校長燒肉日韓料理 (觀塘廣場)

營業中

休息中

收工同朋友去左觀塘嘅校長燒肉食飯，門口就見到大大隻ironman🤣。以為呢間淨係食燒肉，估唔到仲可以打邊爐，仲有好多熟食可以拎，種類都好多，有中式，西式，日式等等，仲可以飲到是日老火湯。燒肉方面，有超過十幾款唔同嘅肉，有牛肉，豬肉，雞肉等等，大部分都係預先醃製好，燒完唔洗點調味醬都已經好夠味！而我同朋友就揀左燒烤嗰邊用黎燒肉，邊爐嗰邊就用黎碌菜，丸等其他食物。不過蔬菜嘅選擇就冇肉類咁多，但用黎消下濟都已經好唔錯！最後仲食左甜品雪糕先走，揀左海鹽味，好特別，係第一次見嘅雪糕口味，味道就會有少少鹹味咁，好滿足。

早排同朋友去左觀塘間校長燒肉食放題，就喺觀塘廣場一出地鐵站就係，地理位置真係唔錯👍🏻食完上openrice睇下先知原來佢都幾出名！餐廳環境乾淨企理，雖然係燒肉店但又唔會話好大油煙味，而且佢個燈光同佈置真係幾有心機💕就好似去左韓國啲小店咁幾有feel。除左環境唔錯之外，佢啲野食都好多選擇，可以自己出去夾唔同種類嘅食物，比較驚喜嘅係除肉🥩同蔬菜🥦既之外，仲有一啲熱食炸物🍤供應，拎咗春卷同麥樂雞，岩岩炸起熱辣辣又脆卜卜勁好食！另外仲有壽司同雪糕都係任拎任食🍨超多款式。牛肉味道都幾好，色澤唔錯，一啲雪味都冇🍖放題時間都幾充裕，唔洗食到好趕而且又可以食到飽，性價比極高！ 

之前都有聽過朋友介紹呢間校長燒肉，喺觀塘出曬名又平又高質，口碑都幾好👍🏻早排終於約埋班朋友去咗，原來真係好抵食！放題任燒兩個鐘都係2百零蚊左右，而且食物種類同選擇非常多✨佢係以自助形式去拎野食，自己去出面個超大範圍嘅食物Bar拎，自己想食幾多就夾幾多，除咗肉類之外仲有菜，唔怕一味得肉食到濟住！我個人特別鐘意薄牛扒🥩肉質又軟又淋，一啲都唔韌！而調味亦都唔會話太鹹。蔬菜方面有我最中意既三色椒🫑仲有翠玉瓜！呢間校長燒肉啲野食都幾OK，坐又坐得舒服，其實限時兩個鐘真係好足夠，就算慢慢食都唔會話太趕👍🏻重點係真係可以食到飽，可以捧住個肚走！ 

幾日前屋企人生日🎂壽星話想食燒肉，我就上網見到呢間評價不錯就一於book咗呢間食🙆🏻‍♀️食物嘅款式真係有好多，燒肉放題嘅肉類當然最多啦😝包括有牛肉，豬肉，雞翼，金沙骨等等🙌🏻咁多款中我就鐘意食豬頸肉🐷因為有調味嘅關係所以辣辣地，食落好惹味同埋豬頸肉都好淋，屋企人就鐘意食雞軟骨，雞軟骨有咖哩嘅調味，佢地覺得好香同埋雞軟骨都算大粒😆而除咗肉類嘅種類十分多外，蔬菜都有好多嘅選擇🥬燒肉不斷食肉難免會覺得膩，所以都要燒下啲菜黎解膩👅屋企人話以燒肉放題黎講，呢度嘅蔬菜都算新鮮✨整體黎講質素都唔錯而且食物選擇十分多❤️

每次同朋友去食燒肉都覺得好苦惱,次次都想食好多但叫得多價錢自然就會貴！所以次次都唔太夠食特別我係要食好多肉先會飽！有次冇意間見到有人介紹呢間燒肉放題🍴見佢話食物又多質素又唔錯咁，重點係就算夜晚食都唔會好貴！！咁仲唸咩即刻叫朋友一齊去食餐廳有好多霓虹燈，上面仲會上個個Area係咩，比人清楚知道！而有啲燈牌就冇咁正經，會比人有種搞笑嘅感覺食物方面，肉類當然對我嚟講最重要啦！肉類嘅選擇好多，豬牛雞都有連鴨胸都有！！味道方面個人就覺得正正常常，冇話特別驚喜但呢個價錢完全係值嘅加上放題裡面仲有好多唔同類別嘅食物所以一定岩你食！

