極尚大喜屋 (加連威老道) (已結業)

睇到天文台宣佈8號風球就結束，我同男朋友即興到尖沙咀食極尚大喜屋，本身以為颱風關係，餐廳人數應該寥寥可數，但冇諗過我哋到咗餐廳就見到有8成以上full。估唔到橫風橫雨，都有咁多人嚟食，相信食質素都一定水準！前我哋叫咗日本溫泉蛋同蟹肉胡麻豆腐，溫泉蛋賣相超靚，蛋白煮到稍微凝固，包住完全不凝固的蛋黃，完全係同時得到視覺與味覺上的满足，吉穿蛋黃，睇到蛋黃汁流出，療癒嘅感覺lol, 食落好滑，味道淡淡地，但又唔會有生雞蛋的腥味。我本人覺得豆腐同麻醬係絕配，大部分豆腐只有豆味，就咩食，味道相對淡，但加上麻醬，會令豆腐生色不少，濃稠厚實的麻醬包裹豆腐，香氣襲人，味道濃郁。當然唔少得叫魚生刺身， 我地只叫左幾款魚生，魚生好新鮮，肉質肥美，色澤亮高，加埋Wasabi同魚生豉油，令味蕾有多層次的感受。好怕食到唔新鮮嘅魚生，肉質會散同用勁多Wasabi都難以入口。我情願收費高些，都唔敢嘗試無保証嘅魚生。當然唔會漏咗叫男朋友最愛的軟殼蟹手卷，我食左一啖，軟殼蟹炸得很脆口，餐廳用很薄嘅粉漿去炸，唔會一口食粉嘅感覺，但建議上枱即刻食，時間攤耐左會變得很軟。而我必叫係芥末八爪魚，切成一粒粒形狀，新鮮彈牙的八爪魚和

今日終於約左朋友黎試book 左6點時段，由於時間較早所以好快可以入座。去到七點多見全場都滿座了。 食放題當然要order 刺身先啦，刺身有十一種，包括松葉蟹腳，三文魚，帶子，池魚，油甘。。。

還記得讀書時期經常約一班同學放題，當時只有返兼職，所以大家偏向價錢實惠的放題，反而質素其次。但隨著長大，對食物嘅質素要求也越來越高，不論身邊朋友或同學都有同感，大家都想透過美食奬勵自己辛勤工作！極尚大喜屋價錢未必是最優惠，但食物質素絕對會令你覺得物有所值，不但食物種類繁多，還有不少餐廳自創料理及特色飲品。難得約齊朋友相聚，大家異口同聲想食放題，我諗要符合大家對食物不同要求，放題是明智之選。記得五月中旬到日本旅行時，試過日本溫泉雞蛋，味道十分美味。見到餐廳有溫泉蛋，我當下就寫了2份，溫泉蛋蛋白同蛋黃不會熟到變成固體，軟軟的，滑滑的，可能我沒有添加醬油，味道偏淡，建議配合豉油會更好味。我們點左4款壽司，真心推薦燒三文魚腩！必食！三文魚腩新鮮，餐廳輕輕將三文魚腩用火槍燒一陣，迫出一些三文魚腩油脂，因為壽司飯混合醋來調味，不會令人有油膩感，反而口感更滑。而帆立貝、黃金蟹棒同左口魚，味道雖不是特別出眾，但不會比日本餐廳遜色。食天婦羅最怕食到粉厚，材料唔新鮮，就算炸得很脆口都唔吸引。而極尚大喜屋的天婦羅就無呢個情況，材料新鮮，我地點的蟹棒、蝦、日本番薯和南瓜都很好味。而最特別是餐廳提供蘿蔔蓉，配合

