校長燒肉日韓料理 (大埔廣場)

營業中

休息中

終於的起心肝，去試食校長燒肉， 因朋友曾經食過劣評如潮， 所以一路都唔夠膽去食， 但見佢越開越多分店， 估計食物質素應該不會太差， 所以今次決定試一試。晚餐$238連加一放題來說， 價錢不貴， 款式亦非常之多， 一坐下來便有一盤刺身奉上，和一塊靚牛扒， 可惜靚牛扒每枱奉送一塊。刺身新鮮，食完第一轉之後需要出去排隊拎， 每次拎三塊， 另外出面有熟食區，款式非常多， 適合大人小朋友。 燒烤區大部分肉類都有醃製， 但味道好食不會過濃， 款式亦非常之多。 火鍋區 款式感覺比較遜色，但質素可以蔬菜亦都新鮮。也有甜品選擇如啫喱糖，韓國蜜瓜雪條等等。以238價錢，可以食到這麼多種類食物非常之化算，性價比很高， 尤其適合大胃王和食肉獸， 一定可以滿足。

我一直去大埔廣場嘅校長燒烤，原因好簡單，價錢抵食物質素高。而家係出面好難搵到有質素又抵嘅韓日燒烤 我成日嚟所以一般嘢我就唔再試啦🤪。今次我特別試下佢哋啲日式餃子，味道唔錯，皮薄餡靚。當然要試埋佢哋嘅多春魚，秋刀魚，同埋三文魚啦。呢個價錢有呢種質素嘅魚食真係冇嘢講。 真係好肥美，燒起上嚟又香，燒到個魚皮又脆，真係人間極品😋😋😋。飲食要均衡，我都有食啲粟米脆肉瓜雞髀菇。啲蔬菜選擇真係好多而且好新鮮。🥳今日中發現平時好少有嘅關東煮😱😱，我都攞咗返嚟試，絕對有驚喜，拍得住出面外面日本餐廳嘅味道。每次佢哋都可以保持水準，價錢抵食物質素高，呢個就係我成日都嚟嘅原因 👍👍👍。

我想分享下自己去大埔校長日韓料理嘅經驗。其實我唔係特別鍾意食燒烤，只不過見佢有咁多人喺門口等位，所以就去試下，都冇抱好高嘅期望。🧐一間燒烤餐廳好唔好食先攞啲淡味嘅嘢去試，咁就可以試到食物新唔新鮮，唔會畀啲醃料遮住曬啲雪味。所以我就攞咗啲蒜香雞翼同埋雞扒。佢哋又真係醃得幾有水準，啲雞肉唔韌而且好嫩滑，雞翼都大隻，味道唔係太重而且一味冇雪味，係水準之上。👍👍呢度可以打埋邊爐所以我都叫咗好簡單嘅鴛鴦湯底。越簡單越考功夫。仲攞埋佢哋啲肥牛。出面啲肥牛得個肥字，呢度嘅肥牛算係好高水準，牛味好濃，脂肪比例適中，仲有咬口。之後我就攞埋啲豬頸肉，滑雞同一口牛。呢啲嘢冇乜花巧但真係估唔到睇嚟好似好一般嘅餐廳食物都有咁高嘅水準。一口牛唔似係劣質牛，豬頸肉同滑雞都好有咬口，我都真係幾滿意。🥰🤩我仲攞咗啲蔬菜睇下佢哋會唔會係新鮮，我食咗韭菜，雞髀菇，粟米，翠玉瓜都爽口清脆，睇嚟應該係有機菜，值得欣賞。喺大埔呢個地方搵到一間算係高水準嘅韓燒絕對有驚喜，絕對值得好評。👍👍👍

