校長燒肉日韓料理 (沙咀道) (已結業)

每次經過沙咀道都會見到長長人龍，排隊上二樓校長燒肉；今天我哋早有準備，網上訂好枱準時19:30派飛入場，預備食過痛快！入店前店員細心為客人量體溫，並逐個帶客人到枱，安排十分週到。先去飲品柜，維他道地、韓式飲品、啤酒一應俱全，且還有清酒，個人推薦：OKF Grape Drink with Pulp. 葡萄飲品。前菜區有沙律、炸雞，咖哩角、日式螺肉、中華沙律多不勝數！吃了幾味熱身菜，準備往燒肉區進發！目測肉類多達四五十款，金莎骨、多春魚、魷魚鬚、龍利柳等少見的食材也有供應，而且食物也在常滿狀態！推薦：雞軟骨、小甜薯、水牛城雞翼、同埋柚子豬扒！仲有，在燒肉旁邊的角落裏，還有自助火鍋料提供，湯底有三種選擇，壽喜燒味道不錯，魚皮響鈴更不在話下！另外，刺身亦有三文魚腩同帶子等貴價食材選擇，星期一至五晚市每位$198+1，絕對物超所值！！！

這間位於荃灣的燒肉店長期都座無虛席，食物種類也非常多，但價錢卻是非常大眾化的，顧客需先量度體溫及以搓手液清潔才能進店。餐廳走特色工業風路線，裝修頗有風格。每位入場顧客也會奉送生蠔，韓燒區的食物種類多得太驚人了，基本上你想吃的也搵到，有三文魚骨、金莎骨、秘製叉燒，豬扒等各式扒類，火鍋區也提供了魷魚、各式丸類、帶子等等，餐廳更設有刺身區，有三文魚腩、希靈魚、泰式生蝦等等，師傅會即場切割，刺身也非常新鮮。沙律及甜品區應有盡有，連雪條也有8種不同口味。若太肚餓可先試試熱食，當日提供了咖喱魚蛋，豆豉鯪魚油麥菜等家常菜，都好好味呀！而我最驚嘆的卻是飲品種類太多太多啦，連酒類都有5款，另外更有Apple Cider梅酒及清酒任飲，太有誠意啦！

今日同屋企黎食燒肉慶祝見之前啲朋友話依間平平地又多野食就試下卜左7:15，7點就已經開始多人 由於太多人 我地都係行樓梯上去 上邊都幾大，係以前扒王之王既地方 成層都係佢熟食生肉野飲都算種類多食食下仲有碟蠔+牛+豬送左比我地雖然我唔食生蠔... 但屋企人都話幾正！牛肉就普通味啦 不過樣樣都任你拎雞反而好食啲佢有舊類似魚蛋咁既年糕又幾好食🤤依到啲爐有個特別之處 就係佢地用張紙放上上邊 每次換既都係紙 相對較方便 不過盡量唔好就咁放啲肉係個爐到啦～～～

元朗校長燒肉食過幾次，終於有機會到荃灣分店吃上一趟。餐廳以不同時段區分，未到指定時間已經排了一條長龍，到前台拎票後很快就可入座。餐廳分為多個區域，包括刺身區、急凍材料、沙律蔬菜、熟食、甜品、飲料區等。上桌後店家即送上精選拼盤，除了豬腩肉，更附上生蠔及牛肉，每件新鮮精緻，油脂豐富。刺身選擇較多，足足有十二款，必點三文魚腩、帶子、希靈魚等。三文魚腩厚身肥美，肉質飽滿富彈性，口感油潤香滑，越咬越香。湯品推薦黃薑斑蘭薏米水，薑味香濃辛辣卻不嗆喉，口感柔順，排水排毒無負擔。凍肉櫃選擇很多，建議大家按照自己食量提取，環保別浪費食物。總括來說，地方闊落，食物選擇多，是朋友聚餐的好地方。

前一日打去book位係一個較中性嘅聲音聽嘅電話，態度極之唔耐煩，講唔清楚叫佢講多次就鬧人咁嘅語氣重復多次，跟住第二日係樓下等緊入去，個時等緊開店，佢哋冇講唔可以上去住，然後接待處嘅職員金色頭髮中性打扮）用極惡劣嘅態度叫我哋排隊，仲講到我哋想打尖咁(聽聲應該係同聽電話嘅係同一個人)，本來諗住朋友生日開心食餐飯，點知未食就好似俾人鬧完咁冇曬心情。上到去，食物質素一般，款式又普通，刺身個時個女員工係到煲劇，又係態度差到死，刺身食完就咁丟出嚟，三文魚多筋，刺身蝦又臭。未食完未夠鐘就趕人走，中將抹枱毛巾係我哋未走嘅情況下放喺我哋枱度，又唔係唔走，洗唔洗咁樣嘅服務。唔係黃店啲人就要幫襯你，服務咁差絕對唔會再幫襯。

