校長燒肉日韓料理 (觀塘廣場)

營業中

休息中

呢間放題嘢食多唔係真係得個講字！係真係超級無敵多嘢食🤩嘢食多到好似成個自助餐咁💓💓包括有燒肉嘅肉類🥩蔬菜🥬火鍋配料🍲小食🍤熟食🍜冷盤🥗刺身壽司🍣飲品🥤甜品🍮真係咩都齊哂！！基本上你唸到嘅呢度都應有盡有🫶🏽如果你有選擇困難症,成日唸食咩,我係極度建議你可以試吓呢間放題😚食物嘅味道同質素都幾好但老實講唔係話十分好食但我真心覺得呢個價錢完全值得並且比得又餘😂我最推薦嘅係肥牛🙈係咪估我唔到呢😎肥牛雖然成日都食到但呢度嘅肥牛,牛味唔會過重而且肥瘦岩岩好🥰最重要係唔會好肥同埋燒完好淋🤘🏽餐廳仲有啲影相位,如果帶埋小朋友去食可以影幾多相添📸

放假無啦啦先黎打風，一落風球即刻去覓食，以為呢d天氣應該無咩人食點知一入去都係枱枱滿座，瞬間放心應該幾有質素😆餐廳全自助式想食咩就自己去拿，食物分類做得幾好每個corner擺好唔同野食，環境望落乾淨衛生ok🙆‍♀️食得燒肉緊係第一時間衝去攞肉類🤪主要嘅牛豬雞魚腸都應有盡有，肥瘦款都有啱曬唔同人要求🤤肉類最推介牛雞同魚類。肥牛片同牛柳好香口重牛味，而且厚薄都ok唔會話好難燒。雞軟骨必試細細粒一粒好脆有咬口，而且感覺係骨頭無咁罪惡🤣配埋生菜食成個感覺健康左🙈最驚喜係魚類，有韓味同香草魚柳兩隻味都好食，自己偏好韓味，平時屋企煎魚柳成日散開晒，呢度嘅魚柳好容易燒，反完都唔會話散開晒或者痴底，而且有魚味唔會只係得雪味。另外仲有秋刀魚多春魚同鯖魚，今次只係試咗秋刀魚同多春魚，秋刀魚都幾大條，無落檸檬汁都唔會太腥，多春魚燒完仍然係完整一條唔會漏曬出黎👍腸類台灣腸必拿燒黎食一流，雞肉腸就相對麻麻。豬既話最好食係金沙骨🙆‍♀️食咗咁多肉當然要攞啲菜黎中和下🙈菜款式都算多，最驚喜係洋蔥😂真係好好食😂自己將肉同洋蔥加埋生菜包埋一次過食超match，真心大家都可以試下😂另外翠肉瓜同杏鮑菇都好食🙆‍♀️仲有就係燒菠蘿

太座成日話請我食燒肉，原來係食校長燒肉，兩個都未食過，於是一家三口約埋大姨仔去食吓先！地方幾大，間隔闊落，仲可以望住觀塘風景，唔錯！食物都好多選擇，蒜蓉焗生蠔我地食咗好多隻，好正！麻辣小龍蝦超惹味，估唔到呢度有得食！可以揀嚟燒嘅肉類都好多，而且味道醃得夠味，牛扒、金沙骨、豬頸肉、多春魚、雞翼........林林總總，要每款試哂都幾係，哈哈！太座食食吓燒肉竟然話要打邊爐，仲攞咗好多蔬菜返嚟烚吓烚吓，跟住仲攞埋佢至愛嘅希靈魚刺身返嚟，開心死佢，因為唔係好多地方有希靈魚㗎，當然唔少得仲有三文魚同大蝦刺身！中式點心有熱騰騰嘅小籠包同燒賣，小籠包算好多湯汁！飲品種類都好多，特別嘅係有1664啤酒，鍾意飲啤酒嘅朋友就啱哂！甜品都唔算少款，有款奶茶雪糕都幾特別，其他嘅布甸果凍都可以每款試吓！總括嚟講性價比幾高，可以再嚟挑戰自己食量！

好耐都冇去食放題喇🤩終於有機會一家大細一齊去，聽人講呢間幾好食，仲要多款式，所以我都約埋細妹一齊去😎地點都幾就腳，喺觀塘廣場15樓 ，一出右手邊就係，估唔到都幾多人等緊，好在有book位😝,原來間嘢都幾大㗎，拎嘢食嗰個位都好大，仲好齊全冷盤、熱盤、餐前小食、沙律、點心區，火鍋、燒烤、刺身、壽司、甜品、汽水、花茶、啤酒，樣樣都有，食物質素真係唔錯，放題來講，呢個價錢都算好食同抵食，我見到勁多男士嚟食🤣🤣食燒肉放題，肉類真係好重要，唔止多選擇，仲要多味道俾你揀👍🏻味道仲要唔錯，根本上唔使加調味已經夠晒味，魚生都好新鮮，唔怪得知咁多人食啦

