校長燒肉日韓料理 (沙咀道) (已結業)

好耐無食放題啦!每次經過荃灣沙咀道，都見到呢間校長燒肉日韓料理排了長長既人龍，想試好耐。今晚一早訂好位，準時黎到就可以入座。店內空間感十足，卡位寬敞，枱同枱之間有足夠距離。食物分類整齊，種類繁多，有齊刺身、肉食、火鍋、熟食、小食等，飲品有花茶、汽水、啤酒等。燒肉醃得入味，特別推薦：香草龍脷柳口感結實不鬆散、煙鴨胸軟嫩、韓式三文魚骨肥美、豬柳漢堡鮮味多汁，充滿油脂、柚子豬扒鬆軟可口帶果味。炸物熱辣辣好惹味，推薦：薯格金黃酥脆勁香脆、麥樂雞鮮嫩多汁夠酥軟、咖喱角鬆脆，內餡飽滿。另值得推薦日式刺身，帶子豐腴鮮甜、三文魚腩肥嫩香潤、榮螺片爽脆，鮮美無比、希靈魚咸香十足、清新甘甜。

日式燒肉放題向來相當受香港人歡迎，呢間荃灣嘅更是我朋友推介的必食之選。當日是食平日的黃金時段，入座率大約8成，比例相當高。入座時店員先送上燒物拼盤，內有五花肉，生蠔等價值較高之選。另外燒物放題亦有另加刺身放題可選，當中有三文魚腩，三文魚，帶子，蟹柳，希靈魚等等。師傅豪不吝嗇，一次可選三種刺身，各給上了四片左右，相當豪氣。當中我認為最出色的是帶子，鮮味香濃，而且入口即化，相信相當新鮮，三文魚腩除魚味重外，油脂香亦很濃，真是淡淡滿足。燒肉方面，有多種選擇，紅酒牛排，雞軟骨，多種味道雞翼，豬扒等等都有，款式有近20種，甚至可選燒菠蘿，味道整體都不錯，其中以紅酒牛排最出色，最為入味。飲品大路款式亦不缺，甚至坊間較少提供的梳打水亦有，岩曬我呢啲鍾意健康嘅人。

疫情之下冇得去✈旅行， 假期變咗香港遊， 同老公周圍去各區漫遊搵食 行到荃灣區， 見到有人排隊，原來5點已經開始有放題， 通常這個時間是下午茶，反正肚餓， 就試下這校長燒肉放題佔地2樓全層，地方寬敞， 食物分佈整齊， 冷凍食品，全部有透明膠片遮蓋， 規定提取食物時一定要戴上口罩， 安全衛生。 冷凍食品非常豐富， 雞翼 、牛扒、 牛柳粒 、五花腩、 魷魚鬚、 雞腎 、司華力腸、芝士腸……牛丸、 墨魚丸、豬肉丸、魚蛋、 蟹柳… 品種之多， 好似一個大型supermarket✌✌蔬菜 、 南瓜、蓮藕 、 蟲草花 、菇類…… 任君選擇飲品有汽水、果汁令人驚喜的竟然有黑啤和無糖牛蒡茶，我全程都是飲牛蒡茶雞翼醃得入味， 韓式醃製牛扒肉厚帶辣， 雞腎爽口熟食有鹵水雞翼紅腸、 蓮藕炆豬手、 蘿蔔香腸牛丸， 每樣少少，要留肚食其他呀三文魚刺身一大碟， 肉厚肥美🤗😉 蟹柳、鮑魚片、希靈魚 非常鮮甜甜品只吃了啫喱、雜果椰果都已經非常飽了， 每位不用150元， 簡直是超值， 有機會要食過

