校長燒肉日韓料理 (大埔廣場)

營業中

休息中

第一次嚟校長燒肉，樓底好高裝修新淨，仲有好多塗鴉、壁畫、霓虹燈牌等等新潮又吸睛🤩📸拎咗好多食物，拎咗個茶碗蒸做前菜，個蛋好嫩滑配料又多。肉類方面就燒咗肥牛、豬腩、一口牛、黑椒牛扒。一口牛同黑椒牛扒入口鬆化，調味醃料比例完美💯😍 係水準之作‼️肥牛同豬腩啖啖肉，一啲都唔靭，食到勁滿足🙆🏻‍♀️配菜方面燒咗啲日式餃子、長餃子🥟 餃子絕對稱得上係皮薄䐄靚～襯個爐啱啱燒完肉，仲有肉嘅油脂香添😋👏🏻👏🏻魚類方面我哋燒咗秋刀魚、多春魚、鯖魚。多春魚嘅魚春一粒粒咁喺口腔入面爆開💦 令人回味🤤🤤 燒鯖魚肉厚多汁冇腥味，秋刀魚魚肉一絲絲，燒完都唔會乾爭爭😋👍🏻 因為自己燒嘅關係，唔會好似出面串燒舖咁燒到燶晒。有技巧同細心咁燒，就可以保持到皮脆肉嫩😤💪🏻

好耐之前已經想拉埋朋友嚟食校長燒肉㗎喇，可惜約唔成，之後仲撞正疫情添😣 今次終於去得成喇🥳 一到步就見到Iron Man擺晒pose迎接我哋喇😍 上到去，嘩，呢度果然係超多種類同款式嘅食物同飲品呀😱黑椒牛扒薄切，黑椒味滲透肉身，微微燒香表面鎖緊肉汁，一入口即刻滋味滿溢🤤👍🏻 豬腩片脂香十足，肉質鬆軟啖啖肉，好滿足😋 香辣豬頸肉酥軟爽彈，辣度適中👍🏻 魷魚鬚鮮嫩彈牙大大條👏🏻 土匪雞中翼似模似樣，川味十足😍 韓風雞軟骨辣得過癮，脆卜卜咬口十足💯 火腿大大塊鹹香彈牙，煙肉外焦內軟肉味重👅 牛仔腸廚師腸芝士腸水準同樣高，送酒🍺一流😝😝

呢度個爐好夠大，我一次過反幾隻雞翼同埋幾片燒肉都仲有空位剩🤣 燒雞翼呢啲基本嘢啦，揀咗土匪雞翼因為好耐冇食喇，同埋唔知自己燒嘅會係點嘅呢😆 結果係出乎意料地好食！Juicy多汁又惹味😋✌️火喉熱力算係分佈均勻，不過雞翼呢啲厚肉又難熟嘅，建議大家盡量唔好擺中間，以免燒到黑晒😂韓風雞軟骨粒燒到脆卜卜勁邪惡！🤤 火腿片同肥牛片口感柔軟，香辣豬頸肉爽口扎實，冇得彈👏🏻👍🏻 黑椒薄牛扒肉質鮮嫩，調味出色超入味💯👅最神奇係有中式點心拎‼️豬紅滑溜彈牙，咖喱魚蛋爽口有風味🔥 粉果大大件超足料，春卷新鮮炸起有咬口😍

調味區方面，有基本嘅芫荽、麻油、蔥花、指天椒🌶️、炸蒜，亦都有韓式柚子醬、日式燒肉汁、韓式辣醬同胡麻沙律醬💁🏻‍♀️ 我就拎咗後面嗰三隻醬汁😝火鍋方面，有三個湯底：清湯、豬骨湯同壽喜燒湯💁🏻‍♀️ 我哋梗係鴛鴦鍋啦～一半豬骨湯一半壽喜燒湯底😙 丸🍢類喺豬骨湯嗰邊比較鮮濃，而蔬菜🥬類就喺壽喜燒嗰邊夾啲同入味啲。煙肉片同豬腩片油潤十足，燒完勁香口，再沾上韓式辣醬，韓燒風味出晒嚟！黑椒薄牛扒就唔需要點仼何醬汁已經好夠味，鬆軟嘅肉質，加上黑椒嘅香氣同咬口，好掂🤤👏🏻 咖喱雞軟骨粒軟硬適中，酥脆可口😋 芝士腸、雞肉腸同牛仔腸一咬即破，肉汁爆棚💦 今餐實在叫人回味無窮！😍👏🏻👍🏻

