極尚大瀛喜日本料理

營業中

休息中

對上一次食放題應該係4年前🤣年紀大左，胃口細左😚不過今日胃口大增，就book左呢間主打食日本料理既放題🇯🇵.緊係要揀返轉Sashimi先，三文魚🍣油甘魚特別肥美，細細隻甜蝦比赤蝦鮮甜，帶子都肥美，放題黎講有呢個水準，本人表示高於我預期😚.熟食既選擇都唔少，其中包括有冷盤🦐串燒🍢鍋物🍲 tempura🍤湯品🥣煮海鮮🐚炸物🍘多款甜品🍰⋯⋯仲有自製海鹽雪糕🍦飲品區有凍熱飲品🍵啤酒🍻各款肥仔水🥤仲有少見既梅酒區添🥃.燒物當中，燒菠蘿 🍍酸酸甜甜好juice💦牛舌👅又爽口😚羊架🐏只係有少少羊羶味，忍唔住encore左次🤣呢個水準真係高🌟.酸菜魚鍋物都好夠味，夠酸夠麻，細細鍋4個人share 可以繼續食其他野😚.食物上枱時間基本上3-5分鐘就有，所以上枱仲係熱辣辣🔥侍應們都好快手收拾吃光光後既碗碟🍽值得一讚🌟

位於觀塘觀塘道414號1亞太中心5樓的極尚大瀛喜日本料理係少有嘅高質放題！食物選擇多飲品選擇多！而且食材新鮮！呢個價位絕對係值得一試！佢亦都設有自助區！有唔同嘅嘅小食同沙律！絕對比得上自助餐

一大班人聚會最好梗係食放題今日黎到觀塘既極尚大瀛喜放題好處係可以任食到唔同種類既菜式當然最多既一定係刺身有任食😋刺身拼盤三文魚-甘甜肥美，估唔到任食都有腩位北寄貝-爽口彈牙，最鍾意食既刺身北海道帶子-鮮嫩軟滑，大大粒一定要encore海蜇刺身-新奇既海蜇刺身，好爽口呀殿堂宴客醉鮑魚回本位黎啦，估唔到放題都有鮑魚任食佢鮑魚都唔係細，大大粒入口有陣酒味，但唔濃烈帶出鮑魚既鮮味，真係好好味🤤金銀蒜蓉醬蒸扇貝蒜蓉同扇貝perfect match,推薦👍🏻壽司拼盤呢到壽司偏細，唔會比太多餵飽你推薦牛油燒明太子熟帶子同醬燒極尚帝皇蟹棒火灸壽司輕輕火灸過，壽司帶有焦香，正💗榴槤炸彈放題點可以錯過呢樣鍾意食榴槤既一定愛死外脆內裹流心濃郁既榴槤味，可以食多十粒燒有機新鮮波蘿我食放題最後一定係食燒菠蘿6月菠蘿當造真係好甜燒過後更加帶出甜味估唔到有最新既有汽檸檬茶👏🏻呢間放題CP值真係好高好多回本位🙈剩係鮑魚同扇貝已經值回票價今次放題真係喜出望外估唔到咁驚喜😆

今日慶祝拍拖週年，最岩我嘅節目當然係食好野啦！老公訂左檯唔洗等好耐已經可以入座。嘩真係好多野食呀！QR code落order嘅野食好快到，但我已經忍唔住出去行左個圈整左杯軟雪糕😆。蒲燒鰻魚係正宗鰻魚，香甜好食無骨，好食到encore再encore！鹽燒牛舌超級香！金湯酸菜魚無想像中咁辣，放題都有酸菜魚食勁驚喜呀！超級好味嘅北海道黃金醬海虎蝦，又係回頭率極高，個自家黃金醬香甜、芝麻雞翼香噴噴！我覺得最抵嘅壽司項目係山葵漬劍魚腩壽司、帆立貝壽司，貴野黎架，而且好新鮮鮮味。刺身最好味係海蜇同赤背，我鍾意咬落去索索聲呀！侍應執檯勁快，清碟密，非常好！

我同屋企人一齊去食放題～ 因為食放題可以好多選擇，同埋媽咪可以唔使煮飯～ 放題既串燒真係幾唔錯，我哋叫咗燒羊架，燒牛舌！兩樣都好好味！仲有燒菠蘿🍍燒菠蘿都燒得好好味！卷物有好多選擇～我哋基本上都叫左一款黎食～ 明太子卷，吞拿魚蓉卷，芒果卷，牛油果卷好好味！全部卷物都各有特色，本人鍾意芒果卷，因為芒果連埋卷埋一齊食好爽口！我哋仲叫咗好多壽司～有三文魚壽司，虎蝦壽司，帶子壽司，腐皮船壽司，油甘魚壽司，鰻魚芝士玉子卷～ 火炙系列都燒得好好～ 我地叫左火炙三文魚壽司同火炙虎蝦壽司～大贊蒜香蒸元貝！估唔到咁好味！真心係好似去緊海鮮餐廳食嘅咁有風味！第一次見到有豆乳湯底～所以就叫左豆乳雜菜鍋黎飲個湯+暖下胃～炸雞翼都炸得好好味～ 好香口！好正！

