棋哥燒鵝 (已結業)

原來尖沙咀都有棋哥燒鵝，今晚同朋友黎開餐😍😍～兩個人就揀左個二人餐，先有一份例牌棋哥燒鵝，再可揀份例牌燒味，一碟菜，有白飯、瀨粉、米粉揀，仲包埋飲品，感覺上比較抵食👍🏻！估唔到例牌燒鵝都有燒鵝脾食，外皮燒得好靚，又脆，燒鵝肉除左肉嫩，仲好香～～食到好滿足，份量絕對夠食，正！燒味我揀左叉燒，同樣高質！半肥瘦，唔會乾柴柴，仲有啲咸花生🥜食下，幾香口～～我揀左唔係周圍食到既瀨粉，瀨粉彈牙又有韌性，有得揀都會食瀨粉，湯底清甜～～最後飲返杯茶記檸茶～～

有次同男友在尖沙咀行街經過棋哥燒鵝, 見櫃窗放置不同燒味好靚好吸引, 決定來依間食中午飯。 店內設計好清新清潔簡潔,座位寬敞。**【老火靚湯】 $15 X  2碗 老火靚湯就是花生雞腳湯,入口好香濃,  加上用料十足料,整個道不錯好滋補的靚湯。**當然點了招牌菜 【原隻燒鵝脾飯】$118 燒鵝最好食的位置當然是脾位,啖啖肉又有皮。 這燒鵝脾泛着鵝油光澤,被斬件方便食用,  但裡頭仍充滿油香,皮脆肉嫩, 仲有陣陣淡淡荔枝柴香, 特別皮與肉中間有點脂肪同咀嚼, 具油脂馥香,勁回味無窮。 ** 【化皮乳豬瀨粉】 $60 乳豬外層燒燒到金黃色,外皮酥脆,  肉質多汁嫩而不乾身, 配瀨粉同食,可減輕肥膩感,  忍不住吃多幾件,齒頰留香。*

最近和女友食飯都是快閃為主，早排同佢食左間燒鵝餐廳又真係唔錯！ 位置喺尖沙咀加拿芬度嗰邊！入去餐廳就見到廚房，一眼望入去感覺都幾乾淨！晚上7點幾食飯時間都幾多人，可能比較大眾化，闊落既餐廳都坐到滿滿，大家都急住落order餐廳的包裝做得唔錯，有唔少令人別開新面既宣傳，而且燒味選擇多，價錢就豐儉由人！我哋叫左一您餐加一個雙併，足料例湯先到，都幾大碗，雞腳咪幾突出！唔錯！一人餐全圖！碗粉都幾大碗，又爽口！碟叉雞雙拼，勁大碟，賣相吸引，有淡淡既鼓油同蜜汁香半肥瘦叉燒肉汁十ro, 有咬口，蜜汁味香甜，送飯一流，屬高質水平！油雞嫩滑，雞咪十足，鼓油味香，一咬肉汁都滲出嚟！跟住仲有大大碟既脆皮乳豬同招牌燒鵝雙拼，好好彩有鵝脾食！鵝皮燒得香脆，有陣好似煙肉既味道，原來就係傳說既荔枝柴香味！第一次食到除了鵝肉既鮮甜味外，仲有多一重口感，基本上唔駛點汁都好好食！鵝肉肥瘦適中，唔會太多肥肉，相信係專登去除左多餘既肥膏，絕對稱得上是皮脆肉嫩！喜歡食酸梅醬既朋友，千萬唔好錯過，自家製既酸梅醬，甜中帶酸，不過我還是更喜歡原汁原味帶有荔枝柴香既燒鵝味！

棋哥燒鵝 聽聞呢間燒鵝好出名，小編忍唔住去試！雙拼飯$70，就禁睇張相，餸的確多過飯👍燒鵝juicy同啖啖肉，無咩骨👍每張枱都提供一支梅子醬，比客人用～燒腩仔既皮好脆同好香🤤食落亦好新鮮！而叉燒就比較遜色，比較硬身，但蜜汁甜甜既味道為叉燒加左分✅好味指數：8.8/10抵食指數：7.3/10回頭度： 8.7/10——————————————————————📍地點：尖沙咀加拿分道40-46號香檳大廈地下2號舖📞電話：23486288⏰營業時間：星期一至星期日 10:00-22:30

今日心血來潮, 突然間想食燒鵝, 就去咗尖沙咀the one附近嘅燒臘餐廳有別於傳統燒臘檔, 內裏裝修非常之光鮮, 環境好大, 坐得好舒服, 見到有個推介就係燒鵝髀套餐, 有燒鵝脾, 有飯, 仲有個湯添, 從來未試過食燒鵝脾, 就一於試一次先好快就送上械枱, 棗紅鵝皮，超肥美, 光澤而挺身；油亮鵝肉，肉嫩結實無渣。大口咬下，夠新鮮, 鵝皮香脆鬆化，油分甘香濃郁鵝味在口中散開，鵝味濃郁, 鵝油滴在那飯中，連油帶飯一起送入口中，大快朵頤。

