極尚大瀛喜日本料理

營業中

休息中

沙律吧area好大，種類繁多，有凍海鮮、味付小食、飲品區、甜品區、最驚喜係竟然有蒸鱔！😍😱😱😱第一次餐前小食係食蒸鱔，有食開鱔既朋友應該都知，鱔太生/太熟都會好難食，但呢個鱔，絕對係有誠意！味道適中唔會太濃味，熟度岩岩好又爽口，係出面真係冇$200都食唔到一碟(10舊都唔知有冇)，而我地兩個人，就食左人地12件蒸鱔😂極推薦！刺身方面，好多選擇，上得好快，真係落完單10分鐘內就上菜，帶子好大粒好甜，特別推介劍魚腩，因為唔算好多放題有劍魚腩食👍🏻手卷方面，當然係食最翻本既三文魚籽手卷同海膽手卷啦😍手卷紫菜黎到仲係好脆口，三文魚籽粒粒咬落去都卜一聲，海膽啖啖鮮味帶甘，一定要食！😋😋😋熟食方面，全部都整得好香，乳鴿皮脆肉嫩、燒蠔大隻又juicy、天婦羅🍤脆卜卜、牛舌又香又爽燒得岩岩好👍🏻👍🏻👍🏻最後當然要食番杯雪糕先走啦🍨一去到雪糕櫃，見到有咖啡味雪糕！仲要剩番一杯！梗係即刻攞啦！一食，就知點解得番一杯咁少，咖啡濃而帶甘香，少甜少奶低糖低卡路里！最後係好食到要問職員仲有冇多杯咖啡味雪糕😂整體來講，餐前小食、刺身、手卷、熟食、甜品都好高質素，$300有咁多好野食，真係物超所值👏🏻👏🏻👏🏻

任食唔嬲｜極尚大瀛喜日本料理之前食過大喜屋，今次就同同事去試吓觀塘亞太中心極尚大瀛喜，睇吓佢哋有咩分別☺️總括嚟講食物款式係大同小異，大瀛喜自助區同樣豐富，有好多冷拌、特色壽司、多款飲品、小食等供應。特價時段放題🍽人均：$258（另收加一服務費）🕰時間：17:30-19:30 （需要訂座，座無虛席！）咁多款食物，我最喜愛以下幾款食物俾大家參考參考～ 🦪剌身 Sashimi（油甘魚、三文魚、北海道帶子、北寄貝）剌身好新鮮，最緊要係冇其他地方嘅放題一塊塊硬冰咁，食多多都唔厭！💯自助區嘅青口都好正💯 🍣創作壽司Creative Sushi· ❤️龍蝦沙律伴櫻花蝦多士（推薦‼️一口size，好有層次感😋）· 煙三文魚玉子🍢熟食· 流心黑糖糍粑· 西京燒比目魚· 霸壬蒜蓉碳燒珍寳蠔（每枱客人必點‼️勁好食，好有串燒風味）· ❤️北海道牛乳鮮奶卷（大推薦！估唔到咁好食😋外脆，牛奶香，細細件，冇得彈👍🏻）· 自助區小籠包😋🍧甜品甜品種類多，我就自製咗芒果朱古力軟雪糕，同食咗個芝士奶蓋桃甜筒🍦好滿足！Bible rating: 8/10📍地址：極尚大瀛喜日本料理 (觀塘)觀塘觀塘道414號1亞太中心5樓#香港美

食日本野有時覺得單價好貴，所以食放題就最抵食！今次我地就去左觀塘亞太中心既大瀛喜日式放題呢度飲品款式都好多😍😍除咗有唔同凍嘅紙包飲品同埋汽水之外，仲好貼心咁安排咗一個暖櫃，放置左啲紙包飲品，咁對我呢啲唔鍾意飲凍嘢嘅人呢都有多個選擇😳😳放題啲嘢食款式都好多㗎，刺身有三文魚🍣吞拿魚，帶子，甜蝦等等，熱食都有唔少㗎🤤🤤羊架，磯燒鮑魚，鰻魚🐟，西京燒比目魚，牛舌😆😆乳鴿😍😍仲有啲係日本空運新鮮到港嘅魚生壽司🍣而且要讚嘅係佢嘅飯唔會太大嚿，食多多都唔會濟🥰🥰甜品方面，除咗包裝好嘅雪條雪糕之外，仲有部雪糕機俾你自己擠雪糕🍦🍦，旁邊放置咗好多唔同種類嘅配料！亦都有唔同種類嘅水果俾你揀！呢度放題限時兩小時，地方寬敞舒適，而且上野食嘅速度快，亦都冇漏單嘅情況👍🏻👍🏻

