極尚大瀛喜日本料理

營業中

休息中

比起食酒店buffet，呢間放題CP值高好多～同爸爸媽咪老公黎，喺門口已經見到琳瑯滿目嘅各式食物！坐低，QR code落單，出面亦有自取item。超多種類：刺身、壽司、炸物、燒物、鍋類、甜品、雪糕、有汽飲品、果汁、熱茶、清酒啤酒、冷暖熱嘅都有，真正可以輕易做到飲飽食醉嘅一晚。刺身有冰墊底，擺盤好靚，所有都好新鮮！甜蝦、吞拿魚、帶子酒煮榮螺片超推介，尤其係吞拿魚嘅油香脂肪同酒帶出榮螺嘅鮮甜爽口。香草燒羊架又香又juicy；貴價比目魚都係任點，煎香帶日本醬汁甜味，肉質滑溜，閒閒地食呢兩樣加盤刺身都回左本！種類真係太多，燒有機菠蘿好食，魚湯浸菜苗又係無得輸，魚片魚湯浸住fresh到震菜苗，無渣嘅，我地一家都食得好滿意好開心！

同大胃王朋友去食咩最好？梗係食放題啦，乜都有得食，二百幾蚊可以食足2個鐘，其實真係好抵。一坐低，第一時間梗係掃code點嘢食啦，見到刺身諗都唔諗全部要啲先，之後再慢慢點其他嘢食☺️以放題嚟講，刺身都算唔錯，種類多又夠新鮮，擺盤都幾吸，尤其係帶子、蝦同三文魚，都幾鮮甜。之後就係各類壽司同手卷，不過擔心太飽，唔敢點太多，好彩啲飯都唔會太大舊，試咗幾款冇刺身嘅魚同海膽，都唔錯。仲有個好好味嘅鮑魚，一定要試。食完凍嘢就到熱嘢，試咗幾樣都幾好味，尤其係燒鰻魚、比目魚、沙律醬虎蝦、蒜蓉扇貝。。。佢嘅調味都做得幾好味，有啲甚至比普通居酒屋仲好味。最後又去返凍嘢，就係甜品啦，選擇都算多，推介一款抹茶芝士餅同普通嘅芝士蛋糕，都幾重芝士味。另外亦都有雪糕🍦機，朱古力味幾好味。一個價錢可以食到咁多嘢真係勁抵，不過張二人枱真係太細，好快就擺滿🤣

放題不嬲都好受歡迎, 坊間選擇咁多, 識揀一定要揀間CP值高既。 哩間既食物款式多到冇可能一次過得哂, 個肚皮一定裝唔哂!手機落單方便快捷, 等緊野食個陣就出去自助區拎D前菜盤同飲品啦! 仲有冷盤海鮮,連章魚小丸子都有, 飲品連酒類都有, 未正式食已經覺得好豐富!相信個個第一round都會叫個大大刺身盤先,款式多之餘亦新鮮, 牡丹蝦一定係必點, 大大隻又甜!壽司款又係多到食唔哂, 好多貴價食材佢都有, 好似鵝肝, 帆立貝, 和牛壽司依D, 超正, 真係食兩round都回本了! 熟食推介燒紐西蘭香草羊鞍好大隻又多肉, 肉香加埋少少香草, 好味~芝麻雞翼依個超好食, 唔好以為腫翼好普通, 佢整到外皮又薄又脆又香口, 但肉係勁嫩勁JUICY, 熱辣辣即整, 一定要食!蒜蓉粉絲蒸扇貝扇貝肉係大粒有咬口,粉絲索埋D蒜蓉汁, 基本上同酒樓食既差唔多, encore!!!芝士焗大蝦上枱時仲熱辣辣架,超濃厚芝士，蝦肉又大又厚，正!最尾點飽都好,一定要出去拎番枝甜筒同脆皮雪條收尾, 食完大滿足! CP值爆燈, 一定會encore♥️

襯住疫情緩和聚一聚是常識吧！老友要食好嘢又要多種類，最緊要book檯，但唔一定好貴。任食高級刺身同壽司係主打，老友話一定要有酒飲呢度都有，坐得唔會好迫，幾個男人大吃大喝吹水又一晚。挪威三文魚：魚味濃，脂肪ok，新鮮。赤蝦：好鬼大隻，個頭都好鮮味。蒜香牛肉火灸壽司：有少少過火，但香蒜惹味贏返。黃金海鮮船：特色壽司，有蟹子、三文魚粒、沙律醬、玉子、腐皮，一個字「豐富」！醉鮑魚：大隻、乾淨、香酒甜、彈牙非常。雪糕凍櫃都勁多款，食多幾款真係飽，但唔食就哂料。有埋軟雪糕兩種味玩下，正！