兩公婆都唔知食乜。🤷‍♂️🤷‍♀️見到大埔呢間嘅放題又有燒烤又有邊爐，一於入去試一試。入到去食物嘅種類都真係好多😍🥰，嘢飲亦都多，搞到我有啲選擇障礙。老公鍾意食燒烤，佢攞咗啲肥牛，黑椒牛扒，雞軟骨，同一口牛。佢食到津津有味就知道啲嘢食質素應該係唔差😁，我自己就比較鍾意打邊爐，所以就叫咗個清湯同沙嗲嘅鴛鴦湯底。個湯底都幾濃郁，沙嗲味唔太重，啱啱好。我都攞咗啲肥牛都好新鮮。肥瘦適中。😍😁仲有好多瓜瓜菜菜，啲髀菇係我食過嘅最好嘅。爽脆，新鮮，味道鮮美。 粟米同豆好甜，食起來就好似啱啱由農場摘嘅一樣。 ，翠玉瓜又爽又大又多汁，真係大滿足。😍睇見老公不停攞一口牛，肥牛仲有啲煙肉，就知呢度真係可以滿足到佢嘅食慾。呢度價錢又抵又可以滿足我哋各有所需。絕對值得推介。👍👍

一班食肉獸要享受男人的浪漫，食放題係常識啦🤪。今次就去咗大埔嘅校長日韓燒烤料理。嗰日大家都好肚餓又攞咗啲快熟啲嘅嘢好似火腿片呀煙肉片牛仔腸同腸仔。牛仔腸嘅味道真係好特別，肉味好夾，加埋煙肉一齊食真係冇得輸🤩🤩🤩。佢哋都有唔同嘅海鮮可以揀就攞咗啲三文魚多春魚秋刀魚，啲魚都好新鮮又唔腥又好肥美。其實食兩三條三文魚都抵返曬😅重點我哋燒咗好多一口牛同黑椒牛扒，黑椒牛扒嘅質素真係高，必食。仲有蒜香雞扒同埋雞軟骨。蒜香雞扒好入味，絕對係黑椒牛扒之外另一個推介👍👍。我哋食到飽曬臨走仲可以同Ironman打卡🤪。呢度絕對可以滿足食肉獸嘅獸性。下次會再嚟報復式放題。

大埔廣場校長嘅燒烤日韓料理真心得。服務好，食物新鮮好味。我成日嚟這裡，係我同朋友最喜歡星期六、日去嘅地方之一🥳🥳。今次咁熱梗係攞嘢飲先啦，佢哋嘅嘢飲都好多選擇，啤酒、汽水、果汁都有仲有，自家製花茶！我梗係攞兩支花茶試下啦🥰🤗。我攞咗錫蘭荔枝茶，茶味都好重，幾好飲，荔枝味夠甜，最緊要夠凍❄️❄️。之後梗係即刻開始燒烤啦，一開始我哋攞咗金沙骨，香辣香雞翼。金沙骨夠淋夠香,雞翼又醃得啱啱好，味道唔會太重，唔會太辣。仲食咗啲肥牛、雞軟骨、腩肉。佢食物嘅種類都真係好多，仲有好多口味，唔係好似出面咁淨係得嗰一兩種味道。黑椒牛扒簡直係我至愛，好淋，好香黑椒味。質素嚟講呢度都真係冇得輸👍👍🥰🥰🥰。咁抵嘅價錢個個都食到飽曬真係唔知係邊度搵。我哋下次再聚都會嚟呢度，真係唔可以錯過.。

就算得自己一個人，多年來我一直去大埔廣場嘅校長燒烤日韓料理。👍👍因為食物新鮮，服務熱情，總是很受歡迎。我不能不推薦！😁我比較冇耐性，先攞咗啲熟食，好似點心, 青口同炸雞,。燒賣係豬肉燒賣，唔係街邊啲魚肉燒賣，而且味道都唔錯，幾香。兩個粉果啲餡料都好足, 真係皮薄餡靚。🤩🤩青口好新鮮，炸雞香脆可口。之後梗係食韓燒啦, 佢哋食物選擇都有好多, 我主要都係食我最鍾意嘅金沙骨呀, 雞翼之類。金沙骨好嫩滑，韓式雞中翼唔油膩，唔太辣，味道同口感都一流😋😋，咖哩雞翼配上了美味嘅咖哩醬汁好好食。 蒜香雞扒也非常入味。😋😋我建議即使你一個人也經常來這裡，永遠唔會讓你失望。😍