我今日嚟到咗極尚大瀛喜食飯，叫咗包括壽司、串燒、刺身同埋天婦羅，真係好豐富！首先講下壽司，魚生新鮮、飯粒緊實，魚生味道濃郁，好正呀。串燒方面，佢哋嘅牛肉真係好好食，肉質鮮美，香氣令人食指大動。另外，佢哋嘅燒雞肉同羊肉都好好食，每一口都好juicy。刺身方面，佢哋嘅三文魚刺身真係好新鮮，肉質鮮美，配上啲醬汁更加增添味道。最後講下天婦羅，佢哋嘅蝦天婦羅都好香脆，個外層炸得好脆，個內層又好juicy。總括嚟講，極尚大瀛喜嘅食物真係好豐富，每一樣嘢都好好食，再加上佢哋嘅服務態度好好，真係值得一嚐。

🍴 午市放題 成人$268 另收加一 (7.5/10)🍴刺身 (8/10)有三文魚吞拿魚油甘魚，帶子北寄貝甜蝦螺肉 ，仲有劍魚腩！ 劍魚腩真心好好食，好軟腍有油香，好少放題有劍魚腩食大推！其他刺身都唔錯，唔會有腥味又夠凍！🍣壽司 (7/10)種類少咗好多，三文魚腩，燒三文魚，燒牛肉都正正常常！好欣賞佢鵝肝壽司嘅鵝肝切都可以好紙咁薄👍🏻🍴熟食 (7.5/10)蒸扇貝蠔好都幾好，唔會太老太腥！今次有蟹粉撈豆苗，新鮮豆苗都好嫩滑煮得啱啱好！同埋蟹粥都好食，入面有魚有帶子有蝦，冇諗過咁豐富！鰻魚羊架牛脷都正正常常，燒得唔會太老。🍴甜品 (7/10)選擇比較少，出面有紅棗椰子燕窩(假)，椰子味都好香濃，唔會太甜，不過要出去自己拎！🍴飲品 (7.5/10)有好多選擇，最緊要係有解茶去脂去膩！見到有日本酒任飲，平時要十幾廿蚊罐嗰啲，非常抵飲！推薦指數: 7.5/10樣樣都ok唔難食唔會中伏，刺身都新鮮食得過，絕對係中上質素放題，食咁多次冇死的~

2023年 4月17日 晚餐尋日政府派左3000消費卷，見到人地飲茶都叫多一件，我點可以輸蝕，就請一家人近近地去食放題啦 ~ 觀塘 極尚大瀛喜極尚大瀛喜時間：0830 -1030價錢：$278 + 10% 一位免費Join 會員，減多$20 + 第一次用 openrice pay 減多$20，平左一杯珍珠奶茶推薦：出面有自助區、有前菜、熟食、甜品、飲品前菜：日式小食：芝麻八爪魚、味噌螺肉 etc中式小食 ：涼拌豬耳、雞腎、雲耳青瓜 etc熟食：豉汁蒸門鱔、麻辣小龍蝦 甜品：一般放題甜品 日式和菓子、大福、沙翁 etc飲品：一般放題嘢飲，最特別有日本啤酒：Asahi (同老豆隊番幾罐）其他就用手機掃QR code 落單，可惜腸胃冇咁好，就唔食刺身重點：刺身冇拖羅，得普通吞拿魚一見到有鮑魚，緊係叫多啲啦，一人一舊，起碼叫左4-5轉，滿口花雕酒香，肉質煙韌蒸廣島蠔，太多佐料，太濃味，食咗一次就冇叫。炆花膠，好大舊，鮑汁入晒去，一舊落肚，飽左一半。羊架：羊味唔重、又嫰 唔韌、配埋孜然粉我一個人食左4支鹽燒大頭蝦：超級多鹽，一定要搣殼，如果唔係，鹹到要洗腎，食左幾轉，屋企人成日食到膏，我先食到一

