楚撚記大排檔

營業中

休息中

同3個friend 去食，叫左好似6個餸，份量適中，唔多唔少，食物質素正常唔錯嘅，但某啲嘢價錢貴左啲，可能會揀街市大排檔食Cp值會更高！但佢用個碗飲酒又幾有趣，打卡用！？

豉椒鵝腸椒鹽九肚魚楚撚記原隻脆皮炸豬手啫啫雞煲豉椒炒蜆星洲炒米足料家鄉炒銀針粉竹蔗茅根紅蘿蔔馬蹄水慶祝父親節飯切餅費每人頭計$105人埋單$988第二次黎味道依然保持水準👍🏻

好多朋友都好鐘意食楚撚記，個個都食過返尋味👀今日一於去荃灣分店試下系咪咁好食~有冷氣嘅大排檔整潔又坐得舒服，裝修帶充滿港式地道風味建議早少少到，平日一到夜晚七點已經全院滿座有各式各樣嘅小炒同招牌菜真系花多眼亂款款都咁吸引，難怪要食幾次先試齊哂啦😎🔥菠蘿拔絲咕嚕肉咕嚕肉同菠蘿份量好多，仲加咗水蜜桃，甜甜酸酸好啱送飯每件肉質爽口，梅頭肉做到鬆軟口感😋旁邊仲有焦糖脆脆同拔絲，不論賣相同口味都好出色~🔥香爆黑椒牛仔骨煲 亦好適合送飯同啤酒黑椒味一上枱已聞到好香，加入洋蒽爆香好惹味牛仔骨帶有少少脂肪，口感軟腍～噄呢到一定要叫 豬油撈飯試下暖暇嘅白飯按個人喜好加入豉油同豬油拌雖然邪惡，但每啖飯都好滋味啊🤤傳統懷舊小食蝦多士炸至金黃香脆，包身唔算太油膩過下口癮都幾正🍺

🦆 楚撚記脆皮燒BB鴿 ($68)BB鴿一隻斬開4件，雖然細細隻但依然燒到皮脆內嫩，沾上少少淮鹽，特別惹味阿。😚🍍 菠蘿拔絲咕嚕肉(梅頭） （$119）梅頭肉肥瘦均勻有肉味，炸粉漿唔會好厚而且口感外脆內軟，甜酸汁夠酸夠甜滿滿咁包住粒粒咕嚕肉，開胃到食唔停口阿。🤪🐚 秘製辣酒煮花螺（$148）花螺浸在辣汁中慢慢煮熱，花螺肉質鮮甜沾上辣汁更加惹味，食落除左辣味而海鮮味都沒有被蓋着，真係滋味。😋🍛 豬油撈飯（$25）砵仔蒸飯新鮮熱辣辣，倒埋豬油、豉油及芫荽蔥一齊撈勻食，令到平平無奇既「白飯」倍添滋味，芳香撲鼻真係極級邪惡。就連小編食左幾啖之後忍唔住自己食哂成碗啦。🦦🦦🍹杞子龍眼菊花蜜 （$78/渣）自定製既菊花蜜飲落清甜仲帶有陣陣菊花香，而且仲有竹蔗茅根水或者五花茶揀阿👍🏻

楚撚記一直都係我同一班朋友嘅聚會選擇之一. 貪佢平靚正！不過唯一唔好嘅係佢實在太受歡迎啦🥲真係一位難求今次朋友竟然好叻咁book到. 真係開心死我🍍菠蘿拔絲咕嚕肉呢啲咁出名嘅餸. 見到差唔多每一枱客都有叫梅頭肉整成嘅咕嚕肉入口香脆唔會成口粉而且多汁甜酸汁味道平衡. 送飯簡直一流🥬豆漿杞子先腐竹浸時蔬我就揀咗我最鍾意食嘅西蘭花西蘭花爽口乾淨. 豆漿香濃. 杞子帶有點點嘅甜味令人感覺好健康🐠豉油王煎封一夜乾（馬友）魚嘅外皮同埋骨頭都煎得勁香脆. 真係骨都可以食埋肉質鮮嫩嫩滑. 唔會乾真真豉油王可以提升埋魚嘅鮮味🍚楚撚豬油撈飯第一次食豬油撈飯. 原來可以咁香口加埋豉油真係好好食🌼杞子龍眼菊花蜜係自家製嘅飲品. 飲落有好香嘅菊花味. 感覺好健康清甜又易入口. 係食完邪惡食物後嘅最好安慰

