校長燒肉日韓料理 (大埔廣場)

營業中

休息中

呢度比我想像中多好多嘢食😳 而且以放題嚟講，食物質素一啲都唔差，拍得住酒店級數，真係令我喜出望外呀😋 以下逐一同大家介紹，有邊啲係必食‼️金沙骨🥩：非常入味，蒜味十足，近骨位置實在太好食，好邪惡呀！秘制叉燒：調味鹹度比例適中，帶出肉質肥美鬆化，誠意推薦👍🏼自家製冷泡烏龍茶🥤：茶味香濃，解膩解渴餃子🥟：煙韌飽滿，肉質扎實煙鴨胸🥓：香脆味濃，食唔停口貢丸、牛丸：爽滑彈牙，肉味濃厚墨魚丸：墨魚粒有咬勁，新鮮香濃芝心丸：芝士味唔假，滋味十足火腿：口感彈牙廚師腸、牛仔腸、芝士腸：肉味濃厚有層次粟米🌽：清甜爽口，燒到金黃色帶焦香最惹味🤤總結：食完真係飽到瞓咗喺度，超滿足嘅一餐！原來校長燒肉仲有其他分店㗎，以後想食燒肉放題又多個選擇喇🥳

呢度好旺場呀，坐滿晒人～從未見過一間放題可以有咁多食物款式同種類㗎😱 就算每樣拎少少，都唔會食得晒，太誇張了！沙律吧有一大盆火箭菜、車厘茄、粟米粒，拎咗少少當前菜食嚟開胃☺️ 建議加千島醬，滋味十足。炸物竟然有麥樂雞😆 比麥記更重雞味，冇油益味。煙鴨胸入口鬆軟，牛仔腸同芝士腸脆口惹味。貢丸同牛丸都好好食呀，好足料同彈牙👍🏻 餃子都好味又大隻👏🏻 香草龍脷柳鯖魚肉厚調味香，燒多春魚要有技巧呀，唔好太大火，慢慢燒，魚春脹卜卜就最好食！一口牛好入味，肥牛片好香濃。店員refill食材好快，冇拎唔到嘢食嘅問題存在。地方夠大，即使人多都唔逼夾。杯碟乾淨衛生，環境企理唔會油淋淋。無論係食物質素、價錢定服務態度，都係好值得到訪嘅一間放題餐廳👏🏻👍🏻

我哋揀咗B時段（17:00-19:00前結賬及離座~包制身），星期一至五：成人$178 小童$118星期六、日、公眾假期及前夕：成人$188 小童$128估唔到細細個火鍋都有得鴛鴦湯底！又刺身又燒肉，仲有得鴛鴦鍋添，只能夠講一句：呢間餐廳真係滿足到你N個願望😂🤣 我哋就揀咗壽喜燒同豬骨湯，本身因為餐廳呢個價位同放題嘅性質關係，我冇抱有太大期望，點知，我錯喇！個壽喜燒湯好正宗，甜鹹適中，好吸味。豬骨湯都唔錯，濃厚有肉味。牛丸同墨丸好夾壽喜燒嗰邊，有少少日本關東煮🍢嘅感覺。食完火鍋，我哋就燒肉喇！一口牛肉質鮮嫩有彈性，韓風香辣雞中翼辣辣哋非常香口。粟米、豆角味道都好清甜，爽脆冇渣。 腸仔脆口味道豐富。餃子飽滿爆汁。刺身有三文魚、吞拿魚、赤蝦等。我最推介赤蝦，甘甜可口，新鮮度100😍👍🏻

放假去大埔踩單車，順便夜晚喺附近食好西。喺Openrice見到呢間連鎖放題餐廳開咗嚟大埔，啱晒做完運動肚餓到飛起嘅我哋呀🤣離遠已經見到大大個招牌好搶眼，而最吸引我嘅係入面有個1:1嘅Iron Man模型呀😍 見到好多小朋友影相好開心，呢度係一間好適合家庭嘅餐廳！正如我睇食評所見，呢度自助區好大，冇可能一次過逛完同拎晒啲食物！個人認為一定要拎嘅有豬腩片、秘制叉燒、香辣豬扒同黑椒薄牛扒。秘制叉燒肉質林滑，燒完之後香到不得了～香辣豬扒辣度適中，亦非常入味。呢間燒肉用料果然係有返咁上下質素！咁我哋仲燒咗煙肉、火腿、腸仔，一樣好香濃好惹味。我承認齋食肉係有少少唔健康嘅，最後都燒咗啲豆角、翠玉瓜、粟米、雞髀菇作今餐結尾，清甜爽口。甜品我就真係食唔落喇，我都好想食，下次啦！因為呢間餐廳我一定會回頭㗎😆👍🏻👍🏻👍🏻

