棋哥燒鵝 (已結業)

呢間餐廳主打燒味飯，睇個名就知最出名應該係燒鵝。但又心思思想試下其他燒味，我地兩個人就揀左個二人餐：有燒鵝例牌、一款燒味嘅例牌（揀左燒腩仔）、油菜、兩碗湯粉加兩杯餐飲！燒鵝雖然價錢偏貴（reference: 燒鵝脾飯單點$118；單叫例牌$158），但燒鵝有種好香嘅炭燒味，皮下嘅油脂唔會好多，所以食落都唔會好油膩。酸梅醬任唧，呢個醬同一般酸梅醬最大分別係冇甜，酸啲，更加開胃！燒腩仔因爲係腩，所以相對都多肥膏啲。好彩佢炸得夠脆，點埋芥辣都幾唔錯👍🏻 肉嘅調味我就覺得冇平時食到嘅咁咸粉麵我就揀左瀨粉，燒鵝瀨係絕配😋男朋友就揀左米粉，正正常常！講下餐廳環境，其實以燒味舖黎講，裝都好時尚下！如果唔係門口排左咁多鵝（同埋鵝頭），你都未必知佢主要賣燒味！

今日去TheOne濕平，到晚餐又係一輪心慌意亂，比我喺正門附近見到呢間棋哥燒鵝，正合我心心念念想吃燒味的願望~入口有個大玻璃掛上燒味同燒鵝，賣相令人垂涎三尺，入內環境簡潔，有別於平時食燒味店鋪的油淋淋，餐牌有一人餐丶二人餐同四人餐㨂，我地兩丁友，揀咗個二人餐，一來我想吃燒味，二來愛人好中意食燒鵝~二人餐有例牌燒鵝丶自選燒味丶油菜、白飯或瀨粉同埋例湯或飲料。我地揀咗油雞同例湯，跟一飯一瀨粉，最先上湯，老火雞腳湯，好夠火候，又足料，喝過湯就上油雞，有我最愛花生伴碟，味道帶瑞士汁的甜，雞肉嫩滑，啜手指之選，吃燒鵝梗係要配瀬粉，先講個粉，好易夾，而且好彈口，不像方間又碎又淋，再講燒鵝，例牌係燒鵝髀😍，用荔枝柴嚟燒D皮特別爽脆，而且不太肥，也沒有血銹味，做得好有水準，最後先上油菜，淥得較淋，但都好淋甜。佢地D套餐好低食，而且乾淨企理，一個不錯的選擇～

放工搵嘢食，經過呢間棋哥燒鵝，諗起都好耐冇食燒味，就決定試下。佢嘅鋪面好大好乾淨，唔似一般嘅燒味店咁周圍都油笠笠。我哋嗌咗個二人餐，份量都幾多，差啲食唔晒。例牌燒鵝一碟燒鵝嘅賣相超靚，一大隻燒鵝髀放喺上面，睇見都流晒口水。燒鵝好香，啲皮好脆，食落有荔枝柴燒嘅味，好似冇試過喺其他燒鵝到食到呢陣味，真係好特別。例牌單拼燒味有幾款燒味可以揀，我哋就揀咗切雞。份量同燒鵝一樣都好多，雞肉都算幾滑，唔會太肥，啱晒啲鍾意食得健康少少嘅人。郊外油菜菜心好新鮮，加埋少少蠔油，中和返燒味嘅油膩感，感覺好健康。個餐仲跟白飯、米粉或者瀨粉兩碗，用嚟送燒味真係好夾。老火靚湯個湯真係好足料，入面有雞腳、花生同肉等等，又香又濃，好好飲。

朋友超喜歡食燒鵝，所以她叫埋我陪佢一齊食，唔洗走到去深井都食到咁好味既燒鵝，位於尖沙咀香檳大廈地舖，幸好剛剛有人食完有位座，睇完menu就叫左個2人套餐：$248: 棋哥燒鵝（例牌）、燒腩仔（例牌）、菜心、瀨粉2碗、老火靚湯（眉豆雞腳湯）及凍朱古力，等左一陣食物就上檯，主角棋哥燒鵝例牌有隻大大燒鵝髀，鵝肉好嫩滑腍身，好濃厚荔枝柴香味，個皮都好香脆，點埋酸梅醬食更滋味！而燒腩仔例牌份量都唔少，都有成20舊左右，肥瘦比例均勻，個皮燒到卜卜脆，點埋芥末醬調一下味！仲有幾粒花生🥜伴碟同樣脆口！再配搭埋煙韌爽滑瀨粉一齊食，增加口感滋味！食左咁多肉類，當然唔少得食埋碟蠔油菜心，好鮮綠爽脆！最後飲埋凍朱古力及老火靚湯下一下火，眉豆雞腳煲得好腍身，湯底濃郁沒有味精，飲完之後唔會感到口渴！真係超滿足既午餐🥣！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

