極尚大瀛喜日本料理

營業中

休息中

無針者N年無食日式放題，放監即刻周圍食😂 觀塘那間極尚大瀛喜好正！大推！出餐快，嘢食熱，魚生鮮！三文魚吞拿魚好肥美！燒蝦即燒又肥美，平時我食唔新鮮的蝦會皮膚敏感，今次食咗好多種蝦都無事。$325食到靚魚生羊架乳鴿鮑魚，超值！食物味道同質素都超正，連牛肉鍋裏面嗰粒凍咗嘅牛丸都好食！蟹粥好食！第一次見放題有車厘子，好甜😋 一order嘢食極速上枱，雖然限食兩個鐘，但食咗一個鐘個口好攰😆 大滿足！好多嘢食都未叫，水煮魚未食，短期內想再去！新會員送環保袋，即時有$20 coupon，限期內消費滿$3000送$300coupon，仲有生日優惠！唯一不滿是7個人坐6人卡位，人多的話指定唔坐卡位好，方便出去拎嘢食又唔洗咁窄

觀塘區唔錯既日式放題，種類多，價錢合理👌🏻午市放題$238 抵！ .✅刺身多選擇，大路既都有，比較特別就有：冰鎮花海蜇✅海膽手卷！任叫唔使排隊，好新鮮呀✅一品料理整得好食又大大份，大部分都直接黎2人份量✅無咩漏單情況，叫幾多黎幾多✅必點紅燒乳鴿皇，岩岩炸起熱辣辣勁正 ✅串燒都係，即叫即燒，雖然要等，但起碼夠熱✅自助吧野食多，好似涼菜、特式卷物都係自取✅ lunch抵食，同夜晚野食9成似，人少啲無咁逼，仲要平幾十蚊，食完之後全日唔食都得😂.❌我食lunch time 但到2點左右出面自助吧已經無再加野食，建議早啲拎晒先❌冷氣好凍，凍到想拎熱飲，但熱飲只係常溫❌lunch time時間趕啲，幾乎坐低無耐就要埋左張單先❌雪糕種類唔夠多，主要係比較平價啲既雪糕雪條

上次試過旺角分店的「大瀛喜」感滿意，今次同男友再嚟到觀塘分店食午市放題由1️⃣2️⃣點食到3️⃣點，平日成人收費$2️⃣3️⃣8️⃣環境寬敞，裝修較旺角店華麗==========QR Code落單，提供刺身，壽司，手卷，燒物，炸物，一品料理，創意料理等設有自助區提供沙律，水果，冷盤，前菜，炸物，熱食，湯品，糖水，咖啡機，軟雪糕機，包裝雪糕雪條，糖果區，凍飲品 (罐裝汽水，茶類，Somersby蘋果酒，嘉士伯，Asahi啤酒等)，及熱飲櫃==========🔹自助區▶️冷盤及前菜凍海鮮提供蝦及青口日式帶子裙邊：口感味道俱佳芒果龍蝦沙律塔：芒果及龍蝦鮮甜；壽司飯灑上芝麻，包上紫菜，青瓜，蟹柳及玉子牛油果沙律塔：牛油果夠creamy香蔥吞拿魚蓉塔：魚蓉夠細緻辣味三文魚卷：辣得滋味▶️甜品綠茶大福及朱古力大福：外皮軟糯椰絲撻：滿滿的椰絲香抹茶蛋糕：淡淡抹茶香香芋雪糕：有食芋泥的感覺，甜度不高易入口另外用咖啡機點咗杯美祿咖啡飲，啡味不錯，同美祿味道夾得來==========🔹刺身三文魚：厚切肥美夠鮮味北海道帶子：鮮甜甘味八爪魚：新鮮，口感爽彈帶嚼勁另外仲試咗油甘魚，吞拿魚，劍魚腩，北寄貝，希靈魚，酒煮榮螺片同俄羅斯甜蝦==

