校長燒肉日韓料理 (沙咀道) (已結業)

今天同朋友晚上在荃灣揀了一間日漢料理的餐廳晚飯。地點超級方便，在荃灣沙咀道，門口大大的招牌。到步後店員招呼我們上一樓入座。我們入餐廳前店員也為我們探熱，由於疫情關係餐廳也很細心，每逢出去拿食物的時候要戴上口罩，令到大家享用食物的時候也很放心。食物很多元化、有熟食、有新鮮壽司供應、韓燒食物，也有打邊爐的食物供應，任君選擇。 燒烤也可以選擇火鍋一同享用，價錢也很公道不算太貴，有兩小時用餐時間。餐廳座位也很寬敞，店員招呼周到，周不時幫我們轉換巳用過碗筷，非常貼心。甜品也有很多選擇。當然也有美味的雪糕櫃及非常之多選擇的飲料。今晚的晚飯吃得非常開心自在！

一行四人，因為食埋刺身，所以可以有4小時的用餐時間。若少於四人或食平啲的就只得兩小時。帶著孩子，當然不要趕了，雖然對刺身不抱希望。我們十一時半已到店，前一步有兩位婆婆等侯，店員表示冇訂座就要等一個小時後。我們都在疑惑，咁早就滿座？！兩位婆婆離開後，我們話四位，居然可即入座，幸運地，給我們六人位。既寬敞又可放袋，不過次次來都嫌冷氣，其實是風太大了，不過早有準備外套。呢個價錢，可以坐幾粒鐘，又可以燒烤和火鍋，仲有各種熱葷、刺身等等，都唔貴了。但若是對食物有要求就不要到這裡了。首先，每人加$30食刺身，但三文魚居然食到好似有根的，相信是師傅切得不合條理了。或者根本不是什麼師傅，因我還見到三文魚有多條骨未拔😩⋯⋯午市的刺身應該同晚市不同，因不見帶子或大蝦。連仿鮑片都怪味哩！打邊爐要特別讚，這裡的肥牛外觀上看是不錯的，以這些地方來說是讚的。但是湯底是非常鹹，我最後要不斷加水沖淡。燒肉哩！我本不太好，但見阿仔勁取魷魚鬚，佢哋話燒完很好食。我要讚侍應，不是每個，但今天主打招呼近窗的女侍應做事勤快，樂意換紙。對於孩子，這裡都已夠他們滿足。如果要好質素的，都是另外選擇吧！

上次同朋友食過一次，食過返尋味，決定再encore～呢間晚市分兩個時段，分別係5點至7點，同埋7:15至9點半。等埋朋友收工，我地食7:15開始個輪，每人$208加一，可以食齊刺身、火鍋同燒肉，好抵～燒肉選擇好多，牛、豬、雞、丸、腸仔等等乜都有齊～啲肉類大部分都醃過，味道岩岩好，唔會太重口味～小朋友都好岩食好特色地，餐廳仲提供埋點心任食，連平日大點嘅蝦餃都有，仲有金錢肚、糯米雞、排骨等，過下口癮一流火鍋湯底係自助形式咁拎，我揀左豬骨濃湯，清清地十下啲菜食～火鍋配菜～火鍋炸物有炸響鈴同炸魚皮，refill得好快，拎咗幾次都係脆嘅～熱食盤方面都有好多選擇，其中呢個辣味煮田螺最吸引，唔會太辣但好惹味，正～飲品方面，所有紙包飲品同啤酒都係任飲；仲可以自己沖花茶，有好多種花茶揀，健康之選～仲有刺身食，刺身有三文魚、帶子、玉子蟹柳等等，全部都好新鮮～呢度嘅燒肉有牛油紙墊住，感覺比其他地方容易燒野食～最後啲甜品埋尾，甜品種類又係好多，眼闊肚窄，最後食咗個涼粉同布甸就收工啦～總結，性價比超高，下次要再食過～

