影片
更多
2024-06-27
1041 瀏覽
【荃灣懷舊大排檔｜CP值高打卡鑊氣美食🍻】🐨黃金椒鹽粟米 $76推薦度：⭐️⭐️⭐️⭐️⭐️一碟有八件，對半切開咗嘅粟米，份量好多～黃金粟米顧名思義就真係鹹蛋黃粟米，粟米表面搽滿咗滿滿嘅鹹蛋黃，每一啖都食到，鹹香味好足！！！加埋本身粟米自帶嘅甜味，令你有食唔停口嘅快感🤤.🐨菠蘿拔絲咕嚕肉 $119推薦度：⭐️⭐️⭐️⭐⭐酸酸甜甜嘅咕嚕肉就食得多，咕嚕肉預先起咗骨，每一件都外脆內軟，就連啲肉都係唔韌值得加分！另外，配咗焦糖拔絲喺側邊，小編就認為可以試吓......一絲絲嘅口感配埋咕嚕肉到，增加多咗份甜味，令本身酸味嘅咕嚕肉更有層次～小編大愛，但朋友就話唔加好食啲🙊大家可能自行決定！！！！.🐨煲仔香焗白胡椒蝦 $169推薦度：⭐️⭐️⭐️⭐一上枱煲仔熱辣辣「渣渣」聲，滿足咗視覺同聽覺嘅體驗👂未食已經聞到胡椒香，一煲有6大隻蝦，清潔得好好，切開咗蝦背食落都好方便！最重要就係白胡椒味真係好濃好入味，連側邊嘅粉絲、洋蔥等都同樣食到白胡椒味～.🐨楚撚豬油撈飯 $25推薦度：⭐️⭐️⭐️⭐️好耐未試過有餐廳提供豬油撈飯，佢係俾一個白飯，另外配上豬油、豉油同蔥花俾你自己落，份量就可以自己決定！可能小編落得唔算太多，所以覺得味道係偏
【荃灣懷舊大排檔｜CP值高打卡鑊氣美食🍻】
🐨黃金椒鹽粟米 $76
推薦度：⭐️⭐️⭐️⭐️⭐️
一碟有八件，對半切開咗嘅粟米，份量好多～黃金粟米顧名思義就真係鹹蛋黃粟米，粟米表面搽滿咗滿滿嘅鹹蛋黃，每一啖都食到，鹹香味好足！！！加埋本身粟米自帶嘅甜味，令你有食唔停口嘅快感🤤
.
🐨菠蘿拔絲咕嚕肉 $119
推薦度：⭐️⭐️⭐️⭐⭐
酸酸甜甜嘅咕嚕肉就食得多，咕嚕肉預先起咗骨，每一件都外脆內軟，就連啲肉都係唔韌值得加分！另外，配咗焦糖拔絲喺側邊，小編就認為可以試吓......一絲絲嘅口感配埋咕嚕肉到，增加多咗份甜味，令本身酸味嘅咕嚕肉更有層次～小編大愛，但朋友就話唔加好食啲🙊大家可能自行決定！！！！
.
🐨煲仔香焗白胡椒蝦 $169
推薦度：⭐️⭐️⭐️⭐
一上枱煲仔熱辣辣「渣渣」聲，滿足咗視覺同聽覺嘅體驗👂未食已經聞到胡椒香，一煲有6大隻蝦，清潔得好好，切開咗蝦背食落都好方便！最重要就係白胡椒味真係好濃好入味，連側邊嘅粉絲、洋蔥等都同樣食到白胡椒味～
.
🐨楚撚豬油撈飯 $25
推薦度：⭐️⭐️⭐️⭐️
好耐未試過有餐廳提供豬油撈飯，佢係俾一個白飯，另外配上豬油、豉油同蔥花俾你自己落，份量就可以自己決定！可能小編落得唔算太多，所以覺得味道係偏為清淡，想體驗一下豬油撈飯又怕肥嘅朋友，就可以揀啦～！
.
🐨嘉士伯 $37
推薦度：⭐️⭐️⭐️⭐️⭐️
當然唔係淨係評分比嘉士伯咁簡單，而係想讚賞一下，餐廳係俾咗一對戰鬥碗我哋🍻等你做得番懷舊大排檔大大啖飲酒嘅儀式感～
——☼——☼——☼——☼——☼——
楚撚記大排檔
📍地址：荃灣川龍街118號百悅坊地舖至1樓
🐨推薦度：😋😋😋😋😋/5
🪸環境：👾👾👾👾👾
🗣️服務：👍🏻👍🏻👍🏻👍🏻👍🏻
📸食物打卡度：💡💡💡💡💡
🛠️分類：
張貼