日本料理，相信大家都食過，但識揾間性價比高、食物多種選既日本料理、又好食新鮮，相信唔係好多間呢間日本料理店絕對值得推薦一開始，當然係點了個刺身船，三文魚、帶子、甜蝦、油金魚、松葉蟹腳、池魚王、鮮赤貝，味道不用多講，厚切刺身 + 新鮮 = 💯 之後就點了多款特色壽司，有鵝肝帶子、海膽三色花、海膽蝦、黑松露油甘魚、中拖羅，欣賞佢每件都係細細件，上面既刺身終會大件過飯，可以一償心願，每樣都試下，好食的話可以再encore，心思值得支持接著，就點了多份燒物，就如秋葵、菠蘿、海鹽蝦、羊鞍、雞軟骨、牛舌、日本蕃薯，每份都係細細份，都份量恰到好處，特別值得推薦的係羊鞍、牛舌，原因係，燒出來的羊鞍不會好肥、肉同脂肪比例好好，咬上去，加了海鹽上去，味道更惹味；牛舌的味道亦相對軟身，食落去，嚼感更好酷愛海鮮的我，最後點了份避風塘炒特大蝦皇，加上炸豆腐，配上來都好味最後少不了，當然係韓國雪條和綠茶整體來說 無論係刺身、燒物、鍋都是值得一試的，可以再 encore 😋😋😋

好耐都冇食個放題啦，因為其實我本身唔係食好多野嘅人，但由於好耐冇食過都去試吓啦⋯⋯揀咗極尚大喜屋，極尚呢個名字令人有啲期待，好耐之前都食過佢哋嘅大喜屋，印象質素都係好嘅咁今次就諗住試睇下會唔會更好😂平日食8:45時段都滿座👍🏻三文魚鮮甜，赤貝、馬刀貝爽口鮮甜蟹腳肉質鮮，整體刺身部份都優質壽司---一口壽司非常好，可以食多幾舊😂試多幾款，鵝肝帶子壽司推介，海膽亦鮮甜雞軟骨---脆香，完全冇雪藏未蟹肉蟹子豆腐--蟹肉鮮甜，豆腐夠凍炸貓山王波波---炸得非常香口，一口咬落去，熱辣辣漏出貓山王好香嘅味道，真係好好味，必食！！我重複食咗好多粒😂😂軟殼蟹手卷--紫菜脆，軟殼蟹好味牛肉壽喜燒---牛肉嫩滑，熱辣辣最啱秋天食香蒜炒大蝦---呢個推介蝦鮮爽口，蒜非常香，外殼都要嘗一嘗最後梗係要食返一個movenpick作結尾啦👍🏻👍🏻

見介紹呢間分店多啲嘢食，吸引我係片皮鴨😍訂枱時段得5:45同8:45，朋友訂咗8:45，等到好餓好餓😆不過進食時間十分足夠。一座低佢就放個爐同一大盤機燒物，我已話唔想要，自己燒咁煩，但又唔知係咪價錢包，海鮮燒無油水一定唔好食！結果大扇貝同鮑魚燒好耐乾咗都整唔甩出黎食，超浪費兼嘥時間，可能我唔識燒啦😤我tick完食物侍應就叫我比單佢，但估唔到立即又黎一大個兜盛少許魚生😱痴線架，跟本已無位擺😡建議去食嘅一係唔要機燒，一係食完先叫其他，或只叫一兩款小物，攪到我地要不停係咁食。你話佢工作效率高咩，又唔係，廚房出嘅燒物一直無出過😖廚師都唔想燒何況我呢因太太太迫無心情時間影相😑我無食蟹，因無位放下慢食，見人地嘅蟹都唔係迷你，都有點肉架。海鮮粥，花膠，好多熱煲。。。無福消受，我太細食了😢最後主菜片皮鴨10點先有，啲人早十幾分鐘已排隊等，我最想食呢個唯有都排😞幸好無失望，每位分到嘅分量都不少，可包到兩三塊架，鴨肉都幾香，係個皮未夠油香，但都好味😋除咗片皮鴨好食，燒羊架好香同雞翼好脆😋😋有hageendaze雪糕同韓國雪條，飽到都食唔到。我個燒物再order等到11點都未黎，太眼瞓所以無等走人。