喺激安戰鬥完一輪之後出到嚟個人有啲虛虛哋所以要食返啲勁嘢補補佢～見到呢間棋哥燒鵝新光頸靚咁，又有好多人企喺門口喎～八卦嘅我緊係湊吓熱鬧啦，見到廚窗啲燒鵝又真係幾靚喎～好啦～就入去會一會佢～店員好親切有禮，安排咗我哋坐四人雅座～環境都幾大幾舒適～我哋三個人，叫咗1個一人餐同1個二人餐一齊Share食~咁樣叫可以食齊晒佢啲燒鵝、豉油雞、叉燒同燒腩~話咁快就嚟咗碗老火靚湯先 – 花生雞腳湯附湯料，大大碗，好多花生同雞腳頂一頂飢餓感~15蚊碗又幾抵飲喎~跟住就係燒鵝喇(例牌)～好靚仔喎~份量都算多～好肥但好好味，燒鵝皮薄薄哋但又脆脆哋～味道同一般燒鵝有啲唔同～豉油雞～肉質鮮嫩，甜甜的好好味～叉燒燒腩～燒腩超脆～叉燒勁林～一人餐嚟講，份量算多～整體嚟講都幾好食～仲有份量算多～大家不妨一試～

本來同老公想去食韓國菜行咗幾步見到棋哥燒鵝我就同老公講：呢間咪就係我話最好食嗰間燒鵝囉於是臨時轉plan老公決定食燒鵝我哋分別叫咗燒鵝瀨同乳豬燒鵝飯燒鵝瀨：瀬爽口掛湯個湯又清喎正燒鵝份量超足個皮係脆嘅啲肉又淹得夠入味就算一路食一路浸湯都唔會浸到淋乳豬燒鵝就相對冇咁抵食因為其實主要係食燒鵝燒鵝份量少左乳豬皮脆，但冇乜用好肥整體老公好滿意有時候就係咁樣唔需要去幾貴嘅餐廳在乎嘅只係同邊個一齊食同埋食物本身好唔好味平嘢都可以好好食但無奈真係坐得但係太迫無限搭枱並且建議大家只係食燒鵝因為見到其他人食叉燒啲叉燒乾到嘔

終於都放假啦💓💓💓可以帶屋企人周圍吃喝玩樂下❤️❤️媽咪好鐘意食燒鵝，又唔想去到深井食咁遠啵，突然間比我諗起呢間棋哥燒鵝，近近地就尖沙咀啦😜😜😜由於我地勁肚餓，所以嗌到成枱都係，唔知仲以為係燒味放題🤩下午有優惠時段價錢大眾化，真心抵食呀😜 嚟到呢度專食燒鵝😋🥰招牌燒鵝應該有番咁上下水準啦掛，嗌左棋哥燒鵝瀨粉，哩度所有燒味都可以轉瀨粉/米粉/飯，因為我哋太肚餓啦🤩所以就轉左燒鵝飯😜😜估唔到下午茶都可以有燒鵝脾食🤫🤫天呀，好感動呢，急不及待將鵝脾放進口 ，燒鵝既皮好香，肉質肥瘦均稱，入囗有啲煙燻既香味，果然係招牌🤤🤤❤️棋哥叉燒都好出名架，叉燒半肥瘦，蜜汁香味，外皮燒到微焦、肥瘦層次均勻、肉質鬆軟、肉汁好豐富😍😍燒腩仔夠厚身脆皮，啖啖肉呀，肉質爽口😊見到好多人都嗌左叉雞飯，我地都嗌左碗🤤🤤果然無令我失望呀，雞皮爽口、肉質嫩滑雞味濃濃。最後仲嗌左棋哥常餐，就係叉燒意粉，配炒蛋，火腿，多士，最有驚喜係炒蛋竟然咁有水準，橙黃色既炒蛋，份量好多，蛋控表示哩嗰炒蛋值95分✅

