校長燒肉日韓料理 (觀塘廣場)

營業中

休息中

觀塘呢個繁忙嘅區，返工放工人流都非常多。而好多食市都集中係工業/工商大廈樓上，校長燒肉都聽得多，但一次都未食過。原來呢間野係勁爆多野食架!價錢一D都唔貴，而且食物款式好多。日式包括魚生壽司。熟食區都唔差，仲有小龍蝦食，食曬又會轉款。丸類一堆，可以夾來打邊爐。肉類選擇都唔少，而且大大塊，唔洗揀呀!除左燒肉同日式野，仲有小籠包，點心類。仲唔夠?佢仲有歐式食物，係咪傻左?!!!魚生質素都唔錯wor，仲有大大隻生蝦。任食，每次拎到好滿，咩都試下。魚生個蝦仲可以試下變佢做燒大蝦添!出面自己拎煲，同埋有幾款湯揀，不過湯就比較淡。最後唔好話唔夠飽，甜品都仲有2個櫃，都係任食架!可以形容呢間野係癲嘅，咁嘅價錢可以食咁多款野，大食怪要出動喇!!!📍校長燒肉日韓料理 (觀塘廣場)觀塘開源道68號觀塘廣場15樓B號舖

舊同學聚會，想唔洗兩舊水任食，食燒肉食壽司食火鍋呢樣個樣，唔洗諗啦，又黎老地方，特價時段少啲款式但都多到揀唔到。必食除咗燒肉，我個人鍾意刺身同甜品，三文魚、螺肉、希靈魚，鮮甜架！Brownies 有d水準，朱力味濃又唔過甜；同好粉好香嘅椰汁芋頭西米露好似幾受歡迎，多人攞。各類炸野好食，有薯角同煎堆仔等等。燒肉類、火鍋類，貴價豬、牛、羊都有，有熟食最岩懶人，都幾多款，菜心、魚、牛腩蘿蔔、豬紅、點心（有上湯小籠包幾好食！）。飲品熱茶、凍飲、汽水隨便揀，所以真係唔洗煩，多人黎呢度一定有野岩食！

成日行觀塘都見到佢個招牌，一search見到佢有4間分店，今次就決左試一試佢！.7:15-9:15 (120分鐘)每位$218加一.我係平日夜晚去的，當日個場唔算好爆，地方都幾大，枱與枱都幾闊落。食物就係自助形式，有熟食同埋生肉都係係出面攞。除咗燒肉之外，發現重可以打邊爐，係自助area可以攞個小鍋打埋邊爐🫕🤣佢熟食area都幾多嘢攞，有啲炸物，煮好嘅熟食同埋甜品，佢好似重有刺身，不過好似要加錢🫣🫢🫢攞燒肉嘅area都幾多選擇，樣樣攞啲都會好飽🤣 由肉類、丸類、蔬菜類都有幾多選擇，好整齊同乾淨！我都試咗好多款，個人最鍾意佢個牛肉粒、金沙骨、麻吉燒、土匪雞翼同菠蘿🍍！

受到疫情影響，都已經好耐冇出嚟食放題或燒肉，難得星期日放假同朋友約會，決定晚餐到心心念的校長燒肉擦餐豐富的🤩唔係講笑，真係超級無敵多嘢食我地大概7:15到，幸好就可以直接安排入坐，侍應安排咗卡位俾我地，超闊落，枱上有燒爐及電磁爐，岩哂又想食燒肉又想打邊爐的朋友。食物種類繁多，有沙律、刺身、壽司、肉類、打邊爐配料、甜品等，飲品都有好多選擇，不得不提有各式各樣的花茶選擇，對於養生女生非常之貼心，有花茶中和油膩感👍🏻👍🏻價錢方面都非常抵食，每人都大概2百幾蚊就食到飽一飽，大滿足！

