極尚大喜屋 (加連威老道) (已結業)

今日約左幾位好友飯聚，大家都想食放題，就選左極具人氣，但價錢合理既極尚大喜屋，之前都同朋友黎過，次次都無失水準。先黎一個魚生拼盤，赤貝、三文魚、甜蝦、蟹腳....款式好多選擇，壽司亦有很多種類，包括我最鍾意既海膽同軟殻蟹手卷，好多地方食海膽都係瘀黑色同有一陣味，呢度既就好新鮮。串燒款式亦很多選擇,雞軟骨、燒番薯仔、雞翼，仲有燒鰻魚，好味，炸野有一般既天婦羅、年糕、仲有炸牛奶同炸榴連。甜品除了雪條，蛋糕之外，每人會有一杯Häagen-Dazs或movenpick雪糕。

三個大男人想食得飽， 梗係去食放題啦。 炸物，刺身，壽司， 啤酒汽水 飲品全部任飲任食兩小時半。我 早兩日已經打去book位， 所以一去到就即刻可以食。首先就一定係 食刺身先啦!order左油甘魚，甜蝦，三文魚，北寄貝 赤蝦松葉蟹， 全部都好新鮮好鮮甜。壽司方面， 我 就最鍾意 食拖羅 壽司， 因為我去每一間放題都必定會食。海贍軍艦就一定唔少得啦!呢個必食，我地三個男人每人最少食左10件，真係好鮮甜。 食到咁上下都已經開始飽飽地。咁係時候要食返個甜品啦！呢到既主打雪糕係HaagenDaz,平時既我，一定係首選朱古力味雪糕,但今次我選擇試seasonal favourite既乳酪雪糕， 味道好清新唔係太甜。

九月時間比較忙,一直都冇咩時間食好野,於是得閒馬上去食一餐放題放鬆下。呢度食野既人好多,夜晚九點食依然爆埸,不過野食黎既時間依然好快,而且熱食唔會擺到凍哂先上,非常有效率!首先係焗帆立貝,芝士味濃郁,其中兩件重有兩隻帆立貝係入面,而且亦唔係好細件,非常足料,帆立貝都唔會焗得太耐而覺得韌而唔易咬。之後係炸天婦羅,上碟時熱辣辣,亦都炸得好脆,口感不錯。壽司款式好多選擇,細細件唔會好飽。饅魚係咁多樣食物裡面最帶比我驚喜既一樣野,雖然話放題食串燒饅魚冇咩特別,不過呢度既串燒饅魚真係燒得好香,又唔會燒得太焦,而且上碟既時侯真係好熱,口感一流。牛柳粒口感鬆軟,肉汁多,份量比較少唔洗驚叫左之後會好飽肚食唔落其他野,而且蒜味好香,但香得黎又唔會蓋過牛肉味。最後重有movenpick 同 Haagen-dazs雪糕可以揀!

約埋食班朋友食午飯，又要食得好又傾到偈，就最好食午市放題。 最先黎既係松葉蟹腳同新鮮刺身，肉厚、味道鮮甜，食完一盤又一盤。 再黎就係燒羊架啦！肉質幼滑，一口咬啱啱好，味道同高級食店有得比。 北海燒帆立貝必食之選！大隻多肉不在話下，最正係沙律醬夠重手，夠哂惹味！ 成班朋友，一盤又一盤既壽司當然唔少得，每盤點幾款，叫多幾盤就差不多試勻晒，新鮮壽司同火炙壽司同樣好好味😋 最後就緊係食埋甜品啦！每樣甜品叫一件，再加幾款雪糕，總啱唔同既人喜愛。總括黎講，極尚大喜屋係尖沙咀放題首選，味道一流，上菜又夠快，水準極尚👍

放題一直都是我的最愛，一個價錢可以任食高質的東西，感覺真的超爽今天再來到大喜屋。即使訂了位也要排隊喔～記得要早一點來因為來吃的人多到很誇張！鰻魚的肉很厚，一口接一口超滿足皮烤得脆脆的，肉超級嫩，肉中的魚油很香，醬料甜甜咸咸的讓人吃不膩蝦很有彈性而且很大隻，蟹肉軟軟甜甜的～炸粉不會很厚喔～剛剛炸出來熱騰騰的，而且很香很脆牛舌厚度剛剛好，不會很乾，滿滿的肉汁，口感非常好～只加了一點鹽巴讓人好好的品嘗原味，加點檸檬會變得更清爽更開胃喔～羊肉超嫩烤得剛剛好～加了點香草和黑胡椒很香，肉很厚。所有東西都是剛剛弄出來的～雞軟骨很脆，咸咸的很香，和酒超配

