校長燒肉日韓料理 (沙咀道) (已結業)

不知所謂，服務態度極差，我不是第一次去的，開始都可以接受，食物，環境雖然一般，但可以接受，但今次亦都係最後一次，以後我都唔會再去，當時二小時任食，我一坐低不夠一個鐘，有服務員叫我先埋單，我哋二人收費$436，ok冇問題啦，之後比完錢不夠15分鐘，有個服務員行埋嚟話我夠鐘即時熄咗我個爐，立刻叫我唔準食，要我即刻走，我覺得佢係味痴線架，第一我未夠鐘，第二就算夠鐘都唔係咁架嘛，太冇禮貌啦，太離譜啦，不知所謂，以後都唔會再去。

約一年前到過校長燒肉印象不錯，這天再次到訪，一解想吃放題燒肉和火鍋的口癮。刺身每次可選三款，當中三文魚刺身很新鮮，肉質鮮美且油份濃郁。餐廳會先送來一碟配料，有牛肉，豬五花肉和蠔。這幾片牛肉非常高質，肉味濃容易咬開。烤至兩邊微焦，七成熟最美味。豬五花肉肥瘦適中，肉嫩而且多汁。把蠔放進火鍋湯裡灼一會就可以吃。蠔不算大隻，但肉質飽滿，每粒都脹卜卜的，蠔味也頗為濃郁。最能滿足食慾的還是這個超長自助區域，各款肉食蔬果任君選擇。三文魚骨沒有腥味，肉質嫩滑，醃料與魚肉很配合，進食時要小心魚骨。叉燒醃得入味，醬汁惹味不會太鹹，肉質鬆化，油脂分布均勻，吃多也不覺得膩。雞翼選了四款不同味道，當中黑椒雞翼帶微辣，香口非常，能大大刺激味蕾。香茅雞翼煎香後鮮嫩可口，每口都帶有香茅的清香味。蒜蓉牛油粟米和雜菇以鍚紙盤盛載，方便進食。加一點牛油便能提升粟米的甜度，配搭簡單又好吃。最喜歡校長燒肉的乳酪雪糕，乳酪味濃，入口酸酸甜甜的，飯後用來解膩氣最好不過。

第一次幫襯：(滿分為5個手指公）*環境：有主題裝修，檯距離適中抽風幾好，衣服唔會一大陣味目測周圍乾淨，地下唔會痴立立*味道：款式係幾多樣，燒肉、邊爐、湯品、甜品，個別肉類就濃味左D*價錢：抗疫優惠黎論係抵，平均$138一個人，若然係正價都唔算貴呀*服務：負分 （適用個別阿姐）阿姐們早左差唔多兩分鐘黎話截單收檯，心諗早左既，但見差唔多時間都準備走，埋尾見口渴拎野飲，返黎阿姐見到超大聲咁鬧：《總之我講左截單，你拎野飲就係你唔岩啦》 其實大家可以好好講既，你又早左黎收檯，開左都會飲埋唔會拎走，好似同你有血海深仇咁鬧，都無癮再黎lu！其實避開個別員工，整體感覺都唔錯，建議大家較好個1小時55分既鬧鐘，一響就好停手又停口喇！公平D所以評OK!

女友投訴, 話近日無點同佢出街食飯, 係屋企玩煮飯仔玩到悶, 要出街食! (其實玩煮飯仔從來只係得我, 由我煮, 佢只係玩食飯仔!)諗諗吓又好似係喎....無計啦, 近期多咗客仔想知前途問津, 搵我食飯希望我講解兩句, 咁...... 唔通唔幫人咩....咁我問佢想食咩, 佢話要去荃灣校長, 因為上次我同個客去校長無帶佢去, 又聽到我話校長唔錯, 所以今次要帶佢去校長!原來..... 我成半年前講過嘅說話, 女朋友記仇記到今時今日..... (+_+:同上次一樣，只係玩韓燒，無玩火鍋，單係食熱食同韓燒已經頂哂肚，今次熱食重有炒蜆添！我好怕炒蜆有沙，今次炒蜆無無沙嘅，滿意.每位客仔都會送生蠔一份，雖然係送贈但份量唔細質量唔差，生蠔燒過之后都好嫩滑.韓燒嘅選擇不少，今次重點燒魷魚鬚，好好彩無燒到韌.上一次幫襯校長, 排哂隊等入埸, 今次疫情之下再去幫襯, 人客明顯減少, 好嘅餐廳希望頂得住過到哩關啦!