耐唔耐都食一次放題今次約咗朋友去交通方便嘅觀塘極尚大瀛喜都冇去好多年喇 觀塘呢間分店環境寬敞好多卡位 可以容納到好多客人 但係今日見到都係坐滿嘅 証明受歡迎程度可見一斑 今次揀咗放工Ot埋唔洗趕嘅 晚上20:30時段$278一人 另收加一 咁多飲品同食品選擇，都幾合理 可以食到22:30 2小時飲品同食品方面都更新左一些 多款酒類選擇 梅酒，清酒 啤酒等等今次我飲🍏酒。又多咗自家冷泡茶 👍🏻 紙包飲品都放咗啲唔凍嘅方便選擇。自助區位置好多野食 沙律 水果 湯 甜品雪糕 等等。今次有埋白鱔同小龍蝦 點餐方面，QR code自己點 快捷方便 王牌刺身壽司任點任食 同行朋友唔食生冷嘢 都有好多款熟食可以選擇（新）乳鴿 鮑魚。鰻魚 羊鞍 燒菠蘿 雪魚等等仲有蟹皇海鮮粥 又鮮甜 又夠熱 最後食返杯雪糕同乳酪 所為餐後甜品大滿足#觀塘極尚大瀛喜#放題#日本菜#日式放題#觀塘美食#觀塘扺食#任飲任食#刺身#乳鴿#hkfoodie #hkfoodblog #hkfoodpic #hkfoodblogger#hkfoodsnap#hkfoodshare #hkig#852

已不想再來，態度極差，被骂唔关事又撘嗲，隔离桌阿婆阿会員問题，服务員態度極差我忍不住幫囗，就被骂唔关事又撘嗲，心情極度不好，下次不会再来，已前不会這樣，現在生意好轉就這樣對客，極度不滿

久唔久就想食一次日式放題 今次就揀咗觀塘嘅極尚大瀛喜 之前都嚟過幾次 壽司同刺身質素同款式都保持到一貫嘅水準 回本之選就一定係瘋狂食海膽手卷 個人覺得羊架同牛舌都係會不停encore 牛舌係燒到外面焦香內裡柔軟 有油香肉汁飲品選擇好多 日式小點心和甜品無限供應 亦可以係自助雪糕機瘋狂整雪糕 甜品櫃入面都有唔少有牌子嘅雪糕雪條 絕對唔係求求其其不知名嘅款式觀塘店嘅環境都幾舒服 D位幾寬敞 一家人去食環境舒服又有咁多時間可以慢慢傾偈 重要係價錢唔貴又食到咁多款式嘅野 💯💯

阿媽話好耐冇食放題，今次就同佢嚟到觀塘呢間日式放題試吓～餐廳有好多唔同款式嘅食物選擇，感覺都幾正👍🏻刺身有好多款刺身，全部都好新鮮～阿媽好鍾意食三文魚🍣呢度嘅三文魚肉質嫩滑，口感幾正～仲有北寄貝，螺肉等等，都好好味😋壽司我地幾鍾意火炙壽司🍣好香嘅外皮，好豐富嘅口感羊鞍阿媽都好鍾意食羊鞍，半肥瘦記羊肉，食落唔會覺得有羊羶味，好juicy，一咬啲肉汁就流曬出嚟，超級正鮑魚煙煙韌韌嘅鮑魚，好大隻好有咬口，唔錯紅棗椰奶糖水香濃嘅椰奶，香甜嘅糖水～

好耐無食放題了,忽然興起, 沒有預約下,便與朋友來到這裡, 那時是6時廿幾分, 那天個場好滿, 我們等有沒有位, 由於我們沒有預約,不要緊, 等下吧, 當等到超過6時半時, 我們也在想, 是否都會計返時俾我地呢? 2小時的放題其實也很趕, 然後時間一分一秒的過, 等到6時40分, 有位, 我們很開心便入座了。我最想吃是三文魚刺身, 可能之前到其他店食的三文魚都太好食了, 這裡不單不好食, 而且好難食, 我只叫了一次已不想吃。座位非常擠迫, 根本就是枱貼枱。可能開心時光過得太快, 還未夠2小時, 只是8時15分左右, 已有職員以不太禮貌的語氣提醒我們要交枱。什麼?我們已遲入座, 還要提早要我們走?然後職員收我們枱上的食物, 朋友尚未食完也收了, 還未到8時30分已收了枱上所有東西,而且態度很差,趕客人走!放心, 極尚大瀛喜那位女職員, 以後我也不會再來, 無謂阻住你, 少了我一個顧客,便不用勞煩你那麼怒氣來清我張枱,而且以晚市這個價錢,三百多元, 我可以到其他地方食有質素的食物, 就算限時, 也是計我入座開始來計!我真是好後悔來這裡, 這麼久沒有食放題, 難得一次與朋友一起, 卻得到這結