預先book咗枱黎食呢間大家都知嘅放題 當然品質都有翻咁上下先每個時段都爆哂人啦呢度雖然多人食 但人手都好足夠同埋上菜都好快！值得一讚呢度嘅刺身睇顏色就知好新鮮 種類都好多讚一讚啲三文魚厚切得黎油脂都好平均唔會太肥膩之餘又有滿足感蝦都好甜 唔會見到留咗蝦腸係度長腳蟹都好甜 有工具比我地食得好啲：）呢個焗帆立貝好足料！芝士味好濃 有少少蟹肉同紅椒等等增加口感帆立貝都好大粒 唔會焗太耐而硬牛肉粒一份嘅份量就比較少 多人可以叫幾份每一舊都冇乜“跟”所以比較易咬而牛肉都冇整太耐 充滿肉汁：）同埋炒得好香口芝麻雞翼係我最愛就唔多講啦haha野飲方面都有好多選擇我就特別咁試咗佢嘅雜果賓治酸酸地同埋真係有果肉係入面 唔似係用罐頭水果！賣相都做得好好甜品都有好多選擇！！！每一樣都細細件 可以試哂咁多款！馬卡龍就比較甜 但做得外脆內軟嘅口感焦糖燉蛋好重蛋味之餘又唔會太甜 焦糖都做到唔會黑哂 最後竟然haagen dazs食！仲要係新口味不過就要早少少嗌等佢融少少先食到：）

少有地有機會同朋友係星期四下午一齊食放題。食咗咁多次大喜屋，最鍾意都係尖沙咀呢間，服務態度同食物質素都有保證。身邊的朋友都比較細食，所以我自己就咩都點來試試呢間的刺身好新鮮，好多魚生片都係厚切，佢仲有中拖羅壽司添，呢樣唔係間間有，yummy熟食，我最欣賞係燒蝦，新鮮得來，口感又好。所以最終，我同朋友encore 再encour. 海鰻壽司真係好正，見到個樣都知佢足料呀！食到飽飽地，同愛飲酒的朋友叫咗熱的saki來試下，配埋枝豆同魚乾就真係爽爆。可惜既係，唔記得幫魚乾影相呢間放題係刺身同熟食水準都好平均，值得再來

一直對放題無好感，感覺俾幾百元去塞滿自己個肚，但食物通常質素麻麻，就會感覺不如用幾百元幾細細碟高質野仲好，重質不重量嘛！所以平日少之有少會食放題。呢次遇著朋友好想食，又話呢間係高質，最終被說服了。結果卻真的出乎意料之外👌☺️所以真係好想分享！首先，魚生壽司新鮮，最喜歡吃花之戀系列。平日食放題對壽司魚生沒太大期望，因為通常不太新鮮，但今次食覺得呢度的魚生幾新鮮，三文魚刺身、甜蝦同帶子真係好好食，又夠大舊！至愛係花之戀，一開頭望落好細舊，但其實無偷工減料，因為入面少飯，而魚生就多多，一啖就入哂落口，又唔會咁易飽，可以繼續食更多野，哈哈！如果我改名，我會叫佢做「一口花之戀」！熟食方面，喜歡吃羊就一定要食羊架。羊架煙、冇"穌"味，同好多汁😋😋一人食左兩件！然後叫左個硯肉粥，喜出望外，好鮮甜，有哂硯肉味，仲要唔細碗，一碗足夠兩人食兩三碗！好後悔無影低，因為太好味不食食哂哈哈！另外，食得放題通常都會叫雞翼同牛柳粒，呢度嘅雞翼都無令我失望，好食!!牛柳粒好多粒惹味!!必叫呢兩樣～食飽後梗係要食甜品，無諗到呢到會有我最鍾意既Haagen Dazs！性價比高，食得開心的一次!