第一次幫襯校長燒肉日韓料理, 一入門口比出面個吹氣太空人吸引住.入到去見到IRON MAN同米奇老鼠.  覺得呢間餐廳好攪鬼! 食物種類非常多. 有刺身, 打邊爐, 韓燒, 熟食, 甜品,花茶區..…絕對可以滿足哂所有人既胃口.刺身區:有5款選擇, 每次可以選3款各3件. 甜蝦好大隻夠鲜甜.另外仲有其他少量壽司熟食區:有豬紅, 炒麵,雞翼,薯條,春卷以及不同的蔬菜火鍋區: 以蔬菜.菇類,肉丸為主但都好多選擇燒烤區: 肉類非常多選擇. 雞牛豬乜都有. 每款肉類都會以用幾款唔同醬汁來醃出不同口味.例如比較少見嘅麻辣味飲品櫃超大, 除左一般罐裝飲品外,仲有自家製嘅幾款樽裝茶.比較特別有花茶區, 食飽之後可以自己製作一壺獨一無二嘅花茶慢慢享受每張枱都有一個燒烤爐同火鍋位. 個燒烤爐有張隔油紙隔住, 呢個做法幾聰明.一來 無咁容易燒燶.而且傳熱都好快.  我燒午餐肉真係超趣口!!唯有幾點覺得唔太好, 係座位比較逼, 座落有頂腳及通風差.燒完由頭到腳都滿身BBQ味.待應執枱超快, 快到未食完已經趕住收.某D區域地下好跣, 行過幾次差點跣倒呢個價錢來講真係算好多野食,  雖然座得唔太舒服.但整體來講

🥓火腿鹹香十足，口感細膩。🦑魷魚鬚又香又嫩食極唔厭😋👍🏻 土匪雞中翼味道正宗，孜然味食到上癮😍👏🏻👏🏻秋刀魚唔腥，少少🤏調味經已好香口🤤 多春魚魚春飽滿，外脆內嫩，鯖魚、三文魚最適合鹽燒，肉質同樣鮮美🤤👍🏻三角魚蛋非常彈牙🦷 芝心魚腐Q彈濃厚😋 貢丸足料，牛丸肉汁豐富，口感細密🥰肥牛肉質肥美👅 一口牛大小厚薄適中，四邊燒至五成熟，啱啱好鎖住肉汁，不得了😍👏🏻 黑椒薄牛扒嘅黑椒味唔搶，反而將牛嘅鮮味提升🤤👍🏻👍🏻另外值得一讚嘅就係餐廳好貼心🥰 知道有啲人士（尤其是女性）唔飲涷嘢，有一系列嘅花茶可以自己DIY沖嚟飲🫖 我都沖咗壺菊花玄米茶，養生之餘順便解一解啱啱食咗大量燒肉嘅油膩感😌 茶味🍵好濃玄米香，菊花清甜滋潤🥰❤️

第一轉我哋梗係食燒肉先啦，燒咗幾塊黑椒薄牛扒同埋火腿片。火腿片口感軟熟彈牙，牛扒入口鬆軟，肉汁豐富，好味到後續不停encore第二轉我哋就燒咗少少韓風雞軟骨粒、魷魚鬚、土匪雞中翼，仲有麻辣雞腎。雞軟骨粒燒到外皮脆卜卜，又一食到停唔到口 魷魚鬚我哋用咗每枱都會有嘅胡椒同鹽，自製咗個椒鹽魷魚鬚，非常之夾，口感軟Q彈牙👍🏻👍🏻 雞中翼油香逼人，食落外脆內軟，正！雞腎辣度適中，口感一流第三轉我哋燒咗煙肉片、牛仔腸、雞肉腸同芝士腸。煙肉片外皮焦脆，口感軟糯 腸類用料上乘，滋味十足最後我哋燒返啲蔬菜類，平衡一下 杏鮑菇厚肉多汁，四季豆翠綠爽口，翠玉瓜厚薄適中，粟米鮮甜飽滿

