極上帝王水產

營業中

休息中

同表弟出左旺角行街, 梗係同埋佢食飯啦, 行過兆萬見到好多人派傳單, 表弟又話放題正, 咁就揀左睇落最吸引嗰間黎試上到9樓, 裝飾好和風, 雖然6點幾時間尚早, 但係已經好多人食緊, 而入座之後waiter好友善介紹左一陣, 我地就開始劃野食, 好多選擇, 特別係刺身有好多款, 我地當然唔客氣係咁剔啦登登登登, 大大盆刺身上檯, 賣相吸引, 食落好新鮮, 特別係啲蝦, 夠凍, 蝦頭又唔腥, 而三文魚亦都好肥美, 睇得出係靚野,而抵讚既係俾足哂貨, 就算嗌第2,3轉都好快上檯又冇漏過單熱食方面, 有中, 西, 日, 泰任均選擇, 比較小有既係有西式野-- 意粉, 青口等等中式既辣酒煮花螺都好正, 夠辣又入味, 好似去左大排檔咁, 哈哈而日式更加唔洗講, 有壽司..炸物..鍋物等等推介既係燒牛舌, 必點之選, 燒得岩岩好唔會韌, 咬落冇騷味而壽司亦都有水準, 嗌左好多件火炙三文魚壽司, 好食另外飲品櫃亦都有好多唔同款揀, 港式既汽水, 雀檸, 麥精.. 日式既CC Lemon.. 韓式既芒果汁 等等至於雪糕櫃, 算係比較少選擇既一項, 但係都有3~4款, 不過我地食到太飽, 已經食唔落~以

行過兆萬搵食，叫到話有間新開張放題，鐘意試新野既我第一時間衝上去😂可能係新開關係，一上去就入得，冇咩人！一入到去，先知道有個鍋同生蠔或海膽送，二話不說點左雪場松葉蟹火鍋同生蠔！放題永遠第一時間點佢既刺身，因為一試便知龍與鳳！成張刺身紙既野都點哂！有珍寶赤蝦、大赤貝、北海道帶子、松葉蟹棒、極上虎蝦、希靈魚、日本有頭甜蝦、手切八爪魚、最後迷你北寄貝、手切象拔蚌刺身冇黎！首次講下蝦刺身，我最鐘意係珍寶赤蝦，雖然甜蝦都有果種甜同黏，但赤蝦就大好多，口感好d特別既係希靈魚，比一般既爽口，赤貝都係，通常赤貝係其他放題店食一係冇一係就有陣鯹味，但呢度完全冇！（但一d都唔大，唔知點解叫大赤貝)而帶子亦都好鮮味！之後再叫迷你北寄貝、手切象拔蚌，最後都有黎到，象拔蚌有d失望，有d鯹，但北寄貝都幾鮮（但一d都唔迷你，又唔知點解叫迷你北寄貝)炸野就點左海老、蟹棒天婦羅、雞軟骨、炸廣島蠔、炸魷魚鬚！炸物唔錯，真係鬆脆既，雞軟骨同魷魚更加係大大碟特別推介海老天婦羅，裡面既蝦仲係好滑同爽！另外見到冰鎮波蘿、日清翠肉瓜咁得意就試下！冰鎮菠蘿就即係凍既菠蘿，日清翠肉瓜就係有麻油味同有d蒜味...而送既雪場松葉蟹火鍋就正

勇敢去試一間新開的放題-極上帝王水產。個名好似好威威咁😂一黎就有啲小菜（？）送上，似韓又似日咁，但佢好似係無韓式野食嘅，得日、泰、西（我地食左泰同日啫）佢塊牆好靚， 係大阪呀應該係岩岩新開所以會送一個鍋（松葉蟹鍋/和牛壽喜燒鍋）揀左松葉蟹，清清淡淡，個蟹殻佢地已經處理好，所以啲肉好容易就甩到出黎另外叫左味噌煮蜆同芝麻八瓜魚個蜆份量算多，但如果肉可以大粒啲會更好，八爪魚就兩隻，岩岩好一人一隻主攻刺身！我地乜刺身都有揀厚切三文魚6塊，真係幾厚下！肥美🤤但最中意佢啲帶子同蝦系列！蝦黎講一定要叫珍寶赤蝦（無頭），好大隻同鮮甜，無雪味！之後就係有頭果隻甜蝦同虎蝦，好吃好吃！帶子size算ok, 甜嘅！炸魷魚好勁，一份量多，二佢彈牙、粉算少！我覺得好味過酒樓果啲！雞軟骨份量太多😂但佢係香口嘅！日清翠肉瓜，麻油味較重。encore帶子同啲蝦就知幾好味啦冬蔭公辣到傻左，香料味好重。好辣人士不妨一試。放題食雪糕也是重點之一！有movenpick!🤤🤤🤤