除左上次神石燒支持老蕭，我都唔知有幾耐冇試過呢一種兩小時任食嘅店，聽過校長大名一段好長嘅時間，唔係荃灣就大埔，基本上都係同我冇乜緣份嘅地方，想去看看係乜野一回事都唔得，誰知原來觀塘就有分店。記得之前公司嘅年青一輩同事話我知，佢哋話好鍾意去校長食燒肉，因為一定值回票價，佢話最平係五點去食，有折之餘，任你飲飲你食都只係$210一位落樓，於是就訂喺演唱會之前食個早飯。最重要係款式種類好多，而且質量唔係求其，我開頭都好驚以為係漢陽苑果類嘅質素，但原來又唔係。當然如果你睇過我寫一千幾百蚊一位嗰啲燒肉，然後再睇我哋寫呢篇，請你唔好將兩件事擺埋一齊講，我冇可能一日食幾千蚊一餐，食下呢啲寫下呢啲，貼下地，呢啲先係真實生活。今晚食咗呢個餐，我又覺得真係冇乜嘢值得投訴。同平時一樣又係有火鍋有燒肉，呢度多咗好多種唔同嘅熟食可以俾你任君選擇。先講熟食，非常多選擇可以俾你揀，但係我驚食完太飽冇食到，反而選擇好多熱葷，例如蒜香骨，豬紅，滷水紅腸，滷水豬咦，源源不絕嘅青菜，蘿蔔牛腩，如果你食夜晚果場，仲會有蜆肉同東風螺。燒烤方面，你所得出嘅嘢都會有，豬扒、牛扒、雞扒、鯖魚、多春魚、香腸、一口腸、台灣蜜糖腸、豬頸肉、

之前食過大埔果間校長燒肉，就係因為食過覺得性價比好高今日出開觀塘呢頭就試下觀塘呢間分店質素點先🥰估唔到食物種類比起我當年食既仲多好多😆😆😆真係無見過燒肉店可以有咁齊全既食物，劃分好哂唔同區，規劃拍得住酒店等級！！炸物區，有我鍾意食既洋蔥圈🤭沙律區～～食素既朋友除左燒烤菜之外，呢個沙律吧都好夠食了！冷盤前菜，唔多形容，睇相就知～～暫時以我記憶中而加香港都真係無邊間同類型既燒肉餐廳可以有咁多唔同種類既食物🙌🏻最令我異想不到既係熟食區！好多家常小菜都有得食，夠鑊氣又夠惹味！小炒款式唔少，淨係食熟食未燒肉我都大半飽了🤭魚生基本款式都有蔬菜區琳琅滿目～～食素之人一定好開心～～肉類選擇之多我都唔解釋了，直接睇圖個人最愛就係燒肥牛、豬腩肉同雞軟骨🥰食到咁上下嫌燒肉熱氣既朋友亦都可以打邊爐，有火鍋有烤盤任君選擇，想點食就點食熟食、甜品、飲品種類都比想像中既多好多！下次會同屋企人一家黎食😎😎

第二次食校長燒肉啦✌🏻貪佢夠抵食！週末行完街walk in 食😝 呢個時段食哂烤肉、火鍋、壽司、沙律、餐前小食、熟食、飲品、甜品雪糕🍦成人$238一位 (星期六19:15-21:15)呢個時段仲包埋刺身任食🍣餐廳寬敞好多卡位💁🏻‍♀️ 呢道大致分左唔同區域，想食咩都一目了然🥹一開始緊係食啲冷盤先😎刺身有三文魚、希靈魚、赤蝦、鮑片、魷魚立同螺～質素不過不失💁🏻‍♀️以前有帶子嫁🥹 壽司都有幾款卷物️ 選擇😉 食個沙津做前菜🥗點心有上湯小籠包同日式蒸滑蛋幾特別👍🏻 小食區岩哂小朋友😂有雞肉洋蔥圈、鹽酥雞粒、炸香蕉年糕、薯條同牛角包🥐香脆可口🤤終於可以燒肉啦！肉類選擇花多眼亂😂比較特別嘅有韓風/孜然香辣豬腩片🐷好入味👍🏻咖喱雞軟骨粒同大醬牛肉片都推介🤓一口牛肉質口感好嫩好正🐮金沙骨同秘製叉燒都一致好評😛我仲係咁encore 帆立貝，燒牛油菇同燒牛油粟米🌽掛住食燒肉差啲唔記得佢有包打邊爐😂湯底有日式豬骨湯、壽喜燒湯同韓風辣湯😌 配料都有好多選擇☺️飲品櫃包羅萬有～汽水啤酒清酒梅酒🍺 有埋花茶區比客人自己沖花茶真係加哂分🤩絕對可以解膩😌最後留返個肚食甜品啦🤤呢排天氣勁熱，難得佢哋有供應獨立包裝嘅冰西瓜、

