒物等。上菜速度快，擺盤唔錯，份量合理。食物質素唔差:魚生: 質素幾好，夠大片，唔小家，味道算新鮮。燒物: 銀雪魚好味，牛舌一般，但有牛味，叫左5串，只一串軟硬適中。壽司: 總體可以。天婦羅: 好食。最估唔到有一樣中式野食--醉鮑魚，好好食，一定要食，食左好多隻。還有呢度D飲品好多選擇，比其他放題多好多，茶啤酒汽水乜都有。要讚呢度D侍應，收碟好快。態度唔差。有時間會和家人再黎。

今日中秋預約同屋企人食中秋飯，預訂咗5:30，食兩個鐘，suppose係7:30離座，可能因為今日多人預約同Walk in，職員六點十幾分就有同我哋講七點last order，都冇咩問題，但係去到7:19嗰陣，我行出位去攞最後一次食物，返埋位個職員走過來同我講「等緊你張枱」屋企人同埋我都傻咗，大佬我7:30先要走，其實你行埋嚟提我仲有10分鐘要離座冇乜問題，但係佢係同我講等緊你張枱，成餐飯本來食得開開心心，我亦都諗住食埋個甜品杯就走，結果佢咁樣同我講一講啲心情即刻衰晒。我當然有眼睇到門口有超級多人等walk in，我亦都知道大概係約咗7:30食飯嘅人已經到咗，但係我嘅離座時間就係7:30，憑咩要我早啲走？另外，每一次叫食物比到嘅數量都唔係根據我落單嘅數目去俾⋯我叫咗十隻帶子，佢剩係俾咗三隻我十隻蝦又係俾得五六隻我都唔係一次過叫超級多，而係分次分次咁樣去叫，可能你覺得我咁樣叫好容易浪費食物，但係我叫得就知自己食得落。上一次食仲覺得好好地，唔好意思我唔會再有下一次。

幾年前呢間野還算係新開嘅時候，曾經都係我食放題嘅首選，當時因為佢哋環境乾淨、有禮貌、唔會漏單、啲食物又好食～我仲介紹咗好多屋企人同朋友嚟食！前兩年同屋企人嚟食過，都已經話過佢明明未夠鐘就已經執晒你枱面所有嘢，包括餐具食物同紙餐墊，趕你走趕到出晒面🤬🤬今次去仲衰‼️如果我唔係去到食緊媽咪講先知～我應該唔會再幫襯‼️原來早喺我媽電話訂位時，佢講咗日期📅人數之後問個男職員：晚餐有咩時段揀？🗣：早場5:30pm，之後就6:30pm，再之後就8:30pm👩🏻：咁6:30pm啦🗣：6:30 full咗啦！好full呀！不如你食早場啦！👩🏻：咁5:30pm😥😥請問可唔可以安排遠少少比較靜嘅位🗣：其實我哋好full 㗎！滿晒㗎啦！冇得揀位呀！得啦！我會安排個老人位俾你！你full咗～咁你做咩人哋問你有咩時間可以揀嘅時候你又要答人full咗嘅時段？第一☝🏻第二，request靜啲遠啲 你唔俾人request你咪講唔好意思都係到時編位架咋⋯咩叫俾個老人位你呀？！？！時段係5:30pm食到7:30pm7點截單之後，有個應該係店長/經理級嘅人不停來來回回大大聲咁話走時記得拎齊野（講一次半次咩都夠同埋佢係每張枱講一