生日食飯，都係揀放題食啦，帶住2個細路，坐係度就有人拎俾你食，唔洗好似自助餐咁行嚟行去，或者燒肉咁睇火燒。呢個算係咁，冇漏單。一落單，5分鐘內送到。叫壽司細細件，食左飯都唔覺好飽。好少食魚生，只熟食多。炸物及串燒都出色，最鐘意個鵝肝壽司，入口即溶唔醒。有細路，都要叫烏冬，個稻庭烏冬都算唔錯，烏冬幻身，係我地鍾意既麵質。細路初初只想食一半，但食下食下就食晒一碗。係出面自取既食物一般，但如呢間舖頭都可以再encore。2大2小都係$1000，合理

已經有一段時間沒有來觀塘的極尚大瀛喜吃放題，大瀛喜係我心目中嘅放題No. 1，知道近日它近日作推廣，所以便來試試啦！這裏的放題有很多選擇，高質又豐盛。店員服務殷勤有禮，採用手機QR code落單，甚少有漏單情況出現，上菜、執枱超級快，環境都坐得好舒服，乾淨企理。自助吧有香甜水果、沙律、海鮮、蔬菜、甜品、炸物、天婦羅、煮物、串燒等，仲有多款甜品、雪糕、熱辣辣嘅糖水、自家製飲品、汽水、湯水、鮮榨果汁。真係應有盡有。最值得推介，當然係王牌任食燒乳皇，揸得又香，又脆，乳鴿啖啖肉，肉質嫩滑，鎖住肉汁，製作亦很香口。鹽燒牛舌吃落很有口感，牛味香濃，入口即溶。刺身，亦好新鮮，最鍾意吞拿魚他他入口甘香棉密，淨係食刺身都夠晒回本。下次等我再試下其他熱門推介item😋😋😋

🍣多款刺身值得欣賞係超厚切😍最中意竟然係三文魚😋😋珊瑚蚌超爽口正！其他質素都唔錯，牡丹單蝦就腥左啲⚠️🐮牛肉壽喜燒小編𝐄𝐧𝐜𝐨𝐫𝐞左2次😋😋好少放題店有得食，一鍋係2人分量，牛質素唔錯架🤩🥳磯燒鮑魚放題仲有得瘋狂食鮑魚😏😏！仲有個鮑魚仔都好好食！ 彈牙👍蒜燒帆立貝🦪蒜燒廣島豪必食蒜燒系列🫶超多蒜🤤🤤勁入味！𝐄𝐧𝐜𝐨𝐫𝐞左2次‼️‼️帆立貝底層有粉絲，廣島豪底層有金菇，吸晒啲蒜蓉辣椒🌶️正👏咸蛋黃炸魷魚圈必試！😋脆卜卜食到陣咸蛋黃味又實係幾過癮🤩🦀蟹粉豆苗以為佢好普通，點知有驚喜，𝐄𝐧𝐜𝐨𝐫𝐞左2次！😂好少菜會𝐄𝐧𝐜𝐨𝐫𝐞，蟹粉又唔係少！好有酒樓風味！👍店！櫻花蝦多士多士應該係韓國牛油蒜蓉包零食，櫻花蝦加埋啲沙拉醬味道又幾唔錯！😲燒乳鴿有機會要試乳鴿～～真係燒得唔錯，厚肉👍燒雞軟骨燒菠蘿燒大頭蝦黑椒一口牛🍦甜品：🍦香芋味雪糕、薄荷朱古力脆皮雪條超濃芋頭味😍😍好好食😋👍朱古力糯米糍煙韌好食😋綠茶味就麻麻地～

🌸高質豐盛日式放題🌸極尚大瀛喜日本料理🍽佳節臨近，又未能到日本旅行而又想相約好友共進高質滋味式放題？今天相約好友到主打高質日式放題餐廳「極尚大瀛喜日本料理」品嚐是日晚餐❗餐廳裝修簡約，上菜速度快，店員殷勤有禮。我們惠顧了晚市放題 $288@：1️⃣🌟刺身、壽司有多款不同類型的新鮮刺身及壽司，而我最喜歡油甘魚、帆立貝、甜蝦、虎蝦及北寄貝。壽司方面，即叫即製的海膽手卷十分濃郁滋味。2️⃣🌟炸物及燒物有多款天婦羅如大蝦、南瓜及蟹捧等，而燒物有雞軟骨串、香甜燒菠蘿、蒲燒鰻魚、香滑西京燒及芝麻雞翼。3️⃣🌟小食除了日式小食外，還有多款特式滋味小食如蒜香烤蠔、蒜香帆立貝、蟹粉荳苗、鮑魚及即燒乳鴿等。4️⃣🌟一品料理有多款一品料理如開胃香辣酸菜魚及暖心香幼蟹粉蟹肉粥。5️⃣🌟自助吧自助吧有水果、雪糕、自家甜品、湯品、凍飲、熱飲、涼拌前菜及冷盤海鮮等，種類包羅萬有。總括而言，此日式放題店的食物種類繁多，而且食物質素高及上菜速度快❗️餐廳鄰近觀塘站，絕對是觀塘一帶的高質日式放題之選❗