今次我同朋友去了食壽司自助餐。任食兩小時，想食幾多就食幾多，仲提供各種飲品和甜品。熟食方面，我特別鐘意章魚燒，雖然睇落冇乜特別，但原來好好味架，熱辣辣，而且包著唔少章魚🐙喺裡面。之後開始手機點餐，從刺身到壽司再到串燒，最後點咗成50幾個。😂 我有少少擔心我地可能食唔哂。😅 但最後都食得哂✅點咗嘅食物好快就黎啦！成張枱都鋪滿食物🍤🍣🍘🥘🍱餐廳用左好多冰去擺刺身盤，各種刺身放喺上面，非常吸引😍 我叫左虎蝦、赤蝦和甜蝦，甜蝦味道最好，最鮮甜美味，赤蝦味道都唔錯，而虎蝦就有點dry😂帶子刺身都好好食，我仲想再點，但已經太多啦！各種食物都很滿意，特別係香草燒羊架，肉質很淋，完全冇膻味。😋😋🍾🍷🥂🍻🍺🍸至於自助飲品區有清酒，梅酒，啤酒，啤酒種類都很多，我想飲唔同嘅啤酒，但最後只係飲左一罐Asahi 就夠啦！因為已經飲飽食醉啦！

🐳最近有不少的朋友也介紹這間餐廳，説很好吃，很值得來，於是我就和朋友來試一試。由於在附近工作，下班後順道來這裡。餐廳很大，但也座無虛席，看來十分受歡迎👏🏻👏🏻🐳自助區有熟食區，有冷凍區，有甜品區，也有飲品區。每個區域都整理得很好，很乾淨衛生。食物方面有不少的選擇，很吸引，很想每一款試一件，但是肚子不能吃那麼多🤣我特別喜歡花膠雞湯，真材實料，有很多花膠在裡面。🐳自助點食物方面，有非常多的種類，基本上，想得到的，就可以點到，我們一次過點了差不多六十款，很誇張吧！刺身很新鮮，很鮮甜。所有東西來得很快，但絕不是預先做好的，感覺是即叫即製作。😍😍😍🐳至於飲品方面，很值得稱讚的是酒類多元化，有清酒，梅酒和啤酒，啤酒有很多不同的牌子，不是一般cheap cheap 牌子👍👍另外還有很貼心地提供熱飲，有薑茶，維他奶，麥精等等，任君選擇。😌😌🐳非常滿意今次用餐，值得推薦給好朋友們👭👭👭

放題真係食唔厭，因為大把選擇，一定會有想食嘅嘢，今次成大班人去食，我終於食到啲平時人少唔會點嘅嘢以為觀塘店會少人啲，坐得舒服啲，點知完來同旺角店一樣咁旺🤣第一輪必定係刺身，最鮮甜依然係帶子，點食都唔厭☺️可能食嘅人多，甜蝦、赤蝦、希靈魚、三文魚都幾鮮甜，虎蝦加咗啲泰式醬，所以都幾惹味。熱盤亦都有好多選擇，鰻魚、鮑魚、比目魚、沙律醬虎蝦、蒜香扇貝、吉列大蝦、榴連炸彈、羊架。。。全部都幾惹味。另外仲叫咗啲壽司同手卷，細細件，唔會太頂胃。最後又食咗好多甜品，有款抹茶芝士餅同芝士蛋糕都幾好味，雪糕種類都幾多。相信在場所有人都食到勁飽🤣

今日係觀塘行完街，突然間咩都想食，就諗不會食放題啦，甘就見到有間極尚大瀛喜，甘大瀛喜既日式放題一向都係大件同價錢親民，咩都可以有得食，款式選擇又多。所以咩都唔諗就食佢啦。一坐底，咩都唔諗啦，就叫左盤刺身先，再出自助區行下，竟然發現依家連豉汁蒸白鱔都可以係自助區任拎，甘就更加正啦。其他基本既凍海鮮都有唔少選擇，飲品種類多不聲數基本既汽水固然不可小啦，連近年少有既清涼爽同馬蹄爽既童年回憶都有得任飲，日式放題必備既清酒同梅酒入口甘香。食物呢，就凍醉鮑魚，黄金蝦係必食，唔係間間都有既海膽手卷都任你食，最驚你食唔晒。串燒，天婦羅，保持一貫水準，上枱既時候仲係熱既，同坊間同類型既放題相對呢點已經瀛晒，所以下次飯聚都繼續嚟食先。

