極尚大喜屋 (加連威老道) (已結業)

第一次來大喜屋吃日本放題，仿如至身五星級酒店，一入門口傳來一陣芳香香芬被吸引，裝修堂皇，這径中西日美食多元化，飲品l種類繁多，水準品質一流，他們食物款式與其他放題不同，美道比美高級日式餐广。員工態度友善親切而且非常细心，這日式任食放題真的令我們大開眼界。順帶一提 最後我食了兩條雪條 和 很多甜品，這裡真的非常適合愛吃甜品的OL們，款式選擇非常多和美味。最後結賬每位只需大約$300元，真的非常高性價比的晚餐！

今日同朋友行左成日山 都已經好肚餓 特登黎到尖沙咀緊係食放題 我地食早段時間 6點半左右到啦 一黎刺身唔使講野 刺身盤賣相唔錯 食落仲好鮮甜 佢個油甘魚好正 我既至愛 仲有燒物必定要食就係佢個貓山王 真係好出色好好食

那天同朋友訂左呢度食放題，特登中午食飯無食咁飽去，實行大刷無賠。環境不差，至少有大卡位坐得舒舒服服可以傾下計。先叫咗D火灸壽司，火灸牛小排、蒲燒鰻魚、三文魚腩牛油燒帆立貝都好味道，特別最愛吃是牛油帆立貝，因為牛油好香，帆立貝又鮮，跟埋壽司飯一齊食，真係好好食，個人認為火灸呢款最好吃燒北海道帆貝也值得Encore不斷，表面加左D芝士燒的，有少少酸酸地，入口有焦香，帆立貝夠大隻又多肉汁，鮮味同表面的芝士香混埋一齊，唔錯的燒物。燒鰻是滿有水準之作，雖然都係雪藏貨，但係燒得好透心，魚肉厚實加埋D燒汁，水準不差。一品料理一定要叫避風塘海蝦，粒粒蒜香，加埋大隻海蝦，惹味到暈，配啤酒最好(呢間有啤酒叫架)如果食到有點飽，有酸薑、辣泡菜任食，都好好食，開胃又再食過。重有呢度飲品真係好多揀，菓汁先生、陽光檸檬茶、道地綠茶、可樂….飲到你唔飲。全晚最好開心食到哈緊大同Movepick雪糕，哈緊大最好味係比利時朱古力，好濃好濃，好味道飛起。另外士多啤梨味的Movepick也幼滑細膩，唔食雪糕，真係會好蝕。

話說去開尖沙咀做野, 成日都唔知食咩好, 又到到都排長龍, 有同事食過呢間既LUNCH話好抵食, 咁就當然去試下啦大概1點半左右到既, 可能已經過左最PEAK既時間, 入去即刻有位坐見到好多人都係食LUNCH既放題, 但我地淨係食定食, 所以安排左坐係另一邊3個人叫左3個定食~例牌野 包埋SALAD同埋 麵豉湯3個都係刺身飯，吞拿魚蓉，4色海鮮同埋火爆Don吞拿魚一啲都唔腥 超多飯！配埋溫泉蛋 正火爆Don 超厚身三文魚腩 飽到食唔曬呀！魚生都新鮮 無腥味 唔錯唔錯但侍應既服務就一般般，反應有d慢...不過野食搭夠！

那天路過朗豪坊附近, 見到一間極上大喜屋日式放題好似幾吸引, 午餐時間全場差不多坐滿, 我們剛好不用輪候就可入座享用火炙 Sushi 類別: 帝王蟹棒黃金燒, 火炙三文魚腩, 黑椒香蒜牛小排, 火炙千島大蝦。火炙 sushi 全都達至剛好的火候, 手握壽司也技巧高超雪花牛肉鍋: 在一品料理的12選項中, 獨愛這個, 既可一面享受放題, 一面品嚐牛肉鍋, 肉質鮮收嫩, 大滿足呀!避風塘炒特大海皇蝦:  蝦肉彈牙, 配以惹味的避風塘炒法, 使人垂涎三尺蒜片炒牛柳粒: 本日精選, 味道一流, 必吃推介 三文魚刺身及鹽燒雞翼: 剌身新鮮，鹽燒雞翼也維持到一定水準！ 芝麻雞翼及北海道脆皮奶: 芝麻🐔翼 yummy! yummy! 鹽燒海蝦:   Ice-cream: Mango & Raspberry 雖然檯與檯之間較為擠迫，但美味食品及熱情的招待足以掩蓋這少少的缺點呢！