知道好朋友即將離開香港一段時間，相約放題盡擦一番相聚🥲平時見要排隊今次決定早少少去入到去有咁多食物已經好興奮, 醬汁自助想要邊種調味料自己話事.. 有放題例行必有嘅餐前冷盤同沙律，刺身同壽司比想像中新鮮，仲有熟食炸物熱食。見職員都會勤補充食物，感覺非常良好😊先來燒烤部分，肉類好多都已經醃好去燒，蜜蜂雞翼，紅酒西冷，黑椒牛扒, 全部都無雪味質量過關👏🏻比左錢當然不能錯過火鍋啦！配料都應有盡有，款式多到離譜，而且井井有條咁非常衞生令人非常放心。飲品放題除左有罐裝汽水仲有紙包茶，唔怕甜份超標又消濟！唯甜品區種類唔算太多, 不過又可以打邊爐又可以燒嘢食仲有咁多其他食物，咁抵都好值得一去

樓下reception個員工態度極差。事源本人book左19:15，19:30先到（明白自己遲到），入坐時間計少15分鐘（樓下員工極黑口黑面講你遲到吖嘛）。原以為入座率極高，故當時表示理解。其後上到樓上發現極多枱係空出的。其後覺得此舉實屬奇怪，當然我遲到我應該負責。如此，我寧願walk in或者直接轉場算。不過老實講句，雖然樓面冇乜走黎走去（好難搵職員幫忙）但係見到都好肯幫手，態度相比樓下的員工，極佳，只係未能輕易搵到人。另外食物方面，只有食物多元化有啲分，其餘分數極差。食物質素差不在話下，韓燒個爐放張紙上去先燒🤷🏻‍♂️係咩玩法？大火換紙換幾十次，細火又燒唔到。塊鐵周邊仲有千年燒焦痕跡。如果收費方面轉平我覺得比咩價錢有咩質素好合理，但$250（連加一）一個人（三人去食）。會唔會過分左？本人素來對食物要求不高，但係個爐咁樣，想點樣燒得好食🤷🏻‍♂️係有火鍋提供，但係如果一心黎燒肉，叫人情何以堪？BTW以前食過元朗個間算叫做正常（唔知算唔算同一公司）此純熟個人評論，不喜勿插。

今晚同朋友食校長。質素來說所有都不錯價錢合理。店員做野快、靚、正😄火煱料及燒烤食品好多，呢度只是一部份😍😍😍😍炸魚皮大大碟😍😍😍😍😍正。夠脆。響拎新鮮😍😍😍好小地方咁多飲品。有梅酒配上燒烤真心超正😍😍😍雞翼有好多款。影泥款係土匪雞翼，真心味道都夠。仲好味過出名果間🥰🥰🥰🥰🥰🥰真係飲品款式好多。蘆薈汁都係推介。夠清仲有粒粒蘆薈，堅飲左三罐👍🏻👍🏻👍🏻👍🏻👍🏻韓牛燒都係推介。醃料夠入味，燒烤得來好有出面韓式燒烤味道。價錢又合理。2口子一齊飲飲食食。款式多。真心推介比大家甜品，啫喱都超正。不太甜。雪條都選擇多。好完美的一餐👍🏻👍🏻👍🏻👍🏻👍🏻

荃灣多嘢食就一向都知。但係要搵間，有刺身有火鍋有燒肉有熟食有甜品嘅放題，仲要係平靚正之選。。我同朋友就會去揀校長燒肉放題。刺身主攻三文魚，希靈魚，馬刀貝，虎蝦。三文魚好厚切，仲好近腩位，超肥美。希靈魚脆脆嘅口感一向都好鍾意，食多啲都唔會覺得滯。馬刀貝喺放題比較罕見。虎蝦好大隻好多膏！食緊刺身梗係唔好嘥時間快啲燒肉啦～ 呢度燒肉好處係好多款式。我哋今晚主攻牛仔骨，牛柳粒，雞腎，雞軟骨，多春魚。喺自助區仲可以自己選擇鍾意嘅醬料👍🏻。另外燒肉放喺牛油紙上面燒，冇咁容易燶又唔使咁多油健康啲。燒到咁上下職員都好勤力主動幫手換牛油紙。火鍋可以自己選擇湯底，細細煲，純粹過吓口癮。熟食方面有炸物，中式點心，同幾款小菜式。中式點心一籠籠好得意😎有蝦餃，燒賣，鳳爪，排骨，珍珠雞，金錢肚😋😋都係我愛食嘅點心。佢仲有個爐一直燒住台灣香腸，Keep住熱辣辣。甜品有雪糕機可以自己拉雪糕，今日係士多啤梨味。仲有前菜沙律🥗，西瓜🍉，雪糕雪條仲有啲迷你甜品，好似布甸，朱古力Brownie，啫喱，軟糖。真係每樣食少少都飽啊。飲品櫃都有10幾款選擇。另外自助區可以自己攞冰，變冰底汽水，更加爽😍