已經不是第一次光顧校長,差不多所有分店都試過,相隔一段時間不同分店都仍能保持水準實在也很難得。食物種類多及好味不在話下,今次較為印象深刻的是觀塘店座位好像較寬敞,而飲品種類也較多,尤其啤酒類,燒烤夾啤酒是超爽的,今次竟然可試足四五款較貴的啤酒(例如Hoeggarden、Somersby、Dark Beer及1664(其實仲有其他大路的,例如:lCE、金獅等)而且質素也很高,令我可開懷暢飲,實在值回票價。

星期六到官塘的工廠大廈購物。經過官塘廣場時，因為未食午飯，又見到入面的廣告，決定早一點來個晚市放題！坐電梯上15樓，一出𨋢，不得了！有人龍！原來是每位在掃安心出行和檢查打針紀錄！在門口接待處的這個Iron Man 十分搶眼！兩小時任食，7:00 前離座，成人$138位，我們「食豪點」加每人$40更可食刺身！每人會被派一個魚生貼紙，可以去魚生吧拿刺身，很有安排！入座後，店員立即為我們張羅開爐等，見到燒爐上有張焗爐紙，甚好的一件小事，但覺甚是聰明，食物不會黐底之餘，也方便清潔！食物自取，很開心連沙律吧也有！熟食區的「熱氣嘢」，還是熱和脆的，要讚！飲品的選擇勁多，啤酒、汽水，連茶也有多種選擇！火鍋、燒烤的食物可以用一望無際來形容！點心區，有酒樓點心，而火鍋的湯底可自取。魚生壽司區！價錢不貴，但食物種類繁多，一次過可以滿足兩個願望！有驚喜的是：雪糕櫃內有凍水果，西瓜、哈密瓜和菠蘿！感覺天然而又好味！放題就是自助餐啦，雖不是勁貴價的食物，但絕對抵食，是開心的一餐，未夠兩個小時已食飽飽！

上次夜晚食得好趕，只有120mins，但食物款式太多，想雨露均沾實在太匆忙。點知openrice有3小時晚市coupon，立即用whatsapp訂位，comfirm左再買3張coupon，就當係慶祝爸爸節既小禮物。Book左1930至2230時段，早左幾分鐘到，送左張VIP卡，下次再黎食有折扣。跟住搞埋啲防疫野，好快已經可以入座。今次坐闊啲既6人卡位，兩邊都係沙發，鬆動好多。比較上次，夜晚呢場特別既係有帆立貝同羊扒，熟食有麻辣小龍蝦，白汁青口，煎堆等等，款式有啲唔同。但冇最想食既脆卜卜薯條冇得瘋狂啪垃圾食物今次比較中意既都係泰式豬頸肉，雞軟骨，金沙骨。薄牛扒都靚仔，肥膏少，肉質算ok。帆立貝細細粒冇調味，加埋豉油同蒜蓉幾好食。羊扒好薄，而且肥膏多過肉。蓮藕雪過頭，口感好粉。刺身區中場冇Refill，三文魚/赤蝦都冇哂。而有啲唔高興係食食吓中途有職員話"你地夠鐘"，跟住去Cashier擾攘一輪，原來搞錯枱。。。另一單係燒燒吓肉，職員訓導主任上身咁款，氣勢洶洶咁㩒個爐，話燒爐唔可以開大過三度火。先唔講禮唔禮貌，如果爐最高只可以三度，點解唔set死maximum係三？或者整個sign？又嘈左

校長燒肉日韓料理好耐都冇同過老婆食個放題之類嘅嘢，今日咁啱出開觀塘，佢話好想食下韓國燒肉，我又想食打邊爐嘅話，我估觀塘多一個最佳選擇大校長，因為佢哋除咗韓式燒肉仲可以打邊爐，又可以食刺身完全滿足哂所有人嘅需要燒烤配料嘅部份都幾多，淨係雞軟骨都有幾種口味，雞翼多而且種類都幾特別，除咗有普通嘅肉類之外仲有海鮮，而仲有一啲可以打邊爐嘅配料變成韓燒，配料10分多元化另外飲品方面，除咗一般嘅汽水佢哋仲有幾款啤酒嘅選擇，選擇都幾多整體嚟講，佢哋都可以保持一個唔錯嘅水準，我哋5:00食都已經好多人，如果鍾意食嘅朋友記得要訂位