男朋友話兆萬九樓有間新開嘅放題就帶左我去食啦，餐廳裝修以日式為主，座位都幾寬闊。兩個人都可以坐到卡位，好開心。野食紙好多選擇，有成18張咁多，點食得曬！刺身。刺身種類有十幾款，我地就叫左三文魚、大赤目鯛、北海道帶子、珍寶赤蝦、有頭甜蝦同希靈魚。三文魚厚切好大片，而且好肥美。赤目鯛就係其他放題餐廳比較少見嘅，魚味較濃。刺身都幾新鮮。意式忌廉海鮮湯。個湯細細碗但材料好足！有蜆、蝦、粟米同紅蘿蔔等等，忌廉味唔會好濃，突出左海鮮嘅鮮味，飲多幾碗都仲得！麻辣煮花螺。個花螺細細碗，大概七 八粒左右啦。有好香嘅辣椒味，e個係我食過最正嘅放題花螺！夠香夠辣夠惹味，一啲都唔hea！迷你一口海膽口手卷。海膽好誇張阿。。。一大片海膽鋪係面，啲飯量又少，入口係好甘甜嘅海膽香味。兩啖就食曬，鐘意海膽嘅可以食多幾舊。避風塘香辣炒大蝦。啲蝦都算大隻，肉質好爽口。個味都好夠辣，啲炸蒜同辣椒令到蝦殼都好好味。灸燒雞中翼。雞翼燒到金黃色，肉質好嫩，仲有好香嘅蜜糖味。日式咖哩魷魚。係街嘅咖哩魷魚大多無乜咖哩味，因為啲汁好稀。e到嘅咖哩汁比較稠，所以每件魷魚都充滿左咖哩嘅香味。

今日同女朋友行過🏃🏼‍♂️旺角 咁岩大家不約而同話想食放題 於是我地就行左去兆萬簡餐廳🍽 去到𨋢口見到呢一間新開張既放題 就行左上去試 一入門口見到餐廳既裝修唔錯 因為無有位 店員會俾一張餐單 📝睇翻餐廳其實野食種類選擇都十分之多😱 我地先寫低想食既野 入到去就可以即時遞比職員 減省等待既時間☺️雪糕店員提到話係任食 我地見到雪糕都有好多牌子味道 例如Movenpick Haagen dazs 😍三文魚、大赤目鯛、北海道帶子、珍寶赤蝦、有頭甜蝦刺身唔洗等好耐就已經上台 三文魚既色澤唔錯 切得又夠厚 大赤魚目鯛呢個聽落都比較陌生🤔 但食落又唔錯 帶子圓菇碌夠哂大粒 赤蝦甜蝦夠哂新鮮 整體而言 刺身質素非常好 🤤麻辣煮花螺一開始以為係碟上 原來係碗上😳一碗有六粒 新鮮熱辣放上台 辣味🌶夠 麻辣汁個味好濃郁 食左一啖都仲有少少餘味迷你一口海膽口手卷迷你海膽手卷其實一啲都唔迷你 好足料😂😂食落去都食到海膽既鮮味好重🤤鍾意海膽既人應該會好滿足😝香蒜片和牛粒和牛粒份量都算多 牛肉索哂啲汁 食落好好味😍和牛食落唔靭 除左和牛粒外仲有少少薯仔做配料 食落無咁單調😳避風塘香辣炒大蝦一碟有四隻 蝦既size

尋晚同frd去食放題la!!入座新開張送左龍蝦蟹蓋比我地！仲有火鍋二選一！係好味既！其他燒物炸物種類都多 staff服務態度唔錯好helpful整體水平幾高！下次會拉大隊黎！值得一戰

我係今晚大約10點入座既 見新開就試下啦 $199 加一 平過好食過你地既放題真係好多 從來都未食過咁難食既放題。未食過既人真係唔洗試。喺度比錢買難受第一 落左單既野食有3分2都冇黎 落左2-3次最後都剩係得刺身食咁滯（又唔係特別好食 但啲名又講到好勁咁）冇嗌果啲又黎左 明明唔係想嗌果樣野但又比錯左 例如我係想食去頭甜蝦 但比左有頭甜蝦第二 個蟹鍋唔係有頭髮就係啲菜邊黑哂 仲要換第二煲比我果陣啲蟹既色水係擺左好多日唔新鮮既灰黃色第三 飲品總類少 同埋原來同神戶屋同一個老闆？其實成間野未ready好就唔好比客入去食啦� 一間野難食+漏單到咁 相信都好難再去比錢試第二次。第四 好多炸物都係唔熱/翻炸既 同埋啲魚生全部都有陣雪味 啲侍應服務都唔算好（我食果陣已經唔算多客）總括黎講 呢一間放題係我食過咁多間最不知所謂既一間�寧願食大滿喜/漁之部屋好過

放工係旺角搵野食，成日無食過野好肚餓，就緊係去食放題啦😛。去到樓下見到好多人派傳單，不過留意到有間新開既放題，聽個名好高質喎，一於今晚黎試下先。一坐低已經比佢日本風既裝修吸引住啦，而且位置舒適，有唔少卡位坐。而最最最令我驚喜既係，呢度竟然有咁多款紙可以揀竟然去到Q，就快26個英文字母都比佢用哂啦呢盤大大盤既刺身係咪好吸引呢，唔單止賣相靚，食落仲好新鮮tim。連蝦都有3款唔同，三文魚又勁厚切，就連貴價既帶子都有得叫，完全唔姑寒啊。不過最抵讚既係，有我最愛既蠔啊。而且一d都唔敷衍，又大隻，又新鮮，又肥美。真係超正啊，完全停唔到口。另外，d壽司都好多花款喎。又有火炙壽司，帶子壽司，仲有我最愛既黑松露壽司tim呀。 食落非常新鮮，食放題最怕d刺身有冰或者太硬，佢完全同平時d低質放題唔同，不計成本咁用靚既食材。飲品櫃都有2大個雪櫃任揀。呢間放題真係十分高質，值得推薦，襯哂佢個名極上帝王水產啊