極上帝王水產

營業中

休息中

行街無聊求其想食日本野，就搵咗兆萬嘅呢間放題，見到都幾抵食咁，就兩個人上咗去食，坐低見到食物嘅選擇都好多，都有成百幾款，無論刺身、壽司、燒物、熟食同甜品都好多。飲品亦都好多選擇。坐低佢亦都有啲一啲小食同醬汁擺低。三文魚刺身都幾新鮮肥美，甜蝦刺身都好食，仲有蟹棒唔錯。鰻魚壽司都好食。跟住叫咗海老天婦羅，同埋燒海老都好食，唔會太老跟住仲有個炒蝦都好食。牛舌亦都好識好Q彈，醃得好味。走嘅時候仲有雪糕俾你食，攞咗一支乳酪藍莓雪條都幾好食。不過如果想來食最好訂位，因為好多內地人一團團訂定位上嚟食。