同朋友去食放題～ 因為放題超多選擇～ 想食咩都得～ 仲可以任叫一個價錢唔使就住就住～ 一入門口有個自助沙律區～ 有好多沙律小食前菜開胃菜可以任食任拎，仲有蝦可以任拎 好正～ 仲有胡麻醬沙律豆腐配櫻花蝦～ 好好味～每次食放題我都必叫炸物! 我叫左最喜愛既日本小蕃薯仔～ 炸完真係超好味！仲有炸南瓜天婦羅都好好味！其實炸蔬菜真係好正！保留琴蔬菜既原味放題仲有串燒！我叫咗燒蝦～ 好味小食有好多款 我叫咗牛油粟米 醉鮑魚 酸菜魚 牛油金針菇炸餃子， 章魚小丸子～ 我想講迷你小多士真係好好味！有沙律櫻花蝦，同埋帶子多士～ 不得不提刺身好新鮮！我哋叫咗好多三文魚！食三文魚食到滿足！仲有吞拿魚同帶子都好好味！其中一個小食我超鍾意！就係花膠鮑魚汁～超級好味嘅花膠炆到好林！勁抵食喺放題有花膠食！我忍唔住叫咗兩次！

朋友約咗食放題，我就提議去觀塘呢間極尚大瀛喜，之前食過冇拎刺身同埋熟食品質都唔錯。我哋差唔多試晒所有刺身款式，吞拿魚、油甘魚、三文魚、赤蝦、甜蝦、虎蝦、八爪魚、海蜇、赤貝都有試，全部都新鮮。我就最鍾意帶子，鮮甜嫩滑；仲有赤蝦，大大隻，鮮味。跟住壽司卷物，我就鍾意火炙左口魚裙邊壽司、花之戀、火炙三文魚壽司；手卷就食咗三文魚子同埋海膽，海膽質素尚算可以，唔會腥。食完一輪壽司刺身，我哋就轉戰熟食。蒲燒鰻魚件厚肉冇骨，唔會腥。蒜蓉蒸扇貝味道正常惹味，酒浸鮑魚有驚喜，清香得來又入味，而且肉質唔會好似咬橡筋。有個煮螺都好正，螺好大隻，大粒肉，而且有鮮味，少少辣好惹味。肉類我哋就叫咗牛舌同埋羊架，其中羊架好香孜然粉味，唔太羶，肉質亦都鬆軟。炸物我就最鍾意食嗰個榴槤炸彈，熱辣辣金黃香脆嘅外層包住軟綿綿嘅好似年糕咁嘅質地，再裏面就係流心creamy嘅榴槤😋另外佢仲有一個熱湯喺出邊自助區可以拎嘅，花膠蟲草湯，都幾好飲，真係有啲花膠架。甜品方面，我哋實在太飽，所以淨係食咗少少。嗰度有部軟雪糕機，食咗個扭紋朱古力抹茶雪糕同埋拎咗個芒果甜筒食，跟住就飽到咩都食唔落喇🙈

好耐冇食過放題，揀咗呢間放題皇牌，長假期前夕約咗朋友去食餐勁慶祝。首先梗係要食返盤刺身，呢度嘅刺身質素尚算新鮮，放題嚟講算幾滿意👍🏻其中三文魚、油甘魚肥美，赤蝦大隻新鮮，帶子鮮甜，不過佢就執漏左希靈魚俾我地。之後就食壽司卷物手卷，辣味三文魚卷幾好食😋手卷就試咗海膽同埋三文魚子，係迷你size，唔怕食飽晒👍🏻龍蝦沙律伴櫻花蝦多士呢個小食都好香口開胃😋呢度嘅熟食都好多款，質素唔錯。我哋就專攻海鮮先。北海道黃金醬燒海虎蝦又爽又彈😍，美奶滋芝士醬好香好creamy😋。蒜蓉扇貝惹味，扇貝都幾大粒肉。比目魚西京燒魚油充足好滑👍🏻。炸物就推介天婦羅蝦😋 殿堂宴客醉鮑魚都係必食之選，酒清香鮑魚軟中帶咬口😍 吉品鮑汁扣花膠膠原滿滿，仲幾入味😋串燒類就推介燒牛舌同埋燒菠蘿，牛舌唔會𡁻橡筋，有肉汁😍燒菠蘿好甜，好多汁😋佢仲有一啲鍋物，同埋雞粥，但係我哋已經冇quota，就去食甜品，現場有軟雪糕機，有朱古力同埋抹茶，抹茶幾香濃😋另外有個蜜桃Yogurt，係低脂低卡路里，好食又健康，感覺冇咁肥👍🏻