我都覺得食材新鮮，好好味😋😋壽司size細細很好，可以試多幾款唔怕！員工服務及笑容都好好，最緊又食得開心😊下次一定會帶屋企人來試，更加會推介比朋友啦😄👍🏼👍🏼

今日為左食呢餐 我連lunch 都冇食過 留返個肚黎食呢餐 因為呢間係做放題 任食 當然要食盡佢啦 先黎個刺身先啦 咩都有 三文魚同油甘魚都係我至愛 食落鮮甜都幾有水準下 燒物一定要叫貓山王

最近到過這間位尖沙咀的放題，最愛呢度的刺身和一品料理，當中的香辣霸皇蟹，隻蟹新鮮大隻，味道香辣又惹味；重有個牛油沙粟米，D粟米夠晒香甜，係我最愛吃的一品料理！蒜片炒牛柳粒，牛柳好有牛味，蒜片極香，食左好多，唔埋口氣啦！另一熱愛炸物是雞翼，好香脆入味。燒雞軟骨和燒鰻魚也是不錯，雞軟骨煙韌有咬口，鰻魚汁跟鰻魚最好味。當晚原來有雞尾酒點，滿十八就點得， 同燒物一齊食，最正，放題有酒飲，都好值呀。刺身係我食過放題之中三甲之選，如三文魚、馬刀貝、赤海蝦、油甘魚…全部都好新鮮，叫晒全部一定值番晒！要有飯氣，點牛肉湯烏冬，好滑溜又飽肚。當晚最難忘吃了班蘭椰子芝士餅，好好味，個餅香香軟軟，有著清香椰子和班蘭香，好正的甜點，還吃了蜜瓜味雪條和哈緊帶雪糕(朱古力)，好Sweet 好值呀呢餐。

話說有日戈friend 打電話黎，問我出唔去去食飯，佢話一齊去食放題，我諗左一諗放題 正呀 我好耐無食過喇~ 點都要去食吓嘅~ 😂一去到戈環境好大，好多位，坐得又舒服，d 餐具仲擺整整齊齊~一齊低當然睇吓戈 Menu 先喇~真係有勁多選擇，又有魚生，熟食，仲有甜品 一見到魚生眼睛立即bling 左一吓 好厚嘅三文魚，好好食嘅生蝦，仲有好正嘅雞翅 我地食緊野嘅時候唔小心倒瀉咗沙律落地下, d waitre 好好， 立即拎紙巾比我地，仲地幫我地清潔好係好滿足嘅一餐，而家諗起都好想去食多次呀~

幾個朋友約食放題，呢間放題係食過咁多間，最好食既一間款式齊全，刺身大大件,三文魚刺身，鮮甜好味的帶子，甜蝦入口食到的鮮味，值得回味!!點完再點叫仲有壽司，擺盤好華麗 ,食完刺身，食冷豆腐，清新一下。點解放題都可以咁高質素，服務又好，食完之後真係唔想再去其他放題早到，5分鐘後坐滿晒人刺身拼盤，甜蝦，池魚，蟹腳，象拔蚌刺身晶凝通透又有光澤,豐腴油脂滲入口中，瞬間溶化有蟹膏有海膽，又精緻又好味黑松露油金魚!!超滿足!

前一日才剛食完酒店自助餐，價錢貴呢間兩倍，但食物質素卻差不多， 而呢間的刺身比酒店更新鮮和多款色! 叫左幾款壽司，細細件又精緻，唔會太頂肚，難得有高質吞拿魚，好多地方都冇...熱食質素也很高，特別鐘意花甲粥，炸貓山王，燒菠蘿和避風塘炒五香豬手，真係好好味!甜品是最大的驚喜，有Movenpick和Haagen Dazs揀，一人只可order一份，但已很滿足，因為已經食到好飽，再加上食左條牛奶雪條(個人覺得比雪糕更驚喜，好濃滑，第一次食呢隻雪條，下次一定會再叫) 總括來說，呢間放題係我食過咁多間最好質素的，價錢也是最貴的一間，但個人認為物超所值：食物質素高，環境舒適，職員頗有禮貌，食物出得快，收碟收得密，唔會一枱都係吉碟，而且有2.5小時食，唔駛趕頭趕命，將來會帶埋家人朋友來食，相信會食得開心好多(比起之前食過嘅平價放題...)

Conclusion: If you're looking for japanese all you can eat, this should be at the top of your listQuick explanation: whoever they have working the grill is very good at their job. The beef and the lamb were both cooked to perfection. Most AYCE places i have eaten at seem to use the cheapest cuts. Here the meat was tender, flavourful, absolutely wonderful. My wife ate all the seafood (well, most of it) but what little I tried was certainly what you'd expect of a fancier sea food restaurant. Fried