今日同阿媽嚟到大埔食放題，問過住大埔嘅朋友們，佢哋都異口同聲話校長燒肉係首選🥇🏆 叫得校長燒肉，相信佢哋嘅皇牌一定係燒肉喇🥓🔥 唔係講笑，淨係肉類都超過十款！有選擇困難症嘅都唔知點算好🤣 唔緊要，放題嚟㗎嘛，學阿媽話齋，每樣都拎啲咪得囉，總之食得晒就得😅😆😆我哋拎咗黑椒薄牛扒、煙肉片、火腿片、麻辣雞腎、土匪雞中翼、芝士腸、雞肉腸、牛仔腸、貢丸、牛丸同埋芝心魚腐😝😝 雞腎爽口有嚼勁，麻麻辣辣極惹味🤤 雞中翼肉質鬆軟，土匪香料味重到不得了～只能一隻接住一隻咁食！芝士腸同芝心魚腐芝味爆棚😋 黑椒薄牛扒入味到爆，肉質滑嫩，滿口濃香勁滿足🥰

前菜方面我哋拎咗中華沙律🥗 一絲絲營養豐富又美味😋 味付螺肉香濃鮮美，涼拌木耳口感爽彈，調味一流👍🏻👍🏻 藍青口鮮甜味美，肉質嫩滑可口👅 加賀揚，即係日式炸魚蛋，外皮酥脆內裏彈牙🦷我哋個套餐包埋火鍋🍲 火鍋方面有三個湯底，分別係日式清湯、豬骨湯同埋壽喜燒湯。另外估唔到細細個火鍋仔都有得鴛鴦鍋！咁我哋就揀咗一邊豬骨湯一邊壽喜燒湯🤗 肥牛片同豬腩片油脂分佈比例平均，肉質滑嫩。燒肉方面我哋燒咗韓式雞軟骨粒，粒粒都大大舊，辣辣哋好有風味👍🏻 另外土匪雞中翼都好入味，燒至金黃色嘅外皮香脆可口，肉質嫩滑帶油香🤤 特別推薦呢個大蒜🧄牛肉片俾大家，牛肉冇根，厚薄適中，惹味到極，好出色😋❤️

成日聽朋友介紹下話呢間食材新鮮同埋係抵食燒肉店，今日終於可以試一試啦。❣️我地揀咗B時段去食~5:00-7:00pm前結賬及離座(包刺身)星期一至五：成人$178；小童$118六、日、公眾假期及前夕：成人$188；小童$128食物有好多種類俾你揀，有熟食，刺身，燒肉等~~正呀!❣️ 刺身個到d刺身好新鮮，有赤蝦,吞拿魚,三文魚等等特別推介赤蝦，好大隻好鮮甜❣️ 燒肉有牛, 雞腎, 豬頸肉等雞腎爽口，牛好林。❣️ 甜品同雪糕推介: 有自家制拉既機雪糕!

之前book過位，點知嚟到無開。今次再三double check終於食第二次，哈哈！$218 + 10%！生日有88折！種類多元化，日韓有常見呀。有埋中式多款係依到先見過！先來個拼盤 - 帶子、大蝦、牛油蠔同肥牛有殼既食物開始先最好，一路可以食住熟食同刺身先！帶子肉實實，不錯！大蝦都帶彈牙既！牛油蠔可以早少少食，耐左乾左啲痴住左。每次可以拎刺身三款，每件三件，除咗赤蝦只可以一隻。三文魚係非常之厚切，油甘魚都係。赤蝦幾新鮮彈牙同凍蝦都值得一食！凍蝦口感比較結實！前菜有齊，另外仲有啲炸物，例如炸香蕉、炸麥樂雞、炸薯條等等。炸香蕉好懷舊味道，好深刻既一個又似小食又似甜品咁！之後仲有啲點心、沙律、茶蒸煮，種類多多。見老人家好多拎點心，哈哈！年糕福袋都有！火鍋方面有三個湯底！配料可以自由配搭，例如有貢丸、牛丸、龍蝦丸、炸枝竹、菜、羊肉片等等。又燒肉又火鍋仔好滿足！有炸響鈴就好啦，有住炸枝竹都唔錯！燒肉就有好多選擇，秘製叉燒、金沙骨、土匪雞翼、蒜香雞扒、雞軟骨有好多唔同嘅味道包括有咖喱同原味、仲有香蒜豬頸肉好多好多。唔會話因為佢品種多，而係味道一樣，每款嘅味道都有自己嘅特色，有啲甚至有韓式醬調配出