我諗應該冇人可以拒絕鑊氣，我成日都話楚撚記係高級版大排檔，舊式既裝修，冷氣既舒適，但唔影響佢既鑊氣同出品👍🏻🔸老火菜乾豬肺湯豬肺湯真係要出街飲，豬肺乾淨菜乾甜，好有住家湯feel🔸黃金椒鹽粟米粟米切開左一半，易於入口，而且佢每個位置都比咸蛋黃湯包裹住🔸香煎黑松露手打蓮藕墨魚餅墨魚餅彈牙，咬開除左有黑松露香氣，仲食到藕粒墨魚粒🔸煲仔焗白胡椒蝦胡椒味好濃，食完口腔個陣辣同香仲會持續，蝦🦐肉新建彈牙，同埋開左背邊入哂味👍🏻🔸楚撚記豬油撈飯招牌，豬油冇油膱味，令到平平無奇嘅白飯增加咗香氣，豬油同豉油，分開咗2個壺可以按自己喜好而控制多少🔸椒鹽九肚魚大排檔必叫，椒鹽惹味，九肚魚嫩滑，真係連骨都可以食埋🔸自家製手工飲品五花茶真材實料，微甜，食熱氣野真係好岩，我地仲貪得意用左佢隻戰勝碗黎飲😂

️‍菠蘿拔絲咕嚕肉用了梅頭豬肉, 肉粒嫩滑多汁,層層堆疊,配上酸酸甜甜的醬汁同菠蘿拔絲,味道清新惹味。不過我自己覺得如果有啲新鮮菠蘿水果同埋醬汁無咁紅會比較好食。鳳尾蝦多士外酥內嫩,鳳尾蝦炸得鮮美多汁,配秘製辣醬及甜酸醬一定受落。煲仔香焗白胡椒蝦非常吸引，只見蝦非常大隻，蝦肉略嫌比較乾身,白胡椒香氣非常重，粉絲蘸上胡椒味道香辣可口。豬油撈飯可以自己鐘意倒幾多豬油同豉油都得，非常邪惡。最後仲送每人一碗甜品。紅豆沙醇厚可口,綠豆清心爽口。五花茶清熱解膩，完美結束一頓大排檔美食盛宴。

於2024年6月1晚餐。當日下午帶英國朋友去飲茶，晚上則帶台灣朋友去吃大排檔，畢竟香港有特色的菜還是有很多選擇。有別於出面的大排檔，楚撚記乾淨企理，且營業至凌晨兩點。內裏裝修充滿復古的港風，又大玩「食字文化」，充滿香港的特色。蜜糖薯仔牛柳粒🥩 牛柳粒和薯仔粒的數量平均，切到骰仔的形狀，四面都均衡地沾上蜜糖黑椒味。相比愛文生，這個更勝一籌，必點菜式之一。豉椒炒蜆🌶️蜆肉不夠大，沒有沙，但也不太吃到鮮味。配料:洋蔥、紅椒、青椒很足夠，但欠缺鑊氣，中規中矩。楚撚記小炒王🥬 掛上自己的招牌名稱，這碟菜鑊氣十足，配料也很多。有蝦乾、魷魚、榨菜等，香氣十足，韭菜花新鮮，帶有甜味，配飯一流。椒鹽鮮魷🦑炸粉薄，魷魚新鮮爽脆，配上炸蒜和香醋，完美呈現香港大排檔特色，不過略嫌鹽味較少，不能讓整碟菜精華。蝦多士🍤雖然沒有油膱味，也很脆口，但蝦身較小，都不算很香口惹味，吃了一件就止步。-9:30後入座，可享八五折

