校長燒肉日韓料理 (沙咀道) (已結業)

出開荃灣想食放題 就試左呢到7:15-9:15 $198/1位既燒肉放題雖然佢叫校長燒似 但實質佢仲有沙律刺身火鍋熟食甜品等刺身區都有幾款魚生選擇 仲算新鮮燒肉及火鍋料應有盡有 有雞翼 魷魚 扒類 蔬菜 菇 肥牛 丸類 麵等等一坐底waiter就會送上拼盤 有五花腩 牛肉及蠔 蠔燒完都仲係好juicy好正 肉類醃得都夠味 整體來說都OK湯底有4款 我地就試左壽喜燒 都唔錯雪糕雪條櫃有好多不同牌子同味道 仲有自助雪糕機同不同topping揀tim Overall呢到選擇基本上唔同口味既人黎到呢到都一定可以食得滿足食得飽 質素亦OK 可以一試

校長燒肉已食過幾次了 貪佢多選擇 有得燒肉 Hotpot 魚生 又有熟食同炸物魚生三文魚帶子甜蝦都算新鮮 第一Round拎既仲咁岩分配到D超肥美三文魚tim野飲有啤酒 汽水 熱維他奶 熱花茶等等自助區有多款燒烤及火鍋料 有扒有蔬菜有什丸有魚皮有麵等等不能盡錄另外同時亦有炸物及熟食區 當日有豉椒炒蜆 咖哩蟹等 回本之選 味道都幾好 炸物出面都換過幾次 有薯條 支麻雞翼 章魚丸子 春卷 咖哩角等甜品水果同樣選擇多 賣相好 有jelly有cake有ice cream有雪條 而我最中意乳酪 好好味Overall來說覺得種類多元 不論飲品 甜品 熟食 沙律 魚生定還是燒似火鍋料都有好多

跟著荃灣朋友去覓食，她說有一家可以一次過滿足齊所有願望的餐廳可以讓我這個選擇困難症患者讓期待一下~果然，這裡真的什麼都有了。。。刺身、燒肉、火鍋、熟食、甜品，應有盡有，200大洋左右的價錢，值了。話說在這裡用餐有分具體時段，未到時間的話需要在樓下排隊等候，我們訂的晚餐07:15，提早了5分鐘到，樓下已經排起了一條長龍。入座後看了一下現場，座位以卡座為主，比較舒適和有私隱度。食物有序地安放在各處，看起來整潔又吸引。餐桌上有一個大大的韓燒的烤盤，與其他韓燒店不同的是會在烤盤放一張紙，如此一來就不用經常更換烤盤，只要更換紙張就行，方便了許多。烤盤旁邊還有一個小電磁爐的位置，用來煮小火鍋，而這小火鍋的湯底則要自己去自助選擇和搬運，在一個像是大熱水爐的物體裡裝熱水般裝湯底，還蠻有趣的。用餐中間給我們送了兩次東西，一次是店家贈送的燒肉拼盤，裡面還有大大粒的生蠔，！另一次則是給我們送來了兩粒抽獎幣，可以在門口的夾公仔機裡碰碰運氣，幸運的話可以抽到最新型號電話/半價用餐等等的優惠。兩個小時燒肉和火鍋下來，只能和朋友捧著肚子離開，太滿足了~

今日約了朋友聚舊，有朋友想食燒肉，又有朋友想食火鍋，校長燒肉就可以滿足到他們。價錢實惠，我們食5:00－7:00pm的時段$98加一。環境闊落，坐得舒適。飲品種類豐富，還有酒類可以選擇。各式各樣的肉類蔬菜，任君選擇，還有甜品、小食、熟食可以自取。醬醃雞腎片薄薄一片，爽爽脆脆，魷魚鬚爽口，但略嫌沒什麽味道，泰式豬頸肉辣辣的很開胃，牛柳粒軟淋。金莎骨有肉汁，柚子豬扒薄薄的，蜜汁雞翼大大隻，味道清清甜甜，我一個人就吃了幾隻。粟米很香蒜蓉味，一杯杯的很方便。火鍋的煲和湯都是自取的，我們選了豬骨湯底，牛丸彈牙好味。

強烈推介呀，有draft beer任飲呀，出面當你$50蚊一杯，飲佢4杯即刻抵晒本來無諗住係度食，只係行過見到好多人排隊，咁就試下排，咁岩好彩有位，又唔駛諗食咩，又凍冰冰，$198 唔駛諗啦。上到去有人派左2個金幣，原來有得玩夾公仔，呢d係咪叫有得食有玩，哈哈。唔好以為任食d野會好普通，呢間野堅有誠意，多款式，乾淨，整齊，同埋有draft 啤酒，連梅酒，清酒同維他奶都有。以為得燒肉食咩，佢有個迷你煲比你打邊爐，我係打邊爐個邊狂食菜同菇，另一邊就燒牛仔骨。佢仲有d熟食同刺身，我主攻三文魚腩，有驚人表現喎，估唔到任食地方都有呢個質素2百蚊有呢個質素同選擇，出去食好過自己整，又要買又要洗又驚食唔晒。呢間校長燒肉，可以再encore