最近工作十分之繁忙,今日約朋友嘗試一下刺身加上燒肉,平衡一下平時緊張的心情.餐廳大多數是自助形式的，食物包括有壽司刺身各式各樣的燒肉，還有熱辣辣的主食，真是十分多選擇.7:15我們準時入座，店員也準備十足，熱情地招呼顧客入座，這花茶十分之有特色，顧客可以將自己喜愛的材料製造一個獨一無二的花茶.連燒賣粉果都有真是款式十足.豉椒炒蜆十分之有風味.如果鍾意飲清酒也是任飲的.各式各樣的肉類，供大家選擇，最推薦的就是羊扒.最尾甜品的選擇也十分之多，由香港製造的雪糕品牌為主.

個日朋友話想食呢間燒肉放題,我咩都冇睇餐廳食咩就話OK😹😹原來我之前都有經過過，只不過唔係食呢間而係樓上嘅酒樓🫢個陣已經見到有人排隊，仲唸呢間係咪好出名😜哈哈！今次比朋友叫去食就知呢間係咩啦😌餐廳嘅佈置睇得出老闆應該係鐘意模型🤖見到有好多唔同動漫角色💙雖然冇睇食咩但見餐廳名係燒肉，以為只有燒肉點知有好多唔同國家嘅食物喎🇰🇷🇯🇵真係有d估唔到😝而食物嘅味道都唔差😬完全對得起呢個價錢😙最令我驚喜嘅食物係黑椒薄牛扒，本身都驚會老但唔會🤭可能因為薄身所以完全冇呢個問題🤡而且都唔洗煎好耐都已經熟😻

其實呢間燒肉已經唔係第一次去食，甚至已經食過好幾次💋因為食過一次就會想再去食😽今次黎咗觀塘分店🥰因為好少去觀塘所以都揾咗啲時間先揾到間餐廳🤣🤣同以往經驗一樣都係要排隊先入到去食😜講下點解我咁鐘意呢間燒肉啦😳之前食過有啲燒肉放題啲食物都唔會加返🫠去到最後咩嘢都冇得食🥲但呢度有一個姨姨企係個bar枱位隨時加返食物🤭真係唔洗驚冇嘢食!!!再加上呢間燒肉平靚正👍🏻每個人都係$200左右，真心值啊‼️食物方面,食得放題都唔洗唸都知唔係好高質但全部食物都係好食嘅😻特別肉類都係用唔同嘅調味料醃過🥰所以全部肉類都好入味，唔會話冇味💜

屋企人上次同朋友食完已經不斷講呢間餐食好抵食💰成日話要再去食但每次都係得個講字🤣好啦！終於星期六夜晚一家去咗食👨‍👩‍👦‍👦一入到當然要睇下有咩食啦睇哂所有食物嘅種類真係有啲嚇親😳多到有啲難以想像未食已經覺得真係好鬼抵食!!燒肉嘅款式多已經唔洗講啦，估唔到連炸物小食都有一個area 而食物質素都好好👍🏻唔係淨係得多字，係好食嘅首先，每款肉都用咗唔同醃料黎醃製肉所以味道都好夠，而肉質都唔會老，係淋嘅!!炸物小食樣樣都熱嘅同脆，同埋炸粉唔會好厚，呢個值得一讚大家有機會真係可以去試吓!!!!

個次同一班朋友一齊食飯，每個人想食嘅嘢唔同，有啲話要壽司🍣有啲又要韓燒🇰🇷有啲又話冇所謂但價錢唔要貴😤真係好鬼難就咁多個人嘅要求💢作為唸要去邊間餐廳嘅我就睇返Ig bookmark咗嘅餐廳就見到呢間‼️竟然可以符合晒所有嘅要求!!!咁就一於食呢間啦💕餐廳嘅地理位置都好方便，係地鐵站行5分鐘都唔洗就到🤝雖然咩類型食物都有，但嘢食一啲都唔求其😸我覺得比某啲價錢比仲貴嘅餐更有誠意添💖燒肉係豬牛雞一啲都唔缺少，而且有好多款口味嘅肉類😎我就較鐘意食叉燒🤙🏻叉燒醃得好入味而且燒完好香同埋唔會老，建議大家燒耐少少，咁就會更加香同外皮會脆啲!!