真係好耐冇去過日式放題，今日黎到觀塘和朋友聚聚，選了極尚大瀛喜日本料理。餐廳樓底好高，格局同裝修都有規模。因為閒日，所以由5點半食到8點都只不過$278/位。食物方面，自助區選擇都好豐富，冷盤小食如中華沙律、螺頭、豬耳、豬肚、壽司、麻辣小龍蝦、豉汁鰻魚等，仲有青口、海蝦，湯品、甜品雪糕。飲品選擇更加唔使講，足足有五大個雪櫃。食物全程以QR code落單。手機點完食物好快上枱！先黎的刺身盤好新鮮，三文魚、油甘魚、甜蝦、赤蝦、八爪魚、帶子都好肥美新鮮，食完好滿足！燒物方面有雞軟骨、牛舌、羊架、鰻魚、菠蘿，仲有炸蝦、炸蟹棒等，味道燒得好好，一啲都唔乾！燒海鮮鋪了滿滿的蒜蓉，燒蠔、扇貝，都好食！第二轉點了熟食為主，蟹粥好有驚喜，好綿滑又香甜，用左成隻蟹，好足料！蟹粉扒豆苗食左2轉，好食，仲有鮑片花膠、燒乳鴿等，全部都好好食！最後食埋榴槤炸彈，糖水同雪糕就已經飽到不得了！其實仲有好多野未食，百幾二百樣食物，真係花多眼亂，但肚只有一個，所以已經盡量食！不過$300蚊的價錢可以食到咁多野，仲要環境好，上菜快，狂食2.5小時，性價比真係好高！難怪晚市幾百個座位都滿晒人！

我是這間放題的 die hard fan 士，光顧非常長的時間了。曾經一個月都會來最少一次食放題。他們以前的服務是我遇到過最棒，食物最好吃的一間分行。可惜啊！一場肺炎令到許多餐廳的質素大不如前。現在放題提供的食物已經不可以同日而語。更糟糕的是，價錢也飆升了許多！當然，這不是只有他們的餐廳才這樣。外面所有食市基本上都大幅度調高了價格。其實調高價格是無可厚非的，畢竟三年疫情大家可以挨到依家口罩都不需要戴，已經很不容易了！我發現每次自己喜歡的餐廳，往往都會變得越來越多食客光顧，而變得跟以前不一樣了！很多餐廳我從喜歡，變到放棄。大瀛喜也一樣。再見了，大瀛喜放題！

今日同老婆慶祝38婦女節，所以突登book左間位於觀塘既（極尚大瀛喜）放題。今次特別揀lunch時段食，貪佢價錢平同埋可以食3小時。最重要地方闊落坐得舒服😌每次黎依度食物都會有少少驚喜😱，唔會次次都一樣款式，同埋食物質素都好新鮮都有保證。飲品同甜品雪糕都好蟹選擇。唔講咁多，落單先依家基本全線都係qr code📱落單，所以都冇漏單情況，需且上枱速度好快，好快就成枱美食。由於太多款式，都唔可以每樣介紹。唯有介紹一d性價比款式。刺身🍣拼盤：有好多選擇，三文魚🦈/希靈魚/北寄貝/帆立貝/甜蝦🦐/吞拿魚，好新解又肥美。熟食方面有鰻魚/牛🐃柳粒/羊🐏架/芝麻雞翼/酸菜魚🐟/麻辣牛三寶/焗蠔🦪/焗扇貝/蟹🦀粉菜苗炸物/串燒有炸蝦🍤/榴連炸彈/香芋丸/炸乳鴿/鹽燒大頭蝦🦐/炸鮮奶🥛/日式炸蝦🍤/章魚燒🐙/唐揚魷魚🦑冷盤：磯煮凍鮑魚/中華沙律🥗/蒜味螺肉，真係太多款式都講唔晒。我諗大大小小加埋有百幾款食物。每款點一樣都好飽。總結我會推介一d回本我覺得又比較突出既食物：三文魚刺身/燒鰻魚/羊架/凍鮑魚/榴連炸彈/蟹粉菜苗/串燒大頭蝦，以上幾款我都叫左2-3rd。

環境寬敞，食性價比高嘅日式放題🍗 觀塘分店嘅極尚大瀛喜，餐廳內的座位比較寬闊， reception旁邊自助區域 有多款海鮮🦞雪糕，甜品，靚湯，飲品 等等特別推介大家試吓佢哋嘅蟲草湯真係真材實料有蟲草嘅香味😛刺身新鮮肥美 三文魚吞拿魚甜蝦希靈魚帶子 ，好多選擇食放題好少食壽司所以就skip咗，男朋友最愛西京燒銀鱈魚 因為特別鍾意佢哋用嘅呢一隻汁，魚肉亦都好新鮮燒廣島蠔比起生嘅好好味好多 入口好鮮味🦪 蒜蓉粉絲蒸扇貝蒜蓉香味撲鼻蟹黃膏蟹粥都唔錯成個粥都係黃色嘅好多蟹膏喺入面飲品方面因為天氣仲係好凍我揀咗熱嘅維他奶😆😆唔使冬天飲凍飲