放工跟老公兩口子去輕鬆下，啱想食燒肉，荃灣有口碑燒肉店唔太多，一諗就諗起 "校長燒肉"，之前食過1次覺得幾正，要再Encore......店舖面積算大，坐得舒適。7點3入座，預7點去排隊都可以。$198食2個鐘夠曬皮喇! 放題食物，有燒烤有火煱，食物多到食唔曬。 大家都好守規矩出去攞野食戴曬口罩，而肉類都有蓋冚住 ，確保衞生。有自助醬料區，可以自製醬汁。火煱又有幾款湯底，幾正。熱食區，有炸物，有菜 串燒，鹵水雞翼，咖喱三寶等。飲品區有好多選擇，有純茶，啤酒，汽水，仲有梅酒，清酒，熱飲有熱茶，果汁，檸茶，仲有中式茶葉可以沖茶。冷盤區有沙律，螺肉，日式海帶，啫喱，甜品，雪糕有幾款味道，又有韓國雪條，軟雪糕可以自己整。到重點燒烤區 ~牛，豬，雞有幾款味道揀，有肥牛，腩片，丸類，豆卜，午餐肉，仲有菠蘿添。食完先知原來有刺身，我地無食到，下次先再試 ~店員服務都幾貼心，見張燒烤紙燶曬就會換。開開心心，食下傾下就2個鐘喇

到了十月，秋意漸涼! 食慾真係會愈來愈好!😁這晚突然好想食韓燒呢!🥳🥳突然想起荃灣的校長燒肉日韓料理!😝😝真係抵食又多選擇之選!🎉-這晚到了校長燒肉日韓料理😚在這段時間的衛生意識也很好!無論取食物還是放置食物都有好好的處理!感覺也特別安心!❤️🧡-食物方面一如以往有好多選擇!🥓🥩🍗🍖燒肉有好多選擇呀!🥞🍗而且可以自己任選呢!特別想提係有同的調味粉可以選呢!🍽🥣🥡除左燒肉外更可以有唔同口味呢!🥢-除左韓燒，當然仲有日本菜啦!🍱刺身一定要有，而且每次取仲好大份呢!食落好滿足! 又有沙律! 好多選擇!🥗🌯岩晒本身食量唔大 但又咩都想試下的我呢!-而一向喜歡食火鍋，更加唔可以錯過係一人一鍋!🥘選了壽喜燒的湯底，可以享受shabu shabu 的感覺呀!好滿足呢!😋-如果平日晚上成人約$218，這樣的價錢可以滿足3個口味! 真係好抵食呀!值得大家去試下呢!🥳

每次排隊坐小巴回家，都見到對面校長燒肉門口有極多人排緊等食，究竟有幾吸引呢，原來只需要$198便可以任食燒肉、火鍋、仲有刺身食到飽、早幾天終於定到檯，便相約妹妹大擦一餐.去到餐店門口外已有很多人排隊等候進入,入到店內店員會續一量體溫及提示出座位取食物必需帶回口罩,令我們安心進餐.店內空間很寛敝,食物種類繁多,整齊分類,有日式刺身、燒肉放題、火鍋,各種熟食及小食,真是滿足我們不同的口味需要,全部食物都好新鮮吸引.每次食放題第一去處必是飲品區,種頪超多,有自助Somersby飲,我第一時間已斟了兩杯同細妹暢飲一番，食到尾段自然會飲幫助消化兼去油膩的無糖綠茶.食物雖然種類很多,而每款食物都有名牌識別,而且燒烤食物醃製得都很入味,燒起來更美味,除肉類還有蔬菜、腸、餃子,多種菇類等等...,仲有多款醬料可以選擇任君混醬，無醬不歡的我食得更滋味.值得一題係店員超級細心，見我哋燒完第一轉，便主動幫我哋換燒烤紙，抵讃👍每張枱都有一邊燒爐,一邊火鍋爐,可以同時一邊燒烤肉,一邊火鍋,可以節省時間,而火鍋湯底有三款擇,我擇了一款壽喜燒湯底,清清地,可以拾蔬菜和菇類來中和燒肉的油膩最后是甜品區,雪糕、甜品自助