今餐係屋企人同男朋友慶祝我生日 由我揀想食邊間 之前食過幾間多好評既放題 但感覺名過其實 唔可以滿足我依種要求高既人 睇左好多間放題 終於揀左極尚大喜屋好彩一早book左位 一入到去就見到幾乎滿座 我地都留定個肚食放題 全部冇食早餐 一坐底就即刻叫野食剌身好快就黎左 推薦甜蝦 赤貝同帶子 好鮮甜 完全冇雪味 對於我依d剌身控黎講 超滿足🤤池魚王都唔錯 冇腥味 最後encore左兩次剌身 正好少放題可以任食海膽軍艦 極尚大喜屋依到有 我當然冇放過依個機會 叫左幾輪 海膽入口即融😋重點係一d都唔腥 好食壽司都唔錯 細細舊 食完唔會太飽 可以留返黎食其他野 我本身唔係幾中意食拖羅 但反而依到既拖羅可以接受 幾好食手卷好足料 三文魚子好好食 咬落去一淡淡魚油 好幸福啊 d飯入面仲有黑松露 正😍羊架唔係個個接受到 因為有羶味 但依到既羊架完全冇羶味 食落淡淡肉 值得一試炸貓山王 d榴槤好香 好好食 忍唔住又encore雪條有三款 可以任叫 我就order左牛奶雪條 好重奶味 唔錯最後以Häagen-Dazs既雪糕作完結 皇室奶茶味係季節限定口味 奶茶味好濃 滿足依餐飯好滿意 極尚大喜屋已經納入我

最近到過這間位尖沙咀的放題，最愛呢度的刺身和一品料理，當中的香辣霸皇蟹，隻蟹新鮮大隻，味道香辣又惹味；重有個牛油沙粟米，D粟米夠晒香甜，係基最愛吃的一品料理！蒜片炒牛柳粒，牛柳好有牛味，蒜片極香，食左好多，唔埋口氣啦！另一熱愛炸物是雞翼，好香脆入味。燒雞軟骨和燒鰻魚也是不錯，雞軟骨煙韌有咬口，鰻魚汁跟鰻魚最好味。當晚原來有雞尾酒點，滿十八就點得， 同燒物一齊食，最正，放題有酒飲，都好值呀。刺身係我食過放題之中三甲之選，如三文魚、馬刀貝、赤海蝦、油甘魚…全部都好新鮮，叫晒全部一定值番晒！要有飯氣，點牛肉湯烏冬，好滑溜又飽肚。基評分: **味道(基基基基基)**外貌*(基基基基)*抵食(基基基基基)**服務(基基基基)**最後基言:當晚最難忘吃了班蘭椰子芝士餅，好好味，個餅香香軟軟，有著清香椰子和班蘭香，好正的甜點，還吃了蜜瓜味雪條和哈緊帶雪糕(朱古力)，好Sweet 好值呀呢餐。

一行四人一齊享受放題，選了這兒大卡位，坐得好舒服。燒物來了，燒鰻魚個燒汁好正，鰻魚肉好軟身，食落香口無腥味，叫了又叫。燒波蘿不錯啊，食到好開胃，燒了反而更香甜。燒帆貝呢間至好味，佢加了蒜蓉和芝士同烤，香口又大隻，值回票價，要叫多幾轉。抵死有中湯飲，霸王花豬骨湯，都幾住家FEEL，湯料十足，不算太咸，合格啦。重有芝士大蝦伊麵，蝦好大隻，D芝士好CREAMY好濃，好味道伊麵吸汁好勁，好吃但膩胃一ROUND夠晒！天婦羅也好好，全部外面好脆，粉漿薄，特別最愛吃日本蕃薯，清甜的蕃薯蓉軟軟潤潤，好清新。創作壽司方面，黑松露油甘魚口感層次一流，全因油甘魚魚味濃，鮮甜中有著特別的黑松露香氣。炸物最愛是紫心香芋丸，可謂一款炸物甜點，清甜腍軟，食到心花怒放。最好心係甜品係H字頭比利時朱古力雪糕同M字頭士多啤梨雪糕作結，呢D名牌雪糕真係唔駛講到知係正斗。