觀塘出名多嘢食，但係有質素嘅燒肉放題，就真係呢度比較有口碑😆只係炸物都已經有咁多種，當中比較推薦牛角包，真係非常鬆化！有比較少見嘅中式點心，當中灌湯餃係必食item👍🏻丸類、蔬菜類、肉類、腸類，有醃製/冇醃製都有非常多選擇，而且顏色鮮艷，非常新鮮！當然唔少得嘅會係壽司同刺身，由於流量非常大，相對嚟講都非常新鮮😆見到食材喺面前由生變熟，香氣慢慢飄入鼻子，的確係有另一番感受🫶🏻咁豐富多元化嘅燒肉放題，呢個價錢，真係非常值得！

同朋友黎左一間位於觀塘廣場既自助餐任食餐廳,一個價錢滿足晒打邊爐同韓燒既願望,呢度入面座位舒適,梳化位,同埋食物既品種好多,有熟食,刺身,甜品,雪糕,點心一應俱全,總有你岩食既,刺身推介牡丹蝦因為好大條,三文魚都好新鮮同厚切,如果可以有埋帶子就好,熟食有炸物區,炸雞塊唔會好乾而且仲可以自己選擇自己喜歡的醬汁,炸紫色芋頭丸相對比較特別,好似食緊甜品咁,燒物方面,有好多款式的燒肉俾大家選擇同自己夾落碟,最愛薄牛扒同牛柳粒,色澤新鮮,職員好好咁加返D唔夠既牛扒落個食物區度,燒菠蘿酸甜開胃,仲有多款飲品選擇,甜品雪糕更有伯爵茶奶凍,好香茶味,雪糕有韓國雪糕杯朱古力雪糕係好濃郁雪糕味,打邊爐湯底可以自選,仲有自選花茶。呢間餐廳真係好多選擇。

🚶🏻位置：觀廣行入去，喺找換店隔離有部𨋢，直上就係(⁎⁍̴̛ᴗ⁍̴̛⁎)環境：一樣係超級大，鋪內係長方形的，分開三個area，中間係野食，側面兩區係座位( ´ ▽ ` )ﾉ食物：食物種類有好多，每區都試咗吓♥️點心🥧係用蒸爐蒸出嚟嘅港式點心呀😭♥️入面當然唔少得燒賣小籠包等點心啦，試咗吓灌湯餃都幾正，面頭唔仲鋪咗蟹籽日式🇯🇵入面有剌身亦有壽司🍣，記得要戴住個貼紙出去呀！我哋無試到壽司同卷物，諗住留位比其他嘢食😆三文魚壽司不錯👍🏻歐式🇪🇺有五款炸物，全部都係炸好咗，用燈照住保持温度。食落唔會話好稔，但當然都唔會脆到好似啱啱炸起咁～燒肉🥩重點推薦金沙骨同韓式嘅肉！醃得非常入味👍🏻另外試咗雞軟骨，肉唔算好多，我牙軟有啲咬唔到雞軟骨😆浪費咗😭蔬菜🥬原汁原味嘅蔬菜點煮都係咁好味( ´ ▽ ` )ﾉ 大家記得一定要試牛油粟米🌽！花茶🌱上次食大埔分店無試到係個遺憾，今次補返咗啦！😆我哋揀咗玫瑰、洛神花、紅棗，最後好酸！！😂😂😂大家記得揀花茶嗰種盡量唔好多過三款呀～甜品🍮去第二轉有啲已經無咗啦( ; _ ; )/~~~ Tiramisu 同Brownie食咗一轉就無曬ಠ_ಠ 雪糕係用日本牛乳整，食落奶味特別重(

很久沒有燒烤，難得有朋友同行，仲話明佢燒我食，當然要去啦！為就我放工方便，今晚揀了位於觀塘這間燒烤店，其實唔止燒烤咁簡單，仲有勁多選擇添！一出升降機門就見到非常搶眼的店名招牌，門口幾闊落。內裏環境光猛，地方寬敞，分兩邊用餐區，設有一排排長椅和一行行卡座，座位好多。而中間就是食物自助區，放得夠集中。座位亦很寬闊，而出入通道又夠闊，方便取食物，環境不錯！自助區好豐富，別好以為只是自助餐咁簡單，還有燒烤放題和火鍋放題，太誇張了!星期一至五，7:00PM前離座及包刺身，成人收費$178+10%，真是好經濟實惠。*****************************先揀飲品作好準備，飲品自助區都分三處，除了有個巨大的凍櫃放滿汽水、果汁、清涼茶、紙包飲品等等外；另一處還有斟酒機，包括梅酒和清酒；仲有熱飲處，有多款養生茶料，任由食客自己配搭，極豐富。我就要了杯梅酒，而朋友就取了盒解茶，解渴解膩，用來配燒烤就岩。自取區有極多選擇，分別有多款火鍋配料、燒烤配料、點心、炸物、冷盤、沙律、刺身、壽司、熟食、老火湯、糖水、甜品、雪糕等，最值得一讚是不止refill 咁簡單，一定不用擔心食唔飽，哈! 朋友先