極尚大瀛喜放題🐠🍣.幾個月無食放題，突然好掛住呢種感覺🥹🫶🏻即刻book位食❣️.刺身絕大部份叫左三文魚，兩輪都厚切㗎🐠油甘魚、吞拿魚、帶子、赤貝、甜蝦、赤蝦，來兩輪係基本吧😛.🍣壽司最新鮮嘅係尊貴黑松露赤蝦壽司🦐其餘有醬燒左口魚邊壽司、蜜糖芥末醬燒赤魚、辣味三文魚卷、牛油蒜香帶子壽司、海膽手卷等等，嗌左少量就留肚食熟食啦😌.炸物依舊係食芝麻雞翼、紫心香芋丸同榴槤波波😋要讚呢間有特色嘅位，有牛奶炸饅頭🍼、燒乳鴿🦆、脆炸天婦羅蝦同蟹棒，個天婦羅base係好薄身㗎🙊食完唔會膩！燒新鮮菠蘿清一清味蕾就準備食甜品🍍.甜品有煲熱鮮奶燉燕窩，好岩冬天啊😍有不同甜筒同雪米糍，飽晒😉

觀塘人氣日式放題話說好耐冇食日式放題，今日同朋友去開觀塘想一齊食嘢傾偈，之後食過呢間日式放題乜都有，而且平日晚上都超級多人， 星期一至四 8:30pm入座每位成人$288+1，性價比高😍手機下單圖文並茂非常方便，種類款式都好多，除咗有刺身還有小食。服務都不錯，上菜快收碟快，記得提早book位～任點壽司🍣刺身、炸物、天婦羅等等。出面自助區仲有好多嘢食：熱食、炸物、湯品、甜品、水果、冷盤、雪糕和任拎飲品。刺身方面都算厚切，個人喜歡劍魚腩、帆立貝、三文魚、赤海蝦。壽司推薦、炙燒類的，好香口。推介超級香充滿油分的鵝肝壽司，上面仲淋左甜醬，另外甜甜的千島醬配上脆卜卜零食似的多士😋都好味熟食方面，可以試吓燒乳鴿，外脆內嫩多汁。串燒方面推介雞軟骨，比想像中香口，有驚喜，而炸物例牌 #芝麻雞翼 ，好香脆惹味多肉。仲有酸菜魚好好味，必叫！入面有薯粉同埋嫩滑魚片，少少麻BB辣好夠酸。越食越過癮～甜品必拎牛奶🥛奶凍，一次食幾個🤣直接吸入口，好幼滑。軟雪糕機維修中，所以拎咗啲軟糖食，酸可樂又幾過癮飲品方面，樂天蘆薈飲品都幾好飲，有好多蘆薈粒，幾清新唔會太甜。還有自家製菠蘿烏龍冷泡茶，聞落好香，飲落唔會甜，健康

過左個聖誕日日食大餐，唔可以俾團火熄滅呀😙所以今日就去咗觀塘幫襯一下極尚大瀛喜，怒吃一番！🔥。都一段時間無去呢間分店啦，多咗好多唔同嘅食物選擇，連一啲特色少少既食物都update左😳覺得今次好有驚喜，今次揀左係夜鳥時段食，食8點個段時間無咩人，所以無論拎野定食既過程都好舒服🫶🏻。🐒成人晚市放題💰$288連加一$314當日大概8點上到去都好快安排到入座，完全唔洗等，過程都唔會有人催你走🙆🏻‍♀️咁樣大家都食得舒服。🐟刺身好新鮮！而我最愛都係三文魚😋完全無漏單情況出現，即使係刺身上菜速度都好快反而我好欣賞今次啲壽司，因為除左有普通同火炙，仲有唔同卷物同手卷🍣種類選擇上令我驚喜，每樣都好精緻。熟食黎講竟然麻辣牛鍋都有🌶️而今次啲炸物全部都有正常水準，都件件即刻炸起咁熱辣辣🔥好難抵抗炸物誘惑😝

