校長燒肉日韓料理 (觀塘廣場)

營業中

休息中

我同朋友兩位book左星期六下午食燒肉放題，但佢last order 唔通知，到我地出去拎野食，一樣野都冇，同侍應講, 佢仲話冇嫁啦，3點半收野，但問題係你地完全冇通知人地last order, 只話可以坐到4點，你咁講，我點知你幾點last order? 最後我地食放題係食唔飽咁走，如果知咁既質素，再平我都唔會黎食，貼錢買難受！差

突然間想食燒肉 喺朋友嘅介紹下就嚟到位於觀塘廣場嘅呢一間校長燒肉👏🏻環境：一上到電梯就見到門口，入到去真係嚇一嚇😂😂間舖係勁大 見到拎嘢食係有成條街🤤🤤🤤啲座位與座位之間又有返咁上下嘅距離 第一印象已經幾好🤓🤓仲有個霓虹燈燈牌可以打個卡📸食物：燒烤又點少得勁多勁大份嘅雞牛豬嘅🤩🤩呢間提供唔多唔同調味嘅生肉 韓式日式印度風都有🤤🤤另外都仲有啲可以即食嘅小食 適合晒想樣樣都試啲嘅我性價比：我地係最貴嘅黃金時間入場每個人埋單都唔洗過$250 以一間環境同食物種類質素都中上嘅放題嚟講 性價比真係不錯😎

香港燒肉店好多，環境企理加食物質素好絕對係重要嘅條件之一，如果唔係就好易肚痛🥺 好欣賞校長燒肉處理同分類食材嘅方法，啲生肉望落去亦都唔會好似放咗好耐變晒色咁，見到一大堆紅卜卜呢靚牛靚豬即刻食慾大增 夾咗一堆返位到燒嚟食😍與其話日韓燒肉，我覺得似港式多啲😂😂好多好土炮嘅食材都會提供埋，例如如紅腸 芝士腸 廚師腸同漢堡扒🤓所以有啲似平時去燒烤場到嘅感覺，不過係有冷氣同任食嘅版本🤤🤤所以真係抵食！有齊前菜 生熟主食 飲品 甜品嘅一條龍服務，而且職員都會恆常補下食材同保持住自助區嘅整潔，不錯不錯。

嗰日同同事收工 就決定食番餐好嘅✨平平地搵左間任食燒肉日韓料理放題～～就算兩個女仔🧍🏻‍♀️食得唔多野 都唔洗覺得心痛回唔到本😎😎最開心係 呢到食物嘅種類係超級豐富🥳肉類方面：有豬、牛、雞、羊、鴨同海鮮 當然都唔少得加工嘅食物🤤健康人士都啱食嘅 一定係海量嘅蔬菜🥬嚟到要回本 當然係食牛啦😌拎左超多黑椒牛扒同一口牛 肉質幾嫩滑 又入味🐮食左咁多肉 同同事夾左好多款菜嚟燒 解下油膩感😍😍三色椒、翠肉瓜同洋蔥 都好清甜爽脆🧅🫑雞髀菇都好厚肉又juicy🍄呢到竟然仲有秋葵！！最鍾意一定係燒菠蘿 酸酸甜甜又多汁 超開胃呀🍍❤️

呢一間日韓料理燒肉專門店🇯🇵🇰🇷真係想食乜都有 相信係冇可能每款都試得晒🔥🥩而家越開越多分店 價錢又平 真係超級抵食🤑嗰次就同朋友去左佢地觀塘嘅分店～環境好大 都幾乾淨 唔會好大陣味或者痴笠笠咁👍🏻裝修都幾靚添 最有feel係佢啲figures!!!連iron man都有😎😎😎肉類有幾款係特別啲嘅：孜然香辣豬腩片、土匪雞翼、金沙骨同叉燒 平時燒肉都好少見到👀全部都好入味呀 唔會食到好重嘅雪藏味👅小朋友最鍾意一定係肥仔加工野 呢到嘅腸仔都有幾款：紅腸、芝士腸、牛仔腸、雞肉腸 豬柳漢堡都有！！消濟就推介：雞髀菇🍄三色椒🫑燒菠蘿🍍