好耐都冇出過街食，因為之前疫情嚴峻，所以冇得堂食， 趁住呢個6月，差唔多啲嘢好似平隱返，咁就同朋友一齊嚟到校長燒肉食 ，其實自己同朋友本身比較鍾意食放題同埋任飲任食， 所以就揀咗校長燒肉。呢間餐廳有魚生提供但每人每次只限攞三款， 咁有三文魚、吞拿魚、八爪魚、同甜蝦， 咁我覺得蝦就係我重點推介之一。 而出面亦都有好多壽司，不過我見到大多數卷卷或三文魚壽司多D。大家可以食試下過豆腐，餐前小食黎講都幾好食。咁呢度都有好多燒烤嘢食，例如有多春魚、秋刀魚、鯖魚、蒜香雞中翼、印度風雞中翼、川風惹味雞中翼、蒜香雞扒、韓風香辣雞扒、同魷魚鬚， 肉類方面都有美國肥牛片、牛仔骨、一口牛、超薄牛扒、羊架、黑豚肉片、蒜香雞扒、醬醃雞腎片、豬五花、一口豚肉、秘製叉燒金沙骨等。 丸方面都有芝士魚蛋、牛丸、魚腐金菇、貢丸、白魚蛋等… 燒完啲嘢食我自己覺得大致上啲食物都算係幾新鮮。 因為都幾多嘢食，所以大家睇下我啲相啦。另外飲品類亦都有好多選擇， 但係我自己重點推介就係記住食點心， 因為佢有蝦餃、燒賣等…而我個人最鍾意嘅就係食燒賣。 同埋佢哋都有好多甜品畀我哋選擇。最後呢一間餐廳啲食物都多， 如果大家鍾意食韓燒嘅話大

之前食過大埔果間校長燒肉，就係因為食過覺得性價比好高今日出開觀塘呢頭就試下觀塘呢間分店質素點先🥰估唔到食物種類比起我當年食既仲多好多😆😆😆真係無見過燒肉店可以有咁齊全既食物，劃分好哂唔同區，規劃拍得住酒店等級！！炸物區，有我鍾意食既洋蔥圈🤭沙律區～～食素既朋友除左燒烤菜之外，呢個沙律吧都好夠食了！沙律區～～食素既朋友除左燒烤菜之外，呢個沙律吧都好夠食了！冷盤前菜，唔多形容，睇相就知～～暫時以我記憶中而加香港都真係無邊間同類型既燒肉餐廳可以有咁多唔同種類既食物🙌🏻 最令我異想不到既係熟食區！好多家常小菜都有得食，夠鑊氣又夠惹味！小炒款式唔少，淨係食熟食未燒肉我都大半飽了🤭魚生基本款式都有，蔬菜區琳琅滿目～～食素之人一定好開心～～肉類選擇之多我都唔解釋了，直接睇圖個人最愛就係燒肥牛、豬腩肉同雞軟骨🥰食到咁上下嫌燒肉熱氣既朋友亦都可以打邊爐，有火鍋有烤盤任君選擇，想點食就點食熟食、甜品、飲品種類都比想像中既多好多！下次會同屋企人一家黎食😎😎

訂左位之後準時去就準時入得唔洗等~~一出LIFT向右就有大大隻字校長燒肉同IRON MAN,一定唔會認錯呀呢到飲品種類都好多,除左凍飲仲有得自己泡花茶,一邊燒肉一邊養生不是夢!食物方面由刺身,壽司,沙律, HOTPOT料, 燒肉料, 好多款既熱葷, 甜品,數都數唔晒呢到係200米既美食天堂呀燒肉絕對唔HEA,有唔同醃料之餘,肉有不同種類同部位熱葷勁常會REFILL而且唔同種類,影都影唔切呀辣螺勁惹味連小龍蝦都有刺身方面大力推介赤蝦, 食多幾隻咩都回本啦!