極上帝王水產

營業中

休息中

來到旺角逛街，突然想吃燒肉又想吃刺身😆找有一間日式放題，一次過滿足。原來這家店最近入咗高質安格斯牛肉，讓人期待。先來的是開胃小食：榴槤手卷、紅酒藍莓鵝肝、海膽壽司，厚切鰻魚串。接著是新鮮的刺身拼盤，有挪威厚切三文魚、北海道帶子、阿根廷赤蝦、北寄貝、甜蝦、希靈魚和榮螺肉。 加點了升級生蠔set，蠔肉肥美。主菜方面，先品嚐了壽喜燒，湯底濃郁，配料豐富。燒肉方面，安格斯牛肉油花分布漂亮，其他海鮮同肉選擇也多有韓國牛肉、蜜汁叉燒、黑椒雞翼等。 飲品種類有紙包、花茶同罐裝飲品甜品份量mini,可以多試幾款，最喜歡吃紅豆抹茶蕨餅。 門外仲有雪糕同雪條

🤓第一次食呢一間放題 環境氣氛好好 空間都好大👍🏻閒日嚟講都差唔多滿座，好好彩有卡位可以坐。 而且店員的服務態度都非常好👍🏻首先食咗一大盤刺身先，都算新鮮同埋好味👍🏻另外有唔同嘅小食試吓，同埋有一碟生蠔，不過生蠔就雖然唔腥不過吾夠甜同大隻😆另外黑松露炒蛋嘅黑松露味唔係話超級重，會比較清淡啲。芝麻雞翼就好好食好香，鰻魚卷都好入味唔會太鹹。 跟住就打邊爐，揀咗壽喜燒湯底，會偏鹹，所以要溝啲水，好多唔同材料可以揀，牛肉都比較肥美😍非常多選擇🥳🥳🥳 另外仲有燒肉可以食，一樣會有好多唔同款式可以揀去燒，另外都有好多唔同款式嘅飲品選擇。 選擇升級嘅價值，你會感受到係一個值得嘅選擇🤗

服務員超有禮貌以及服務速度超快，食物亦很快上枱，壽喜燒、刺身、日式炸物、日式燒烤應有盡有，各種刺身、生蠔、海鮮新鮮即做即切，還有滾熱辣的厚烤雞泡魚魚乾及香煎大大片鵝肝，生肉類及海鮮和蔬菜更自由配搭做燒烤亦或壽喜燒風味，實現兩食自由，除了烏冬拉麵等麵食，另一大特色當然還小不了可自製牛丼，有白米飯自添，相當好玩又好食。另外加點餸菜的生蠔半打更只需要68元，平均11元左右，超值價錢，最欣賞的是有種牛油自燒餸菜，例如是牛油金菇、蜆、帆立貝、粟米等，單人份量多點也不怕，餘下的牛油還可以用來煎肉，實現牛油自由。

成日行開旺角油尖旺，就會有種特別既魔力，好想食燒肉，打邊爐同放題，每次都會為左揀食咩而同自己角力。今次去左「極上帝王水產放題店」，除左因為佢可以集三樣於一身外，佢地理位置都十分好👍今期佢地主打燒肉，特別係可以升級安格斯牛肉🥳食完係完全突出安格斯牛肉的質量與口感。加上雖然係燒肉，但唔會太大陣味，好怕一入到鋪頭成陣油煙味。同行朋友比較喜歡餐廳的升級生蠔set，因為每隻都夠肥美，味道當然唔使講啦😎😎最後仲可以揀選埋壽喜燒火鍋物👍性價比高，真係刺身、壽司、燒物、炸物、鍋物、甜品等應有盡有，好適合我呢啲貪心人士🫢🫢重要一題，有個刺身船，上面放滿哂各種刺身，賣相已經相當吸引，裡面有三文魚、八爪魚、生蝦、螺片、鮑魚片、玉子、蟹柳等等。朋友話剩係食呢隻船都已經好飽😆今次我地揀左升級套餐，其實午市來講算係價格合理，仲有超多款式揀🤤