食物絕對好多款式，有好細心分火鍋區同燒肉區。入面有分火鍋同燒烤。環境乾淨，一改往日平價燒烤既弊病其實平心而論，呢個價，肉味道正正常常，唔咸就已經幾好，都有幾多唔同嘅肉有豬扒有牛扒同埋有三種唔同味嘅雞翼，仲有雞軟骨雞腎同埋腸仔啊魚柳，總之試一件都會飽到嘔。仲有前菜中華沙律、泡菜、雲耳。熟食仲有咖喱，炒菜碗仔翅冬陰功湯，仲有中式點心（牛肉球，珍珠雞，蝦餃，鳳爪）但係味道就普普通通啦。凍食仲有壽司🍣、壽司啲飯都幾好，煙un，岩岩好既醋。野飲又齊，甜品有爆谷同雪糕，仲有果凍奶凍真係一應俱全，如果冇人加$50仲有刺身食不過我就冇加。但基本上全程就係好忙好忙，忙都冇乜時間可以坐低慢慢咁燒同慢慢咁食，成餐飯好攰第一輪夾晒想食嘅嘢之後第二輪冇乜嘢想食

這間校長燒肉一直都很有名，我與朋友都是燒肉愛好者，所以特此相約來品嘗一下這裏的燒肉😆在眾多分店之中我們去了荃灣分店，這間分店佔地甚廣，裝修是日韓放題餐廳的風格，還貼有學校課室字眼，例如會議室，可供客人打卡👍🏻一進餐廳便看到琳瑯滿目的食物與飲品，原來餐廳是以半自助形式經營，客人可外出取餐區隨意挑選自己心儀的食物，食物有十分多種類，一區是凍肉區，燒肉火鍋都可以，另外幾區是熟食區，有甜品、炸物、湯品、小菜等，還有醬料區和雪糕機，我和朋友都喜歡飲品區，既多飲料選擇，還可以自行調配花茶，健康好喝又有益。我和朋友首先到花茶區沖調飲品，提著一壺熱騰騰的花茶和兩碟炸物作為頭盤。既然是燒肉放題，又怎少得了燒肉呢？我取了兩大碟燒肉，看上去很吸引。值得一讚的是餐廳在燒爐上方加了一張紙以防燒焦食物，以往我每次燒肉都會燒焦一兩塊，但今次因為這張紙的存在，一塊也沒有燒焦，而且燒得色澤金黃又均勻。牛扒牛柳粒肥牛片等等都既容易燒又好吃，餐廳的調味剛剛好，而且肉質嫩滑多汁，絕對值回票價。除了燒肉外，還有牛油粟米、金菇、蔬菜等食物任君選擇，而且這些食材也可以加進火鍋裏，火鍋有三個湯底選擇，豬牛雞肉、丸類、山根和響鈴等都應

同朋友book了19:15開始食，餐廳場地好大，空間感十足！提供多款熟食、炸物，還有沙律吧，最啱燒烤時食物未熟時先享用，最緊要是不用等各式燒烤食品：黑椒豬扒、黑椒牛扒、辣味雞翼、牛柳粒、雞扒都非常入味和惹味，其中黑椒牛扒最為出色，鮮香肉嫩。我們為了減低熱氣感，打邊爐的配料偏向選擇蔬菜類，他們提供數種火鍋湯底，今次選了壽喜燒和豬骨湯底，較為清淡。甜品亦有很多選擇，雪糕、雞蛋布丁、雪條、朱古力蛋糕，必試蜂蜜份子檸檬茶果凍！微甜而不膩，非常適合在吃完燒肉做飯後甜品減輕飽滯感！自己擠的朱古力味雪糕，好好玩，再加綿花糖和朱古力豆，自己動手做的好像特別好吃整體來講食物質素頗高，性價比高，吃得很滿足，太多選擇實在太豐富了！

