校長燒肉日韓料理 (觀塘廣場)

營業中

休息中

這天晚上我約了在朋友吃晚飯，朋友想吃日本菜，我們便決定來到這間日式放題試一試，食物的選擇很多，價錢亦都可以接受，店內的座位坐得舒適，環境十分寛敞和清潔衛生，給我一種很舒適的感覺刺身有三文魚，吞拿魚，希靈魚，甜蝦，用料十分新鮮肥牛軟彈煙韌，羊架稔香軟彈，秋葵清鮮甜美蒜蓉生蠔，蒜蓉味道十分濃郁，生蠔十分新鮮，沒有什麼腥臊味抹茶奶凍味道比較甜，個人喜好味道淡一點會更好飲品的款式很多，紙包和罐裝飲品都有很多選擇，而且夠凍，餐廳亦十分支持環保，沒有提供飲管，如果想飲熱飲，亦有提供很多款式的花茶，例如有茉莉花，蒲公英，洛神花，菊花和普洱等整體來說，食物的質素非常不錯，食物和飲品的選擇非常多，食物的用料十分新鮮，食物和甜品的賣相延吸引，價錢相對合理，而店員有積極的服務態度和有禮貌，所以我認為這間餐廳是值得再去惠顧的

餐廳名叫得校長燒肉日韓料理 就係一次過滿足兩個願望嘅好地方🤤🤩啱哂心大心細又想食壽司又想食燒肉嘅時候🤓🥩作為牛魔王嘅見到淨係牛肉都有五種唔同部位同調味 即刻拎返一大盤返去😎😎其他嘅豬雞同魚都起碼有兩款以上嘅選擇 鐘意食辣同唔食得辣嘅人都可以照顧到👏🏻除咗燒肉都仲有唔同嘅熟食可以自取 方便唔想自己整嘅懶人或者食完一輪燒肉想轉下口味嘅我😂😂當日餐廳都有準備到一啲中式小菜 例如豉椒炒蜆 蒸魚同蒜蓉炒菜心苗 可以平衡食完一大堆燒肉嘅油膩感同熱氣🤫推介✨一口牛 孜然香辣豬肉片 金沙骨 韓風龍脷柳 豉椒炒蜆

辛苦勞動咗成個朝早就走咗去校長燒同朋友食返餐勁嘅，帶朋友係觀塘區覓食都係一個挑戰 因為放飯時間通常會好多人。不過好彩校長燒肉嘅舖面都大，所以去到之後都好快入到座。食燒肉放題最大嘅好處係可以自由選擇食啲乜同食幾多，再加上呢到係自助餐形式，所以唔會有不停落單落到忘晒嘅形嘅情況，啱哂我呢啲成日都眼寛肚窄嘅餓鬼。呢到食材嘅質素係正正常常，志在佢種類繁多，唔怕食同一款嘢食到悶。同埋有啲蔬菜可以平衡下，即食又有，拎嚟燒嘅又有～120分鐘嘅韓燒時間好充足，一個鐘其實都已經差不多飽，食埋甜品同嘢飲埋個尾就好完滿～

放題一向都係大食一族嘅恩物，今次喺朋友嘅帶領下嚟咗校長燒肉（觀塘分店）試一試佢。先講價錢，晚市五點就開始，能夠七點前離座嘅埋單可以二百內搞得掂！不過今次等埋朋友就係七點先入座，計埋加一就二百四十左右。一個時段120分鐘內面任食燒肉、刺身、壽司、炸物同甜品，包保食到飽一飽。生肉每件都大大嚿，所以如果要分享扒類嘅可能要自己返到位再處理。加上因為佢地都得可以打邊爐，所以唔拎煲嘅話打邊爐嘅話 懶人就可以將啲火鍋料拎去燒埋一份，成件事係幾有趣～重點係有平時必食嘅麻糬燒，即係中間有一層麻糬嘅丸，無諗過拎去燒又幾夾。

觀塘工業區抵食嘅小店不嬲都好多 難得開返晚市堂食 又俾為食嘅先先搵到啲又正又高性價比嘅餐廳🤩🤩重點係要滿足到肉食嘅男朋友同鐘意多花款嘅我🤓🤓🤓校長燒肉係一間全自助式嘅一站式燒肉火鍋刺身乜都齊嘅放題🤩感覺上其實就係俾二百幾就有一餐自助餐食 所有嘅食物都好新鮮 賣相唔可以話十分之靚 但抵食最重要‼️  無諗過主打燒肉嘅舖頭 佢地嘅刺身同壽司都幾不錯 瘋狂拎咗好幾次三文魚😹😹🙊加上佢地嘅甜品同飲品選擇都多 不過較多紙包飲品係無咁環保🙈🙈推薦要食下佢地勁多選擇嘅雪糕！朱古力味好濃亦唔會死甜