今晚同朋友出了兆萬中心睇玩具，跟住朋友就話這裡有間任食燒肉，任食刺身壽司、泰國菜放題，於是就係咁上了去，一出升降機就係餐廳，座位闊落，座下就開始今晚嘅放題，有自助區，出面有不同款式食物可以自取，亦可以透過qr code 掃瞄落單點刺身壽司熟食同其他食物，如升級後還有額外選擇，差少少當然就要升級等了一陣就有個超大份嘅刺身拼盤上枱，入面有新鮮大大隻珍寶赤蝦，肥厚三文魚，質感較腍嘅吞拿魚，鮮甜帶子，口感爽脆希靈魚，味道較鮮甜嘅螺片等，放滿了，十分吸睛接住還有升級了嘅大大隻日本生蠔，海膽軍艦，紅酒藍莓鵝肝，厚切鰻魚串，迷你榴連筒等選擇，多食到都可以回本除咗刺身之外，還有不同口味壽司餐牌內還有好多唔同嘅熟食，還可以自助燒肉，在自助吧內有不同款式選擇，而佢嘅牛都唔錯，燒完肥美牛味香濃，如果係喜歡食燒牛肉，一定可以滿足到，店員會不停供應，最緊要你食到！整體食物選擇款式多，地方就腳方便，下次同朋友行完玩具店，又可以到這裡食返夠本！

兆萬出名多野食，今日就來試下喱間放題。間放題咩都有，有壽司刺身燒肉……….。勁多選擇！一來就叫左盤刺身先，我地叫左幾款刺身，全部都好新鮮，賣相又靚打卡一流！壽司都叫左幾件試下，食落都唔錯！之後仲叫左d炸野，炸鮮奶炸香芋丸必叫，炸物係新鮮炸起要等10幾分鐘，食住其他野等其實好快過～我地升級左安格斯牛肉，見個comment 都幾好就升級來試下，的確係值得升級，拎去燒既話好有油香。除左燒牛肉，仲有d海鮮例如魷魚，多春魚同鯖魚燒下，雞翼係必備！間放題既種類好多，咩都想試下既話就可以來喱間食下！

【街坊價中午放提】 中午搵食，朋友推介極上帝王水產抵食，抱住平常嘅心態試水溫。午市升級左套餐，老實講裝修走實用路線，食物有驚喜～ 因為我哋升級咗，生蠔送一set，有海膽，平時放題海膽多數出水又腥，呢度竟然有回甘味！紫菜係即包嘅，脆到似食緊薯片。生蠔細隻但冇鐵鏽味。【燒牛邪惡度爆錶】 安格斯肥牛絕對係回本之選！油脂分佈似和牛雪花，燒到微焦時啲肉汁多到滴落炭爐，夾住生菜同蒜片食，好有罪惡感。【刺身有誠意】 三文魚腩厚切到透光都仲見到魚油紋。最驚喜有平時少見嘅赤貝同鯖魚，師傅手勢好過連鎖店，至少冇冰碎拮口。總括來講升級價錢係抵嘅，升級安格斯牛肉係必試嘅選擇，下次都會再嚟呀🤗

一間餐廳，集合晒我想食嘅食物，包括魚生，壽司，壽喜燒，燒肉，天婦羅🍤一坐低，首先會有一盤有10款魚生嘅刺身拼盤，牡丹蝦勁大隻，唔係揸流攤架，重有叫左海膽壽司，味道新鮮，仲有一口鵝肝，自己就鍾意比較食蝦多啲，所以就叫咗個蝦天婦羅，炸皮鬆脆，冇油膱味👍🏻任食安格斯牛肉質量不錯，都食咗幾轉，自助區仲有好多食物選擇，出邊仲有個雪櫃有好多雪糕款任揀，總括嚟講你想食嘅日本嘢，呢度係可以滿足晒你咁多個願望

