棋哥燒鵝 (已結業)

唔知點解呢排肥雞週街都見到呢一間棋哥燒鵝見到咁多次心思思都想入去試下呢間嘢煮蛋呢係佢嘅燒鵝同埋燒味咁肥雞入到去梗係要試下佢嗰個燒鵝喇但係呢我見到佢嗰個脆皮乳豬亦都好似好吸引又嗌多碟與茱麗牌啦果然真係冇介紹錯佢啲乳豬皮非常之脆乳豬肉肥瘦適中啖啖肉油分亦都好溫喎咁就嗌咗個燒雞奶喇我朋友咁個玫瑰雞呢都幾日未呀同豉油雞冇乜分別奶返個湯底都幾濃味唔會好似飲清水咁樣最好呢就係可以加少 呢就有一碗例湯飲咁嗰個肥雞係飲眉豆雞腳豬骨湯咁亦都你喺張相見到係非常之足料嘅

行完山黎到尖沙咀好想食燒味🤪 見到有間新開嘅棋哥燒鵝啲燒味睇落去好吸引，就拉咗朋友入去食。首先叫咗燒味雙拼 $108，揀咗叉燒同埋燒肉，叉燒係超級入味，而且面頭燒到少少微焦，好香口。咬落好冧又不失口感，夠哂juicy，食完一舊又一舊。燒肉個皮都燒得好脆，味道唔錯，但係就要嫌佢肥咗少少🤪見到隔離枱個個都叫常餐，個炒蛋好靚好吸引。又叫一份黎share 。因為呢度燒鵝好出名，所以揀咗燒鵝意粉，燒鵝品質確實好高，有少少煙燻過嘅味道，而且燒鵝好滑，好香，唔會覺得油膩，點埋個酸梅醬就更加正。意粉都幾有咬口，同埋呢度嘅炒滑蛋都做得唔錯。郊外油菜 $20，份量都唔少！

🥢尖沙咀食叉雞飯好地方 🥢請支持即刻俾心👍🏻🥢朝早見到叉雞飯阿叔條片，突然好想食叉雞飯，飲返杯凍撚茶，所以去尖沙咀分店試下🥢脆皮燒腩仔飯 $40 (下午茶）+$3 凍檸茶本來是食叉雞飯的，見到下午茶有燒腩仔飯咁抵食就轉風食我最愛的燒腩仔，燒腩仔的皮厚實而且脆，肉質肥瘦各半適中，口感軟滑，果然唔錯🥢下午茶份量剛剛好，價錢夠優惠，見到隔離檯叫了常餐，炒蛋又好似唔錯，下次又要再食過棋哥燒鵝地址: 尖沙咀加拿分道40-46號香檳大廈地下2號舖請按右上角按三點，要按 就唔會錯過貼文啦

今日行完街心血來潮想食燒鵝，經過呢間餐廳門口就聞到d柴火香味，一於入去試一試～今次叫左個二人套餐，有例牌燒鵝同另外自選一款燒味～燒鵝既色水好靚，上到枱時仲係熱辣辣～個皮非常香脆，仲帶有荔枝柴嘅香味，皮下脂肪份量適中，肥美得來又唔會過於油膩，鵝肉亦非常嫩滑～另外想讚下個燒鵝味，好惹味，完全唔洗點酸梅醬～層次分明既燒腩仔，肥瘦均勻，入口即化，個皮真係超脆口～個餐仲有菜心食～足料花生雞腳湯，無味精～凍朱～餐牌既相～