冬天總係想食D熱辣辣嘅野食，一諗就諗起火鍋或者韓燒，所以同朋友傾好之後就選擇咗韓燒+火鍋嘅校長燒肉。地點選擇咗喺荃灣嘅校長燒肉日韓料理，最先認識呢間舖頭係喺元朗，之前送朋友返屋企時見到大排長龍，好彩荃灣都有分店，唔使去到元朗咁遠。呢到最大嘅特色係除咗韓燒之外，仲可以食埋火鍋，啱哂我呢個選擇困難症嘅病人，可以有哂兩樣唔使揀！食物種類好多，又分哂區域咁，拎野食時都好方便。熟食嘅食品種類都算多，啱哂一D心急食野嘅食客。比較特別嘅係有蛋撻兜用嚟整蒜蓉牛油金菇，呢個位我覺得佢地好細心呢！燒肉嘅肉類唔會過濃，最好嘅係唔似得舊或嘅韓燒舖落到好重味精。食完主菜當然係好多女士&小朋友都鍾意嘅甜品，款式好多又好味😋埋單$436

無幾耐之前同女朋友食過，再次食過返尋味😋我欣賞佢選擇夠多，而且坐得舒服（這是重點！😍），店內大部份都係卡座，又私人空間之餘又唔會太迫。每張枱都有一個燒烤爐，一個電磁爐，照顧晒唔同口味嘅人士。食完燒肉之後又可以烚返啲蔬菜類平衡返，自我感覺良好，冇咁有罪惡感😂食物嘅種類有好多選擇，無論係熟食、前菜沙律、飲品甚至雪糕，都唔怕你揀唔岩，最怕你花多眼亂唔知點揀。食黃金時段嘅顧客仲會送一個燒肉拼盤，有我最愛既蠔呀，每粒都大大隻，仲好鮮味添！我最欣賞既係肉類區，每樣都排列得好整齋，而且有好多選擇，仲有啲有麻辣口味，岩晒我😋臨走前每位食客有一個硬幣可以去玩夾公仔，食完不妨試下自己運氣！

冬天總係要食啲烤肉，積聚脂肪暖身！呢間「校長燒肉日韓料理」係放題燒烤店，肉類飲品好多都係 自己出去bar位，要幾多，就拿幾多！肉食都幾多選擇，嘢飲選擇就更加可以用係豐富嚟形容！刺身火鍋就要再加錢，我個人唔貪心，淨係食燒烤肉就夠。但係講食物嘅質素就唔係好有太大期望， 啲肉類食物嘅醃味比較鹹，而且肉質係好一般，我雖然係要高脂肪食物，不過味道太鹹就真係唔係好掂。 真係扣好多分。呢度嘅飲品真係有好多選擇，一般嘅飲品呢度一定有，你估唔到嘅嘢都有，真係好似個小型便利店一樣。冬天就係要食多啲肉，高脂肪嘅食物！順帶一提，呢度嘅店員服務水準好散慢，唔好抱太大期望。

校長燒肉係荃灣,千色店落車大概行5~10分鐘,尚算方便,遠處已經見到招牌大概7點到達,好多人已經排隊,原來侍應將所有食1915既人登記集合,然後一次過安排入座,幾好我食1915-2115時段,$198(一至五),我認為價錢算平,都值得一開始會有份拼盤,每樣4件,蠔燒完唔會縮水太多,鮮甜,牛豬厚身有肉味校長有部分肉係無醃,我認為唔錯,因為我媽唔太喜歡醃得太濃味,而每枱有不同調味料,大家可以自己放調味料燒烤肉款式多,有漢堡扒!好小見而且每個食物牌都整齊,清楚知道有咩食物,加分!如果想要火鍋,選擇同樣唔少,以主打韓燒店鋪黎講,唔錯,湯底可以自己揀烤爐放上牛油紙,食物唔痴底唔太易燶..另外熟食refill好快,蜆每次一出就無晒,轉頭就有一盤最後甜品飲品,雪條軟雪糕都有,軟雪糕濃味好滑,飲品選擇亦多,阿媽表示以後韓燒要去校長

餐廳可以韓燒，火鍋，又有熱食沙律甜品等等，多到不知道怎麼選。土匪雞翼不同味道的雞翼都好好吃，土匪的味道最突出，孜然粉的香味真的令人胃口大開。香草雞排雞肉很嫰，又滑，餐廳還貼心的準備了剪刀，方便大家剪小塊吃，雞皮沒有很多脂肪，減肥的女孩不怕吃。香草味是比較清香的，口味不重，整晚吃濃味食物有點清淡的反而特別記得。炸物看到很多人拿香芋球，我都搶著拿幾顆，果然外脆內軟，芋頭餡很香又有奶味，推薦大家一定要吃。獅子頭想不到這種燒肉店有多款熱食，獅子頭鬆軟，菜夠入味。