講到日本放題，呢間係多年來食過咁多間，覺得最有質數，款式夠多夠齊全。無論任何時段，每次嚟都係全場爆滿觀塘店環境寬敞舒適，$228 /位，食到肚仔滿滿...CP值高👍🏻除咗必食嘅刺身．壽司之外 連鮑魚都有得食乳鴿熱辣辣勁香脆無諗過呢度有酸菜魚，質數仲比外面更好味，酸酸辣辣超開胃，裡面仲有爽口萵筍同煙煙靭靭嘅薯粉。牛舌爽口，追加咗幾轉掃Code落單好方便，無漏單又有效率👍🏻飲品選擇多，天寒地凍有熱飲櫃，好暖心。甜品櫃樣樣都想食，單係雪糕雪條都有好多選擇見到甜品第二個胃又開動喇🙌🏻仲有小朋友最鍾意嘅軟糖，滿足唔同年齡層，下次可以一家大細再嚟

🔸午市放題時段📆星期一至五🕣12:00pm-3:00pm👨🏻成人（$228/位）👦🏻小童（$158/位）即使係冬天都無阻我食放題嘅決心❄️今日首次到訪觀塘分店，平日中午時段一樣人頭湧湧，而我就梗係把握機會盡情任飲任食🫢「大瀛喜」食物款式包羅萬有，除咗放題常見嘅刺身、壽司、手卷同燒物👀仲有乳鴿、酸菜魚、炸雲吞等特色美食，絕對係大滿足之選💕🐟刺身冰鎮花海蜇、原隻粒貝、醬漬吞拿魚他他、三文魚、日本油甘魚、吞拿魚、劍魚腩、甜蝦、赤蝦、鮮帶子、赤貝、八爪魚、希靈魚、酒煮榮螺片、北寄貝、醬醃鮑魚仔、泰式虎蝦刺身拼盤永遠唔會令人失望，所有款式都一如既往咁新鮮🙆🏻‍♀️油甘魚肥美柔軟、赤蝦鮮甜彈牙、醬漬吞拿魚他他口感豐滿⋯⋯實在係魚生愛好者嘅天堂💋🍣壽司藍鰭金槍魚、三文魚腩、柚子油甘魚腩、黑松露赤蝦、深海池魚王、帆立貝、山葵漬響螺🔥火炙壽司燒鹽醬和牛肩胛肉、醬燒蟹棒、岩鹽燒三文魚腩、牛油蟹蒜熟帶子、蜜糖芥茉醬燒赤魚、醬燒左口魚邊、火炙鰻魚試咗燒鹽醬和牛肩胛肉🐄和牛肉味濃郁，含豐腴嫩滑肉汁，配搭燒鹽醬更為惹味🥰🍙創作料理黄金海鮮船、花之戀、芝士鰻魚玉子燒、龍蝦沙律多士、鵝肝壽司、煙三文魚玉子燒、辣味三文魚塔

一行13人，2張長枱，有點迫，如果給幾張4人枱會好啲寬鬆啲。坐下先點咗啲刺身，我一向怕腥，呢度刺身完全唔腥，新鮮好味酸菜魚都有，仲要係比我食過嘅專門四川菜店食過嘅更好味，酸味剛好唔會食到😗晒咀，少少香辣釣味，魚滑完全無腥味，真係好開胃想添食，但要留肚食其他野！磯燒鮑魚，一啲都唔吝嗇，大大隻任你食，味道方面我個人喜歡蒜茸牛油，呢個普通點我係好鍾意食鵝肝，佢都有鵝肝壽司，不過就細粒咗啲，但喜歡食都要食幾粒，記住唔好唔好唔好做大嘥鬼唔食舊飯呢個喜歡鰻魚自然會鍾意燒蝦，我覺得剝殼太麻煩啦，我較喜歡沙律芝士蝦，好肥仔但好味其實食咗好多好多野，但因為枱細，上菜快，要趕住食，好多無影相，當中羊架好淋好香，超好味我食咗2隻，又係要留肚食其他野啦，好多人鍾意叫花膠菇，真係好鬼大碗，建議分享一齊食，唔好一人一份，因為太多啦，仲有好多嘢未試，仲有自家花茶好香好好飲！ 一定會再黎26/12晚食，$350/人，咁多嘢食算抵，但2個鐘係食唔切，因為太豐富啦