返到屋企係咁肚痾，d肉係酸嘅，雪櫃入面嘅凍西瓜都已經變質，牛肉咬唔爛，燒肉汁得個鹹字，都唔明點解排曬隊，如果係98一位我冇嘢講，但係晚市加一之後240/人，兩百幾蚊食d咁嘅嘢

呢間燒肉放題成日都係街經過見到佢個大大logo但真係次次都係經過冇入過去食🫢終於上個星期去咗食👅本身唸住淨係得燒肉食點知有好多其他嘢食揀喎😳包括有壽司🍣炸物小食~而壽司有三文魚，加州卷，鰻魚等等🤍而且都幾好食😙炸物方面真係頗多款選擇🍤春卷，麥樂雞，炸餃子🥟樣樣都熱辣辣同脆卜卜😆講返燒肉先🤣同壽司小食一樣，超多肉類揀❣️仲要用唔同調味醃肉!!唔會淨係得用一種口味，包你有一個口味同肉你鐘意食😍而我就鐘意食辣🌶就鐘講意食孜然香辣腩片💫腩片肥瘦岩岩好，唔會過肥再加上調味料真係冇得頂!!推介大家試吓🥰

之前同朋友係荃灣食過呢間，食完一次已經想再食多次!!因為真係好食又抵食🤪原來觀塘都有分店，咁就真係近好多啦😺個日係食早食個批，埋單計埋加一都係$200左右，真係好鬼抵👍🏻係時候要講返食物先😹同上次食嘅一樣，所有食物嘅選擇好多🥩因為上次已經試過哂所有食物，所以今次就知道自己想食咩🥰我就專係進攻牛肉✌🏻牛肉完全唔會老而且唔洗煎到全熟都食得😽牛扒係我多款牛肉中最愛❤️‍🔥而同行嘅朋友就不斷食腩片，佢話好好食😋講埋餐廳環境先🎈睇得出裝修用心設計，比人嘅感覺好舒適而且坐位都好闊落，唔會好迫咁💦

-🔸晚市黃金時段 $218@-第一次嚟依間校長燒肉，之前都唔知觀塘廣場樓上有間任食燒肉，價錢唔貴之餘食物款式同種類都超豐富～～黃金時段每人都只係二百零蚊！自助群區超大，分成好幾個唔同主題，有日式刺身壽司區、火鍋湯底配料區、燒肉配料區、中式熱炒區、點心小食區、飲品水果同雪糕區，真係要行好幾轉先睇得晒啊！今次主要食燒肉，就冇打邊爐喇。豬頸肉係男友最愛，我就鍾意食魚柳，不過無論豬牛雞魚都有好幾款唔同口味，絕對唔馬虎唔會食嚟食去同一陣味！刺身必食赤蝦，雖然要自己搣殼，但偒給大隻鮮甜，係我至愛！熟食都幾好味，有食到點心、炸物、涼拌小菜等等，連燒賣都有兩款，啱晒燒賣控男友😆

我係超鐘意食燒肉,基本上每個月點都要食一次燒肉！而男朋友就覺得燒肉好貴,佢係食肉獸,次次都要叫好多先夠食，無意間比我揾到呢間燒肉放題，咁當然要去食啦！食物嘅種類好多,仲要有我最鐘意嘅一口牛，咁當然要狂食啦！一口牛唔會好靭而且加醬食好夾！而男朋友試哂咁多款肉話最鐘意食雞肉,佢話雞冇雪味同埋肉質都嫩，而呢間燒肉放題除咗燒肉之外,仲有壽司刺身，真心好抵食！個日我地就有三文魚壽司,鰻魚壽司等等。而壽司嘅質素就同平時嘅日式放題嘅質素一樣。總括而言食物嘅水準都好正！如果大家都同我一樣鐘意食燒肉,真心可以試吓呢間。