講起燒鵝，我諗大家都一定會諗起深井燒鵝喇！但我就唔係咁諗喇！係我心目中，深井燒鵝都只係食打卡，而唔係食好食嘅！🤔而食好食嘅係我今日要講嘅哩間：棋哥燒鵝😍😍😍😍今日特登帶左好鐘意食燒鵝嘅家姐黎食，嗌左個二人餐，其實份量都幾多，好豐富吖😍先黎碟燒腩仔，第一眼，大碟👍再望下，肥瘦均勻，真係一層肥一層肉，肉醃得岩岩好，唔會太咸但又每層都好入味，而唔係得底面有味。皮係芝麻皮，所以雖然唔係岩岩燒起都仲好鬆脆。再黎就係重點：燒鵝！😍仲係燒鵝脾吖😋無論係色澤，油光同香味都不得了燒鵝有少少肥，所以一啖落口，肉汁同油香係個口入面噴發😍真係無誇張，再黎就係有陣煙燻嘅香味慢慢浸出黎，愈食愈香👍油菜，又係大碟嘅，我自己就鐘意將燒鵝嘅汁淋上面食，有菜本身嘅甜仲有鵝油嘅香，無得彈吖。再黎兩碗瀨粉，開頭以為係正常野，一食又有驚喜，湯底好清甜，飲左大半碗都唔口乾👍👍仲包埋兩杯野飲，呢個二人餐真係飽到捧住肚腩走吖！

This shop is a solid choice for Chinese style roast meats, coming from someone who has been having roast meats growing up.As a reference benchmark, similar dish at Café de Coral and MX or other similar in-and-out style lunch chains would be a B- to B. Meh, but alright for a quick meal to fill up.This shop would be in the range of B to B++ overall. Ordered the roast goose and roast pork combo with noodles. Noodle portion satiates. Roast goose was tender and juicey, and had an additional pleasant

點咗燒鵝拼义燒飯加凍檸檬茶，燒鵝普通，义燒勁鹹，飯好硬，凍檸檬茶冇乜茶味。都算，冇話一定要好食㗎！最多咪唔再嚟囉。找數時同收銀先生講話义燒好鹹同埋飯硬，佢回應話冇人反映喎！無語……

今日放工，如常經過尖沙咀，行下竟然有一間新開嘅燒味店，見環境幾好，好光猛好乾淨，所以就入去試吓。一入到鋪頭入邊，發覺裝修好精緻，隨即拎個餐牌，點一個二人餐。二人餐包括，兩個瀨粉，燒鵝，叉燒，例湯，同埋凍檸茶，另外仲加一碟油菜。燒鵝皮脆肉嫩，肉質超滑，食住呢件燒鵝，一路喺度諗，點解食燒鵝要揸到去深井咁遠呢？於是就去研究下呢間餐廳有乜嘢歷史。餐廳老闆原來做咗好多年燒鵝嘅經驗，靠佢嘅經驗，開咗呢間燒鵝做主題嘅餐廳。除咗燒鵝之外，佢嘅叉燒都非常之不錯。我地點左半肥瘦嘅叉燒，嚟到真係冇乜肥，亦都唔會太過瘦，證明夥計真係用心聽我哋嘅要求，提供你想要嘅食物。不得不提嘅就係佢哋仲有自己嘅燒鵝醬汁任你用，所以總括而言，呢間餐廳唔似一般燒臘店，環境好好，可以坐好長時間進食，同埋食物製作用心，位置方便，經開尖沙咀呀你哋下次

今晚肥妹仔去咗尖沙咀嗰邊行街，行完街就同肥媽肥家姐一齊去咗呢一間棋哥燒鵝度食晚餐。油切雞瀨粉切雞好滑，好入味，點薑蔥汁好好食。但係最有驚喜係佢個瀨粉!通常坊間嘅瀨粉好淡味，但佢個淡佢個瀨粉個湯底雖然好似好清，但係飲落幾香，幾濃味。油雞燒腩仔瀨粉呢個係肥妹仔叫嘅!佢嘅油雞同切雞樣都係好滑好好食，但係最有驚喜喺佢去個燒腩仔，超脆，點黃芥末醬冇得輸!燒鵝叉燒飯話明叫棋哥燒鵝，燒鵝緊係出名喇，所以肥媽就叫咗個燒鵝肥叉飯食。燒鵝個皮好脆，啲肉好嫩滑，叉燒係肥瘦分明，唔會食落去乾曾曾，點埋個燒味豉油撈飯食好正。油菜一碟例牌燒乳豬重頭戲黎喇!通常肥妹仔食燒乳豬係拜山嘅時候食，見到呢度有得食，梗係叫啦!佢嘅燒乳豬好好食，個皮燒到超級脆，肥肉同埋瘦肉嘅分佈好平均，唔會食落去過肥或者過瘦，點上乳豬醬，冇得輸。熱奶茶咸柑桔可樂