上網揾依間係黃店，以為會有翻啲水準。點解當我去打電話book枱嘅時候，竟被粗俗對待，自問自己態度和藹，普冇任何粗魯語氣，點知對方唔耐煩咁回答我嘅問題，仲要帶啲鬧人嘅語氣。咁都算，我當你繁忙時間，所以體諒你地。當我去到攞飛，自問無知唔知要排隊所以㩒𨋢諗住上去，點知有個tb員工態度惡劣咁問我哋咩事，叫我哋排隊，態度十大差，咁我哋都冇講咩，咪講聲唔好意思之後去排隊。當時都唔係好多人，啱啱落完場開鋪，絕對唔係因為繁忙時間而導致態度惡劣，當時仲見到佢冇野做企係到，係本身依間野對客嘅態度就係咁。以上嘅態度問題真係令我好懷疑呢一間野嘅質素。到食嘢嘅時候，大部分冇問題，食物方面普通，未算得上質素好，到拎刺生嘅時候，簡直係最荒謬嘅事，嗰位切刺生嘅師傅竟然係到睇電話煲劇，仲催我哋話「要咩要咩」，期間仲要眼睛一直望住部電話，啲刺身仲要一堆放喺出邊，衛生程度可以話低，咁都算，拎完碟刺身，因為我哋人多，客客氣氣問佢佢可唔可以比多少少，唔知佢隨手就拎咗一堆就咁抌喺上面，簡直不知所謂。食物已經質素唔係話好，點知原來態度更加差，我哋有蛋糕食問佢有冇刀，有個職員竟然同我哋講依個時段冇刀，我哋真係一頭霧水。總括而言，依家

校長的元朗店就常常去吃了，荃灣店倒是第一次，是晚約了荃灣工作的舊同事聚聚，就選個近一點的地點。預先book了枱，但門口還是要排隊等待入場，長長的人龍真誇張。燒爐用牛油紙這款，現在換紙不用加錢了，店員會主動換紙，換得蠻密的。每一枱入座都會送的小併盤，有五花腩，牛小排同蠔，蠔意外地鮮味呢，有驚喜啊。燒肉未熟就先食點炸物，有雞軟骨，麥樂雞，咖喱角，薯角等大路野，最特別係旁邊呢條串燒，竟然係炸鵪鶉蛋，幾好味，食左三串，哈哈。刺身雖然賣相一般，但很新鮮，每次出去只能攞三款，是晚唔多人攞，完全不用排隊就有刺身食了。燒肉外仲有呢啲，蒜蓉雜菇好味。個爐幾好火，好快就熟，密密燒密密食，哈哈。仲有得打邊爐，有三款湯底，壽喜燒，豬骨湯同麻辣湯，我地揀左豬骨，淥下肥牛幾正，食得燒肉多濕濕咀嘛。肉太多可以食番啲沙律中和下，沙律菜新鮮，無變黑亦無軟趴趴。最後梗係唔少得甜品，非常多款！啫喱，奶凍，蛋糕仔，軟雪糕機，同大量不同款嘅雪糕雪條，呢條黑糖珍珠奶茶雪條好好好好味，不禁要食多條，哈哈。飲品亦是非常多，紙包，罐裝，涼茶機，咖啡機，花茶等，仲有不少酒精類，太多數唔完亦試不完，哈哈，呢罐韓國牛蒡茶都係無糖的，想飲凍又

每次經過校長燒肉樓下都見好多人排隊, 開業咁耐都未食過, 想著趁而家少人到餐廳食飯就去試下, 點知7點15分時段都係好多人, 所以記得訂位.環境好大, 全部卡位, 坐得舒服. 食物自助BAR好闊落, 所以大家一開始出去取食物都唔會太迫.每枱都送既牛脊肉, 五花腩同生蠔, 牛脊肉幾厚, 入口特別有口感. 生蠔夠漲卜卜, 新鮮無腥味. 刺身有差不多十幾款選擇, 每人每次限選三款, 三文腩夠肥美, 魚脂好豐富, 帶子同蟹棒夠鮮甜軟嫩.其他各類唔同既肉食, 豬腩片, 肥牛, 西冷牛扒, 牛柳粒, 雞腎等, 款式好多, 而且有不同味道, 每款肉食份量十足, 燒完仲保持到肉汁, 有肉鮮味.除左燒肉之外, 呢度仲可以打邊爐, 響自助BAR取爐同湯, 細細鍋淥下蔬菜, 確係唔錯, 一個價錢有兩款食法, 120分鐘無停過.

