食後感：完全對放題改觀！
先講d同食無關既野：
1.) 上菜速度：好快手，成程無甩單，跟足晒叫既份量，非常好
2.) 服務：一般既放題屋儼如戰場，唔好話服務唔西口西面已經還神。呢度我覺得算唔錯，全程加水拎紙有問必答，最緊要係無人西面！
食物方面，基本上無邊件係唔好食。
必點既刺身無伏，新鮮無雪過籠，壽司細細件份量剛好 (推薦極壽司，特色得黎好食)，海葡萄沙律都好正。
熟食方面，燒雞翼一般無乜特別，反而芝麻雞翼絕對係驚豔，一定要試！燒凡立貝都值得一食。
澱粉質系都無伏，我叫左個冷烏冬食，都幾多配料！
最後仲有高級雪糕作結，正正！
非常滿意既一餐，唯一要彈既係要排隊排好耐…
