極上帝王水產

營業中

休息中

今天在這家日本餐廳用餐，體驗差到了極點！食材很不新鮮，第一次吃玉米都係無味既，如果沒心做別不要做吧。真的不會再來第二次，地獄料理一樣，吃了1個鐘唔夠就走，然後去吃茶餐廳，300蚊就當跌左，，

放題、燒肉、打邊爐！難得好食！好坐！服務好！👍🏼👍🏼👍🏼好耐好耐無去過食放題，約咗朋友去兆萬中心，真心勁耐無去，細個一定去嘅放題熱點！有驚喜！最估唔到係連燒肉都做埋仲要好唔錯添！晚市最平唔駛$300！ 一黎就叫咗個刺身先！上枱好靚、刺身亦好新鮮，選擇亦都多！大推帶子同埋赤蝦，赤蝦係連殼、非常鮮味，無懼急凍！放題黎講真心超值！另外再加咗啲生蠔，有驚喜！係鮮味足、新鮮冇問題！另外有即燒鰻魚串，係好香嘅！壽司手卷軍艦，自己幾鐘意海膽同埋個榴連手卷！榴連控必吃天婦羅炸物，不錯，記得問佢攞天婦羅汁！雞軟骨依啲放題必叫嘅嘢燒肉- 有驚喜！燒烤櫃任攞- 大推菠蘿、多春魚、安格斯牛（要另叫）換紙嗰啲做到足，燒肉款式亦好多、我就覺得啲牛有水準，其他嘢食都不錯！最後甜品 細細粒 可以試好多嘢嘢飲亦不錯！總結：服務好、主動問你有冇嘢未上、亦上得快，多選擇有機會下次試埋個邊爐同埋其他熟食！

📍 極上帝王水產 旺角 📍想燒肉，又想打邊爐，仲想食放題？竟然搵到呢間極上帝王水產可以一次過滿足晒個願望。首先要食刺身，好有睇頭🤩！有三文魚、希靈魚、甜蝦、帆立貝等等，非常豐富🤩！之後就係食壽司，好多款式可以揀，咩都想試。好開心可以有海膽軍艦食！仲有一啲串燒、天婦羅、炸物等等，每一樣嘢都處理得唔錯👍🏻！打邊爐方面，都有好多唔同嘅料，眼花繚亂，但非常滿足。醬料都有好多種，任君選擇。燒肉方面，有得升級做安格斯牛肉，雪花均勻，牛味充足，性價比很高。仲有生蠔可以食🥺🥺 ，夫復何求？甜品櫃都有好多選擇！人均$300左右，可以滿足咁多種願望，真係好難得。食物質素唔錯，環境闊落舒服，啱晒一班朋友嚟！

「兆萬出名多放題」小編今次就帶大家黎到旺角，同大家介紹一間我自己食左好多年，食到由放題轉型做燒肉ing既日式放題 一 極上帝王水產 @而今日小編就同友人黎食午市放題午市放題分為三個套餐：子$289 公 $419 王 $539招牌刺身：厚切三文魚、北寄貝刺身、大赤貝、北海道帶子刺身、甜蝦、珍寶赤蝦、泰式生蝦、磯燒鮑魚、鮑片松葉蟹棒，亦可另外加錢升級食生蠔(非常飽滿幾推)、龍蝦等等刺身船擺盤非常華麗，刺身本身亦非常新鮮、非常鮮甜，不愧系我自己支持多年既放題店🤤👍🏻而招牌壽司 ：花之戀壽司、帝王鰻魚壽司、火炙芝士醬大蝦壽司、火炙帝王蟹棒壽司等等招牌炸物：巨海老天婦羅、日本榴槤炸彈、吉列炸廣島蠔、松葉蟹棒天婦羅、可樂餅等等而，極上帝王水產新推出既燒肉，除左雞柳、雞翼、雞腿肉、豬肉、美國牛肉、日式燒汁牛肉、韓式燒汁牛肉、日式照燒雞扒等等，亦可+$99升級安格斯雪花牛肉任食當然，食到最後，亦吾少得食埋雪糕，整體黎講，同三五知巳黎聚下吹下水食下野，亦系吾錯既選擇🤤👍🏻📍極上帝王水產西洋菜南街1N號兆萬中心9樓