同好友去咗位於荃灣川龍街分店嘅「楚撚記大排檔」倾計歎小菜🥰，呢度環境打造成懷舊港式大排檔的格局，沿著樓梯行上去，牆上掛滿的介紹小菜的海報都充滿經典懷舊味道，真係打卡停不了😅👏🏻📚📚📚📚📚📚📚📚📚📚📚📚📚📚🍚楚撚豬油撈飯（$25/碗）聽爸爸講得多，終於可以試吓😙，兩隻用瓦碗裝住嘅白飯，真係很有懷舊風味，附上用溶咗嘅豬油同秘製豉油，倒落白飯上面再加埋蔥同芫荽，再撈勻佢，確係好滋味👍👍🕊️楚撚記脆皮燒BB鴿($68)用個藤籃裝住隻BB鴿，賣相已經好吸引，乳鴿皮薄脆肉嫩，好好食😋👍🐙香煎黑松露手打蓮藕墨魚餅（$118）入口一咬，黑松露味好搶😍，爽脆的蓮藕粒，配埋彈牙手打墨魚餅，惹味又可口👍🐚秘製辣酒煮花螺（$148）酒香撲鼻，花螺份量都唔少，D汁都幾辣下，但係好似上咗癮咁食唔停口😅👍🥬蒜蓉炒時菜（通菜）（$72）睇價錢有點貴，但原來好大碟，又抵番😂，好香蒜蓉味，夠鑊氣👍😋🌼杞子龍眼菊花蜜（$78）清熱解毒，又解渴，正😍最後店員奉上紅豆沙及青心丸糖水做甜品，真的夠窩心♥️📚📚📚📚📚📚📚📚📚📚📚📚📚📚🥢楚撚記大排檔📮：荃灣川龍街118號百悅坊地舖至1樓☎️：39973661@chor_land

楚撚記係一間復刻港式大排檔裝修風格的中菜餐館，刻意營造出一種濃厚的舊香港情懷氛圍。餐廳整體的裝飾和布置，都呼應住港式大排檔的道地味道。餐廳保留咗一些經典的港式大排檔菜式，亦有推陳出新嘅菜式。菜式價錢實惠、份量合理，深受街坊食客歡迎，門前長期擠滿排隊輪候堂食嘅食客！✔️煲仔香焗白胡椒蝦$169個人十分喜歡白胡椒的濃郁香氣，而這道菜大量灑上白胡椒粉在菜式嘅面層。煲仔的烹飪方式也讓蝦肉入味,口感不錯。底層的粉絲混滿醬汁，頗有食慾。整體不見過度油膩。✔️香煎黑松露手打蓮藕墨魚餅$118味道層次豐富，墨魚餅鮮甜可口，帶有黑松露的香氣。兩者味道融合。食材新鮮，口感不錯。即點即整，上菜後即品嚐，還是熱辣辣的。✔️飛天通菜煲$92朋友最喜歡係這個菜，賣相雖然樸實，但通菜真的很清脆爽口，醬汁濃郁，配飯進食也很滋味。✔️楚撚豬油撈飯（碗）$25@1豬油撈飯是非常懷舊的平民菜式，在現代的食肆買少見少。白飯和芫荽、香蔥粒、豉油、豬油分開送上，可根據個人喜好適當調配份量。加入了豬油嘅白飯確實特別香口惹味。✔️可樂$15/忌廉$15可樂和忌廉是常見的普通汽水，但是瓶裝的，又是另一種懷舊方式。✔️紅豆沙（餐廳贈送）值得一提的是

這間大排檔是榮獲最優秀中菜館開飯熱點, 走進店內充滿著老香港情懷, 主打鑊氣小炒、懷舊味道及廚師推介✨我們點了七味黃金炸一口金磚豆腐 港式風味, 外皮炸至金黄色, 入口酥脆、內裏非常嫩滑, 一口接一口食不停, 十分香口😍菠蘿拔絲咕嚕肉🐷 店內的招牌菜之一, 賣相很吸引, 外脆內軟、醬汁酸甜度適中, 熱辣辣的咕嚕肉, 脆口不黏牙, 帶有拉絲的效果, 配上新鮮水果作裝飾, 非常惹味, 必點推介👍🏻香爆黑椒牛仔骨煲🐮 牛仔骨表面焦香、黑椒帶點微辣, 配上青紅椒、洋蔥增加清香甜味, 香氣四溢, 非常有鑊氣楚撚豬油撈飯🍚 甘香豬肉加上鮮味香醇的豉油, 令白飯增加點風味, 十分邪惡飲品啤酒🍺 食小菜點少得配啤酒餐廳還會送上一碗飯後糖水（紅豆沙或綠豆沙清心丸）🌟 免茶介、免加一服務費全部即叫即製作熱辣辣, 小炒有鑊氣、新鮮足料, 非常有地道風味, 環境寬敞舒適、整潔企理, 上菜速度快、服務態度親切有禮, 非常適合一大班朋友聚會, 每晚都坐無虛席, 建議提早先行訂座, 值得再回顧💕