已經一段時間沒有出街食飯，今日決定同屋企人去食放題，食返餐好嘅。今日我哋選擇了觀塘APM格離的一間放題，極上大瀛喜日本料理。餐牌位置非常方便，觀塘地鐵站一出行5分鐘便到達。這間餐廳面積大，食物種類多，價錢都非常合理。餐廳方面，餐廳採用QR Code 自助落單，方便又衛生。頭盤方面，可以出去沙律吧沙律，又有生果可以選擇，非常新鮮。食完前菜，開胃了，可以食主菜。串燒牛舌，一啲都唔軔，牛味又濃，非常好食。燒羊架，無想到佢真係大大件羊架上枱。羊味非常濃，而且燒到剛剛好，咬落口肉汁流晒出嚟，鍾意食羊肉嘅朋友一定唔可以錯過。燒元貝，大大隻，而家去買一隻元貝都十幾蚊，呢到可以任食，真係好抵食👍🏻 佢哋放了很多蒜蓉上去燒，好香口。元貝肉質鮮嫩，好味道，我食咗4隻😍凍蝦及凍青口，會不停Refill，想食幾多都得。蝦肉爽口，青口鮮味，加上檸檬汁，越食越開胃。一口牛柳粒，一人一粒，份量剛剛好。牛肉加上特製嘅汁，甜甜哋，好好味。燒青魚，一啲都唔腥，好厚身。配合埋特製醬汁，酸酸的，口感一流👍🏻花雕醉鮑魚，酒嘅香味加上鮑魚嘅鮮味，味道非常夾。鮑魚做到爽口彈牙，應該煮熟後有過冷河，可以食出厨師的手工🥰辣味螺，佢個汁

以下非專業食評🙈#口味人人不同建議自己去試食魚生幾新鮮，小妹最鍾意嘅三文魚油脂分布平均，亦好大片👍🏻甜蝦名副其實，真係幾甜😆牛舌燒得幾香，重點係唔韌，好爽口，淋上檸檬汁更加惹味，解膩🤤海螺同鮑魚，小妹同媽咪一致認為唔啱我哋口味。鮑魚有非常濃烈嘅酒味，鍾意酒味嘅人應該會鍾意。甜品方面個人認為食雪糕比較好，佢自家製嘅甜品麻麻，可以唔使浪費quota食🙈另外，竟然有梅酒同白酒，差不多完結嘅時候，媽咪興奮地斟咗少少梅酒同白酒來品嘗，淺嚐過後小妹同媽咪都比較鍾意梅酒多啲，佢仲話我點解一開始唔同佢講有梅酒飲😅所以，想飲酒，但又唔想飲啤酒嘅人不妨一試啦總括而言，食物選擇較少，不過咁嘅價錢都正常嘅，都係為咗同屋企人食氣氛姐

我真係好鐘意放題自助餐。雖則每次眼闊肚窄～食完飽到嘔🙊都話嚟緊一年都唔想再食～但每次總係忍唔住今次上網搵咗好耐最後揀咗呢間見佢食物款式都幾多～～～～～～～～～～～～～～～～～～首先環境同枱都坐得幾舒服又乾淨～上菜速度都好快，亦冇漏單情況食物質素亦好滿意，好多特別款式～～～～～～～～～～～～～～～～～～自助區包括👇🏻👇🏻👇🏻🧃🍹☕️⋯⋯飲品 （超多種類）🥗🍅🥒⋯⋯沙律 （無食）🦐🦐🦐⋯⋯海鮮 （🉑）🍤🥟🍘⋯⋯炸物（味道👌🏻）🍦🍩🍨⋯⋯平價雪糕甜品 （無M&P , Haagendazs👉🏻👈🏻）刺身～各種大路嘅刺身都應有盡有，夠新鮮～壽司都正正常常～飯又唔會太硬熟食嘅款式好多～好多都掛住食都唔記得影相芝士焗蝦～賣相味道好吸引～釀咗少少洋蔥加青椒～加埋芝士幾惹味～焗得好靚仔～燒銀鱈魚？好似係🐟😛外皮係有啲燶，不過唔影響味道，醃得好入味～甜甜的～可以大大嚿鰻魚放入口真係爽呢到🦐🍤蝦的菜色好多種～黃金蝦都👌🏻仲有好多好多食物都唔錯例如～🉑蒜蓉粉絲蒸扇貝（不過有啲細粒）🉑花膠湯 （太大碗）🉑羊架🉑芝麻雞翼 （皮脆肉嫰）～～～～～～～～～～～～～～～～燈燈燈櫈😂是日最愛榴槤炸彈炸得💯，外脆內軟，煙韌嘅

