極尚大喜屋 (加連威老道) (已結業)

原來想去大喜屋，但因為經過呢間，見得2枱人排隊，甘就排下啦，因為9點15分有折，我地8點幾就等啦，等第三枱，甘霖住打電話去訂位吾洗系條街度企得甘辛苦，但佢話系無得訂位，全部要walk-in，，，因為我真系無試過食放題要系條街度等，不過都無所謂啦，無得訂位，甘等到9點半終於到我了，遲個15分鐘都吾緊要啦，點知佢話呢度系訂枱既，我已經呆左，話後面先系等walk-in，甘都好啦，排個邊囉，過多十幾分鐘，我見walk -in既人都無入過，我就上去問佢到底幾耐先會比入啦，等左成字，終於有人理我，佢話要比訂左位既人入哂先，我話好，甘仲有幾多人，佢話前面仲有七十幾個人訂左等緊未入，仲要一邊話一邊走，我已經嬲嬲地，我再問佢，點解我地打黎你地話無得訂位，佢話呢啲人全部上網訂，我話甘姐系吾系你呢度無得訂位啦，佢仲要全程背住我，小朋友都無呢個系無禮貌既行為，你甘大個人答人就吾可以比小小尊重同禮貌咩？生意好，但人吾好，點長久？我就已經都吾會黎，朋友問起我都吾會介紹去，連禮貌都無，點驅使我去幫襯你間店？