影片
更多
2016-01-20
11159 瀏覽
人龍香港人食壽司刺身可能瘋狂過日本人，壽司店由平到幾十到一餐幾廿萬都有。想盡情食又唔想荷包重傷？又要新鮮款式多？日式放題就應運而生，家陣開到成行成市。呢間更加誇張！今晚我哋訂咗位9點食，8點半開始有人龍，眨吓眼排到街尾！以為前面啲人想WALK IN，所以早啲嚟，原來誤會晒。全部人都係訂咗位等入座，無訂枱根本無機會食！ 沙甸捱到九點開始入人，店方極之擅於控制人流，客人仲有紀律過所有紀律部隊。食神教落，做餐廳要搵錢，第一樣就係啲位有咁逼得咁逼，我哋六個人坐張四人枱，似足罐頭沙甸魚。 壽司吧師傅亦都全神貫注，準備招呼魚貫而入嘅化骨龍。 盆栽一坐低，好似舊時買股票咁，遞手入單聲此起彼落，個個都知，頭輪ORDER實會衝擊厨房。有試過食其他放題，漏單錯單非常嚴重，叫十件嚟兩件呀，叫吞拿魚比三文魚呀，搞到我哋要嘜低叫過乜，幫佢跟埋啲單，搞得嚟又話夠鐘，勁無癮。今次真係喜出望外！唔使5分鐘！首先嚟隻刺身船，擺盤有心機，砌到好似日式盆栽，靚到唔捨得食呀😅三文魚夠凍夠新鮮，松葉蟹腳好鮮味，蟹肉鮮甜其他刺身新鮮企理，而且竟然一樣都無漏，連件數都足晒！ 摩打再掃多ROUND刺身，
人龍
香港人食壽司刺身可能瘋狂過日本人，壽司店由平到幾十到一餐幾廿萬都有。想盡情食又唔想荷包重傷？又要新鮮款式多？日式放題就應運而生，家陣開到成行成市。呢間更加誇張！今晚我哋訂咗位9點食，8點半開始有人龍，眨吓眼排到街尾！以為前面啲人想WALK IN，所以早啲嚟，原來誤會晒。全部人都係訂咗位等入座，無訂枱根本無機會食！
沙甸
捱到九點開始入人，店方極之擅於控制人流，客人仲有紀律過所有紀律部隊。食神教落，做餐廳要搵錢，第一樣就係啲位有咁逼得咁逼，我哋六個人坐張四人枱，似足罐頭沙甸魚。
壽司吧師傅亦都全神貫注，準備招呼魚貫而入嘅化骨龍。
刺身盆栽
184 瀏覽
1 讚好
0 留言
盆栽
一坐低，好似舊時買股票咁，遞手入單聲此起彼落，個個都知，頭輪ORDER實會衝擊厨房。有試過食其他放題，漏單錯單非常嚴重，叫十件嚟兩件呀，叫吞拿魚比三文魚呀，搞到我哋要嘜低叫過乜，幫佢跟埋啲單，搞得嚟又話夠鐘，勁無癮。今次真係喜出望外！唔使5分鐘！首先嚟隻刺身船，擺盤有心機，砌到好似日式盆栽，靚到唔捨得食呀😅三文魚夠凍夠新鮮，松葉蟹腳好鮮味，蟹肉鮮甜
其他刺身新鮮企理，而且竟然一樣都無漏，連件數都足晒！
摩打
再掃多ROUND刺身，開始任性地叫壽司食。
全部壽司燒物竟然全數一件不漏喺20分鐘內全部到齊！上得快過我哋食！難怪晚晚爆場，果然滿足到高要求嘅香港人。
帝皇蟹棒黃金燒
325 瀏覽
2 讚好
0 留言
帝皇蟹棒黃金燒
邪惡到爆好食到暈，芝士完全溶晒，連埋蟹棒食，大滿足。
黑椒香蒜燒牛肉
153 瀏覽
0 讚好
0 留言
黑椒香蒜燒牛肉
好似食緊一塊七成熟黑椒汁牛扒跟飯😅，惹味創新，正。
海葡萄蝦壽司
248 瀏覽
2 讚好
0 留言
海葡萄蝦壽司
沖繩特產海葡萄配蝦壽司都係第一次見，每啖都似食到海水味，好得意啊
雪之黑毛火腿
167 瀏覽
1 讚好
0 留言
雪之黑毛火腿
即係將西班牙火腿蜜瓜整成壽司，食落又鹹又甜又清爽，好食。
黑松露雙色花
170 瀏覽
1 讚好
0 留言
黑松露雙色花
以薄切吞拿魚捲住壽司飯，再以黑松露點綴，一啖吞落口，鮮味爆發，又係一款超正嘅創作壽司。
北海燒帆立貝 燒菠蘿
166 瀏覽
0 讚好
0 留言
北海燒帆立貝
新鮮就是不一樣，用芝士燒帆立貝，無得輸呀！
燒菠蘿
好食過出面啲燒烤店多多聲，JUICY到不得了，食落超甜無渣，唔返本都要食
小甜品 哈根大師
149 瀏覽
1 讚好
0 留言
甜品
有各式頗有水準嘅小甜品
HAAGEN DAZS
每人一杯哈根大師，作為今晚任性增磅放題作完美句號
張貼