如4人入座只有一個爐，要加$50先有第二個爐，服務態度很一般，食物質素和種類還好，負責刺身嘅staff冇帶手套，衛生意識不足，音樂過份大聲，如坐在speaker旁必失聰

一行三人，揀晚市1700到1900既包刺身set，$178一位，生日有全單人頭88折，而加一照原價計，埋單約$523，除開一個人約$173，呢個地點時間，非常抵食。呢到貴多不貴精，唔想燒肉既，可以揀火鍋；唔想打邊爐，可以食熱盤；唔喜歡熟食，又有刺身壽司；生冷唔啱胃口既，仲有老火湯；食夠鹹食，甜品任你揀，加工糖太heavy，食沙律醃菜又ok，總有一款啱自己既。由於款式太多，所以只可以每款推薦一兩種值得試既。燒肉：豬頸肉咖哩雞軟骨 多春魚醬汁：韓式燒肉汁 柚子醬火鍋：蕃茄+蝦+菇刺身：三文魚熟食：出爐炸雞塊 粗薯條 牛角包點心：無從入手甜品：檸檬茶凍 coco港式奶茶雪糕伏伏伏伏伏：章魚小丸子，泡芙，奶凍，灌湯小籠包及所有點心有飯友指大部份肉都好鞋好硬，今日又唔覺，只要火力唔較太大，定時反面，確保冇overcook，就算一口牛/豬扒/雞扒都好容易咬開，仲有少少肉汁。重點要睇火。基本上所有肉都醃得好夠，味道偏重，食唔出雪味。不過呢度為左下一時段返枱，職員都好落力收枱趕客，如果淨返15分鐘提醒下會好D，大家都冇咁匆忙。希望會推出無限時set。

#校長燒肉日韓料理（ 觀塘廣場） *疫情穩定左，老公話今晚要出去食餐好嘢，佢帶咗我去觀塘廣場的校長燒肉進食。*呢度裝修非常有特色，門口有個大大的iron man守護著 ，座位闊落，枱與枱之間加了隔板，防疫措施充足。*食物種類包羅萬有，而且生日月份有全單 88折的優惠 。呢度不單只有燒肉、還有刺身和火鍋放題，真是一次過滿足三個願望。*燒肉種類繁多，豬牛羊雞，應有盡有，而且非常新鮮， 肉質彈牙可口；更用很多不同的方法去醃製，醃得非常入味 ， 令人回味無窮。店員補充食物的速度，也非常快！ *甜甜的金沙骨、肥美的豬腩肉 、爽口的雞軟骨和雞腎、 黑椒薄牛扒、美國肥牛片 、嫩滑的梅頭肉、豬扒和雞扒，入口即溶的一口牛等。此外還有秋刀魚、多春魚和鯖魚 ，更有鮮味的帆立貝和魷魚 ，令人吃得津津有味。*我最喜愛吃一口牛，肉質鬆化，充滿牛味，油脂非常豐富！ 燒肉盤用了牛油紙放底， 更方便衛生 ，這樣除了可以減少油煙之外，換紙既簡單又方便 。*火鍋配料除了有不同的丸類外，更有韭菜、冬菇、翠玉瓜和餃子等， 而且有三種湯底 ，讓顧客選擇，包括日式豬骨、壽喜燒和韓風辣湯，必有一款啱你。*壽司方面有玉子、蟹柳、腐皮、

