極尚大喜屋 (加連威老道) (已結業)

聽左呢間放題個名好多次但一直未有機會黎試下 所以今次就同朋友book左星期二夜黎食刺身既份量好足 唔會俾少 而且每件都好厚值得一讚既係每次上都會有冰盛住 keep住凍食睇到有鵝肝帶子壽司當然要叫啦！鵝肝雖然唔算大粒，但食落好香，而且壽司飯又唔會太多，食多幾件都唔會咁易飽。花之戀水準都唔錯，係我朋友既最愛除左壽司刺身之外，我地都叫左好多串燒同熱食。感覺呢到d串燒應該係即叫即燒，上碟個陣仲係好熱，雞軟骨食落都夠脆而我個人熱食既最愛就係芝麻雞翼！好香口之餘亦都好入味，所以最後叫左成半打自己一個食哂！！依家諗起都有d想食去到差唔多夠鐘個陣，店員會俾一張甜品紙你揀雪糕，我就揀左panna cotta 味既movenpick，雖然一人限食一杯，但已經值回票價！總括黎講呢間放題食物質素幾高，而且服務態度十分好，有機會會再黎：）

人生第一次食咁高質嘅放題，真係不枉我地等到夜晚8點45分先入場。我地一如以往，好癲咁order左好多刺生，壽司之類，例如我地第一轉就order左成百片刺生 (包括我最鍾意食嘅三文魚，如果冇記錯，我好似叫左成36片)。 估唔到，order左唔夠5分鐘，佢就即刻上盤，重要我地order幾多，佢地就真係上幾多。一上盤，我地幾個女仔都嚇親，因為真係冇諗過佢咁足料。食完一轉，我地就已經有5成飽，不過冇有怕，我地有嘅係時間。之後，我地又瘋狂叫左好多好精緻嘅壽司，牛舌，芝士年糕等等食左1個半鐘，我地都好飽，好滿足成個放題都好正，唯一我覺得可以做好啲嘅，就係provide多啲飲品選擇畀我地。如果有個可以自由拎飲品嘅櫃就好啦！By the way, 同intern 妹妹farewell食放題，真係最佳選擇!

説到大喜屋，我已經幫襯過兩三年了，在任食的質素中，算是很不錯的。由於這次太過肚餓了，所以沒有怎樣拍照。一開頭當然是刺身，質素還是保持到的，帶子和甜蝦就再比較多人喜歡。之後就是這裡多種壽司都又特別，味道又不錯，最重要是都很細件，可讓大家試多一點味道，當中還有鵝肝，海膽等價錢比較高的食材做的。熱食就不小得炸物，完全不會有油煙味，雞軟骨還很不錯。由於種類太多，建議一人只叫一人分量，覺得好吃才重點出擊甜品有H記和M記選擇，但只限一人一小杯。

日式放題到今時今日開到成行成市 , 非常普及 , 但要找間有所突破的 , 頗有難度 ....要吃得放心就要去一間有信譽的放題店 ~我們幫襯的時段是 : 星期一至三 6:00pm - 8:30pm 成人 $ 268 , 小童 $ 168厚厚的記事簿內 , 就是點單紙 ~第一時間點的 當然是 刺身 , 魚生厚薄正常 , 沒有雪氣 , 魚有魚味 , 特別喜歡帶子 , 夠鮮甜又有膠質感 , 甜蝦也相當不俗 , 以放題質素來說 , 算是高質 ~飲品有很多選擇 , 我最喜歡的是 罐裝有氣利賓納 ~壽司 & 軍艦 : 飯也不太死實也不易散件 , 吃落冇黐牙 , 醋味適中 , 當中最喜歡的是火炙壽司 ~創作壽司 : 創作壽司的種類款式繁多 , 製作得十分精美 , 味道也確實是別具一格 , 既好吃又新奇得意 ~串燒/燒物 : 款式還算多 , 味道既香口又不會過鹹 , 整體算是不俗 , 我最喜歡是串燒牛舌 、 一口牛肉粒 ~最後以一杯 Haagen-Dazs ( Mango & Rasberry ) 雪糕作終結 .... 飽到爆肚 ~本篇完 ~

我覺得佢態度好差當時我地8個人去食，諗叫2盤刺身咁大家都夾到來食...點知佢地話唔得搞到我地放中間前後既人都好難夾到..跟全佢地態度開始變到好差..一間鋪頭做起左多人食就唔再理客人，完全無食得開心既感覺..............................