這裡的放題真係超正。刺身好新鮮，各種蝦都相當鮮甜，令平日我最鐘意的天婦羅都食少咗。鰻魚尤其好食，肥美甘香入口即化的感覺，一定要encore! 總而言之，各種食物平均水準都唔錯，係我食過的放題中no.1。最後仲可以叫movenpick的雪糕，但僅限一人一個。

最近工作壓力大，決定搵朋友出嚟呻下，兩個人除咗打邊爐之外最好就係放題，一來食物種類多唔駛煩揀咩，二來時間夠長慢慢傾，三來一定飽到不得了，食飽就咩煩惱都冇晒首先主打一定係刺身，呢度刺身算新鮮，刺身紋理分明，特別喜歡油甘魚油香好濃，而且亦都有一啲特別野例如蟹腳，水準高另外海膽壽司都好滿意，呢度嘅海膽壽司放題黎講份量唔算少，而且都算鮮甜，唔會腥，不錯燒物方面，個人比較鍾意牛舌同燒鰻魚，火候控制得好好，外層香脆，裡面亦保持 juicy, 唔會乾爭爭蒜片牛肉蒜味好香濃，而且蒜片炸過之後十分香脆，牛肉亦都唔會硬，牛肉味重，不錯炸物方面，我特別欣賞天婦羅蝦同埋金枕頭炸榴槤，首先天婦羅蝦嘅 size 算唔細，所以蝦味好重，而且幾新鮮，至於作為榴蓮控嘅我，炸榴槤我係encore左兩次，因為實在太香濃，而且好似食緊一舊榴槤咁，必試最後飲埋放題好少有嘅中湯同埋雪糕之後，感覺飽到非常，傾左一晚煩惱亦都冇晒

食得唔開心 以後唔幫襯刺身等好耐先到 點的數量不乎而且帶子刺身沒有味道 焗帶子 醬太多,,,蟹不新鮮...蟹肉好"霉"從前的大喜屋都滿座的~ 食物有質數的今晚我9:30到達 眼見還有很多位置...以前從不漏單,現在再三催單先有野食...最後 我地:等緊雪糕短髮有鄉音的女職員:我地夠鐘架喇 麻煩離開我地:但雪糕未到喎..短髮有鄉音的女職員:雪糕可以一路行一路食 多謝...問題係...都未到...點食....

我最喜愛食日本菜，今日放工後我又約埋幾個同事一齊去食晚飯，我哋去咗一間叫做極尚嘅日本餐廳，佢叫極尚真係有極上嘅水準，當員工把食物放上枱時，已見到帆立貝色澤閃令令，非常新鮮，食落更加鮮甜可口，大大隻嘅鹽燒蝦，蝦香撲鼻，惹味非常，蝦肉夠鮮甜，肉質彈牙。優質甜蝦，甜味夠濃郁，肉汁又豐盛，貨真價實，食到令你停唔到口。三文魚刺身，見到油光立立令，三文魚肥大肉厚，咬開 放在口中，令你感到柔柔潤潤，軟綿綿嘅感覺，好食到不得了。仲有多種嘅壽司都非常出色 ，尤其係佢個海膽手卷，咪錯過，頂級鮮甜嘅海膽，夠新鮮，質感軟綿綿，滑捋捋，鮮味無窮，配合精緻巧手嘅手作，令整個海膽手卷配合得天衣無縫。仲有素食嘅菇，同樣咁美味，菇味嘅幽香，清爽怡人，夠爽滑。一個雞軟骨，調味非常到家，雞肉味夠鮮甜，肉質豐富，軟骨煙韌有咬口。食過呢個晚餐之後，大家心情靚靚，好有滿足感。

