影片
更多
2021-09-07
150 瀏覽
好抵呀！喺OpenRice見到呢間餐廳有優惠券，其實本身以為係假，去到會有其他額外收費，點知真係$78+$20服務費，係5-7pm。額外加多$40，就可以升級食埋刺身，但係我覺得已經好多嘢食所以我自己冇升級。入到去覺得燒肉店抽風幾好，唔覺得好臭油煙味。本身呢個價錢比我嘅印象一定係好污糟，點知入到去自助區全部都好企理。款式種類亦都非常多，由烤肉、打邊爐、中式點心、沙律、雪糕、炸物，連自助花茶都有😂我唔敢想像呢個價錢會做到，點知真係得咗！烤肉方面正正常常，感覺乾淨。自己比較鍾意食肥牛同五花腩，五花腩燒到咁上下脆扑扑超正。另外有一種調味過嘅牛柳，唔使點任何醬料，已經好好食。種類好多，魷魚雞翼雞賢，基本配料講得出都有，大家睇圖片啦🤗去到火鍋，有豬骨、麻辣、壽喜燒湯底，自助自己過去加湯就可以。火鍋配料，放置左喺烤肉自助區，基本上蔬菜類同時可以火鍋/烤，兩食😋由於烤肉太肥，我主要碌熟咗啲蔬菜，清一清油膩。沙律區雖然款式較少，但係潔淨程度超出我預期，味道亦不錯。我最驚喜係有自助花草茶區，大家可以揀選自己鍾意嘅花茶diy，我第一次見烤肉店會有，感覺好好！
喺OpenRice見到呢間餐廳有優惠券，其實本身以為係假，去到會有其他額外收費，點知真係$78+$20服務費，係5-7pm。額外加多$40，就可以升級食埋刺身，但係我覺得已經好多嘢食所以我自己冇升級。
入到去覺得燒肉店抽風幾好，唔覺得好臭油煙味。本身呢個價錢比我嘅印象一定係好污糟，點知入到去自助區全部都好企理。款式種類亦都非常多，由烤肉、打邊爐、中式點心、沙律、雪糕、炸物，連自助花茶都有😂我唔敢想像呢個價錢會做到，點知真係得咗！
烤肉方面正正常常，感覺乾淨。自己比較鍾意食肥牛同五花腩，五花腩燒到咁上下脆扑扑超正。另外有一種調味過嘅牛柳，唔使點任何醬料，已經好好食。種類好多，魷魚雞翼雞賢，基本配料講得出都有，大家睇圖片啦🤗
去到火鍋，有豬骨、麻辣、壽喜燒湯底，自助自己過去加湯就可以。火鍋配料，放置左喺烤肉自助區，基本上蔬菜類同時可以火鍋/烤，兩食😋由於烤肉太肥，我主要碌熟咗啲蔬菜，清一清油膩。
沙律區雖然款式較少，但係潔淨程度超出我預期，味道亦不錯。我最驚喜係有自助花草茶區，大家可以揀選自己鍾意嘅花茶diy，我第一次見烤肉店會有，感覺好好！
張貼