諗住去旺角兆萬中心嘅極上帝王水產試吓，中午$289一位再加一服務費，話就話無限時任食，點知… 真係令人失望！ 😔首先，款式真係少得可憐，選擇唔多，海鮮、肉類、熟食都唔夠豐富，完全滿足唔到食量大嘅朋友！ 😩 刺身方面，新鮮度真係有待改善，三文魚有少少變咗質，入口口感唔佳，影響食慾！ 🤢另外，餐廳竟然冇提供串燒，要客人自己出去攞肉自己燒烤，雖然可以體驗DIY嘅樂趣，但係排隊攞食材、自己燒烤，真係比較麻煩，而且浪費時間！ 🙄 燒烤嘅味道質素亦都只係一般，食材調味唔夠入味，肉質亦都唔係特別出色，整體表現平平！ 😐以呢個價錢嚟講，旺角區有大把高質素嘅放題選擇，無論係食材新鮮度、款式多樣性、味道方面都比佢優勝，真係唔值得嚟試！ 👎 如果你純粹想搵個地方坐耐啲，同朋友傾吓計、hea吓時間，對食物質素冇乜要求，咁都可以考慮嘅… 🤷‍♀️ 但係如果你追求美食，想食得開心又滿足，就真係唔推薦呢間餐廳啦！ 🙅‍♀️ 真係唔好嘥錢嘥時間，去試其他更好嘅選擇啦！ 💸#旺角美食 #兆萬中心 #極上帝王水產 #放題 #伏 #踩雷 #款式少 #刺身唔新鮮 #冇串燒 #味道一般 #唔抵食 #不推薦 #性價比低 #踩雷經驗

旺角兆萬中心係人氣地標，其實仲有多間食肆係度另一美食集中地，今次又嚟咗呢度品嚐一餐豐富美食，有咁多選擇梗係要搵D多元化口味，去咗9樓極上帝王水產。家陣餐廳除咗有基本日本料理之餘，仲推出燒肉放題套餐，分別為（子）即係日式泰式燒肉放題，（公）生蠔海膽任食套餐，(王）極上海鮮放題以上3款套餐提供當然各有賣點，扺食首選一定係(子），我哋貪心D就點了(王），已經包括埋所有(子)食品。美食終於開始先來係必食刺食拼盤夠晒豐富、已有多款食材，珍寶帶子、厚切三文魚、巨型赤蝦、大赤貝、泰式生蝦、八爪魚等，入口鮮甜又飽滿。升級推廣再來有升級的生蠔set，升級是一個值得的選擇。生蠔鮮甜、肉質鮮嫩，帶有海洋的清新氣息，咬下一口，能感受到那種自然的鮮甜。總之，生蠔是一種令人陶醉的美食，融合了自然的味道和獨特的口感。燒肉：升級版的安格斯牛肉特別是升級版的安格斯牛肉，口感滑溜，仿佛在嘴中融化，讓人欲罷不能。牛肉味道中隱含著微微的鹹味和香氣，搭配醬料食用，增添了清爽的口感，十分解膩，令人回味無窮。跟住係食燒肉嘅時間，喺自助燒肉區有多款肉類同其他丸類之外，仲有白飯同醬汁供應，攞返幾碟美國牛肉燒住先，在攞埋其他燒烤配料一邊

今天在這家日本餐廳用餐，體驗差到了極點！食材很不新鮮，第一次吃玉米都係無味既，如果沒心做別不要做吧。真的不會再來第二次，地獄料理一樣，吃了1個鐘唔夠就走，然後去吃茶餐廳，300蚊就當跌左，，

放題、燒肉、打邊爐！難得好食！好坐！服務好！👍🏼👍🏼👍🏼好耐好耐無去過食放題，約咗朋友去兆萬中心，真心勁耐無去，細個一定去嘅放題熱點！有驚喜！最估唔到係連燒肉都做埋仲要好唔錯添！晚市最平唔駛$300！ 一黎就叫咗個刺身先！上枱好靚、刺身亦好新鮮，選擇亦都多！大推帶子同埋赤蝦，赤蝦係連殼、非常鮮味，無懼急凍！放題黎講真心超值！另外再加咗啲生蠔，有驚喜！係鮮味足、新鮮冇問題！另外有即燒鰻魚串，係好香嘅！壽司手卷軍艦，自己幾鐘意海膽同埋個榴連手卷！榴連控必吃天婦羅炸物，不錯，記得問佢攞天婦羅汁！雞軟骨依啲放題必叫嘅嘢燒肉- 有驚喜！燒烤櫃任攞- 大推菠蘿、多春魚、安格斯牛（要另叫）換紙嗰啲做到足，燒肉款式亦好多、我就覺得啲牛有水準，其他嘢食都不錯！最後甜品 細細粒 可以試好多嘢嘢飲亦不錯！總結：服務好、主動問你有冇嘢未上、亦上得快，多選擇有機會下次試埋個邊爐同埋其他熟食！