成日聽到好多人介紹呢間放題，不過一直對兆萬嘅課題冇咩信心，所以一直冇嚟試，今日咁啱約咗朋友喺旺角，大家都不約而同話嚟試吓，咁就嚟食啦。一嚟到見到呢度好多客，好好彩咁啱有位，而且佢裏面仲揀咗幾間房，咁好彩俾我哋坐咗房嘅位，非常有私人空間。一嚟到佢已經上咗一盤好大嘅刺身，入面咩都有。有生蝦，虎蝦，三文魚，吞拿魚，帶子，鮑川，螺片等等。我自己認為最好食嘅就係佢嘅虎蝦，因為非常大隻，而且食落好新鮮，蝦肉好彈牙，唔使點豉油都好好食。另外佢嘅帶子都好出色，因為好大嚿而且食落就知道好新鮮。另外所有刺身都好新鮮，比我想像中好好多。除咗刺身之外，佢仲有好多唔同嘅熟食，而且仲有燒肉，估唔到佢嘅肉質都好高質，佢嘅牛肉好有牛味，而且食落就知道好新鮮。呢度仲有得打邊爐，食得太飽嘅時候就可以拎啲蔬菜嚟打邊爐，可以消滯。朋友都大讚原來呢度嘅刺身咁新鮮，佢價錢咁平一直唔敢嚟試，下次都一定會繼續再嚟呀。

兆萬中心真的好東西吃，這次和朋友選了這家放題！有幾個套餐可以選擇，有燒肉放題、生蠔海膽放題和極上海鮮放題，我們這次有生蠔海膽放題套餐，也可以有燒肉吃！也有火鍋可以吃！真的好多選擇！用二維碼可以下單，先上來一盤刺身！有厚切的三文魚、帶子、海蝦等等，擺盤好好看！還有冰冰著，很鮮甜😄然後再點一些壽司！有火炙和牛壽司、鰻魚等等，味道還可以！當然還可以叫海膽軍艦！生蠔也可以吃～壽喜燒火鍋也不錯！冰櫃有好多款式可以選，各類丸子、肉類都可以吃！👍種類很豐富，吃得很滿足！😊

今日約左個女仔朋友係旺角食晚飯，突然依兩日凍返，所以朋友話今日不如打邊爐於是我地係兆萬下邊拎下傳單，睇下邊間吸引朋友係兆萬樓下等我嘅時候，已經聽到帝王水產嘅派傳單哥哥不斷同啲人講佢哋間嘢無限時任食到我黎到接左一堆傳單，有好多間當時我地揀依間係因為佢最多款野食我哋上到去嘅係7點，間餐廳唔多人門口職員叫我地放低曬d傳單落佢門口個籃，話已經無用入座坐低，有個職員拎張餐牌過黎介紹有3個唔同既餐，我地好專心咁聽A餐已經有曬我地本身想食既野B餐多左蠔等貴價既野仲有個咩都可以食既C餐咁我地就揀A餐📌📌📌跟住問佢限時幾耐📌📌📌📌📌佢答我地無限時跟住我地就好興奮，因為可以夠時間傾下計唔洗急住不斷叫野食中途我地叫過「一口豬」，兩次都無黎到之後要專登搵人，隔左一陣先拎左d肉黎當我地諗住夾落爐燒，第2個職員就走過黎拎起碟肉，話唔好意思，果碟係牛肉黎，唔係「一口豬」，佢會換過俾我地除左依次之外，本來都食得好地地但到8:40左右，突然有個職員走埋黎問我地叫既野食齊唔齊，如果漏左既話就幫我地跟因為時間差唔多我同朋友傾到興起，一時無反應到佢句「時間差唔多」，就答左佢無漏單佢就一支箭咁走左隔唔夠30秒，我反應過黎，叫返