大大話話都有成年冇食過放題，呢間位於觀塘嘅放題，細細個都已經食過啦，今日一於去重溫下，發現原來性價比都幾高。🥡 刺身放題嘅重中之中，每款刺身師傅都冇留手，切到厚厚咁一片，每一片都令人好有滿足感。種類方面，三文魚、吞拿魚、油甘魚同埋帶子就係我嘅首選啦！🥡牛吞串燒 芝麻雞翼呢兩款都係我嘅最愛，芝麻雞翼個皮脆卜卜，加埋啖啖芝麻，夠曬香口！牛吞就更加係必點！🥡香草羊架調味好足夠，每舊都大大舊，腍身得嚟又夠juicy，唔錯唔錯！🥡醉鮑魚性價比最高嘅地方，莫過於有鮑魚啦，醉鮑魚好入味，完全唔難咬，食落有陣陣嘅花雕味～🥡鮑汁花膠而家放題已經唔只再局限於日式野食，花膠大大塊，食落好腍好入味，可以一試！🥡酸菜魚仲有而家大熱嘅酸菜魚，魚片好嫩滑，整體味道好足，見人食完一碟又一碟。

當晚黎嗰陣啱啱開返晚市堂食，所以超多人好熱鬧～黎放題係最鍾意就係食佢哋嘅芝麻雞翼，新鮮炸起皮香脆肉嫩滑但因為減緊肥所以都唔敢食太多所以我哋主要都係叫呢款花雕醉鮑魚，夠入味又唔會太鹹，要鮑魚本身亦都爽口，唔會啲肉質霉霉爛爛所以都order咗好多round 屬於回本之選同埋值得一讚佢上菜速度好快

終於可以出街食晚飯，終於可以約埋班朋友出去食飯啦。今次我哋去咗觀塘到食日式放題，一間性價比好高嘅放題，超多唔同種類嘅海鮮可以任你食係你叫嘢食之前，外面有個自助吧，可以自己去攞汽水啤酒，清酒，梅酒，同埋好多款前菜，小食都可以攞，今日有幸有豉汁燒鱔食，鱔嘅油香同豉汁嘅味道簡直係一絕，仲有啲凍海鮮可以任食，雪條雪糕都係自己攞，仲有軟雪糕都可以自己整架，性價比揀直係高！食放題，刺身一定唔少得，樣樣都好唔錯架，三文魚厚切，吞拿魚就好嫩，甜蝦都好鮮味。係時候食啲熱嘅嘢啦，sukiyaki，串燒，天婦羅，咩款色都有齊，真係多到唔知揀食咩先好。特別係推介佢幾款嘢，我食完又食，食完又食嘅蒜蓉蒸扇貝非常之惹味嘅蒜蓉，加係原隻扇貝上面，只係會不停咁encore醉鮑魚好多放題有鮑片食都唔係咩特別嘢，但係我推介呢個係特別唔同，因為佢係醉鮑魚，原隻鮑魚落去啲花雕酒到浸，食落去第一啖嘅時候就香直接衝入你個喉嚨，紙包魚嘅鮮同酒嘅甜完全溫和係一齊，非常清新而好味鮑汁花膠呢個都係非常特別嘅一款食物，因為個汁好濃厚但唔會太鹹，花膠都炆得好腍好滑燒羊架一般嘅燒羊架都會整得好硬好柴，但係呢度就一定唔會，食咗咁多舊，舊舊都好腍好

一家人出外晚飯，大女話想食放題，呢間半年前同佢來過，佢都幾滿意。第一輪刺身都幾新鮮，但漏單喎，有兩樣冇來到，下輪再叫。熟食區我覺得燒鱔最正，彈牙爽口，仲不停refill.以家啲鱔好貴吖。蝦都大隻彈牙。海膽手卷味淡，但可以整得靚仔啲嘅。芝士燒蝦壽司質素一般蒜蓉蒸扇貝，幾入味，order了兩轉比目魚西京燒，好味，魚味幾濃。牛肉壽喜燒，湯汁偏甜，牛肉嫩滑。整體食物性價比都幾高，一家人3大1小，$1000有找，幾抵食。👍