邊個話我傻，我請佢食燒鵝！係尖沙咀突然想食燒味，哩到又開左間棋哥，就佢啦！menu入面哩張圖都幾得意！入得中式店，飲啖老火靚湯先。今日例湯係花生眉豆湯，飲落唔會好口渴，好清。我同朋友都覺得係無加味精，抵讚！同朋友嗌左一人一個燒鵝脾飯加個菜芯。一上菜，勁大隻脾呀！唔同其他呃秤既，隻脾真係好多肉。油脂分佈都好平均，食落好香口，吞咗都仲覺得個口有陣燒鵝香！以後食燒鵝唔使特登入深井，尖沙咀都有得食好啲啦！

本身我諗住叫個下午茶餐（我趕得切6:00前到/$40一個下午茶，真心平）平d又唔洗食太多。點知坐對邊個條友仔一黎就話叫二人餐，好 ...睇黎佢都應該食得哂。燒鵝-真係好香荔枝柴味，枝仲有小小脆，但我就覺得肥左d, 但佢皮，肉同肥膏層次分得好明顯，我就容易去除.我都唔理d汁幾咀多油，我走去撈飯食叉燒-都可以既，好淋，肥瘦適中，但我覺得咸左d,只係燒鵝太出色, 就覺得佢一般包兩碗粉麵飯，湯/野 $248係尖沙咀食飯，好食仲食到到好飽，li個價好抵，好食

棋哥燒鵝 (尖沙咀)位於尖沙咀加拿分道既棋哥燒鵝，呢間燒鵝都幾出名，佢地係用荔枝柴去燻燒。而且佢餐廳嘅環境闊落幾舒服🥰返工lunch定放工想食碟燒味飯可以嚟呢度啊😆2人套餐 $248棋哥燒鵝（例牌）佢哋話係用荔枝柴去燒，另外佢哋係黑棕母鵝。食落去佢嘅愛皮幾香脆唔會話太肥。而且鵝肉鮮甜，冇乜鵝嘅羶味👍🏼.叉燒(例牌）好鍾意食佢哋嘅叉燒喎😆， 係半肥瘦㗎，蜜汁味豐富而且成舊肉好有咬口🤤。好味👍🏼.另外二人套餐可以跟瀨粉同埋飯加一碟油菜。份量都唔少，佢哋嘅瀨粉同其他唔會唔會係易斷個拿，食落去係有質感😆跟餐可選擇湯或飲品佢哋每一日嘅湯都係花生眉豆雞腳豬骨湯。飲完唔會口渴而且唔會淡口，而且好足料真係比原隻雞腳同埋豬骨你㗎😁.

平時係The One行完街一出嚟就見到呢間棋哥燒鵝，想食好耐㗎啦，今日終於有機會約到朋友黎食晚餐。呢度裝修非常之光鮮，地方整潔。我哋兩個人一件開餐牌見到呢個二人餐，就二話不說叫咗啦，因為真係超抵食，有成分例牌燒鵝，仲可以揀多一份例牌燒味，包油菜、飯或者面仲包一杯野飲或者湯。大大碟菜。燒鵝喺呢度嘅名物，大大份，有成隻燒鵝髀。肉質嫩滑，個皮有煙燻嘅味道，甜甜地。再加上呢度特製嘅甜梅醬，簡直完美。我哋另一份係叫左叉燒，個叉燒超大份，我哋食極都仲有。叉燒半肥瘦，所以食落係非常鮮嫩，從來唔會有一塊係太乾太鞋。我叫咗米粉，朋友叫咗瀨粉，每份都一大碗，超抵食。個老火湯亦都非常足料，有豬骨雞腳等等，味道濃郁。今晚全場keep住爆滿，果然好生意。食咗咁多野飽到出汁先至$248。仲要冇加一！