經常聽身邊朋友、同事提起這間「楚撚記」大排檔，大家都對它讚不絕口。今晚就和好友過來吃晚飯，試試「楚撚記」的出品！「楚撚記」的荃灣店位於百悅坊地舖和1樓，餐廳裝潢走懷舊風格，很有舊香港情懷。通菜與蝦乾、辣椒、蒜頭等以大火快炒，煲仔開蓋一刻，依然熱氣騰騰。通菜爽口，鹹香之餘，又帶一點微辣，吃不停口。蜆肉、豉椒、洋蔥和三色椒一起炒香，鑊氣十足。蜆肉大隻，入口味道鮮甜。配上香濃的豉椒醬汁，用來送飯一流！一上枱已經聞到陣陣胡椒香！利用了煲仔的熱力，海蝦被至蝦殼也十分入味。蝦肉新鮮彈牙，咀嚼間慢慢滲透出白胡椒香。煲內還有粉絲和洋蔥塊，其中粉絲更是盡索白胡椒的香氣，好惹味。白飯撈上豬油、豉油、香蔥和芫茜，醬汁份量可以自行調教。豬油撈飯，味道非常香，每一口又帶少許豉油甜香。即使明知這碗飯是多麼的邪惡，但也忍不住大口大口吃。自家煲的竹蔗茅根紅蘿蔔馬蹄水，甜度可以，一渣份量絕對可以2個人慢慢飲。最後以糖水作結。凍食的綠豆沙清心丸，以及熱食的紅豆沙，一人一碗大滿足。

裝修非常之港式了，餐廳飯點都要排位，建議早d拎位。拔絲咕嚕肉，外酥裏嫩，酸甜適中，同出面整既對比，呢度係好食既，唔肥膩；避風塘鮮魷魚、蜜糖黑椒薯仔牛柳粒、小炒皇，好有鑊氣，香口，鎹飯可以扒多一碗飯！！鮮魷魚好新鮮，雖然避風塘做法，但係都仲可以食到魷魚新鮮口感，牛柳粒入曬味，可以叫啤酒或者凍飲，爸爸媽媽都話好食。總體價錢比較貴d。

如果唔係幾日前訂位應該食唔食，點解咁講？因為前幾日就係walk in食唔到即刻訂位囉。先上咗個湯，呢個湯無得輸，完全為呢餐飯開咗個靚頭。湯料夠、豬肺香口、唔咸、唔油，夠濃郁。一定要叫！咕嚕肉都係要試，唔肥唔瘦，皮脆肉實，但旁邊嘅糖餅，後生可咬一口，年紀大要避避。炒蜆炒得香口，好食，香辣。可以叫，但人少就可以叫其他試。豬油撈飯，豬油、豉油加上蒸飯，我平時晚飯走飯都忍唔到食咗幾啖，又係必叫。蒸飯真係好味好多，煲飯無得比。豆腐係滑嘅，但七味粉同椒鹽味唔夠，有啲失色咗。粟米係真係要試，外香內甜，唔柴。今晚廚心情靚，咸蛋黃俾多咗，所以某啲部份咸咗啲。鮮魷係滑到口嚨，無牙都咬到，但今次入貨好似中等咗？一餐飯個半小時，人客太多，人手有啲不足。今次試唔哂，一定要再見。

和朋友去這裏生日慶祝買了一個蛋糕需要切餅費每位加收$10整體味道不錯上菜時間速度平均價錢略為偏貴性價比不太高，但是味道是可以的有限時入座吃了一個半小時就要起身來做不能繼續喝酒聊天