🅔🅐🅣! 🅓🅡🅘🅝🅚! 🅙🅞🅨!又是食到飽的放題時間😍雖然我真的很怕肥，又怕食太多🙈但偶爾和他拍拖食飯也會選放題🤣讓他可以放任食一下😆滿足一下肚皮🥩這家日韓料理很多食物選擇，除了基本燒肉，更可以同時火鍋😍滿足我們火鍋控🥬🥦🥕🥩可以燒肉同時火鍋，即使一大班朋友來也可任均選擇，滿足大家肚皮⭐️最重要係份量好多！ 大胃王都岩晒呀！📍校長燒肉日韓料理：荃灣沙咀道298號翡翠廣場2樓

講起校長燒肉，大家都會諗起佢既午市同晚市燒烤加自助餐放題，我同屋企人都食過晚市放題兩次，不過感覺都係一般啦，價錢亦唔算特別平。不過除咗平時放題外，我哋好多時反而食早餐！大家可能唔知，之前我哋一直都發現到原來校長燒肉的早餐係有推出優惠，「買第二份半價的優惠！」所以我都發覺唔少人堂食一份，再外賣一份走。校長燒肉的早餐選擇有好多，可以揀雙拼牛角包三文治做主打再加$8配迷你粉或者麥皮。雙拼牛角包三文治我食過都唔錯，不過性價比唔算好高有啲客人就會揀豬骨湯拉面餐食，不過我自己就比較鍾意食碗粉，所以都係揀以下配搭。豬骨湯 / 蕃茄湯 火腿螺絲粉早餐 + 蒜香多士，再自選多一款材料，好似有午餐肉、炒蛋、腸仔、漢堡扒咁，我多數會同媽咪Share材料，咁就大家都有兩款可以吃。其實我以前多數會叫蕃茄湯，只係有小朋友食蕃茄會好易食到周圍係，所以整整下都變咗叫豬骨湯多。我哋叫上面個款早餐，每位$34，再用埋第二份早餐半價優惠，變相就平好多。基本上我哋格過價係附近都無咩邊間平過依度的早餐。再加上朝頭早嚟食，其實都坐得好舒服，側邊有窗的位，更加方便帶小朋友嚟食，起碼有車望下，唔會扭咁多計添！

和朋友行完山想食韓燒補充下。揀左校長，因為有好多好評，去到都見到有好多選擇，食落口先知，唔新鮮，有異味或者係酸既，掉左仲多過擺落口既，心諗有冇浪費時間啲。醃既又唔入味，唉⋯⋯兩個鐘後，現場既客得10枱左右，冇人排隊，侍應都請我地離開，話時間到，規定冇得改。即使我地話冇人可唔可以坐耐啲，都話唔得，又會話倒晒啲野。我心諗，真係折墮呀！咁既價錢，咁既質素，不可再。元朗間都係咁差，唔知點解咁多好評⋯⋯一啲都感受唔到。不過有送酒精噴霧。

老友話近排好少出街用膳，好想出去大吃大喝一餐，見你叫到，就放肆一晚吧餐廳喺二樓，地下已經有劃位哥哥先同我哋探熱，確保冇發燒先可以上樓，上到二樓又有酒精搓手液，真細心呢度地方好大，空間感十足，又有卡位望街景，唔怕迫迫夾夾，唔使驚隔離枱聽到你講乜嘢果啲。呢度擺明係食燒肉，但係仲有多種選擇， 火鍋，熟食，炸物，魚生，沙律甜品，湯等等，多到你唔信成行燒肉同火鍋食材，非常壯觀，燒肉品種多到不得了，基本嘅豬，牛，雞，魚，每種肉類都有唔同醃法，就好似牛已經有韓式大醬，味醃，紅酒，黑椒等等。每樣都醃得好入味，而我最愛土匪雞翼，韓式三文魚骨，香草龍俐柳魚生係去到師傅切畀你，相對衛生，淺嚐幾件，新鮮甜美。還有火鍋，自己出去拎個煲仔，加入火鍋湯 (有豬骨湯底同壽喜燒湯底供選擇)，返埋位就可以打邊爐呢度飲品選擇超多，冷熱飲品任君選擇， 熱飲部有奶茶，中國茶葉，同熱檸茶。冷飲部有不同飲品，汔水，啤酒，仲有熱維他奶呀食得飽飽都係每人$198(未計加一)，食足兩個鐘 ，最後食返個雪糕，大家都好滿足

