想燒肉，又想打邊爐，仲想食放題？竟然搵到呢間極上帝王水產可以一次過滿足晒個願望。
首先要食刺身，好有睇頭🤩！有三文魚、希靈魚、甜蝦、帆立貝等等，非常豐富🤩！
之後就係食壽司，好多款式可以揀，咩都想試。好開心可以有海膽軍艦食！
仲有一啲串燒、天婦羅、炸物等等，每一樣嘢都處理得唔錯👍🏻！
打邊爐方面，都有好多唔同嘅料，眼花繚亂，但非常滿足。醬料都有好多種，任君選擇。
燒肉方面，有得升級做安格斯牛肉，雪花均勻，牛味充足，性價比很高。
仲有生蠔可以食🥺🥺 ，夫復何求？
甜品櫃都有好多選擇！
人均$300左右，可以滿足咁多種願望，真係好難得。食物質素唔錯，環境闊落舒服，啱晒一班朋友嚟！