120分鐘搶食世界攻略， 晚上7:00已經到達現場，現場已經有70至80人在排隊中，入場前職員會為我哋量體溫，才能進入。7:15開始進入場地，行樓梯上2樓，同一時間70至80人一同步行上2樓，何其壯觀，就這樣嘅過程，都花了10分鐘。取座位後，即到各區食物的分流地方取食物，試諗諗， 70至80人到達現場，心態和我們一樣，所以個人一齊取食物，場面10分震撼。壽司區每人只能夠拿取三款食物，到達已經10多人在等候取食物，但都花了5分鐘。再到飲品區，飲品選擇多，但不及中午的時間，中午有麥精飲用，但發現晚上沒有。中午時間比較平，款式比較多，人流小，價錢更平。肉類區大部份的人都集中在此處，等佢食，取食物需要花上15分鐘，因為大排長龍啊，地方太狹窄，店員出入不能通過走廊。看燒食物選擇唔多，碟太細取食物不能太多，時間有限，根本無法品嚐到各款美食。韓燒食物需要花時間，大家爭取時間品嚐前菜，錢財不錯，有數款小食。當進食到還有45分鐘，店員走來叫先付款， OK冇問題。再到8:55分店員走廊提醒還有20分鐘要離開，再過15分鐘，店員提醒還有5分鐘一定要離開，都9:15店員再通知一定要離開。店員開始清場， 120

我和朋友「守行為」已經有半年！一直只係線上聊天，今晚一於解除束縛，出去食過痛快。我們揀選了荃湾校長燒肉，餐廳內有日式刺身、燒肉放題、火鍋和各種小食，滿足我們不同口味嘅需要😁。餐廳先送我們一小拼盤，當中包括五花腩肉@薄切、靚牛肉和肥美生蠔。五花腩肉薄身很快燒到甘香，入口香脆而且不膩，牛肉味濃👍🏻。刺身三文魚、甜蝦刺身，款款新鮮，當中最為欣賞三文魚刺身，肉質鮮美，而且分量十足（厚切）。👍🏻正式我們今晚的校長燒肉😋😋走到自助區域，多款肉類，以不同醃製方式任君選擇！看到雞翼已經有四款不同醃製，更有蔬菜、果類。各款各樣汽水、啤酒、果汁、沙律吧，熟食小吃、一應俱全。蒜蓉、咖喱醃的雞翼非常入味，肉質鬆化，不會有雪藏味道！黑椒雞翼帶微辣、香茅雞翼更是我的最愛🥰，鮮嫩多汁，吃多多也不會停！朋友一次過取回多款不同肉食，他真真正正是一位食肉獸😀。雖然已經飲飽食醉，但也必須啟動我們的第二個胃，好好欣賞一下校長燒肉的乳酪雪糕、蜜瓜味雪糕🍦、杯裝雪糕和雪條，我唔客氣啦！☺️☺️半年來未試過食到咁滿足！

燒肉放題係潮流，只有增加冇減少，今日去荃灣食E間校長燒肉放題，地點方便，地方超級大，嘢食種類多，生，熟，飲品全部俱全。一開始食下啲魚生刺身，三文魚腩，蟹柳，玉子係我每次都會食。三文魚腩見到都肥美，入口好彈牙，好鮮甜。炸物有春卷，咖喱角，麥樂雞：全部都啱啱炸起，即刻拎出嚟仍然鬆脆熱辣辣，送啤酒一流。每次食燒肉放題我都會食豬頸肉先，因為肉質夠肥美，啖啖肉，果然冇令我失望。燒到乾身免頭係會好脆。食五花腩都唔可以缺少，只要煎到熟，然後返塊生菜連少少kimchi食都係韓國人嘅食法。廣島蠔一啲都吾腥，非常之新鮮，大細適中。最後梗係食返支雪條。如果大家想去食記得訂位，因為長期都多人，我個人意見一班人去會好啲，因為可以食到好多唔同嘅嘢。