好耐冇出夜街，今日同老公撐枱腳，去左荃灣食韓燒，依間韓燒放題性價比高，$198/位，又多野食熱食區，有炸物、熱盤、人參雞湯有剌身區：都有幾多選擇，有三文魚腩腩、希靈魚、帶子、甜蝦、墨魚、蟹柳、榮螺⋯⋯刺身十分新鮮肥美主打區：可以火鍋同韓燒一齊食，有好多肉類選擇，我老公大胃王啱曬甜品區有生果、糖水， 仲有小朋友嘅糖果區我都忍唔住食左幾杯，哈密瓜奶凍侍應都很貼心，見有少少燶就幫客人更換牛油紙肉類醃得好食，我最欣賞雞腎同雞亦，好入味，雞腎好爽口口渴仲有好多野飲選擇侍應派一人一個token 夾公仔，有得食有得玩，下次一定要帶埋仔囡黎再開餐整體來說，配合價錢及服務，性價比高

兩大兩學生中午到這店，座位及環境都不錯，幾寬敞。有三個價錢，我們選了中價，因大家對最貴價錢的刺身不大興趣。一入場，當然先看熱葷。有咖哩魷魚及丸、口水雞、豬肉燒賣、炒什菜、炸春卷、咖哩角、豬手等。這些味道不錯，而且炸物都又熱又脆。之後開始燒肉了。很快很易，爐中央位置已焦黑，但火力不均勻，一邊較弱，但可接受，職員換了三次牛油紙😅。牛肉粒是最受歡迎，大小適中，不會過靱。我們通常選擇沒太大醃味的，但不覺得味道有問題。魷魚鬚大小正常，還有叉燒。此外，我們還打邊爐，生菜非常新鮮及靚，不會黃或黑邊。雲耳用來打邊爐不錯呀！炸魚皮及響玲任取，不過炸魚皮略鹹和細了一點。湯有壽喜湯、冬蔭公及豬骨。我們揀了豬骨，但的確鹹，所以打邊爐都沒有取醬料。還有細細杯的甜品，如：奶凍、布甸、啫喱及軟雪糕。不過軟雪糕太多冰，不滑。飲品的種類，選擇很多，除汽水，還有冬瓜茶、牛蒡茶、紅茶各款茶類。還有樂天牌各種飲料，如芒果汁、蘆薈汁等。此外，還有一些少飲的品種和玻璃樽裝的維他奶。飲品方面十分👍。總括而言，如果食物及湯不會過鹹，我可能會推介或再去的。大人$108，學生$88，要加一。

已是第2次黎呢到食飯 貪佢燒肉刺身火鍋熟食甜品樣樣都有一入門口就係刺身區 都有幾款魚生選擇 但我今次就無試到了 另外出面亦有多款燒烤及火鍋料 有肉有蔬菜有麵有丸等等不論食肉獸定食素既人都一定食得飽另外出面亦有炸物及熟食區 炸物都叫算熱算脆 唔會話放得太耐變硬熟食因為全部有蓋封住我就無影了 但有炒菜炒蟹豬手等一坐底 waiter即送上呢個拼盤 有牛肉 蠔 五花腩係出面夾左雞翼金沙骨扒類魷魚豬頸肉等等 味道都OK鐵板燒下燒下好過癮野飲出面估計有超過十款 有清酒 梅酒 啤酒 汽水 茶 熱維他奶等等雪糕雪條櫃7點後先會供應 有好多不同牌子同味道埋單2位$436 算係fair price 總叫有個地方可以咩都食下慢慢坐下吧

今日同女朋友過左黎荃灣食嘢，去左呢間千色店附近叫做校長燒肉放題食晚餐😆好好彩去到唔使點樣排隊就有得食，上到上面環境設計幾得意，好多霞紅燈招牌例如「校長室」，可以俾人打卡😂食物種類非常多，特別既係有葡撻、雪糕機、雪條櫃同埋有好多唔同嘅花茶俾你沖黎飲另外最過癮係佢一張枱除咗可以食燒肉之外，亦都可以同時打邊爐，而打邊爐嘅配料亦都款式好多，好似出奇蛋咁同時間滿足你幾個願望唯一唔好係刺身要排隊拎😢價錢方面每個人頭198$，計環境/價錢/食物，cp值好高下🏆

元朗平民烤肉王「校長燒肉日韓料理」已經進駐荃灣好一段日子！最近終於跟朋友來棒場一下新分店！.我們在星期六黃金時段7:15-9:15pm入座，每位成人$218，另收加一服務費。若想再便宜，可考慮星期一至五5:00-7:00pm時段$98（不包刺身），或7:00pm前/9:30pm後入座，$148（包刺身）。與元朗舊校長燒肉那間分店比較，荃灣新分店相對寬闊舒適，並以軍營為小主題，四周擺滿戰機模型等。全場分時段一同入座，人氣旺盛，座無虛席。除了有豬牛羊雞四大肉類外，還有鴨胸、魚柳、多春魚、栗米、丸類等等人氣燒物。另外在社交平台參與留言活動，更加送贈了滋陰養顏花膠雞湯打邊爐，一邊燒肉一邊火鍋，十分痛快！