棋哥燒鵝想食好耐~~~今次在尖沙咀都有分店，方便好多裝潢簡約，座位寬敞個menu好有趣，非一般的傳統燒味食店。老火湯是必點，花生雞腳湯，好足料，個湯好甜又滋潤，而且少油少味精。棋哥燒鵝片瀨粉 $98燒鵝片一定是必食，賣相相當吸引。燒鵝皮有木燒的香味，煙韌帶點脆，而燒鵝肉香多汁、嫩滑，啖啖肉好滿足，令人齒頰留香。瀨粉夠滑，個湯底都好味。乳豬五寶飯 $85五寶飯在燒味飯中我也很喜歡食，有5款不會悶，實在太吸引！乳豬皮好香脆，咬開聽到「卡擦」聲，而且又啖啖肉。叉燒多肉汁中帶點嚼勁，油雞又好嫩滑，紅腸、咸蛋都好出色。第一次享受這樣高質的燒味，值得再來。

行尖沙咀，經過棋哥燒鵝，望見櫥窗光猛乾淨，入面嘅燒味排列整齊，色澤亮麗，又有唔少朋友食過話好食，就同女朋友走入去試試。除咗普通散叫，呢到仲有套餐，1人餐/2人餐/4人餐/6人餐都有，套餐包括燒鵝、燒味、油菜、老火湯/飲品，價錢幾抵食！📣2人套餐 $248棋哥燒鵝(例牌)正😋係鵝脾！燒鵝皮薄酥脆，皮下冇多餘肥膏，肉質非常嫩滑，仲有陣陣嘅煙燻荔枝木香氣，油脂甘香同時唔會有好重嘅鵝羶味。單拼燒味(例牌)可選叉燒/燒腩仔/切雞/豉油雞/燻蹄/紅腸，我地就揀咗燒腩仔。燒腩仔外皮脆卜卜，腩仔肥瘦層層相間，比例均稱，肉質鬆化，軟腍冇渣；份量仲好多！伴碟嘅花生酥脆咸香，記得要試。郊外油菜店員細心安排蠔油分開上👍🏻油菜清甜爽脆。瀨粉湯底較清，餸燒味味道啱啱好👍🏻老火靚湯好足料！花生眉豆雞腳全部煲到軟腍入味。凍檸樂

同朋友係the one睇完戲，一出黎就見到棋哥燒鵝，久仰大名架啦其實，二話不說就入去食下啦😎一場黎到，緊係嗌佢個燒鵝脾飯。無錯係有啲貴架，百幾蚊一個燒鵝飯，但食過真係發現物有所值🥰剩睇外表，已經見到鵝肉飽滿，表面油光滿溢🤩 食落口好香燒過既味道，而且皮都幾脆口同埋好易咬，肉質軟腍。食落滿口油香但唔膩，好快就比我地清左😋另外仲食左五寶飯，味道都ok。不過同燒鵝脾飯相比，就真係高下立見啦！為左個燒鵝脾飯，絕對可以再戰！

本身都好意食燒鵝, 之前經過已經見到呢間主打食燒鵝既餐廳, 咁啱今日約左朋友去睇戲, 佢又諗唔到食乜, 所以我就提議下試下呢間啦. 我地叫左個2 人套餐($248), 因為又可以食燒鵝又可以叫义燒, 仲有油菜及2碗飯/瀨粉/米粉, 及可以揀飲例湯或餐飲, 真係滿足晒我. 雖然係例牌, 不過我覺得都夠食, 而且我地好好彩呀, 我地有燒鵝脾呀. 燒鵝個皮係薄及好脆, 唔多肥膏, 鵝肉既味好濃, 燒鵝下面仲有花生.好正呀呢碟义燒色澤好吸引, ,表面好朴朴咁充滿蜜汁味, 肉質係肥瘦適中, 除左义燒之前, 其實可以揀其他, 例如, 燒腩仔/切雞/豉油雞/燻蹄/紅腸

我下午茶時段經過呢間棋哥燒鵝環境整齊清潔 抱住一試無妨嘅態度去食下叫左———————————1) 燒鵝瀨粉 $45燒鵝真係出色，好味！食落個皮好脆同埋有少少煙熏味！瀨粉口感亦都同平日食既不同，口感較為結實同埋Q彈，同燒鴨好夾，$45都覺得五貴！————————————2) 燒腩仔飯 $40相對起燒鵝，燒腩仔個感覺就冇咁驚喜，不過個皮都係好脆，豬肉香就差d睇左佢夜晚晚飯個餐牌，價錢都唔算貴，有機會都會再黎食！