相比起舊舖西菁街嘅校長燒肉，呢間新鋪佔地同食物種類都優勝幾倍。裝修方面都係今年大熱既工業風，裝飾同配色都係七彩繽紛 🌈 話就係燒肉店，其實係中西日韓Fusion，set到好似酒店國際自助餐咁有不同Zone飲品區x花茶區🌼飲品櫃就如平日放題一樣種類多。最欣賞佢有十多種花茶葉供大家自行泡飲，茉莉花加胎菊 清熱又消滯壽司刺身區🍣真係好似酒店咁會有師傅即刻切刺身，感覺比較衞生。雖然唔係厚切，但係新鮮既！壽司同樣一口食完，唔洗擔心食得多飯會試唔到其他野。肉類有一部分醃製左既肉for 燒既，基本上平日去BBQ見到既肉類呢到都有，雞翼都醃有三款唔同味。如果擔心燒肉太咸，亦有非醃肉可shabu shabu，揀左壽喜燒湯底 甜甜地又可以碌蔬菜🥬亞洲薈萃x中式佳餚呢個區域都有不同熟食，燒雞全翼大大隻好吸睛，可以拎番完再係鐵板上烘兩烘先食。中菜方面仲有一籠籠即蒸點心都好受歡迎！甜品區有幾排不同既糕點，但較受歡迎既都係杯裝雪糕。餐廳提供CocoBerry牌，今次揀左沖繩海鹽味🧂咸咸地 比平時大路既味道特別！

校長燒肉．抵食種類多今日係朋友生日，佢又住荃灣區，所以揀左呢間區內幾受歡迎的燒肉放題慶生我地係食5點鐘個場，未夠5點樓下已經有成十幾個人的人龍果然真係區內受歡迎。其實我朋友已經食過，我就第一次。欣賞佢地做法係會在爐上鋪牛油紙，仲會定時幫客人換，幾方便。。呢到地方都好大，以學校課室為主題食物種類極多！真係好岩大胃王黎食！燒肉種類多達30款以上，仲有邊爐配料、熟食、魚生、沙律、湯、小食及甜品。咁多野，究竟食得邊樣？。不過大家想食雪糕的話就要留意要食19:15個場啦。因為雪糕會在19:30先開始供應，今次我呢場無食到😊但已經好飽好滿足！。覺得好岩一家大細黎食呀！最後推薦大家燒鴨胸同蕃薯仔！好甜好好食！

很久沒有吃韓燒， 雖然已是第二次來光顧 ，但仍然有一種新鮮感 ，熱盤和上次有所不同， 飲品款式亦好像多了。至於食物質素則仍然維持不高水平。喜愛吃韓燒的朋友不妨來一試。我喜歡這兒的自助區， 清潔衛生，愛吃甚麼肉類便自取，不時有 工作人員前來清潔及加添， 讓人放心食用 。除了燒烤外， 還可吃火鍋 。火鍋食材亦不遜色， 肥牛當然不能缺少，質素亦很高。 至於甜品方面，款式很多， 而且有我最喜歡的韓國牌子雪條，我忍不住吃了兩條呢 !至於飲品方面，不但有酒精飲品供應，更有各款類型的飲品，任君選擇 。整體而言，這裏性價比很高， 既可吃韓燒，又可滿足喜歡打邊爐的朋友， 確實是不錯的選擇。

在烽煙四起，病毒瀰漫的一個黃昏，我和朋友走進荃灣的校長燒肉。然而個多月已沒有外出用膳的我，來到門口，口水已經急不及待失控地外流。坐下來，發現地方相當寬敞，再加上人流不多，在鬧市中實在難得。剛坐下，我便有一股衝動想立即走出去拿食物，但朋友說：「不急，有兩小時呀！」有甚麼可食呢？豬，牛，雞，魚，肉 丸等一應俱全，真令我食慾大振。於是各樣取了一些，回到位子上，原來爐已開了，上面還放了油紙，不怕黐底呀！一面煎，一面聊，一面吃，時間真如箭般飛逝，加上酒水任飲，已經飲飽食醉了！但是，還有.......當然是最後的----雪糕，一大球的加上脆皮，在已經沒有空位的肚子還真能夠擠出一點空間來。多暢快的晚上，多久沒有的飽足，真是樂以忘憂呢！