最近朋友搬入大埔，當然要推介下佢有咩抵食，而依間校長烤肉放題最岩佢，因為除左任食，啤酒都可以任飲。小朋友當然最鍾意炸物、炸雞粒、麥樂雞、薯條等，炸雞粒又幾好味。餐廳會安排一D海鮮、牛肉俾大家，有大蝦、帶子等，大蝦都幾新鮮，肉質彈牙。大蝦刺身每次自取一件，當然重有其他三文魚、吞拿魚等刺身。壽司揀左燒三文魚、芝士蝦、三文魚腐皮等，個人覺得三文魚腐皮壽司味道不錯，有一點甜，口感幾豐富。食到一半，見到外面有串燒和雞全翼，，雞全翼雞熱辣辣，外脆內軟。疫情前去左韓國就係飲依隻terra 啤酒，炎炎夏日重要韓燒，又好難唔飲。

我已經來這裡多年了，校長燒烤日韓料理絕對係大埔最好嘅燒烤放題！他們嘅燒烤，到美味嘅火鍋，一切都絕對令人驚嘆😍😍。如果您渴望燒烤放題，絕對值得一試。作為雞翼控我極力推介呢度嘅香辣雞翼，辣汁醃得啱啱好，辣味同鹹味好平衡，雞肉又嫩又滑，仲夠大隻絕對抵食😋😋。當然呢度亦都有好多好味嘅選擇，好似煙肉片、咖哩雞翼、韓風魚柳、我都好鍾意。菜都好多選擇，有冬菇、秋葵、粟米、樣樣都好新鮮。 佢仲有我老公最鍾意嘅一口牛同黑椒牛扒，佢話真係好食到停唔到口😃。牛肉嘅質素真係好強，唔似一般 cheap嘢。 佢哋都可以打邊爐，不過我哋食燒烤都飽曬，所以今次冇食，下次先再試。燒咗好幾個round都飽曬。埋單都唔係好貴。真係cp值好高。呢度真係食過最好嘅燒烤放題。👍👍

見到大埔呢間校長燒烤日韓料理有咁多好評我都有啲懷疑係咪真㗎🧐？咁就膽粗粗嚟試下。嗰日嚟到門口都要排隊等位，但一陣就到我啦。我坐低就出去睇下有咩嘢食，都見到有好多嘢食可以揀。熟食、打邊爐配料、燒烤料、嘢飲、甜品都有好多喎。我就攞咗啲一口牛、腩肉片試吓。味道都唔錯。係水準之上，👍👍而且佢哋仲有土匪雞翼，啲土匪雞翼仲好過出邊米線餐廳嗰啲。自己燒，熱辣辣更正!! 🤩🤩仲可以叫埋個鴛鴦湯底打邊爐。佢哋啲火鍋料好似肥牛呀、滑雞呀、都好正。當然都仲有好多蔬菜啦，好似粟米、 翠玉瓜、雞髀菇都好高質。呢個價錢兩種享受仲係放題真係筍到冇朋友。明白點解咁多好評絕對有原因 😄😄。

經過大埔好多次今日終於去試校長燒肉😛入座就送左一碟刺身同埋一塊牛扒，刺身都幾鮮甜。牛扒好大塊，燒左好多牛油出黎😂行左一個圈發現佢野食種類好多，有串燒、點心、刺身、炸物、薯容忌廉湯、蒸海鮮等等，一大班人都唔會驚搵唔到岩食既野😙而且味道都唔錯，等唔切慢慢燒既可以用黎填一填肚除左燒肉之外都可以整火鍋，肉類同菜類選擇都好多，每樣試一次已經飽飽地。個人最鐘意食雞軟骨同埋燒牛油白菌，食左幾轉！另外好欣賞佢飲品種類好多，仲可以自己沖茶葉，寫埋唔同功效，好岩想食得健康既人。呢到座位坐得舒服選擇又多，好岩同朋友一大班人黎食😛