今晚老友生話去食大喜屋放題，原先諗住食殿大喜屋，點知book唔到唯有book食極尚大喜屋啦，入到去座位都算寛躺環境唔錯，睇到餐牌極尚仲夏海之盛宴，樣樣都好吸引，之後同朋友叫左2款cocktails 同壽司試下味道blue vodka味道超正，值得推薦tequlia sunrise 味道特別酒味香濃壽司賣相唔錯，食落新鮮唔知係咪夏天先至有提供呢幾款食物，之後我就唔執輸咁叫咗北海煮帆立貝同埋汁煮東風螺。帆立貝表面鋪滿芝士，而芝士燒得帶點兒脆口，趁佢啱啱上枱，仲係熱熱地，將芝士連同帶子撈勻，超濃郁的芝士味，好好味而東風螺賣相相對較遜色，味道唔算特別出色，但肉質爽口，都值得一試。其後叫左辣🦀同避風塘抄🦂味道香口，避風塘抄🦂呢個配搭比我想象好食連埋蒜蓉食超級美味之後仲叫左碳燒蝦，燒雞翼，同粟米，味道都比出面好得多，不過食咁多野點都要黎多round飲品，正係超好飲

好耐之前食過大喜屋，覺得食物質素高，食物選擇多，以及有很多特色的餐廳食物。今日，我特別叫埋男朋友嘗試進階級的極尚大喜屋。老實講，我同男朋友都唔係特別喜愛魚生刺身，但我覺得放題有很多唔同食物嘅選擇，唔一定係鍾意食魚生刺身嘅愛好者專利。除咗魚生之外，有唔同嘅熟食啦、壽司啦、仲有火鍋添！雖然朋友成日都講放題叫多d魚生，會好蝕底，但我就唔覺得啦。三文魚係唯一一款魚生刺身我同男朋友都好鍾意食，但見到極尙大喜屋有提供長腳蟹，我哋當然唔會放過啦，餐廳好細心提供埋拆長腳蟹的工具，食起黎都很方便，另外我地特別叫帶子嘗試下，因為朋友介紹極尚大喜屋嘅帶子很鮮甜，很肥味。餐廳提供嘅魚生刺身都很新鮮，肉質很彈。我哋叫咗很多三文魚壽司同花之戀，新鮮嘅三文魚配合日本飯，餐廳特意將壽司整得細細件，方便食之餘，仲留胃可以食其他嘅壽司。三文魚肉質彈牙，識落唔會好散。我哋仲特別叫了其他壽司，芝士蟹柳、三文魚腩、左口魚同埋牛油燒帆立貝，每款壽司都好好味，餐廳所整嘅壽司飯帶有少少甜味，配合唔同的材料都容易入口。放題仲有另一樣野最吸引我哋嘅就係甜品，極尚大喜屋提供好多款的甜品，我差不多每款都叫一樣，但最鍾意嘅係馬卡龍，size比

之前朋友介紹過呢間放題唔錯，食物水準高，所以今年生日決定一試！今晚呢一餐食物方面絕對ok~~刺身、熟食都冇問題，最大問題喺服務，一入坐我劃了大概四十多件壽司，我一行4人，平均每人十二，三件，高級啲嘅侍應問我，小姐妳填左四十幾件壽司，我問有問題咩我哋四個人！我話食得晒！算啦呢個未最嬲，出刺身嚟左兩盤，一盤啱，另一盤應該前面枱，同佢哋講呢盤唔啱喎，佢仲夠膽拎張單嚟問我，枱號啱人數啱，我都話唔喺我，叫佢問下前後枱有冇叫，點知真喺前面一枱，佢哋寫錯枱號，但喺由一放底盤嘢已經咬死我喺我叫，好似我唔認咁---最衰喺7:30叫左樽清洒，放底左兩隻杯，甜品同淸洒一齊落單，到八點截單，甜品碟都收埋，枝清洒都未嚟，追佢就話要等師傅拎出嚟，咁我早知叫其他嘢飲，唔駛等啦，吹漲總括嚟講食物質素絕對ok,不過服務態度喺零分