📍 極上帝王水產 旺角 📍想燒肉，又想打邊爐，仲想食放題？竟然搵到呢間極上帝王水產可以一次過滿足晒個願望。首先要食刺身，好有睇頭🤩！有三文魚、希靈魚、甜蝦、帆立貝等等，非常豐富🤩！之後就係食壽司，好多款式可以揀，咩都想試。好開心可以有海膽軍艦食！仲有一啲串燒、天婦羅、炸物等等，每一樣嘢都處理得唔錯👍🏻！打邊爐方面，都有好多唔同嘅料，眼花繚亂，但非常滿足。醬料都有好多種，任君選擇。燒肉方面，有得升級做安格斯牛肉，雪花均勻，牛味充足，性價比很高。仲有生蠔可以食🥺🥺 ，夫復何求？甜品櫃都有好多選擇！人均$300左右，可以滿足咁多種願望，真係好難得。食物質素唔錯，環境闊落舒服，啱晒一班朋友嚟！

「兆萬出名多放題」小編今次就帶大家黎到旺角，同大家介紹一間我自己食左好多年，食到由放題轉型做燒肉ing既日式放題 一 極上帝王水產 @而今日小編就同友人黎食午市放題午市放題分為三個套餐：子$289 公 $419 王 $539招牌刺身：厚切三文魚、北寄貝刺身、大赤貝、北海道帶子刺身、甜蝦、珍寶赤蝦、泰式生蝦、磯燒鮑魚、鮑片松葉蟹棒，亦可另外加錢升級食生蠔(非常飽滿幾推)、龍蝦等等刺身船擺盤非常華麗，刺身本身亦非常新鮮、非常鮮甜，不愧系我自己支持多年既放題店🤤👍🏻而招牌壽司 ：花之戀壽司、帝王鰻魚壽司、火炙芝士醬大蝦壽司、火炙帝王蟹棒壽司等等招牌炸物：巨海老天婦羅、日本榴槤炸彈、吉列炸廣島蠔、松葉蟹棒天婦羅、可樂餅等等而，極上帝王水產新推出既燒肉，除左雞柳、雞翼、雞腿肉、豬肉、美國牛肉、日式燒汁牛肉、韓式燒汁牛肉、日式照燒雞扒等等，亦可+$99升級安格斯雪花牛肉任食當然，食到最後，亦吾少得食埋雪糕，整體黎講，同三五知巳黎聚下吹下水食下野，亦系吾錯既選擇🤤👍🏻📍極上帝王水產西洋菜南街1N號兆萬中心9樓

成日聽到好多人介紹呢間放題，不過一直對兆萬嘅課題冇咩信心，所以一直冇嚟試，今日咁啱約咗朋友喺旺角，大家都不約而同話嚟試吓，咁就嚟食啦。一嚟到見到呢度好多客，好好彩咁啱有位，而且佢裏面仲揀咗幾間房，咁好彩俾我哋坐咗房嘅位，非常有私人空間。一嚟到佢已經上咗一盤好大嘅刺身，入面咩都有。有生蝦，虎蝦，三文魚，吞拿魚，帶子，鮑川，螺片等等。我自己認為最好食嘅就係佢嘅虎蝦，因為非常大隻，而且食落好新鮮，蝦肉好彈牙，唔使點豉油都好好食。另外佢嘅帶子都好出色，因為好大嚿而且食落就知道好新鮮。另外所有刺身都好新鮮，比我想像中好好多。除咗刺身之外，佢仲有好多唔同嘅熟食，而且仲有燒肉，估唔到佢嘅肉質都好高質，佢嘅牛肉好有牛味，而且食落就知道好新鮮。呢度仲有得打邊爐，食得太飽嘅時候就可以拎啲蔬菜嚟打邊爐，可以消滯。朋友都大讚原來呢度嘅刺身咁新鮮，佢價錢咁平一直唔敢嚟試，下次都一定會繼續再嚟呀。