可以堂食晚市梗係要食多元化既放題開心吓喇～選擇咗呢間係因為佢近我屋企，有燒肉同時亦有火鍋，為食如我，咩都要有先可以滿足到😆呢啲環境佈置，男仔一定會好著迷一入座先有個拼盤由店員奉上，海鮮同牛肉都好靚仔😍樣樣都好新鮮，重點係一啲都唔腥😃外場有好多種類既食物，最吸引我嘅當然就係刺身，有六至七款，樣樣都非常吸引，當中我最鍾意係吞拿魚，無筋、新鮮、鮮甜。👍🏻👍🏻燒肉亦有好多唔同口味,只係雞翼都已經有三四款口味, 有辣有唔辣，任君選擇😆另外，酒樓點心亦毫不遜色，種類都算幾多，一盅一件😆熟食方面，竟然有惹味嘅炒蜆同東風螺。正！甜品除咗有一般品牌既雪糕雪條之外，仲有細細杯自家制甜品，而我就鍾情於自己拉既機，今次仲要有兩款口味，其中一款「蜜糖牛奶」認真係極力推薦😆呢個價錢可以食盡好西，抵到爛吖😆

疫情下飲食業生意受到很大影響，難得政府宣布放寬防疫措施，恢復晚市堂食，我就即刻諗起要食燒肉。校長燒肉之前已經比佢個招牌吸引住，今次就去就試下！價錢係唔貴，不過要睇埋質素！一入門口就好多超級英雄裝飾，如果鍾意嘅話真係幾開心！我1700到，估唔到都坐左好多枱。食物種類超級多，有熟食，刺身，壽司，火鍋等等，每樣野都超過10款！飲品大部份都係獨立包裝，好方便。淨係啤酒都有三四款。佢啲雞翼同雞軟骨各有3隻味，唔會太鹹，嗰味非常好食。香草魚塊都好出色，d肉好實淨。一口牛肉重味得啱啱好，可惜牛肉類選擇少！隻刺身赤蝦好大隻，爽甜，高質，力推！燒肉配啤酒，重要任飲，性價比高！重有甜品同雪糕，其實我唔係食左好多round，已經好飽！總括嚟講，呢個質素絕對配得起呢個價錢有凸。

我哋是在假期完結前的星期日在大埔踩完單車打算食個early dinner才出市區，5pm入座，7pm前埋單可以有優惠價。 餐廳門口裝修別緻，有數個Ironman 吸引小朋友及ironman 愛好者打打卡，沿樓梯上餐廳都有唔同主題設計的牆身供食客影相，一上到去是工業風的設計，空間感亦都十足，食燒肉最怕坐得逼及通風設備差，他們枱與枱之間有相當的距離，樓底高通風系統好，坐得舒服之餘，全餐都聞唔到好大的油煙味，門面功夫絕不馬夫，令人開始期待這一餐！ 校長燒肉之前聽就聽得多，食就真係第一次，食物種類之多樣化是我始料不及的，我之前以為只有燒肉！我們選擇了兩小時的燒肉火鍋刺身自助晚餐，聽個名都想像到有幾豐富，除咗燒肉，仲可以打邊爐，食刺身，仲有好多唔同款式的中西熟食任你選擇。餐廳在擺放食物位置上亦花上心思，除咗凍肉區、熟食點心區、壽司刺身區、飲品區、甜品區外，值得一提的是有花茶區，可以讓食客自己自由配搭不同材料的花茶，欣賞餐廳的心思同創意。除咗花茶之外，飲品方面都有唔少選擇，一般基本紙包飲品及韓式罐裝飲品之外，還有餐廳自家製的不同款式冷泡茶可以清清燒肉帶來的熱氣油膩感，連啤酒都是任飲，仲有清酒同梅酒

近排疫情好返啲，終於敢放心啲出嚟食飯啦！🥳好耐冇食過放題，見行開大埔超級城，就過嚟附近呢間校長燒肉食個爽🤤佢有三個plan選擇～一係就純燒烤，一係就燒烤加火鍋，一係就燒烤加火鍋加刺身！🤣🤣三個價錢三種選擇🥰真係照顧晒大家嘅需求，同埋價錢都係$100附近！！唔使二字頭，我個人覺得真係好抵食🥲裏面地方好大，各種肉類丸類熟食刺身嘢飲甜品有齊晒😂嘢食睇落都好新鮮而且補貨都幾及時！俾人拎晒嘅肥牛轉個頭又補返了🤣仲有自家製茶類～揀咗玫瑰烏龍茶，茶味濃郁🤭解膩一流呀！