嘢食真係唔錯🥴但係態度真心唔好😌今日打去book位😄佢啲職員一開始已經冇禮貌🥱仲要係勁串‼️我朋友已經係好有禮貌咁book位🤭佢就超冇禮貌同超串咁回答我朋友😂

想食校長燒肉好耐，幾經辛苦等到放寬限最令，即刻儲齊四個人嚟食。原來有嗰個月份生日嘅可以再打八八折，計返即係每人百七左右，仲要係晚餐時段，價錢來講都幾優惠！食物款式超多，有魚生，三文魚、螺肉、甜蝦同埋帶子都必食，又新鮮又肥美！熟食款式都好多，見到有炒荷蘭豆、滷水雞翼、燒賣同埋各種炸物，不過我就冇乜點拎黎食，我要留肚食燒肉～燒肉同埋邊爐菜式款式都好多，不過好多肉都唔夠味，叫做中規中矩啦。要求唔高嘅話就冇乜問題嘅～飲品同埋雪條都係一樣，勁多選擇，仲要唔係比啲cheap雪條，有韓國嘅雪條，7–11買都要10幾蚊㗎～整體來講抵食丫

喺荃灣嘅呢間燒肉放題一早已經知道網上面對佢嘅評價亦都唔錯，所以就趁開返晚市嗰陣就人少少去食下結果覺得都唔錯嘅。熱食方面出面嘅炸物都唔少㗎，例如有炸雞，炸芝士豆腐以及炸薯角等等，款式都唔錯而且每次食嗰陣都係熱嘅，應該係會慢慢地有補充所以都唔會硬晒或者係入面凍哂油淋淋咁。出面仲有唔同嘅魚生可以拎，個人就比較偏好三文魚，三文魚嘅脂肪比例都幾好而且佢每一舊都切得幾好，唔會太薄太小家，食落口雖然唔係話太凍不過都唔會有任何嘅腥味，而放題同埋呢個價錢來講都對。係燒肉方面質素都幾高，因為佢唔同嘅肉都會有晒好多種唔同嘅醃料，有韓式或者係唔同嘅燒烤汁，蒜蓉汁等等一早已經幫你整好晒。泰式燒豬頸肉個人認為呢隻評分應該都幾高，因為泰式酸辣汁嘅味道調校得唔錯，而且豬頸肉都比較肥美。雞翼方面款式都幾多，有香茅雞翼，燒烤汁，蜜汁雞翼或者水牛城雞翼等等。個人就認為水牛城雞翼嗰個味道係最好嘅，其他有牛肉等等種類都幾多而且食落牛肉每一款都幾夠肥。依個人中最推薦呢個蒜蓉粟米同埋蒜蓉金菇，因為上面比嘅蒜蓉好多，而且咁樣自己燒完熱辣辣咁食味道係會最突出嘅同埋會再入晒味一定要食多幾個。最後都見到有人仲有空肚可以打邊爐，都有唔同嘅湯

近來去邊都想揾黃店食，原來連燒肉都有黃店！呢間係荃灣既校長燒肉店其實都聽過好多次，不過一直唔知原來係黃店，不過後來發現原來係黃店，一於去試～仲要勁平，lunch每人100左右～包曬飲品、甜品等。一去到，個場好大，好多位，位好闊，我地今次剩係食燒肉，無加刺身火鍋，其實加埋都只係118-138。野食方面真係好多，燒肉黎講我覺得佢既雞勁高質，好滑，又大件，醃得又好味！佢啲牛都醃得好味，不過肉質就比較un，豬肉我好少食，所以比唔到意見，大大力推薦佢既雞！甜品有frozen yoghurt，正😍😍 好驚喜其實仲有好多小食 熟食，有菜，真係好多野食，食到飽一飽，真係好鬼抵！

因太耐沒有在餐廳吃燒肉，早排便找個比較就腳的地方，滿足一下心癮。在網上找到荃灣有校長燒肉日韓料理，由於評論不錯便出外試一試。由於近期疫情關係，進餐廳前必須量度體溫，而在餐廳內所有食客必須帶口罩才可出外取食物，眼見所有食客都很合作，而侍應亦常清潔食物櫃檯，所以進餐都比較放心。燒烤食物種類繁多，有花多眼亂感覺，幸好每種食物均有食物名牌，值得一提的是每種食物醃製得都很入味，而且並不是同一味道，特別是土匪雞翼，豬頸肉，豬腩肉及牛肉粒都食過再添食。另外，一坐低餐廳會送上一碟精選燒烤食物，當中的牛肉真的超正!火鍋食物食物選擇合理，最主要可食點菜中和燒肉的油膩，而我最愛蟲草花。飲品及其他食物飲品都很多選擇，但我重點要食燒肉，所以選擇幫助消化的牛蒡茶。而刺身雖然種類不多但亦相當新鮮，熟食賣相都新鮮吸引，可惜自己個肚容納不了，希望下次可一試。整體而言，價錢合理，食物質素好，性格比高。