同老公去左尖沙咀棋哥食晚飯，行經見到門口有二人套餐$248, 可以食到燒鵝之餘，還可多揀另一款燒味，如油雞，切雞，叉燒，燒腩，熏蹄同紅腸等等，當然油菜，白飯，例湯或飲品，非常吸引。店面又新又乾淨，店內較現代的裝修好舒適，非一般燒味店的油笠笠感覺。每枱都放食燒鵝嘅甜酸醬讓客人自己斟。燒鵝 例牌 好豐富睇落有油光，皮薄又香脆咬落還滲出一種獨特嘅荔枝柴香，肉嫩多汁醃得味道適中，上枱前 keep都嫩粒粒，醮點佢地自加甜酸醬好夾，令燒鵝更出色。另外選左老公最鐘意的叉燒，啖啖肉醃得夠味，肉質更軟淋，肥瘦適中，蜜味較重又點蓋過肉味。白灼油菜配蠔油 正常般。老火湯花生眉豆煲雞腳，口湯香濃足料。除白飯外還好選米粉或瀨粉添！ 燒鵝無輪配飯或粉都同樣味美，可以代表香港美食之一。

老公係燒鵝迷😋呢間燒味店，由未開張時老公已經好心急話要去試之前我地都光顧過幾次，都係食lunch多，今次第一次黎食晚飯，老公話要食豪d😂我地叫左2個一人餐，燒味份量比碟頭飯多好多😆1人餐同2人餐既最大分別係燒味可以雙拼，咁我地就可以叫4個不同口味😁我地叫左燒鵝、叉燒、豉油雞、燒腩仔燒鵝基本上係每次黎既必食item👍🏻呢度既燒鵝有陣好獨特既煙薰香味，燒鵝唔會肥，皮脆肉嫩❤️叉燒甜度剛剛好，半肥瘦，肉質好稔豉油都好滑，入味但又唔會太咸燒腩仔個皮勁脆呀！咬落去卜卜聲！😋一層肥肉一層瘦肉，極度邪惡😆呢個一人餐真係好多野食😆有一碟雙拼燒味、油菜、白飯或粉、例湯或飲品，份量好足，我老公一個大男人都夠晒食👍🏻價錢$128，都算抵食👍🏻

激安殿堂必經之路，棋哥燒鵝~~位置非常方便，搭地鐵/西鐵都超方便，落車行5分鐘路程就到！！首先門面好光猛企理, 路癡既友人都話咁易就搵到我地諗左陣, 決定叫個2人餐▪棋哥燒鵝(例牌)▪單拼燒味(例牌)選一款(叉燒/燒腩仔/切雞/豉油雞/燻蹄/紅腸)▪郊外油菜▪白飯/瀨粉/米粉          2碗▪老火湯/ 冷熱飲品      2份本來睇價錢$248咁多野, 已經覺得好抵, 但最估唔到係唔單止抵, 仲要好好味棋哥燒鵝係原隻燒鵝脾咁上(定係我好彩), 總之超級好味!!!!!新鮮熱辣叉燒唔肥唔瘦, 即係人地口中所講既極品「半肥瘦」同埋好在我係同朋友仔去咋, 如果同男友去, 佢首選一定係燒腩仔當然我覺得佢啲燒腩仔都應該唔差既(下次再試呢樣)菜就無咩特別啦, 清甜好味(可能當造)我地一個叫米粉一個叫瀨粉講真識食(直線讚自己)一定係燒鵝配瀨粉啦~~~真係好好味!!!!!  而家香港好少地方仲食到瀨粉定係我太黑仔, 叫親人地都話賣晒~~~~由於我地想試晒咁多野, 所以一個叫湯, 一個叫飲品碗湯好足料, 一啲都唔hea架!!!! 但比我回頭再揀一次, 我會揀飲品囉一開始我掛住飲湯, 後期又好想飲野