之前都有試過校長燒肉，記得感覺不錯性價比高而且坐得舒服，食物種類又多重點價錢便宜，呢日就同屋企人過黎食下除咗燒肉火鍋，仲有熟食區，有炸物、壽司，剌身，仲有點心食物同飲品真係包羅萬有，個人最鐘意呢到剌身帶子同赤蝦大大隻，口感鮮嫩，真係就咁食刺身都值回票價另外壽司都係必拎之選，多款而且細細件燒肉有好多款唔同嘅肉類，總有一款岩食我就鐘意牛五花，雞翼調味亦不會過鹹台灣香腸甜甜地，幾好爐有牛油紙薦底唔使驚黐晒底難燒火鍋配料就主攻蔬菜及菇類，個人覺得這裏的蔬菜頗新鮮最後就算幾飽都要食下甜品，好滿足每人二百中的價位可以任食兩小時，選擇種類很多，而且坐得舒服，店員服務亦算週到

如果你正在尋找好味又抵食嘅日韓放題，咁就梗係去係大埔廣場嘅校長燒烤日韓料理啦！😁 我一直係忠實嘅fans。 佢啲食物價格合理，選擇很又多，服務無可挑剔。🥰🥰 韓燒最緊要啲料新鮮。佢哋啲肥牛肥瘦均勻，直頭完美，雞肉同埋雞翼又香又多汁。 😋😋😋我最鍾意係啲豬扒，又新鮮又嫩。 唔好唔記得腩肉片，啲味道好濃郁。 👍👍蔬菜都有好多選擇。 我真係停唔到口。我哋仲可以喺呢度打埋邊爐。😱😋依間係我最鍾意同朋友一齊食嘅餐廳。 每當我有朋友過嚟大埔嗰時，我都會推薦呢間餐廳，🤩因為呢度嘅食物非常美味，而且個個都可以搵到啱自己嘅嘢。 總而言之，係一間必食日韓放題。

久違了的燒肉放題🙆🏻‍♀️ 土匪雞翼皮脆肉滑，入口爆汁⚠️ 重口味之選～一口牛個汁特別滋味，甜甜哋好啱我口味🤗 黑椒牛扒一啲都唔鞋口，經典口味冇得輸😍👏🏻 燒三文魚啖啖肉，外皮香脆帶油香，必食🥰⚠️另外仲燒咗啲腸類添，牛仔腸勁粗勁大條😳 入口一咬香料四溢👅💦 貢丸同牛丸濃郁多汁，煙鴨胸鹹香十足，好濃鴨味🦆🦆🦆總括嚟講，呢間餐廳比起一般同類型嘅放題有誠意。先唔講佢哋食物款式同食材選擇有幾多，佢哋連場外嘅裝修同餐廳內部嘅指示都落足心機🤩 就連上落樓嘅樓梯轉角都唔放過，有好多好可愛嘅燈飾😍 除咗個人食到好飽之外，手機都食唔少🤪📸

聽講呢間放題好特別，特別在於又有燒肉又有火鍋，仲可以加錢升級食埋刺身添！除此之外，呢度仲特別多嘢食，而且係全自助，食幾多攞幾多😌😛 一嚟到真係有被震撼到🤯，因為我從來都冇見過放題係有咁多嘢食㗎😱 我覺得似去咗酒店食自助餐多啲囉，好興奮🤣🤣 仲見到歷來咁多代嘅Iron Man😍📸肥牛同豬腩片油脂感重肉味豐富，係我最愛😍🤗 一口牛表皮燒至微焦，再點一下日式燒肉汁，頓時覺得好幸福😌🥰 咖哩雞軟骨香濃脆口，令人念念不忘🥹💕秋刀魚同多春魚同樣教人難忘🤤 一咬魚皮即刻應聲裂開，豐腴嘅肉汁，喺魚肉中溢出👅👍🏻 另外腸類都唔嬉場㗎，口感扎實唔會過鹹😌