這天終於約到多年冇見的中學同學出來聚一聚，我發現每次與舊同學聚會，同學們都會選擇吃放題，這也是對的，因為通常放題餐廳的氣氛都比較輕鬆愉快，一大班年青人談天說地，說說舊事，實在很愉快很高興。這天我們說了很多從前的有趣事件，連我當年忘記了去考會考口試的糗事也翻了出來，真的令人難堪，但也是非常好笑的，哈哈，原來當年我已經有影像重疊的問題，唉，竟然連會考Oral都記錯時間，幸好可以補考...這晚我們一大夥人到了位於尖沙咀的極尚大喜屋吃放題，原來大喜屋最近換了新餐牌，有不少新食品進駐，真的令人興奮。先吃刺身，刺身選擇非常多，連一些不是經常吃到的刺身也在餐牌裏可以任吃，我們點了松葉蟹腳、池魚王、油甘魚、金目鯛及赤海蝦。想不到這裏的松葉蟹腳及金目鯛可以任食，松葉蟹腳肉質肥美，味道新鮮甜美，而金目鯛亦挺鮮味，肉質微脆富油潤感，確是不錯，珍寶赤海蝦爽脆彈牙，腍潤鮮味，一點腥味也沒有，這裏的刺身果然不錯。然後我們點了幾款創作壽司，例如有鵝肝帶子、黑松露雙色花、牛油果三文魚龍蝦沙律、無花果香草煙三文魚及北海道魚子戀人等，最喜愛吃鵝肝帶子壽司及牛油果三文魚龍蝦沙律，鵝肝味濃郁香口，配上鮮甜的帶子刺身，味道意想

今日為左farewell同事，一早已經book左食放題，因為有個同事話要係呢間大喜屋先會出席，咁當然二話不說揀呢間啦。我地揀左食第二輪，即係8:45開始。我地一行六人係8:15倒開始排隊，估唔到已經有大概50人排緊，接落黎當然仲有人係後面排啦，連啲路人都行埋黎問我地等緊咩。等到咁上下，終於俾我地入去坐喇。進入餐廳，坐好了，立即開始翻餐牌並瘋狂點菜，因為真係好肚餓啦。每件刺身先黎30件先，然後龐大嘅刺身船來到已霸佔了2/3張枱，連侍應都叫我們不要下單住，因為會擺唔落，而且我們失控地order了百幾件壽司... 幸得侍應提點，如果唔係真係會食唔唒呀。特別嘅係佢地嘅海膽都幾好食，另外亦點了不少燒物和炸物，不得不讚下個芝士年糕，真係好好食，呢晚每個人都好滿足地回家去。總括黎講，呢間放題食材都幾唔錯，坐位亦舒適，下次可以再食。

若果話美食可以留住一個人, 咁眾多美食不但留住多位食客, 仲留埋佢地既心, 令佢地一再到訪極尚大喜屋的確有此魅力... 每晚遠遠的都見到人龍, 食客唔怕等, 都要到訪食肆餐廳環境唔係話特別闊, 一大班人黎就坐得舒適一點入到去, 飲品, 雪糕已經令你眼前一亮款式極多!!! 仲要唔洗自取, 點單就可以, 坐定定可能食雪糕係haagen daz/ movepick 唔同口味, 但每人限取一杯刺身, 唔洗我講都知有幾靚啦!  除左傳統既刺身，極尚仲特別有埋 松葉蟹腳既選擇特別推薦蝦剌身 有赤海蝦同甜蝦蝦身睇相都知新鮮, 甜蝦色澤粉嫩, 爽口赤海蝦唔單止 蝦身光澤, 鮮甜, 仲要好乾淨! 完全冇蝦腸  壽司既帶子都好大舊北海道燒帆立貝, 睇落既樣已經好靚沙律醬混合蔬菜加上帆立貝, 食落又香又鮮甜炸鮮奶唔係度度有, 食落唔油, 奶味濃又滑鍋物唔單止係牛肉鍋, 牛筋腩鍋都出埋牛筋滑, 牛腩唔韌, 不過差就差一碗白飯, 如果配埋飯就一流甜品除左雪糕, 仲有燉蛋、乳酪、CHEESECAKE、心太軟、布甸既西式甜品款式冇其他MENU既多樣化, 但味道也不錯燉蛋薄薄的焦糖, 加上好香濃的蛋味, 入口溶化的感