呢日同個同事黎食飯午時食飯坐滿人！！！好彩都唔洗等好耐就有位入得=]雖然呢度應該係主打食燒味，但我個日唔知點解好想食常餐，所以就要左份“全日常餐”HKd$52，同事就要左個“燒鵝飯”HKd$65~~我個常餐既火腿炒蛋配牛油多士先到！！呢間既炒蛋都幾多，有蛋汁，而多士仲係我至愛既厚切，正✔✔✔跟住我個叉燒意粉同同事既燒鵝飯都前後黎到：）好滿意呢度既叉燒意粉~~叉燒大舊軟腍，意粉彈牙👍🏻👍🏻👍🏻同事既燒鵝都好似好正咁呀！！！之後我地仲追加左份“燒味雙拼（ 叉燒拼燒腩仔）”HKd$108既例牌一齊share~~同樣無令人失望 😍😍叉燒肉質鬆化，蜜味香甜！燒腩仔五層分明，個皮係脆卜卜架❤️❤️❤️最後加三蚊飲埋杯勁耐無飲過既凍可力（好立克），正！！！食到飽飽又係時候返去繼續開工啦

喺尖咀行完街, 就去左朋友話好好食嘅棋哥度. 朋友講到好誇張, 令到我好想知道燒味到底可以有幾好食..我地點左個4餐, 有燒鵝, 乳豬, 一個單拼燒味, 油菜, 4個飯/瀨粉/米粉,仲有老十火湯或野飲是日例湯- 花生眉豆雞腳豬骨湯, 寫到明不加味精，飲落足料，非常住家湯feel燒鵝味道也很入味，肉質鬆軟，加上有少少肥膏和又香又脆嘅鵝皮，燒鵝有微微嘅茘枝木煙燻味，肉汁同鵝油嘅油脂香停留在口腔內久久不散. 同出面一般食嘅燒鵝分別頗大, 果然名不虛傳.燒肉味道剛好，唔太咸，唔單止皮燒得夠香脆, 肉都夠嫩,而且女士最愛唔會太肥膩乳豬,雖然皮都十分香脆, 不過有點太肥. 但係整體都唔錯啊~

燒鵝例牌、燒味例牌(可選叉燒、切雞、燒腩仔)、油菜、飯/瀨粉/米粉x2仲要包飲品兩杯呢個二人套餐都係$248例牌冇野墊底 全碟都係鵝仲要俾隻鵝脾(我冇要求亦冇加錢)實在太正啦🤩燒鵝真係名不虛傳好出色鵝皮輕易分離又薄又脆鵝的油脂均勻肉質鬆軟非常juicy而且有陣烤燻香燒味揀左叉燒(同樣冇野墊底) 梅頭肉肉質超鬆軟亦好juicy邊位燒得香 蜜汁微甜味道啱啱好 又係好出色燒鵝叉燒同樣高質 份量足2個人食呢個餐真係好抵食！

最近「棋哥燒鵝餐室」在尖沙咀開了分店，常常在尖沙咀走動，因夾唔啱時間，所以一直未有機會幫襯，終於星期五約了家人在尖沙咀食飯，大家都有興趣想食這間「棋哥燒鵝餐室」，一於入去試一試，看了一輪餐牌見這個四人餐有燒鵝、有乳豬還可自款選一款燒味油菜例湯，白飯瀨粉樣樣齊一於叫這個四人餐試一試。足料靚湯花生眉豆豬骨煲雞腳湯，非常足料味道濃而不鹹，入口順喉眉豆味濃郁，例湯都有如此水準真的不錯。燒鵝例牌棋哥燒鵝即係棋哥燒鵝，靚靚燒鵝髀大大隻，皮脆肉嫩脂肪比例啱啱好，入口有陣陣的荔枝味道，立即看看牆上的說明，原來是用荔枝柴來煙燻，難怪這樣香脆。乳豬例牌乳豬皮燒得脆卜卜，肉味甘香嫩口還帶有微微的溫暖度，加少少乳豬醬一齊食真的非常滋味。燒肉例牌豬腩肉燒成的燒肉，肥瘦比例完美，熱辣辣，點小小芥辣一齊食那種甘香滋味實在沒法擋。蠔油菜心蠔油菜心大大碟新鮮嫩口沒渣，點少少蠔油來提鮮菜心味道立時提升。