觀塘雖然多野食，但要搵間高質嘅韓燒放題就真係買少見少，最近搵到呢間校長燒肉😍食完一次覺得唔錯，所以今次再黎Encore！今次主攻上次食完覺得特別好食嘅一口牛🐮金沙骨同埋雞中翼🐔當然牛扒都係韓燒必食啦🥩今次仲試咗上次冇食到嘅龍脷柳🐟啲魚肉都幾結實唔會一夾就散，而且味道都唔錯喎✨幾鐘意佢啲肉類醃嘅味道，入味得黎又唔會太鹹，味道啱啱好幾啱我口味🤤佢啲小食我癿得都幾好食，不過真係眼闊肚窄，食唔到咁多🤣另外佢個爐都算大，可以同時擺唔同食材上去一齊燒，慳返唔少時間👍🏻不過其實佢有兩個鐘真係咩都夠，悠閒地慢慢食，食埋甜品都仲有時間剩🍨價錢又好合理，所以真係一個幾好嘅選擇！

嗰日同男朋友喺觀塘行完街～唔知食乜嘢好🙈所以就話不如是但去食放題😂 呢間燒肉放題店真係唔錯！價錢夠平 而且食物仲有好多款可以選擇！豬、牛、雞、羊、海鮮、鴨咩都有🐷🐮🐏當然都唔少得腸仔、丸類同蔬菜🥬男朋友勁鍾意食肉 真係係咁密密燒密密燒❤️自己最鍾意係羊扒！！好厚切 食落肉質嫩滑唔會好柴～而且係完全冇騷味 抵食呀！蒜蓉雞扒都唔錯🧄應該係用左雞髀肉 超滑仲要好入味 蒜香味勁濃香🍗最正當然係佢哋個和風料理區！！食燒肉都有壽司食超正🍣食肉食到濟 食返幾件壽司 清一清都唔錯😎要回本 一定要食佢哋嘅鰻魚壽司同埋生蝦壽司🦐

嗰日一家人難得同family gathering去聚餐💓緊係要食餐勁嘅～～所以就揀左食燒肉放題，咩都有得食下，大人細路都啱晒👦🏻呢間喺觀塘嘅校長燒肉放題店，價錢真係好平，食物嘅種類又多。唔止有肉類、仲有海鮮、蔬菜、最正一定係仲有個甜品櫃 勁多款唔同甜品🍮食完同屋企人都真係飽足全日🤣🤣爸爸細佬係食肉獸～係咁狂燒肉！！試左啲：個人最鍾意係咖喱雞扒同一口牛！咖喱雞扒好入味 好香濃 雞扒好厚肉大大塊 又夠嫩滑🍛一口牛食落都唔會好韌！食到濟 就燒左啲蔬菜嚟食 最鍾意就係多汁嘅雞髀菇同清爽三色椒🫑當然仲有酸酸甜甜超開胃嘅燒菠蘿🍍

平時最鍾意四周圍搵好野食，今次搵到呢間位於觀塘廣場嘅校長燒肉，鄰近apm地點優越👍🏻入到去個環境都係有種好清新嘅韓國風，完全唔係以往去嘅燒肉店咁污煙障氣😋睇得出店舖都好用心打做一個韓式嘅燒肉體驗俾客人，我個位隔離都有個小盆栽🪴唔講真係以為去咗韓式cafe呀！至於食物方面，選擇真係比一般燒肉放題店多，淨係肉類都有成十幾廿款😆仲有蔬菜、小食、頭盤、甜品呢啲全部都係任拎任食✨店員仲會好勤力咁補充食物，感覺幾好🥰超推薦一口牛，牛肉肉質好靚，食落口感鬆軟，帶有好香濃嘅牛味🥩仲有個印度風雞扒，睇個名幾特別所以拎咗黎試，結果有驚喜😍可能因為加入咗印度香料所以好惹味，推薦👍🏻

一入到黎見到勁多野食已經心心眼😍真係第一次見到韓式燒肉會有咁多款式可以揀！而且肉類仲有唔同嘅調味，咖哩雞軟骨超正✨叉燒、牛肉、豬腩片都係我覺得特別好食同比較印象嘅肉類🥩雖然燒肉重點都係食肉，但係飲食均衡都好重要，所以我都有食返啲蔬菜平衡下🥬呢度嘅蔬菜都好多選擇，有冇人都係好鍾意食秋葵？對身體好健康所以我都食咗好多！仲有翠玉瓜同埋洋蔥🧅估唔到燒翠玉瓜原來又幾好食！食返多啲蔬菜中和下又可以繼續食肉，如果一味食肉就會好膩，呢個係我食放題嘅策略黎😂個爐都唔細，可以同時燒唔同肉類同蔬菜，所以2個鐘嘅時限係好充足，唔需要擔心會食得好趕嘅問題。