星期二同2個朋友去聚會~雖然book左位，但係發現大排長龍? 一問之下，完來係全部都係book左位既~ 而佢地係跟足時間去安排入坐~ 即係一轉就會全部人入晒去~呢個安排好好~ 可能會做少幾檯客，但book到位既都可以準時入坐同埋食野時間有2個半鐘，完全唔洗急急腳咁食完就要走~可以慢慢同朋友吹陣水 講到食物，雖然好多款都係壽司~但每件既飯一d都唔大舊！同埋十分新鮮~就連海膽都冇咩怪味，最後仲每位有杯雪糕(haagen dazs)！ 同埋佢入面d服務員都好有禮貌~環境都好好~值得再去~

係尖沙咀做野，成9點先收工。我同等我果位都餓到high high, 即刻諗起食放題。平時呢間大排長龍，今次咁晏做岩哂我地，又唔洗等位。選擇非常多，而且完全無減單情況飲品各種汽水果汁茶，選擇算不錯刺身都食左幾轉，最欣賞有蟹腳食，又粗又新鮮，即使我地得兩個人，都唔會扣減份量仲有食蟹工具提供，唔怕咬甩牙😂😂壽司仲有火炙的，但太肚餓無影低。軍艦都係即叫即整，紫菜唔會淋哂創意卷物不錯，可惜海膽顏色鮮豔但食落有點苦最開心係竟然有燒魚干食，勁愛香口野的我仲食左芝士年糕，帆立貝......推介燒蕃薯bb，細細粒，食落又香甜，一人食左三串另外仲有天婦羅，即叫即炸，粉漿唔會太厚，推薦蝦>夠爽口蕃薯同南瓜就可能因為切定放左好耐，搞到好乾甜品絕對係敗北食左舊macaron.甜到唔知咩味隔離果舊斑蘭芝士蛋糕，好實淨，一放落口係即吐，充滿膠味，好奇怪，食完個人好不安比肥仔笑完我傻仔之後，都係食番雪糕平衡番呢度好落本咁供應haagen dazs 同movenpick.但每位只限一杯，唔好諗住食番三四杯雪糕可以番本呀Overall食物選擇同質素都不錯職員係全部係全部都充滿活力，的確好小見。落單，上菜，收碟都係

食物新鮮，款式多樣，價錢合理，除了來極尚大喜屋，我想不到有其他更好的選擇！刺身大件，新鮮，擺設用心精緻，耗用了不少電話容量；燒物香口美味，尤其羊架、芝麻雞翼、日本蕃薯仔、燒菠蘿等百吃不厭，要介紹的日本放題，還是只有這間！

最近由於私事和工事的關係令到自己很頻撲，睌上約了朋友們吃放題放鬆一下，也當作安慰一下自己素來不吃生魚片的我其實也不抗拒放題，因為放題有好多熟食可以選擇。餐廳安排了卡位給我們入座，因為朋友用拐仗的原故，所以這安排挺不錯。一坐下大家立刻點野食，我當然點了不少熟食稻庭冷烏冬湯底濃，一小碗的份量，剛剛好一嘗滋味又可繼續吃其他。有烏冬，當然少不了溫泉蛋，一吃就滿口蛋漿。芝麻豆腐幾滑，不錯。燒帆立貝，有牛油芝士香味。炸貓山王，小小一顆卻有不少榴連肉,只吃一顆意猶未盡芝麻雞全翼 ，脆又香口！推介！串燒雞軟骨，一串上，沒有一粒粒整碗上的。日本蕃薯，間間放題都必定會有各款壽司，飯團不會太大件，燒魚 挺新鮮雪糕竟然有movenpick! 本以爲只有Haagen dazs提供,估唔到有movenpick選擇，不過每人只限一杯，本以爲係意大利芝士味，原來只有紅莓味，但味道不錯。今天這睌餐的確為我忙碌的生活增添了一點喘息的空間