平時行經加連威老道見到一大班人排隊，都好奇係咪咁好食呀。今日終於約左朋友黎試下值唔值。book 左6點時段，由於時間較早所以好快可以入座。去到七點多見全場都滿座了。 食放題當然要order 刺身先啦，刺身有十一種，包括松葉蟹腳，三文魚，帶子，池魚，油甘魚，赤貝，北寄貝，馬刀貝，希靈魚，甜蝦，赤海蝦。刺身新鮮而且厚身，蟹腳啖啖肉。壽司由於飽肚關係，所以不是order 太多。幸好壽司飯的份量較少，可以食多幾件。創作壽司的食材高質，是較少有的款式，最中意鵝肝帶子壽司。燒物的質素也很好，羊架多肉而冇so味。芝麻雞翼炸得非常香口，外脆肉嫩。紫薯波和榴連波的餡料份量十足，火喉掌握得剛剛好，外表金黃，內𥚃軟糯。菠蘿甜又多汁，很開胃。日本蕃薯仔好甜北海燒帆立貝，加上沙律醬和彩椒一起焗，好滋味，不過一人兩隻有點膩。牛柳粒配搭蒜片炒，味道香濃，但牛肉靭了一點。避風塘炒大蝦，香囗惹味。露筍炒珊瑚蚌，爽脆配搭得很好飲品除左罐裝支裝汽水和茶，還有幾款特飲和cocktails 。fruit punch 味道清新，不會太甜。食到最後來到甜品啦，每人可以選一盒movenpick 或哈根大師雪糕。由於movenpick

同朋友係尖沙咀行街忽然興起想食放題，即日book完枱，到餐廳後係門口排大約五分鐘隊，好快就有得入座，安排都幾有系統唔錯。海膽手卷估唔到佢既海膽份量都幾多，仲要一啲腥味都無，味道鮮甜，入口好creamy。身為海膽控既我忍唔住又再encore多兩次呀。原隻軟殼蟹手卷軟殼蟹大大隻，炸得熱辣辣又脆口，幾有水準。刺身拼盤每次放題都唔洗諗必叫刺身！呢到既刺身切得好厚身，色澤幾靚，味道新鮮，選擇仲幾多添。火炙壽司海鹽左口魚邊有淡淡海鹽既鹹香，而燒過既三文魚腩入口有陣陣油脂香，壽司飯既份量又唔會話太多，唔怕會太飽肚，又再忍唔住encore左。芝士年糕、北海道炸鮮奶佢既炸物都唔錯，一上枱係炸到熱辣辣。我最鐘意佢既炸鮮奶，炸得外脆内軟，入面既鮮奶仲入口即溶。冷稻庭烏冬佢既烏冬係我最鐘意幼身麵條，而麵質非常彈牙，做得一啲都唔馬虎，冷烏冬汁鹹度適中，令我覺得幾有驚喜。最後甜品仲有häagen-dazs雪糕，為呢一餐放題畫上完美既句號。總括黎講餐廳除左食物出色，上菜速度亦非常快，無出現過漏單情況。店員既效率幾高，閒時仲會過黎幫你換碟同抹枱，係放題黎講算係好少見，感覺好細心，值得加分！

今日黎左尖沙咀極尚大喜屋食放題，我係食8:45依轉，雖然已經比較夜，但依然人頭湧湧我地依班餓鬼，一坐低就瘋狂叫時野食！首先，魚生係必備的！基本上依盤魚生都好新鮮，尤其蝦同帶子，超鮮甜。三文魚油脂分得好均勻蟹腳係必食嘅，因為真心fresh芝士焗杋立貝，芝士味超濃郁，裏面有蟹柳、洋蔥等等，配上大大粒帶子，一大享受炸鮮奶同芝麻雞翼，炸鮮奶不容錯過，奶味幾濃，炸完之後脆卜卜，好味道。芝麻雞翼熱辣辣，塊皮好脆牛舌，燒到好香，雖然有少少咸，可能太多鹽，但一加左d檸檬汁就即刻變得好惹味，一叫再叫放題另一必備，天婦羅！ 蝦炸得好香，而蟹棒炸得脆，點埋汁食雞軟骨及牛柳粒，上者色澤好好，食落亦都好脆好熱，下者好好味道，雖然略咸，但都忍吾住不斷食甜品係吾少得！依到有各種糕點、雪條同埋布甸！布甸好好味道，一定要食！而haagen dazs 就每人限定一杯，但依到有新出嘅yogurt strawberry，超好味，好開心