媽媽話今晚唔想煮飯, 約我去食放題, 貪佢咩都有得食, 又唔洗就住就住嗌，性價比超高！🫣刺身有超多款，款款都好新鮮，我哋今次嗌咗三文魚刺身、日本油甘魚🐠、劍魚腩🐟、北寄貝、北海道帶子、希靈魚、甜蝦🦐同赤貝，件件厚切好高質。除咗刺身，仲有卷物同壽司🍣都好吸引，例如醬燒極尚帝皇蟹棒火灸壽司🦀、芒果龍蝦沙律卷🦞、迷你海膽手卷、芝士鰻魚玉子燒🍳、龍蝦沙律伴櫻花蝦多士🍞、鵝肝壽司，任食價錢食到海膽同鵝肝，真係物超所值，嗌幾次已經回本！仲有啲燒物都超吸引，平時喺屋企都冇乜機會食到，但係喺呢度就可以狂食，我哋最鍾意就有鹽燒牛舌🍢、蒲燒鰻魚、鹽燒雞軟骨串、孜然風味烤羊鞍🐏、西京燒銀鱈魚等等。食到飽嘅時候又可以食吓燒有機新鮮菠蘿🍍，可以解油膩感覺。最近嘅期間限定嘅款式都好吸引呀，例如蟹皇蒜蓉粉絲蒸扇貝🐚、醬醃鮑魚仔、金牌豉油王乳鴿🦆、蟹粉扒豆苗、椒鹽風沙炒唐揚魷魚、極尚磯煮凍鮑魚同埋藍鰭吞拿魚壽司。除咗出面甜品櫃之外，我哋仲嗌咗北海道牛乳鮮奶卷🫔、榴槤炸彈同埋紫心香芋丸作結，食得超滿足。

假期想食餐好，放題真係一個唔錯嘅選擇 。今日就去咗 極尚大瀛喜日本料理極尚大瀛喜日本料理都幾方便，就喺觀塘地鐵站隔離。餐廳採用左歐洲式設計，座位寬敞，坐得幾舒適。呢度採用QR code自助落單， 十分方便。除咗自助落單，出面仲有自助飲料、小食、甜品專區。有唔少前菜小食，幾多選擇。飲品方面除咗凍飲櫃，咖啡奶茶熱飲專區，仲有清酒、梅酒任飲。刺身- 呢度嘅刺身都幾新鮮，基本上唔少香港人鍾意食嘅帶子、三文魚、螺片、甜蝦、海蜇等，都有得order。我最喜愛就係油甘魚，每片都係厚切，口感十足，而且有淡淡的甘香魚魚油味，十分唔錯海膽手卷 - 海膽味好濃郁，幾鮮甜，好少放題有得食，喺邊不能錯過嘅item比目魚西京燒- 燒得唔錯，魚皮香脆，同時保留魚嘅肉汁，食落香甜有魚味 黃金醬燒虎蝦- 用秘製醬汁燒成嘅大虎蝦，醬汁美味，好香好有質感，食落啖啖肉金湯酸菜魚鍋- 出乎意料嘅好道。食落好有有四川風味，既有麻香，又有酸菜嘅開胃酸味，2者配搭得恰當，係去四川餐館嘅質素醉鮑魚- 非常矜貴，係絕少放題可以食到，味道鮮濃，好有咬口，必食之選食完正餐，甜品方面都有唔少選擇，仲有間款雪糕甜筒可以㨂，絕對係飽足非常，大滿足