入到黎校長燒肉，真係好似去咗韓國咁🇰🇷成間店嘅裝修都參考咗韓國地道嘅燒肉店風格，色彩繽紛嘅枱凳，銀色嘅餐具🍴好有氣氛同特色！食放題咩都有得食真係好滿足，而且呢度都幾多野揀，種類超多😍由冷盤到甜品應有盡有🥓出去夾完一碟滿嘅返黎，再擺滿成枱，呢個畫面都咪話唔衝擊😛入座起計有兩個鐘用餐時間，非常充足可以慢慢食。佢個一口牛同咖哩雞翼都超正！羊肉完全唔羶，仲醃得好香好入味🐑食咗超多唔同種類嘅肉，最鍾意孜然香辣腩片！辣得黎又好惹味，孜然粉獨特嘅味道真係令人愈食愈上癮🤤如果唔食辣都有其他唔辣嘅肉類，可以滿足到唔同口味嘅人士。

校長燒肉可以話係我最中意去嘅放題店，環境乾淨又坐得舒服，餐廳侍應服務都幾友善，效率都好高❤️除咗野食選擇多之外，佢Fill野速度都好快，唔會話俾人攞曬就無得食，確保長食長有！而且野食擺放得好整齊，肉類🥩蔬菜🥬小食、冷盤全部分門別類咁擺放好，望落都覺得好舒服，款式真係多到令人有選擇困難症🤣其實我平時都好少可會拎小食，因為其他食物款式實在太多選擇喇😆淨係食肉都有成十幾款！但今次見職員咁啱Fill咗啲春卷同其他炸物，真係忍唔住拎返啲黎試下！味道方面都幾好，啱啱炸起零舍好食😋肉類依舊咁高水準，最中意食呢度啲五花腩，肥瘦分明，肉質幾靚😍

呢排唔知點解成日心思思好想食燒肉放題，第一時間就諗起校長燒肉😍食過咁多間到而家為止呢間都係我心目中嘅No.1✨限時兩個鐘食到飽，又多野食揀，肉類、蔬菜應有盡有，仲有好多小食同雪糕任你食，🍦每次都食到飽一飽先走，所以一直以黎講到食燒肉我首選都係會嚟校長燒肉。講到推介，我最鐘意呢度啲雞翼，大大隻而且醃得好入味😋惹味到次次黎都食勁多隻。除咗燒雞翼係我認為必食之外，其實佢其他肉類質素都唔錯，尤其係金沙骨都幾高質，一樣多肉又好惹味，真係超正😍另外佢啲咖哩醃出黎味道都好香濃，而家諗返當晚原來都食咗幾盤肉，價錢又公道，真係抵食到爆✨

有時約埋一班friend唔知食咩好通常都會揀放題，樣樣野食都有大家一定岩食👏🏻今次其中一個friend話試下呢間校長燒肉，見口碑都唔錯就一於決定試下😆上到去發現同平時去開旺角嗰啲燒肉店真係好唔同，入到去第一個俾我嘅感覺係好企理，衛生程度唔錯，第一印象已經幾好👍🏻牆上嘅霓虹燈又幾過癮，打卡一流！另外食物款式真係多到無辦法全部都試曬！薄牛扒同梅肉片嘅肉質都好軟腍好好食🥩雞翼亦都好大隻，幾鐘意呢度啲野食味道都唔會話太重口味，食完都唔會好口渴👍🏻所以可以放心盡情食好多肉，由入場開始計時限兩個鐘，唔洗食到好趕急，完全足夠有餘，成個感覺都好好。 

聽講呢間校長燒肉喺觀塘好出名，平時都好多人去食🥓因為住開呢頭附近所以決定同屋企人去試下。燒肉店環境唔錯，唔大油煙味，坐得都算闊落，餐廳環境唔會太嘈雜，食得幾舒服✨食物擺放整齊有序，而且周圍好乾淨，店員定時會清潔同埋補充食物👍🏻而且速度都好頻繁，確保每款食物都長期供應。無諗過呢度竟然會有我最愛嘅漢堡扒，忍唔住拎咗兩塊黎試，燒完出黎仲有肉汁夠Juicy超好食🤤其實呢度嘅肉類同菜都好多選擇，超鍾意佢個咖哩雞軟骨，好入味真係食到停唔到口😍食物款式多而且仲可以食兩個鐘，時間非常充裕，難怪喺口耳相傳之下成為觀塘區內人氣熱店！👍🏻