在旺角兆萬樓上的極上帝王水產，提供高質放題體驗，環境舒適，裝潢以傳統日式風格，餐廳以新鮮日本直送食材為主打，更可一次過吃到刺身、燒肉及火鍋，滿足食客的不同需求。座位寬敞，很適合三五知己或家人聚餐。店員態度親切，落單和補充食材的速度都相當快，讓人吃得非常盡興。刺身船超巨型豪華，擺滿著各款刺身，刺身都來自築地直送，展現極致的鮮味。日本生蠔 - 生蠔尺寸大，口感細滑，帶有淡淡海水鮮甜。磯煮鮑魚 -肉質彈牙且充滿鮮味，甜香鮮嫩。挪威厚切三文魚 - 油脂豐富的厚切三文魚，色澤橙紅鮮亮，魚油甘甜。迷你北寄貝刺身 - 帶有微脆感，鮮甜爽口。手切八爪魚刺身 - 口感彈牙帶嚼勁，咀嚼時散發著鮮甜味。泰式生蝦刺身 - 生蝦口感滑嫩，搭配泰式酸辣醬，鮮甜與微辣帶來刺激而清新的泰式風味。北海道帶子刺身 - 帶子細膩嫩滑，甜度極高。珍寶赤蝦刺身 - 赤蝦尺寸超大，肉質嫩滑且甜美，蝦頭的蝦膏很甘香。希靈魚刺身 - 帶有獨特的風味，入口後油潤鮮香，濃郁魚油香氣。馬刀貝刺身 - 鮮甜爽脆感十足。海膽軍艦海膽色澤金黃，口感濃郁絲滑，鮮甜甘香，入口即化。紅酒藍莓鵝肝口感細滑，搭配藍莓的微酸甜味，獨特的味道層次感。迷你榴槤

多款類放題💡兆萬中心😗😗😗如果想食壽喜燒又想食燒烤，再嚟過刺身岩哂！刺身有三文魚，赤蝦，八爪魚，赤貝，北寄貝，泰式生蝦，元貝🏮食完可以再掃QR code再落單👍🏻壽喜燒嘅味道都唔錯😌！仲有牛肉，金菇，冬菇，菜等等都幾入味👊🏻燒嘢食方面呢就可以自己出去自助區拎有牛仔骨，魷魚鬚，雞翼，腸仔，芝士腸，粟米等⋯竟然仲有生菜包～生菜包住啲肉幾清爽自助區仲有飲品，甜品，雪糕雪條櫃🤣🤣🤣🤣

自費呢間係旺角嘅專食旺角放題佢啲日本刺身真係好好食嘅零舍唔同嘅仲有佢都好多炸物皮榴槤炸物啊，亦都有好多唔同嘅芝士炸物食完真係超級飽嘅仲有呀佢有好多唔同類型嘅各式各樣嘅壽司，好多款壽司都係好特別嘅，我哋好鍾意食佢個花之戀，因為佢個花之戀真係好入味出邊去食都真係價錢好貴所以我哋食咗好多去抌本㗎，佢哋仲有好多和牛燒賣好好食嘅，我都覺得好唔錯如果大家鍾意嘅話都可以嚟呢間食佢哋嘅服務質素幾高尚嘅時候亦都唔使等好耐就已經有得食㗎

這裡真的是性價比超高的日式放題，位於兆萬中心的9樓，非常方便聚會喔！🎉他們的菜單絕對讓你眼花繚亂，從新鮮的刺身壽司、酥脆的天婦羅到美味的串燒、燒物，還有火鍋和各式甜品，應有盡有！而且飲品方面，啤酒和汽水都是任飲的！🍻🥤如果想要更奢華的體驗，還可以加錢升級海膽軍艦、生蠔刺身、紅酒藍莓鵝肝、榴蓮多士等美味，簡直是吃到飽的天堂！😋我們在那裡享受到了一頓超級滿足的晚餐，真心推薦給喜愛日式料理的朋友們！快約上你的朋友們一起去試試吧！💖

成間嘢午市得三四枱客絕對稱唔上係繁忙。上菜好慢成日食單上啲唔上啲，越貴嘅嘢越借啲意食咗張單唔上比客人。問兩句店員就表現得耐煩，例如火鍋加湯同攞醬料等呢頭叫完嗰頭就唔記得做要三催四請先肯出俾食客。另外送四揀優惠一不停表示淨係得雪糕，暗示中聽得出餐廳唔想客人揀較高價值嘅贈品。加錢叫嘅海膽軍艦係失望，一食落口發酸變咗質。好多食物表面睇落唔錯但食落去就麻麻哋，幾乎全部嘢都唔新鮮到極致，同店員口中所講嘅即日返貨新鮮程度完全不一。放題嘅壽司飯有浸怪味，中華沙律海草係藥水味。而刺身得三文魚叫做好少少，蝦係唔新鮮到一個點啲肉霉晒，其他例如帆立貝、象拔蚌同赤貝就全部食落口都係苦。兆萬食過幾間嘅質素都好過呢間。希望商戶會盡快改善整體質素，以加強吸引力與競爭力。優惠券方面唔建議買，coupon $199入到去仲要俾$99服務費計返其實同Walk in一樣錢咁滯但就會冇咗某啲原價嘅benifit