約朋友想食返餐豐富嘅任食放題真係無得輸🤩🤩120分鐘有超過三十款嘅生肉任揀任拎埋位到燒 仲要有埋刺身 壽司 中式點心小菜 炸物🍤🍣 不過食呢種全自助餐式嘅放題 就麻煩在每一次要離開座位都要搵個口罩嚟戴🙊🙊重點係連啤酒都係任飲 款式亦都唔係一啲平價啤酒🍻連1664 日本啤同Holegarden都有得飲🤞🏻勁抵飲 座位亦好寬鬆 一大班朋友坐都唔會好逼👍🏼👍🏼非酒精飲品都有好幾個雪櫃嘅選擇 真正嘅百貨應百客🤤味道😛 😛😛😛😛/5性價比 🤩🤩🤩🤩🤩/5推薦度 👍🏼👍🏼👍🏼👍🏼/5

🍖食物方面呢到嘅豬牛雞魚都好齊全 一去到嗰自取區就覺得多到有啲眼花撩亂 每次食少少試勻咁多款都夠晒夠肚又滿足 半自助餐形式嘅放題有齊前菜 主食 甜品 感覺上似去咗食自助餐咁🤩🤩食物嘅新鮮度同選擇都對得住嗰價錢 🤓🌸嘢飲方面除咗必定會有嘅汽水盒裝茶同啤酒之外 佢呢到竟然會有養生花茶🌸🌼 仲要係自己揀落啲乜再落熱水泡幾分鐘就可以飲得🤤佢總共二十款嘅材料 最多揀三種🤓今次揀咗金邊玫瑰加菊花 下火又可以養顏嘅最佳combo💓如果有啲組合嘅例子就好🙈一開頭有少少唔知點夾啲材料😹

最近係OpenRice 見到呢間餐廳，見咁多十好平以為質素唔錯啦，點知真係幾失望款式係幾幾多既，但味道同食材品質真係差本身見價錢幾平都預咗材料唔會有幾好但估唔到會咁差，所有食物都偏鹹，d肉太硬啦但服務係唔錯既，燒烤個爐會有類似係牛油紙既墊住，會定時幫客人更換。不過下次應該唔會再去，因為野食真係好鹹咁既價錢，出去其他地方食，都有唔錯既享受

同朋友聚會食飯 唔想諗食乜嘢 一定係揀食放題✨呢一間喺觀塘嘅校長燒肉店 價錢非常之抵食🤑食物嘅種類都好豐富🤩有豬🐷雞🐔牛🐮羊🐏海鮮🦑🐟腸仔、蔬菜🥬每一款肉都有唔同嘅調味 唔洗自己再加醬汁😎當然食物唔會係超級高質 但係每位都係$200左右 真係相當之唔錯😝我同朋友每一款野都拎咗啲嚟試 食完都真係可以飽足全日 第二日都真係唔食食野！！最推介就係黑椒牛扒、豬梅肉片同蒜蓉雞扒🤤牛扒唔會好鞋 黑椒味好香 好惹味！蒜蓉雞扒大大塊超厚肉 仲好入味 蒜香十足🧄豬梅肉片口感都好嫩滑 冇騷味💓朋友仲燒左好多紅腸嚟食🤣🤣🤣

餐廳🤤: 校長燒肉日韓料理 (觀塘廣場)燒肉好多時食到中段都食到有啲濟 始終好多時燒嘅都係一啲油脂含量較高嘅肉類～校長燒肉作為一間提供多國料理嘅放題餐廳 絕對可能一補充返呢一個問題🤓 因為可以自己不停去拎唔同嘅食物 不停俾自己嘅味蕾有啲新鮮感 順便又行下消化下🤫🤫覺得餐廳都幾有心地分咗唔同嘅區域 仲用唔同嘅燈牌去標示住係咩風格嘅食物 靚得嚟亦會好清晰咁分好類 有少少行夜市揀嘢食嘅感覺👍🏼👍🏼熱食亦都會有燈去照住或者有保溫嘅盤裝住 唔會放到凍晒回頭率😎 4.5分/5分 有太多唔同嘅嘢食因為今次太飽試唔到🙊🙊下次要去試返🤞🏻🤞🏻