之前成日見到棋哥好多人排隊 好好奇究竟有咩特別呢😆 今日男朋友終於肯帶我黎一探究竟喇😝好明顯棋哥既拿手菜係燒鵝 除左個名係燒鵝 內裡裝修都係充滿鵝既元素！我地嗌左個二人餐share 好豐富 我地都算大食 但都食唔晒😂首先黎左個湯 超級足料 啲湯好溶個餐有燒腩仔 招牌燒鵝 菜 白飯/瀨粉燒腩仔層皮好脆身 要趁熱食 如果唔係凍左會相對較硬！招牌燒鵝好出色！層鵝皮仲有微微既烘烤味😋肉亦都十分十分juicy 好易咬 唔會老！菜 中和返淨食肉既膩感同埋每餐點少得有菜😆整體感覺很好 亦都明白點解咁多人排隊🤣燒鵝真係一流！👍🏻

尖沙咀近年開左好多冰室和餐室，差不多好多都食過哂，個日行街經過The One 附近，見到新開左間以燒鵝為名既餐室，即刻吸引到我入去一試環境感覺好光猛，裝修仲好新早上十點幾，仲未有太大胃口，所以點左個常餐，因為見到餐牌常餐都可以另加$10轉燒鵝，於是叫左燒鵝湯意粉配火腿多士香滑炒蛋➕凍飲（$65），上餐速度都好快，order 完好快有得食燒鵝有很濃的煙燻味，原來是用荔枝柴燒的，燒鵝皮非常香脆，肉很嫩滑多汁，加上餐廳毫不吝嗇，大大樽燒鵝酸甜醬任你享用，另外炒蛋多士個賣相都好靚食得又睇得餐廳的燒味質素整體上都很好，燒鵝最為出色，果然是燒鵝專門店

朋友特意請食飯，她說帶我去尖沙咀食好東西。原來是來這間早已出名的燒鵝飯店，其實我一早想試其焦香味燒鵝。朋友很雀躍，食神上身，開始介紹這裡燒鵝的特色。這店在內地自設黑草鵝養殖場，只用五斤四両的春鵝。春鵝入爐燒的初段，會加入荔枝木煙燻，用來辟鵝的膻味，同時可以添加焦香味。我其實在網上已經有看過有關資料，不過見朋友說得興起，當然扮留心聽，哈哈。朋友做東，由她發板，點了乳豬飯，燒鵝拼燒腩仔, 例湯及凍奶茶。上菜速度很快，不一會兒，食物已經同時上檯。乳豬皮很薄及脆，食落香口美味，但不是預期的極香脆。肉質味道都不錯，只是覺得乳豬肥了一點吧。主角燒鵝，燒得皮乾脆且薄。鵝肉新鮮，肉質鬆化，帶有特別焦香味。不膻也不柴皮，燒鵝果然有水準。燒腩仔皮比較厚硬，肉質算新鮮，可惜不夠熱，影響口感，燒腩仔相比之下，有點失色。例湯是最不滿意的，咸得有點過份。凍奶茶，不過不失仍可以。如果食物可以保持應有水準，一定可進身名店之列。

今日食呢間位於尖沙咀很出名的燒鵝店, 棋哥燒鵝食燒鵝好多人都會諗起一間但係地點上實在太遠今日食既呢間係位於尖沙咀近市區但仍然保持到高質既燒鵝原隻燒鵝脾飯食燒鵝最最最好食既一定係燒鵝脾所以價錢都會貴一點但是!!一分錢一分貨!不得不說是值回票價!!呢隻燒鵝脾個SIZE大約有我成隻手咁大而且師傅已經切好一份份 食得特別爽呢舊係其中一舊成隻燒鵝脾都係啖啖肉!! 皮薄肉嫩!要點埋呢隻秘製既醬汁! 勁MATCH!再嘆多杯奶茶就係完美的一餐!!