今日突如其來想食燒烤，所以約朋友去試吓位於荃灣的「校長燒肉日韓料理 」！這裡食物包蘿萬有, 有刺身，各式各樣醃料嘅烤肉烤肉及火鍋配料，絕對可媲美自助餐。刺身種類都算多，而且樣樣都很新鮮，很肥美！特別係三文魚刺身值得推介，不但肉質柔軟，而且脂肪多，很鮮甜而不油膩。燒烤食品種類都好多，有用唔同醃料醃的肉食、有蔬菜、腸、餃子等等。仲有一個火鍋位，自助準備湯煲湯底，讓我們一邊燒烤一邊打邊爐，節省時間又可以食多點！最後，甜品、雪糕、飲料都係自助形式的，種類繁多，任由選擇！值得推界蛋糕，全部細細件，一口吃，味道很好！

限聚令又來了，討厭的武漢肺炎令到我哋同朋友相聚的機會少之又少。幸好我哋能夠在限聚令前食埋最後的晚餐。我哋決定去校長燒肉大吃一番!!! 荃灣分店招牌夠大，一望就見到。原來而家燒烤爐會鋪上牛油紙，唔使怕啲嘢食燒濃晒，非常好。入座時會送拼盤，有五花腩，牛肉同蠔。估唔到蠔很鮮味，讚👍🏻我和朋友都迫不及待要去自助區夾嘢食，食物已經分好類別，非常有條理。同一款肉類會有不用醃料，任君選擇，迎合到不同口味的我哋，岩晒我哋呢班食肉獸。食物質素都很好，而我哋覺得雞翼最值得推介，醃得非常入味，沒有雪藏味，而且肉質非常嫩滑，所以我哋都encore左幾次😋食飽飽緊係要食埋甜品😋就用韓國雪條作呢餐嘅結尾。

因為聽講校長燒肉好出名 咁有時經過都見到係排晒大隊 一直都好想試，咁有一日終於約到朋友去食，老實講我覺得佢差過漢和雖然可以同時燒肉同打邊爐，但老實講食物質素一般，炸物係自取 咁我係食晚市，但個炸物係俾個照燈照住，好似完全冇問題，但一食落口唔知放左幾耐。如果硬係要揀一款食物讚賞，咁應該係豬頸肉，都算爽口。其餘食物都不了令我最覺得憤怒嘅係我估唔到佢只係放張紙喺度，完全唔會換爐，本身食物係有油，放左紙可能比較吸油，但問題就係燒完一次基本張紙都玩完，重點係下面個底已經燒焦晒，我以為佢會換爐，點知只係隨便換張紙，完全唔知有咩意思。總括來講校長燒肉係我食過最失望嘅燒肉，可能睇到咁多好評，完全唔知好係邊。

平日食過一次元朗店覺得唔錯就再約朋友去荃灣食下~當日食星期六晚上時段未夠鐘已經好多人掛隊不過好快就探完熱安排到上去入到去見到個場好大感覺唔錯因為帶住bb 去所以問佢有冇bb 凳而佢都安排左比我但拎到黎張凳係爛嫁!冇左扶手位😵而且背隻位鬆脫。。又油又痴立立。。😱基本上如果係我已經掉左。。🙄好唔理啦抹乾淨照坐方便自己食野坐好就出去拎野食首先係夾燒肉既地方勁多人排隊大概有十幾二十人每一轉都要排幾個字先拎到野食攪到個個都好似未食過野咁要夾好哂野先番去😓😓😓排左幾轉之後搵熟食食，都唔記得仲有咩，有食過啲炸薯條燒賣呀，普通基本野😞中間有打下邊爐既但係拎醬汁既地方係多人到比人拎哂啲醬汁既！😨食到開始想食甜品就要埋單喇😱平時通常坐下hea下先慢慢等埋單因為單單排隊你都用左好多時間！所以食野既時間就小好多！🤑呢間真係冇下次下次都係食番元朗店算！