臨近中秋節, 一定要食燒肉慶祝下吧, 這次選擇了1間集齊燒烤火鍋刺身的放題餐廳餐廳係2樓, 上到去發現都大間, 通風ok, 亦唔會太大油煙, 自助區比例都算大, 唔會排隊. 餐廳的氣氛好熱鬧, 可能人客比較多, 侍應們有少少分身不暇.肉類區豬牛雞魚等等, 種類繁多, 當中個人覺得黑椒牛排, 一口牛, 咖喱豬排, 豬頸肉都夠入味, 肉質ok, 又快熟 另外雞翼都有好多口味揀用牛油紙墊底燒肉的確無甘易燶, 不過換紙時一定要小心d滾油四濺呀蔬菜丸類亦有唔少, 食火鍋的都唔少選擇. 另外牛油金菇, 粟米則預早用1個個錫紙兜分好, 好細心除左燒烤火鍋外, 仲有沙律吧, 刺身, 煎炸小食, 點心和小菜, 仲有好多甜品, 完全可以食個不停刺身的三文魚都係厚切, 亦有少見的希靈魚, 泰式生蝦偏細隻煎炸小食都好香口, 有幾款揀唔會悶. 魚皮響鈴都大大件飲品方面, 除左常見的香港汽水, 還有一些韓國的, 最特別是有自助花茶總結: 以放題餐廳來說, 食物種種實在太多, 食1次都未必試到所有, 價錢亦十分親民

環境差，又污糟，油煙大，位與位之間太近，打邊爐個爐是漏水，食物差，食物不新鮮，全部菜都是黄黃的，熟食太少。服務差，個爐漏水，叫侍應換個爐，換了，但要自己再去拿爐及加湯。差到我食到一半就走，一定無下次。

朋友轉了新工作環境，在荃灣上班，我們约了放工後聊天，朋友提議到 荃灣沙咀道，翡翠廣場2樓的，( 校長燒肉日韓料理)食放题。那餐廳 環境很寬敞 ，地方清潔衛生， 座位也很舒適。安排入座後， 便可到熟食區自取食物。 熟食區的 食物 種類 很多 ，新鮮自製的壽司，炸物款式 有 金香鬆脆的春卷，也有茶樓點心的蝦餃， 款式種類很多可以隨意品嚐。日韓式燒烤 肉， 醃製非常入味， 朋友喜歡吃的雞翼 ， 可以吃過痛快。 燒烤 種類 還有 各款 大大粒彈牙的肉 丸，和腸仔，牛肉夠晒新鮮， 由於薄切所以很快便可吃， 個人喜愛 粟米粒及燒菠蘿 ， 可以在這餐廳可吃到，認真滿意， 最後 嘆番 個 飯後甜品， 認真超值。

之前去過元朗嘅校長燒肉，回味無窮，見到OpenRice 有55折黃金時段，咁抵，一於再黎任飲任食啦😆入場方式依然係樓下點完名，就上1樓，不過呢到就有lift，入到門口就有人帶我埋位，荃灣場相對比較細，市區嘛都明的，食物質素無差到就得啦有d肚餓可以立即去熟食區，十分推介薯條隔離的芋頭波波同麥樂雞，會成日refill，香脆可口，唔洗擔心係榴蓮來😂沙律區除左沙律仲有涼拌小菜，味道唔會伏，因為係現成的見到咁多壽司比人搶晒即係好受歡迎，不過戈日我唔食得凍野都評論唔到太多醬都有十幾款，一定溝到岩心水嘅秘製醬汁燒肉推介鴨胸肉、煙肉，扒類都醃好晒，夠晒味道，仲可以舉手叫人換紙同時仲可以打埋邊爐，用樽仔裝好d湯就拎翻去，唔洗2頭走甜品飲品都係無令我失望的，推介蜜瓜奶凍講真折完$138 又係黃金時段，真係唔話得，下次有優惠仲要叫埋多d朋友黎試下

一場嚟到荃灣食燒肉我哋揀咗校長燒肉校長燒肉性在多選擇 佢哋啲肥牛好新鮮 我就最鍾意佢哋的美國肥牛佢哋可以選擇 鐵板燒 又可以選擇打邊爐 兩種食法打邊爐湯底仲可以要人參雞湯呢個飯後甜品好豐富有雪糕任拎兩小時任食 首先我就推介佢哋個人參雞湯 絕對係用上上等人生同埋鮮雞餚製 好鬼豐富鮮甜我就推介佢哋的牛肋骨同埋i肥牛 牛肋骨肉地好好 食辣牛肉味濃郁之後我就會叫咗啲小食例如炸魚皮燒賣嗰啲 都好新鮮最後我就會推介 佢哋的甜品 有雪糕同雪條