跟好友補祝生日，一行五人去尖沙咀的極尚大喜屋吃午市放題。第一回刺身拼盤份量十足，十分震撼。油甘魚和三文魚都很肥美，北海道帶子非常鮮甜，甜蝦大大隻。皇牌池魚王點了兩次都沒有，松葉蟹腳可以不吃。壽司的選擇不少，鵝肝帶子壽司味道不錯。必吃的海膽軍艦，還有窩夫愛吃的芥辣八爪魚軍艦。北海燒帆立貝熱辣辣特別好吃。燒有機菠蘿很甜啊！大家都很愛吃的鹽燒牛舌，水準之作。窩夫對蒜片炒牛柳粒有點失望。天婦羅蝦、日本蕃薯天婦羅和茄子天婦羅的炸漿不會太厚，亦不算太油膩。極品五香煮和牛筋腩感覺很中式，主角和牛筋腩很腍很入味，配角蘿蔔很腍很甜。沒想到點餐紙上竟然有霸王花煲豬骨湯，好飲得有位朋友要安歌呢。炸物有芝士年糕、芝麻雞翼、炸貓山王和北海道脆皮奶，窩夫個人很欣賞那芝士年糕，北海道脆皮奶的脆漿卻太厚了。平日窩夫與蝦子餅二人吃放題很少點一品料理，這次人多可以多試幾款，極尚雲吞雞鍋很足料，除了雞和雲吞，還有豆腐、冬菇和菜等，其中豆腐超滑，豆味超濃。黃咖喱炒蟹是皇牌菜色之一，很香很惹味但對窩夫來說太辣了。吃過香辣的黃咖喱炒蟹，要立刻吃杯雪糕解辣，一人一杯，可選Haagen Dazs或Movenpick。壓軸的驚喜來自富

辛苦了一整個月， 終於化辛勞為食量，當然去食放題啦！這間放題非常有名，訂位最好早一個星期我地一坐埋位已經急不及待， 衰落order因為太多食物啦！所以只介紹好食的，如：海膽軍艦， 蟹籽軍艦， 大量魚生， 三文魚手卷， 火炙左口魚壽司，炭燒蝦， 燒牛舌， 焗芝士沙律帶子， 炸芝麻雞翼， 任飲韓國啤酒、飲品，同一人一杯Häagen-Dazs™雪糕， 還有炸貓王榴槤球終於明白點解這間放題店曾獲得開飯熱店，種類多， 上菜快炸貓王榴槤球：炸得外脆， 一打開榴槤味湧出來， 榴槤蓉多海膽軍艦， 蟹籽軍艦： 海膽新鮮，蟹籽滿滿， 一口一啖，非常三文魚手卷：三文魚多， 紫菜脆， 飯有口感甜蝦及鰻魚壽司：材料新鮮火炙左口魚壽司：火炙後充滿魚油香味同口感香滑甜蝦及鰻魚壽司：材料新鮮炭燒蝦： 炭燒味濃， 蝦肉彈牙燒牛舌：又咬口焗芝士沙律帶子：帶子新鮮，沙律酸甜，配上芝士焗， 熱辣辣一流炸芝麻雞翼：炸得香脆肉嫰，芝麻頗多大大盆魚生：材料新鮮，還擺放得靚靚， 一定要影啦！一人一杯Häagen-Dazs™雪糕任飲飲品包括韓國啤酒

以前一直認為放題都是食物質素一般、只適合大胃口的朋友們大吃特吃的玩意，所以一直以來只吃過一次放題，直到近日，朋友不停遊說我試極尚大喜屋，說這裡的食物質素很高，我才再一嘗放題之味，果然讓我對放題改觀！食物款式其實很多，但朋友知道我胃口很細，所以一開始都不敢叫太多，以免浪費食物。食物造型的確很精緻這個扇貝對我來說有點太濃味了，很重千島醬味熟食當中，這個牛筋腩最出色，很入味！肉質鬆軟！左邊的牛肉卷烤至半熟，入口時很重牛香，肉質嫩滑後面的香蒜烤牛柳也是必點的，非常香口！手卷也屬正常水準炸物方面比較有驚喜的是炸牛奶球，香甜而不膩最開心是雪糕也有兩種牌子、不同口味選擇，不過每人只限點一杯。吃完之後終於明白為什麼大家都這麼熱愛放題了