我老闆今日請我哋一班同事去一間極尚日本餐廳食飯，佢話呢間餐廳非常有質素，仲話係慰勞下我哋呢班同事咁話喎，我哋當然吾會拒絕啦。首先食我嘅至愛甜蝦，質素真係冇得輸，夠鮮味，又爽甜，果然係有質素。三文魚，每一件都肥大肉厚，肉質夠潤澤，食落口中又林又甜，大廚厚切刀工，令你口感食落更加滋味。大大粒嘅帶子，鮮味無窮，當你咬開後，啲肉汁好像是要噴出來似的，鮮味十足。牛柳粒，味道夠濃甜，牛柳嘅質素甚佳，林林甜甜，肉質豐富，食後齒頰留香。海膽手卷，鮮味嘅馬糞海膽，鮮甜味非常足夠，軟綿綿嘅口感，質感軟滑。黃金炸蝦，外表炸得金光燦爛，賣相已經贏曬，咬落鬆脆可口，炸物將整隻大蝦重重包著，將大蝦嘅汁液不會流出，蝦肉爽甜，汁液豐富蝦味又夠濃郁。天婦羅炸蝦，同樣出色，佢嘅炸漿調校得恰到好處，夠鬆化，蝦肉鮮味出眾，肉質夠彈牙，時間控制得啱啱好。佢嘅甜品都係好有質素，一個哈根大師雪糕，聽個名已經好高檔，食落口更加名符其實，雪糕奶味夠香濃，質感滑溜溜，甜味適中，食完雪糕嘅香味，留在你嘅口腔 歷久不散，令你回味無窮。

好耐都冇食過放題啦，有朋友提議試過呢間好食，所以決定我生日去試一次我哋係book咗8：45，嘩原來喺樓下等嗰條人龍長到呢嚇死人以為有排都未有得食，不過好快脆地，我諗都唔使10分鐘就上到去佢哋全部啲刺身都好新鮮，種類又多，有帶子，有赤背，有北寄背，又甜蝦又有玻璃蝦，又夠大隻仲有好多特色小食，芝士蝦，燒雞翼，特別推介燒鰻魚，超級超級好味我哋差唔多試晒所有野，但係都返兜再食多串燒鰻魚，你就知唔野少仲有特色飲品梅酒雪糕雪條，不過雪糕就唔係任攞嘅，因為係Haagen-Dazs同埋movenpick 一聽就知值回票價😱😱😱我哋一行六人飽到嘔，總括嚟講越多人一齊食，可以食到嘅越多款式唔係講笑想重點提一提服務我哋嗰台嘅嗰個青春少女，我哋一班六個人都感覺到佢對工作嘅熱誠，我地對佢嘅服務滿意度簡直係滿分PS: 滿分係淨係俾佢個人

好耐冇食放題啦，冇時間去旅行唯有食下放題輕鬆下啦係食當然就要食最好架啦，今次就揀咗極尚大喜屋。係尖沙咀，時間一到樓下都見到好多人排隊入去，不過好彩好快就可以入啦。今次嚟到又有新驚喜，一打開點餐紙就見到新出嘅仲夏夜酒祭，有三杯有酒精同三杯無酒精嘅雞尾酒估唔到放題都有得飲呀，超高質，我就叫咗杯酒紅黃昏，真係幾濃架啲酒，加埋少少果味甜甜地幾好飲呀。之後到刺身啦，大大粒帶子，新鮮嘅油金魚仲有蟹腳添呀，超正之後又比我發現有呢個味淋魚乾，如果系出邊日本餐廳食嘅話都唔平架，係呢度放題食到！用嚟送酒啱啱好最後當然唔少得最正嘅壽司啦，有超人氣嘅拖羅壽司仲有鵝肝帶子壽司，黑松露，油金魚等等。啲碟原條海鰻壽司就絕對係今日必食架啦仲長過部電話呀，條海鰻睇到台台都有叫就知佢好受歡迎啦另外一個大家一定要食嘅就係佢嘅蒲燒鰻魚串，喺度有得任食當然多幾串啦哈哈仲有值得推介嘅係佢個蘿蔔牛筋腩，一鍋入面有蘿蔔有牛腩蚊到好淋，蘿蔔都好入味最後仲有雪糕大家記得嗌啦，黎大喜屋食放題一定食到好開心又好飽肚