之前食過元朗分店試埋荃灣，10點去到直接可以入座，可能夜所以冇刺身，不過唔緊要都係想燒肉肉類熟食飲品甜品選擇冇元朗多(都係同時段食)應該因為元朗面積大，但呢度火鍋料好似多d~蟲草花都有牛柳一口牛豬五花豬頸肉魷魚鬚最好食蒜蓉金菇同粟米燒完好香，同時打邊爐食下菜，最後食埋乳酪夠哂滿足~不過個半鐘有d趕，下次早d黎埋單都係148+1，平時宵夜打邊爐都唔止呢個價，仲有得燒肉。有一樣覺得幾好，11點埋單後直到11點半職員先黎話要關門中途冇催過，當然我地都係即時交枱~

之前已試過元朗的，今次經過荃灣，價格合理環境又舒適，便再一次光顧！🤗🤗疫情期間，餐廳的熟食，小食，火鍋燒烤食品都會有蓋住，衛生程度使人吃得放心。😝先看燒烤類，雞翼有土匪口味燒烤味，創意加分！豬頸肉亦有特別泰式風味，檸檬香草味道挺開胃，魚類非常新鮮，輕輕燒過表面就能吃，額外送了一份生蠔，肥美肉厚，只需輕輕一燒便可吃。還有選擇挺多的丸類仼均選擇！😍不得不提今次被餃子吸引，其中一款雞軟骨餃子，燒到表面像鍋貼一樣，肉汁保留在薄皮內！🤤熟食類方面，有香脆小食炸物，咖哩角和脆雞粒熱呼呼又香口，值得推介炒蜆肉，微辣得來惹味，放在爐上輕輕一燒更滋味。😋飲品選擇很多，冷凍櫃好幾排，再可以沖一壺壺不同味道的茶，滿足不同人口味。😉最後不少得的甜品，有特別的榴槤味雪條，香濃非常，為呢一餐豐富既燒肉寫下完美句號！🤗

今晚很想大吃一頓，於是到了校長燒肉吃放題。餐廳都坐滿人，氣氛十足。放題除了燒肉外原來還有刺身和火鍋，我們先吃刺身，蝦，帶子和希靈魚都頗新鮮，令人對主角燒肉更有期待～到燒肉環節了，每枱都會有一碟精選拼盤包括牛肉片，豬肉片和蠔。外面排隊拿的食物種類繁多，有帆立貝和魷魚等海鮮。質素方面也一點都不遜色，肉類一併醃得很入味又沒有筋，我自己最喜歡韓式大醬牛肉，紅酒西冷和豬頸肉。餐廳服務也不錯，店員有禮，又會幫你更換爐上的吸油紙。燒肉外還不能忘記打邊爐，湯底可選豬骨湯，壽喜燒和冬蔭公，冬蔭公湯傳來陣陣香葉味，配上台灣腸，年糕魚蛋等火鍋料是出乎意料的好拼搭。外面還有熟食，炸物(有我最愛的章魚燒！)和甜品，飲品種類也不少，今次有桶裝蘋果酒就當然要嘆番一杯！

約朋友食飯，大家喜歡不同菜式，一個喜歡韓燒，另一個喜歡火鍋，這間放題餐廳一個價錢$198可以享用火鍋+韓燒放題，可以滿足大家不同喜好裝修夠闊落，好多卡位望街景，坐得舒服，視野夠廣闊最喜愛每枱都放滿不同調味料，滿足不同口味既人，啱洒我喜歡濃味既我，好細心放題擺放了很多熱盤，冷盤，各款燒肉，丸類，海鮮，火鍋配料，飲品，甜品，雪糕等等，甚至乎日式刺身都有得食，食物種類多到數不盡連支裝啤酒都可以放題任飲，太正當然有我最喜愛桃味啤酒，不太甜，又啱我酒鬼，超好飲燒肉多款選擇，最愛燒漢堡扒，豬腩肉，夠香口火鍋我喜歡煮菜類，啱喜歡食菜又愛燒肉既我最後當然甜品雪糕做總結軟雪糕都有兩款味道選擇好多放題餐廳多數只得一款種類選擇，但這間可以火鍋+韓燒兩種，只需一個價錢，滿足兩種食法，可以去邊度搵？！