💛💛💛黃店推介💛💛💛今日又係同朋友行完山，落山一齊去刷餐勁😋之前食過一次元朗嗰間校長燒肉，今次黎到荃灣呢間食過翻尋味😋一上到去就見到誕夾公仔機，幾得意喎🤣之後店員會幫我哋消毒雙手同探熱先可以入去。荃灣呢間位置比較方便，啱曬我哋8個咁多人一齊食，我哋坐一個卡位，分開咗兩張喺隔離嘅枱，有兩個爐。燒烤紙都係可以換無限次嘅～呢間餐廳都算大，佢有兩個熟食區，分別係炸嘢同其他。炸嘢有6種（我影嗰時得返好少🤢）其他都有6-7種，例如咖哩薯仔、燒賣等等，仲有啲湯... ...行完山咁口渴緊係要拎嘢飲🤤呢度竟然有六個大雪櫃裝嘢飲咁多，啱曬我哋！無糖茶、有糖嘅茶（例如蜜桃茶等）、朱古力、汔水、含酒精飲品都有，任君選擇🤭沙律都有好多款，我食咗中華沙律同泡菜，但就覺得泡菜略為咸咗啲。之後就係醬嘅區域，醬嘅種類唔算多，都係6種，佢嘥山醬汁兜係有三格嘅，我揀咗燒肉汁、胡麻醬、辣醬，三種都唔錯😋最呢人期待嘅當然係燒肉區，呢度嘅肉唔係高級咖啦，但勝在有好多款！豬牛雞、唔同部位、唔同味道都有，燒嘅時候或者燒完仲可以加胡椒同鹽😋我個人好鍾意嘅龍脷柳同魷魚呢度都有。肉類我最鍾意就係咖嘢雞排同牛粒啦😋食飽咗之後緊係要整返個甜

店員有d阿姐服務態度極差！我地只不過時間超左五分鐘佢就係客人背後講人壞話！啱啱好比我聽到！我地問佢我地d野食仲未食完點算，佢就直接揼咗啲紙巾入個爐度，仲要未經過我地同意就收左我地d野！我地知道超左鐘之後已經開始執野走！佢仲要咬住我地唔放，係咁話我地！其實之前佢收我地錢果陣時，問佢幾多錢佢又講唔清楚，講左兩次唔同嘅價錢，我地問多次究竟幾多錢，佢就直接懟本薄係我地面前！個樣仲要好燥，好唔憤氣！我地已經唔理佢！估唔到佢變本加厲！間鋪係好食嘅！就係因為呢d員工搞到客人冇曬心情！

爸爸生日指定要食燒肉放題，當然一早做定功課，見呢間燒肉店有唔少好評，一星期前訂定位，打算一行八人嚟食餐勁。餐廳係樓上鋪，佔地面積大，但枱數非常多，座位之間空間感不足，我哋六大兩小更被安排坐六人卡位，非常逼夾，而且由於係自助形式，每次出去拎食物都好唔方便。刺身有三文魚腩，唔錯，其他刺身就中規中矩。爐上墊有牛油紙冇咁易燶，爐具開咗好耐都唔熱，向職員查詢，但拋下一句「嗰邊有粒掣噠多次就得」就行咗去，噠多次都唔得，結果我哋自己重複試咗一陣先成功⋯⋯肉類選擇多，但質素參差，部份更加係色澤暗紅，仲有陣雪味，感覺唔新鮮。廣島蠔雖然尺寸唔細，但帶有少少腥味，唔係人人接受到。食咗一陣燒肉之後大家已經轉戰熟食。咖哩蟹啖啖肉，但咖哩味欠奉，個芡一舊舊，感覺麻麻。炸物算係最正常，特別係炸雞翼，加上白芝麻，食落幾香口。炸鵪鶉蛋冇味，感覺有少少中伏⋯⋯火鍋俾人感覺最安心，由於對肉類嘅質素失望，我哋主要都係食菇蔬為主，湯底係一般嘅上湯，不過不失。最後以乳酪雪糕作結，雖然比較稀好快溶，但比較燒肉嘅質素已經令人安慰。餐廳價錢雖然唔貴，但無論環境、食物質素定服務都認真掹車邊，實在好難回頭，下次都係寧願俾貴少少搵間好啲⋯⋯