紅雨警告學生唔洗返學，夜晚去咗食燒肉+火鍋⋯⋯入到去真係好多選擇，無論熱盤、韓燒或火鍋種類椒鹽三文魚鮫～好食熱盤好味煎炸食物都好新鮮兩小時好快過⋯⋯總括嚟講所有食物都不過不失

好耐都無出過嚟食飯啦！所以趁疫情好小小，就約埋朋友嚟食！聽過依間好多次，真係好想見下佢蘆山真面目呢🤣🤣🤣🤣🤣首先嚟到依度真係覺得環境好乾淨，又有好多款！分哂唔同area❤️❤️❤️❤️有魚生區，火鍋區，燒肉區，又有熟食區！！！最重要，我好少見到有沖花茶區！！好啱我呀❤️❤️❤️❤️❤️好多養生茶，一邊燒肉一邊飲真係好正😊😊😊😊😊😊大致上所有材料都非常新鮮，又可以打邊爐又可以燒肉，滿足哂你所有願望呀！！正！！！❤️❤️❤️❤️❤️仲有，佢有好多醃法，真係好正！唔會覺得食死一隻味！🤣🤣🤣🤣🤣🤣我自己就好欣賞佢d牛，好新鮮，好有肉質，值得一試❤️❤️❤️❤️❤️

第一次来观塘 分店，平日去 荃湾那一间。 早上十一点，星期日，没什麽人 竞然安排我们2人坐在廚房门口，旁边有大量垃圾的坐位 反观，其它人都安排坐在窗口位，只有我们坐在廚房垃圾房这样我们才生气 以后都不去这一间，反正这些烧烤，观塘很多

朋友食過觀塘的校長好味所以今日就和他再來吃過，價錢連加一每人都是 $240十分抵食，仲有打邊爐和燒肉一起食添。所有東西都是出去拿，第一輪大家都已即是取肉類，當然拿了不少牛，豬，雞，我們最後再添加牛肉是我們最愛有肉味口感不錯。雞翼勁惹味香料十足不錯。 出面除了拿生食物仲有熟食，炸物洋蔥圈，炸雞粒，香芋丸，春卷幾款炸物熱度不錯，都見人不停有加添，我就最喜歡洋蔥圈和炸雞粒。沒想到仲有幾款點心和小籠包，比較少見，熱度差少少但啖啖肉幾好食。打邊爐款式都夠食，不過我們以菜為主清清地用壽喜燒湯底，清清地之後再食燒肉最好。 熱食的菜，扇貝，東風螺，都十分惹味，熱度都夠。之後我們食完再出去拿又有其他款式，好新鮮抵讚。日式都有刺身，壽司和前菜螺肉之類，款式不少都新鮮。飲品選擇多，仲有啤酒，食燒肉岩晒。甜品有泡芙，大菜糕和雪糕雪條之類，每款食點其實都已經很飽了。

其實我並不是大食之人，所以好羨慕啲食極唔飽同唔肥嘅人。尤其是在無比嘅美食嘅前面！只需$168!響燒肉之前，已經有大量食物選擇，有4款炸物，多款熟食，包括大家喜歡嘅炒蜆肉同大板燒，沙律除左有不同嘅新鮮沙律菜，更有多款韓國泡菜。燒肉選擇超多，牛肉有淹左嘅黑椒牛扒，更有鮮牛肩胛條和一口牛等，豬有梅柳同五花，丸同腸，甚至魚都各有幾款選擇，蔬菜類，例如翠肉瓜，粟米，茹類，韮菜，南瓜等，唔怕唔健康啦！大家唔好唔記得食佢嘅點心，其實有做功課先嚟，啲YouTuber 話得包同魚肉燒賣，我今次去有蝦餃，小籠包同潮州粉粿，仲有刺身，手掌咁大嘅赤蝦，見住佢切嘅三文魚, 希靈魚等等！✓飲品都算多款，除左有平時都有嘅茶，汽水等等，竟然有椰汁，梅酒，清酒同啤酒，我將啲清酒放左落邊爐湯底，好鬼正！最後以甜品作結係基本啦，其實已經好飽，但我。。。。。。。食左4杯伯爵茶涼粉，認真推介，唔好錯過！