環境：兆萬嚟講當你過得去啦。服務態度：其實可以嘅，叫做冇咩好但又冇話唔好，不過講真，全部紋曬身話你唔得都唔得啦。性價比：就真係頂你個肺，OpenRice寫$199吸引客人，之後內裏先知原來要加$99或者$119，咁不過算啦當我onX，但係頂你個肺，去到食嘢 真係刺身先叫做好d，但係講真比成300幾蚊淨係去食刺身，咁不如去食壽司郎。最後建議完全唔好因為比任何kol或者小龍哥吸引咗去，呢間嘢真係超級大伏，唔推薦大家去。

在西洋菜南街的極上帝王水產，晚市放題令人驚喜。餐廳環境寬敞明亮，裝潢雅緻，用餐氛圍舒適愜意。餐廳有日式放題、火鍋，還有燒烤，真是多重款式及口味享受。燒烤及火鍋中，頭盤冰底牛肉够薄好牛味，多春魚肉質緊實，牛舌口感醇厚，鯖魚鮮美~~刺身豐富新鮮多款式，泰式生蝦刺身、鮑魚片刺身、挪威厚切三文魚、迷你北寄背刺身、手切八爪魚刺身……，新鮮甜美。還有各色壽司、手卷~~迷你榴蓮流心筒，榴蓮香味濃郁。巨海老天婦羅，蝦肉鮮嫩多汁，外皮酥脆。温室南瓜口感軟糯，南瓜的香甜。避風塘雞軟骨粒，外皮酥脆，內裏香脆，帶有獨特的避風塘風味。日本芝麻雞翼，雞翼肉質鮮嫩多汁帶芝麻香。日本榴蓮炸彈，榴蓮餡料濃郁，外皮炸得恰到好處，外脆內軟。還有吉列炸廣島蠔、蝦多士、巖熔巖芝士蝦球~~最後的甜品，為這頓美食之旅畫上完美的句號。

極上帝王水產位於西洋菜南街，環境寬敞明亮，燈光柔和，營造出舒適的用餐氛圍。晚市放題選擇豐富，可享燒烤、打邊爐及日式等美食，款款精彩。刺身船再矚目，挪威厚切三文魚片、迷你北寄背刺身、美式凍蟹、手切八爪魚刺身、泰式生蝦刺身、鮑魚片刺身……等等，各款刺身新鮮又甜美～～及各色壽司手卷……，放題任食 ～～即炸天婦羅、唐揚炸物，也是我的至愛，巨海老天婦羅，蝦肉緊實，外層炸至金黃酥脆，吉列炸廣島蠔、温室南瓜、避風塘雞軟骨粒，外皮酥脆香且入味。日本芝麻雞翼，芝麻香氣濃鬱，雞翼肉質鮮嫩。日本榴槤炸彈，外皮酥脆，內餡榴槤味濃鬱。燒鰻魚、蝦多士、巖熔芝士蝦球、紅豆鯛魚燒，外皮酥脆，內餡香甜鮮美，甜鹹適中。還有迷你榴槤流心筒，外皮酥脆，內餡濃鬱的榴槤香味。燒烤及火鍋料都很多選擇，豐富多樣，從鮮嫩的魚片到爽脆的蔬菜，滿足不同口味需求。多春魚、牛舌、青魚……，再適合燒烤，味道香口，帶有燒烤的獨特風味。火鍋的頭盤冰底牛肉，肉質鮮嫩，入口即化，搭配特製醬汁，滋味～～最後，甜品更是點睛之筆。多種選擇，滿足不同口味需求，為這頓豐富的晚市放題畫上完美句號。