校長燒肉日韓料理 (大埔廣場)

營業中

休息中

見到大埔呢間校長燒烤日韓料理有咁多好評我都有啲懷疑係咪真㗎🧐？咁就膽粗粗嚟試下。嗰日嚟到門口都要排隊等位，但一陣就到我啦。我坐低就出去睇下有咩嘢食，都見到有好多嘢食可以揀。熟食、打邊爐配料、燒烤料、嘢飲、甜品都有好多喎。我就攞咗啲一口牛、腩肉片試吓。味道都唔錯。係水準之上，👍👍而且佢哋仲有土匪雞翼，啲土匪雞翼仲好過出邊米線餐廳嗰啲。自己燒，熱辣辣更正!! 🤩🤩仲可以叫埋個鴛鴦湯底打邊爐。佢哋啲火鍋料好似肥牛呀、滑雞呀、都好正。當然都仲有好多蔬菜啦，好似粟米、 翠玉瓜、雞髀菇都好高質。呢個價錢兩種享受仲係放題真係筍到冇朋友。明白點解咁多好評絕對有原因 😄😄。