最近有朋友係外國返黎香港，當然要約出黎聚一聚啦，問佢想食咩嘢，原來係佢心目中最掛住既就係香港既日式放題，不過又真係好吸引既，咁抵既價錢就可以食到咁多唔同種類既食物，係外國真係好難搵得到既。。最後我地揀左呢間係觀塘既極尚大瀛喜。見到網上既評價都好高，而且地點好方便，係Apm既傍邊係地鐵站行過黎都係幾分鐘。。入到餐廳安排左我地坐卡位，原來而家轉晒用QR Code落單，真係方便好多，既環保又唔驚會漏單係自取區已經有好多食物可以囉，分別有沙律，前菜，炸物等等，另外仲有個甜品櫃同埋雪糕，真係好吸引。。而飲品方面，有幾個大型既飲品雪櫃，包含左幾拾款飲品，真係揀到花多眼亂呀呢到既刺身真係無得頂呀，除左好新鮮之外，仲用冰墊住擺得好靚，用黎打咭一流啦，而其他熟食既選擇都好多，非常高質，真心推介呀呢間放題

極尚大瀛喜日本料理觀塘觀塘道414號1亞太中心5樓觀塘區有好幾間日式放題既餐廳我都試過，始終最鐘意都係呢間極尚大瀛喜，覺得坐最舒服，餐廳既面積又夠大，刺身壽司都好新鮮，所以今日收工又同左朋友一齊係呢到聚一聚啦呢到既刺身絕對唔會令你失望，一如以往選擇都係咁多同埋新鮮，而且全部都係厚切，食落口感真係零舍唔同，而且最欣賞既就係我地點幾多餐廳都會比足個份量，唔會自動cut單減份量，值得一讚熟食方面我地都叫左好多，有羊架，牛舌串，牛肉鍋，牛油粟米，燒比目魚，天婦羅，榴槤炸彈。。。而最欣賞既就係蒜蓉蒸帶子，好大粒既帶子，應該係即叫即蒸熱辣辣嘅，表面鋪滿曬蒜蓉真係好正

極尚大吉屋位於觀塘亞太中心，地鐵站觀塘行過去幾分鐘，位置非常之方便。3個鐘日式放題，由自助區到用QR code 落order 嘅野食種類超多。自助區沙律 - 各種蔬菜及多款沙律醬冷盤 - 大大隻凍蝦，無沙凍蜆，肥美青口，中華沙律，日式螺肉生果 - 橙，西瓜，蕃茄甜品雪糕 - 各式糕點都細細舊，可以試多幾款，雪糕超過十款，仲有2款軟雪糕。中式湯 - 花膠雞腳湯，超正飲品清酒，梅酒，啤酒，汽水，花茶，涼茶，咖啡串燒各種串燒燒得剛好，牛舌有肉汁，有機菠蘿多汁香甜，羊扒7成熟肉質非常柔軟一品料理醉鮑魚 - 肉質彈牙，好香酒味。吉品鮑汁扣花膠 - 花膠無花無假，好厚一塊，非常之骨膠原

幾個大雪櫃嘅野飲，啤酒，汽水，果汁，涼茶。凍野唔啱都有暖飲櫃，同常溫野飲，真貼心。⭐️甜品櫃 🍮蛋糕布甸梗有啱食🍨🍦雪糕櫃，十幾款雪糕雪條，仲有自助軟雪糕。⭐️湯 ：花膠湯好好味。⭐️糖水：椰汁鮮奶燕窩糖水，唔會超甜，奶味香濃。⭐️串燒 蒲燒鰻魚 - 肉厚肥美。🐑燒紐西蘭香草羊鞍 - 唔會過熟，肉質軟林，外皮焦香。🍍燒有機新鮮菠蘿 - 新鮮多汁。⭐️壽司🍣鹽燒左口魚邊壽司 - 經過燒烤，滿口魚油，非常之好食，份量小小一舊，剛剛好。鵝肝壽司 - 鵝肝同飯比例很好，加上芝麻香 👍🏻。⭐️煮物辣酒煮黃金螺 - 香辣野味，螺肉爽口彈牙。⭐️迷你手卷芝士蟹籽，海膽，三文魚籽 都非常非常好味。仲有好多野想食，可惜胃太細😆 唯有下次再試埋其他。