平時好怕燒到塊鐵黑哂會食到啲化學物質，校長燒肉利用紙上燒嘅方式處理，可以確保到衛生啲唔會食到奇怪嘢之餘，換嘅時候亦唔洗搞到好大陣仗～用嚟燒一啲比較薄嘅肉，例如豬五花片或者肥牛片都唔會驚一下子太快燒燶咗，又可以吸返少少嘅油，減低食燒肉嘅罪惡感。燒烤除咗肉類之外，都好建議燒下一啲菇同瓜，燒完肉再燒佢地會特別香口，別有一番風味！餐廳亦都有預先用錫紙裝好嘅牛油栗米同金菇，就咁放落嗰爐到就得唔洗自己再處理。除咗燒肉之外，女仔嘅一餐又點少得甜品！佢呢到有劃分到一個甜品區，有齊細細地嘅迷你杯裝甜品，亦有好多種類嘅雪糕可以揀，滿足晒我嘅甜品胃！❤️

開返堂食之後 最想食返嘅其中一樣嘢就係燒肉❤️始終都喺餐廳到燒同係屋企自己整係有差別嘅😂😂校長燒肉有好幾間分店 今次去咗觀塘分店 環境都幾靚 仲有啲個人好鐘意復古嘢🕰職員都好快手同熟練～喺食物上就係自己去出好似自助餐咁拎嘅 肉類嘅選擇都有接近二十種 仲有啲預先調好味嘅🤩咖哩雞軟骨粒同牛肩胛肉必食🤤🤤其他可以燒嘅配菜多到有選擇困難😂😂😂重點係有菠蘿🍍🍍食燒烤又點少得燒菠蘿除咗要自己燒嘅嘢食之外 餐廳都有一啲熟食提供🤘🏻都係以自助嘅形式去拎 方便餓鬼可以食住燒😈幸運嘅仲可以拎到啱啱拎出嚟嘅炸雞 仲係酥脆熱熱地！

嗰日同朋友做完gym 攰到傻🏋🏻🏋🏻‍♂️決定要嚟番個cheat meal 補一補番啲蛋白質～～同脂肪😈於是就揀左價錢都幾平嘅日韓料理燒肉放題👅呢到完全就係食肉獸嘅天堂 一入到去就見到滿滿嘅肉😍😍有啲係醃好晒味嘅 有啲就冇調味 任君選擇～～冇調味嘅推介羊扒同豬肉片🐏🐷兩款都冇肉嘅騷味 肉質嫩滑 燒完都唔會好鞋！好少見會有羊食 而且仲要係羊扒 幾抵食🤑調左味嘅推介：孜然香辣豬腩片、蒜香雞扒、土匪雞翼、香辣豬頸肉 全部都非常之入味！豬腩片同豬頸肉兩款都唔算好肥 辣辣地 超惹味🌶平時食譚仔食大土匪都要幾十蚊 呢到可以任食 爽😌

呢一間校長燒肉店～之前成日中學嘅時候 都會去佢哋嘅荃灣分店度同朋友食野😋真係充滿回憶啊！！嗰次約班中學同學去聚會 就試吓佢哋嘅觀塘分店😎價錢依然好抵！！食物種類都勁多 好豐富 真係想食咩嘅都有✨呢度嘅環境都好有特色😆有好多霓虹燈來做裝飾 估唔到食燒肉放題都可以打卡😌仲有一個牌係寫住「我是校草」朋友真係個個都爭住嚟打卡🤣食物方面 有幾款肉類都推介🤩估唔到呢度有土匪雞翼 唔使去譚仔都食到～竟然仲有香辣豬頸肉、叉燒同雞腎片 都幾特別 唔係間間燒肉放題都有得食👍🏻我地個個都係咁食黑椒牛扒 好入味 肉質幾嫩滑都唔錯🐮

🇯🇵日本菜嘅代表大部分都係壽司同刺身 款式嘅量有二十樣以上😂😂應有盡有😎大部分常見魚生同壽司卷都一應俱全 魚生嘅新鮮程度不錯 都keep住有人fill返啲俾人拎咗嘅熱門刺身同壽司 例如係個個都虎視眈眈嘅三文魚同蝦🐟🦐🇰🇷韓式燒烤嘅代表係多到數唔到嘅燒烤食材任君選擇🤘🏻正路嘅豬牛羊雞都有分部位同口味 又係可以吸收大量蛋白質🤤🤤雞翼雖然需時耐啲 但好入味要試🤘🏻🇭🇰在場都仲有一啲即食嘅炸物party food 例如麥樂雞 咖哩角同春卷😂😂雖然唔係即炸即食都係爭少少 但係拎嚟過下口癮都不錯～