第一次去尖沙咀呢間極尚大喜屋，係好多食評推介嘅－間曰本料理放題，今次因為有朋友生日，所以揀左去呢間，我其實見到Ｄ食評同推介，自己都有Ｄ期待，但真係估吾到同Ｄ食物貨素會咁差，首先我哋叫左小小刺身，份量不太多，因為朋友尚未到齊，想逐樣試，看邊種類好味才再order, 首先食三文魚，味道好一般，再試其他食评推介嘅馬刀魚，第一啖食落竟然係冇乜味，感覺係佢舖左係Ｄ冰面好耐，仲有Ｄ出水跟住食埋隻甜蝦，感覺吾到蝦嘅鮮甜味，質地係爛爛的，赤背同北寄背都係類同..., 跟住唸住可能熟食會好Ｄ，心唸咁多人排隊等位，亦咁多人推介，實會有亮点嘅跟叫左牛小排，首先我覺得牛小排味好咸，同本身Ｄ肉都好硬，講真要好有牙力先好叫，所以最後都放棄左吾食佢，跟住開始試燒縵魚，呢個係唯一可敢嘅，仲有避風塘炒蝦都可以，至少係覺得有獲氣，都有Ｄ水準但未到好吸引我，其他熟食都試過，但真係－般，如果以$ 300 呢個價，係吾值得嘅，因為呢間曰本放題就算預早book 都要仲要出面排隊，講食物質素係一般，服務生嘅態係全冇嘅，last order 時仲大力拍客人張枱，待應生求經理就高声呼叫，叫你交番張枱出黎，我哋叫左好耐嘅雪糕甜品剛送上，

一直都好鍾意食大喜屋集團嘅放題，極上大喜屋就係今次第一次幫襯嘅餐廳，估唔到都幾有驚喜，首先依間餐廳嘅座位唔會太窄而且大部份都有卡位坐，都坐得幾舒服。二食物方面種類就非常非常之多,同埋好欣賞餐廳嘅服務,上菜嘅時間非常之快同埋服務員都好快幫收碟,食飯係最重要就係上菜快同埋服務好我最鍾意食嘅就梗係刺身啦，油甘魚刺身甜蝦三文魚欺凌與同埋帶子都非常之抵讚，帶子係非常大狗唔係平時出面一開二既帶子而係一夠完整俾你，同埋油金魚刺身嘅顏色都非常之新鮮可以見到食物嘅質素都幾高。另外壽司方面都有非常多種而且佢擺得好靚，食落都幾開心最抵讚嘅就係有中陀螺壽司同埋鵝肝壽司等等全部用了都幾高質食落都唔錯。然後最鍾意嘅卷物就係牛油果大蝦卷，牛油果嘅味道同埋大蝦非常之夾食落口有種好濃郁嘅感覺。然後飲品都非常之有驚喜，有幾款唔同嘅雞尾酒選擇仲要係任飲所以都幾抵叫。另外仲有即燒鰻魚，肉質仲要非常之香甜同埋新鮮，所以今次都叫咗幾次鰻魚嚟食。最後甜品都有好多唔同款式最重要嘅就係有一杯Hagen daz/ movenpick雪糕成餐飯就完美喇。

常言道：「大吃大喝，係一種忘記唔開心嘅良方。」 同朋友一齊食放題，更係令你將所有煩惱都拋諸腦後嘅最佳方法！ 今次就去咗極尚大喜屋！ 講到明極尚， 有幾極？ 有幾尚？ 野都唔洗講，齋睇個海膽手卷就知道答案！ 海膽同飯嘅比例，可以話係放題之中少見嘅多！仲要仲要佢又唔係可怕嘅腥味海膽，而係相當鮮甜嘅，真係叫其他放題情何以堪😂！ 注：中間個軟殻蟹都係正正子，係脆架！ 唔係果啲放到走哂氣仲軟過佢自己個殻嘅軟殻蟹！ 🤣除咗手卷，刺身同壽司嘅選擇都好多！ 刺身仲要塊塊都有光澤，好新鮮！ 果然夠極尚！ 至於燒物呢，燒秋葵、燒菠蘿、燒蠔、燒菇就更係唔少得！ 最值得一讚嘅係佢嘅鹽燒海蝦！隻隻蝦都有啲份量！ 最重要嘅係佢唔會太咸，仲要燒得岩岩好，同埋蝦嘅肉質彈牙，唔會好爛！ 極尚，果然係極尚！ 食完呢餐真係十分滿足！ 但係煩惱唔開心事又豈能靠一餐就忘記得一乾二淨呢！ 所以.... 我仲想拿拿聲再同朋友去食放題啦！ 😆