餐廳：棋哥燒鵝 (尖沙咀)地址：尖沙咀加拿分道40-46號香檳大廈地下2號舖經過The One旁邊見到有幾十年歷史嘅棋哥燒鵝🦆，座位坐到爆一爆，羊群🐑心理下就入左去餐廳坐低食個午餐話到明係棋哥燒鵝，又點可以唔試下佢地嘅燒鵝呢😂，係門口已經見到開放式廚房，大廚👨🏽‍🍳不停係到斬斬斬無停過手🙈件件都厚肉又肥美因為有選擇困難症🤫，所以叫左個棋哥精選1人套餐($128)，叫左雙拼燒鵝叉燒瀨粉、菜心🥬、一杯飲品或者湯，第一次黎食，所以叫左杯奶茶之餘加多$8試埋碗湯燒鵝色澤吸引，係用荔枝木🌲黎燒嘅，帶點清新同荔枝木果香😋，比起一般燒鵝較有特色，燒鵝肉厚多汁💦，鍾意嘅仲可以蘸埋棋哥自家製嘅酸梅薑汁；叉燒肥瘦均勻，唔會過肥👍🏾，入口稔而唔膩，亦唔會燒到起焦，好味又較健康原來老火湯係花生🥜眉豆雞腳湯☕️，用料十足，雞腳炆得好稔好入味🤤，「損」雞腳「損」到停唔到口

呢日要去the one做treatment，同呀媽食啲嘢先，所以就去咗隔離間棋哥，因為佢剩係食港式/中式嘢😅，燒味實啱。而且之前喺灣仔店食過下午茶都唔錯，應該有啲保證。茶餐廳格局，但好光猛闊落，大部分都係女店員，都幾好笑容😊，叫我哋隨便坐。睇餐牌見到有套餐叫(1人/2人/4人都有)都幾多嘢食咁，但由於我哋都想食乳豬，餐就無得揀乳豬🐷，所以我哋散叫咗碟頭飯，但其實都包嘢飲同可以加錢要例湯。套餐嘅燒味係例牌，見隔離枱份量都多，幾大碟。我哋要咗棋哥燒鵝片飯($98)，大大塊燒鵝片啖啖肉真係好正😋，因為啱哂我呢啲唔鍾意食骨🦴嘅港孩...。鵝片有成七、八塊，厚肉juicy加皮脆，配埋佢哋個自製酸梅醬食一流👍。燒鵝片真心推介呀！另外就要咗化皮乳豬瀨粉($70)，乳豬份量都唔少，皮好脆，不過個位置比較近骨，變咗肉唔多，但配埋乳豬醬都好食🤤。至於碗瀨粉呢，就好高質，我自己一向鍾意食，瀨粉好彈牙好滑，每條都好長，唔會碎濕濕，個湯又唔油。我哋亦加咗碟油菜($20)同例湯($8)，其實碟頭飯都有配幾條菜芯，所以唔加一碟都會有菜食。例湯就係赤小豆豬骨雞腳湯，無味精的，而且好多料都唔錯！總括嚟講，呢間新冒起嘅燒

好久沒有吃過燒鵝 突然想吃平時都會走去深井吃 今天不想走這麼遠男朋友特地找來這一間位於尖沙咀的 — 棋哥燒鵝帶了我來試一試兩個人選擇了精選二人套餐有肉有菜又有湯/飲品 夠豐富棋哥燒鵝例牌燒鵝肉質嫩滑 外皮香脆 陣陣煙燻香氣配上自家製醬汁 甜甜酸酸 味道更上一層樓好出色 同男朋友都好滿意單拼燒味例牌選擇了燒腩仔 腩仔不會太肥 五層分明外皮十分香脆 點上芥末醬 不錯不錯郊外油菜菜心新鮮 吃下去清甜點上蠔油 簡簡單單已經很足夠 營養又均衡一人可選一個主吃想都不用想和男朋友都選擇了瀨粉湯底清甜 粉麵彈牙 成碗食晒好滿足老火靚湯今日靚湯是花生雞腳眉豆湯用料十足 濃郁好味道

忽然發現了棋哥的存在，剛好又想吃常餐，順道試試燒味如何。多士 - 生命麵包質地，烘得唔夠金黃，而且用左”cheap”牛油，麻麻地。炒蛋 - 不過不失叉燒意粉 - 成個餐既重點，唔係用平時常餐果種下欄霉舊叉燒，一碗有6件、食到蜜糖味，係唔錯既。奶茶 - 見到姐姐放低「香港情懷」包糖便心知不妙，個人偏好黑白淡奶沖既奶茶，呢杯勉強合格。