呢間食過幾次，食物質素係可以嘅但今次食真係覺得服務唔掂啲位又勁窄勁迫二人枱，根本擺唔到幾多嘢食仲要一個碟放一粒食物張枱叫幾樣嘢食就擺滿，一個牛乳卷又一碟，一粒紫芋丸又一碟，同樣都係炸嘢，唔明點解要一樣一碟？但有時又會放埋一齊，壽司亦係會無端端一件一碟為咗驚張枱唔夠位攞都唔敢多叫嘢食放滿枱，食完嘢嘅碟冇人收隔離枱又冇人，咪唯有放住隔離枱囉個女侍應行過問係咪我放喺隔離枱我話係呀！佢即刻警告我叫我唔好放喺隔離枱我都直言：冇位擺！唔通要我拎住啲碟食？又冇人嚟收嘢我唔明點解佢可以咁對客人刺身個樣都靚嘅，款式算多啲蝦色澤亮麗鰻魚熱熱地幾好食今次食多咗芝士蟹籽同飽魚手卷羊架幾淋，但騷味較重，唔係人人好泰式燒鯖魚，比較新穎味道都幾好櫻花蝦多士味道怪怪地燒蝦個樣好靚，熱辣辣幾好幾好牛柳粒估唔到咁大份，但太甜，牛又靭⋯⋯有一款自製冷泡茶，玫瑰茶，我就覺得麻麻地鮑魚有少少醉味！都幾好！肉質夠爽口！食得吓雪糕算有幾多選擇，但唔多好食$278加一呢個價錢算係咁上下，但服務同坐位真係差咗啲！同埋疫情其間擺出嚟俾人攞嘅食物全部冇蓋！有啲嚇人！我見到有個小朋友用手拎棉花糖逐粒黐落杯軟雪糕度，真係有欠衞生

又到一年一度慰勞母親既節日, 卜唔到自助餐, 改去食放題, 母親大人一樣咁開心! 仲不斷話依度抵食!依間係亞太中心既分店好大, 而且設有好多卡位, 地方闊落, 唔洗同隔離有搭枱feel!中意佢用手機落單, 簡單方便唔洗成日叫店員, 自己可以CHECK番單, 今次亦冇漏單既情況出現。刺身選擇都有成十幾款, 三文魚係肥美既, 赤貝, 牧丹蝦, 帆立貝等全部新鮮, 可能依度客人多, 流量快, 對於佢刺身既新鮮程度唔洗擔心~~壽司方面都係超多款, 亦有創意壽司同卷物, 另外特別中意依度既手卷, 一定係必嗌, 竟然有海膽, 三文魚籽同埋璣煮鮑魚! 三樣都係靚野, 仲可以任食, 夫復何求!!!熱食方面都多到試唔哂, 埋單先記得我地仲未食天婦羅呀!! 不過其他野都已經好豐富~辣酒煮螺好大隻螺, 辣汁惹味!牛柳粒牛柳粒腍身, 牛味仲幾香添!醉鮑魚估你唔到有醉鮑魚食, 仲要又整得好食, 鮑魚彈牙唔韌, 花雕入味清香, 一人兩隻基本啦!!汁燒鰻魚係厚身既鰻魚!加埋香甜燒汁, 基本上同出面叫個鰻魚飯食既鰻魚一樣咁好食~~燒菠蘿食到飽飽濟濟既時候, 一定要叫番個燒菠蘿, 燒完之後又香又甜又JUICY, 酸酸地

限聚令放寬咗之後，緊係第一時間出去食飯啦，我諗最多人選擇，一定係去食放題，因為可以一次過食好多種食物，滿足食嘢嘅慾望。今日我去咗觀塘食放題，朋友話呢間極上大瀛喜啲食物好好味，又多選擇，所以就去試吓。前菜都好多選擇，我最鍾意食果個蒜蓉蕃茄，入口涼涼的，有消暑的感覺。飲品選擇極多，有啤酒，日本清酒，氣水及茶類，應有盡有，亦都有我最鍾意的蘆薈汁，選擇飲品時真係會花多眼亂😍由放於好耐無食過日本嘢，所以我點了一個牛肉鍋，牛肉薄薄的，煮到剛剛好，配上濃湯，真係好好味，如果配上一碗白飯就好了，三文魚腩平時售價都比較貴，但竟然可以任食，我叫了4件，大滿足。三文魚的油份充滿口腔，果份魚油香，真係令人回味。燒羊肉，唔知大家鍾唔鍾意食羊肉，我就十分喜歡。佢哋啲羊很厚肉，食起來啖啖肉，已且羊肉的味道很濃，喜歡羊肉的朋友不要錯過。天婦羅都係必食推介，特別係大蝦天婦羅，全部即點即炸，上台時熱辣辣的，好新鮮。蝦肉鮮嫩，可以食出是品質較高的類別。食放題，刺身一定唔可以錯過，佢哋啲刺身都好新鮮，最吸引嘅，緊係牡丹蝦刺身啦， 牡丹蝦大大隻，又鮮味，蝦頭的蝦膏更是美味，比起食甜蝦，我更喜歡食牡丹蝦。一餐咁多嘢食嘅放題，都係