嚟到校長燒肉，梗係要盡情咁燒啦！雞翼肉質厚嫩，冇雪藏味。雞軟骨大粒香脆，牛仔腸腸衣爽脆，內裡餡料飽滿香濃，肉汁豐富💦燒肉區有金沙骨、肥牛片、豬腩片、煙肉片、羊扒、雞扒、牛扒、紅腸等等。值得一讚嘅係醃料方面餐廳處理得好好，唔單止口味選擇夠多，醃肉亦醃得入味，口味調配係適合返肉本身口感同風味。尤其是黑椒牛扒，黑椒粒大小適中，肉質飽滿。此外，煙肉片燒至金黃色，香脆可口。肥牛片輕輕燒過，比火鍋肥牛嘅牛味更勝一籌🤤冷盤有海蜇、中華沙律🥗、多款壽司🍣等。海蜇質感爽脆彈牙，中華沙律風味十足，壽司整體正宗，大舊扎實👍🏻刺身有赤蝦、吞拿魚、三文魚等等。特別推介赤蝦，大隻鮮甜👍🏻飲品區有勁多紙盒裝同罐裝飲品，仲有得任斟梅酒、清酒、低糖綠茶！調味區有多款醬汁自行組合💁🏻‍♀️

嚟到校長燒肉，主力當然係燒肉啦～我哋拎咗一口牛、豬腩片，一口牛本身已經醃得好香，再點少少蒜鹽更好食，豬腩片建議大家可以喺出面拎燒肉汁燒，滋味十足。鴨胸同煙肉油香味厚，燒雞翼肉質軟熟，食廿隻都得。另外仲燒咗三角魚蛋、麻吉燒，厚實彈牙。牛仔腸、廚師腸同芝士腸極高質，餃子同鍋貼口感一流，燒完都唔痴牙，超驚喜。除咗食物款式多，原來飲品仲多！有罐裝嘅汽水同紙包飲品，亦都有冷泡茶同花茶俾你自己DIY🤩我哋個套餐仲包埋可以斟酒，有梅酒、清酒同啤酒！飲飽食醉大滿足🥰總括嚟講，咁嘅價錢可以食到咁多嘢食，更令我加分嘅係佢哋連飲品選擇都咁多！絕對係將其他同類型嘅放題餐廳比下去，以後食放題就認定呢一間了☺️

為咗慶祝老豆生日，左搵又搵終於搵到間評價唔錢嘅放題-校長燒肉，於是book咗今晚成家人刷餐勁😋嘩，呢間放題痴線㗎😱 食物款式應有盡有，諗到嘅又有，你諗唔到嘅都有。平時我哋食開嘅放題多數都係食刺身同甜品為主，而呢度就有燒肉、火鍋、刺身、壽司、中式點心、甜品！我哋成家食肉獸，一埋位就出去拎晒每樣一款嘅燒肉！有羊扒、香辣豬頸肉、香辣雞扒、咖喱雞軟骨粒、孜然香辣豬腩片、黑椒薄牛扒等等。全部都肉質鮮美，調味香濃🤤👍🏼魚類方面我哋仲拎咗秋刀魚、多春魚、鯖魚添！魚質油潤，魚肉新鮮一絲絲。另外仲拎咗少少青口，鮮味十足，推薦👍🏼👍🏼👍🏼餐廳佈置都好有心機㗎，喺我哋座位附近同牆上都有唔少壁畫，老豆都話好復古，好有佢哋以前嘅時代感✨

Save咗好耐嘅放題餐廳，今日終於到訪喇。個爐都好夠大，一試過可以燒到超多嘢食！有張吸油紙舖喺底，咁就唔怕燒完啲嘢食太過油膩啦！我哋燒咗香草腸，爽脆彈牙肉味濃。芝士腸芝味香濃爆肉汁。黑椒牛扒黑椒味香，入口新鮮厚實。肥牛片肉質嫩滑，必食之選。孜然香辣豬腩片孜然粉惹味十足，豬腩片油脂香濃。魷魚鬚爽口彈牙，鯖魚焦香十足，啖啖肉唔腥臭。雞軟骨爽脆有咬勁，三角魚蛋魚味香濃，麻吉燒、餃子足料爆涵。值得一提嘅係呢度抽氣同通風系統做得幾好，即使幾乎每一枱都喺度燒肉，現場都唔會好大陣油煙味，我返到屋企件外套都冇好大陣燒烤味，讚！

今日同朋友嚟到大埔校長燒肉提早慶祝生日，食物款式甚多，有涷海鮮、刺身、壽司、熟食、韓燒、火鍋，仲有甜品同自家製飲品添！肉方面，我哋拎咗豬腩片，肉質鮮嫩帶油脂香。香辣豬頸肉，辣辣地好惹味。黑椒薄牛扒，黑椒味好香，肉質鬆化。仲有孜然香辣豬腩片，孜然粉入晒味好有風味。餃子足料大隻，推薦。丸方面，我哋拎咗貢丸，菇味香濃。墨魚丸爽口彈牙。蔬菜方面，翠玉瓜清甜爽口，豆角冇渣，粟米爽甜多汁，菇厚薄適中。總括而言，餐廳座位環境闊落舒適，價錢合理，食物質素高且款式包羅萬有，啱晒唔同年紀唔同口味嘅人。朋友都好滿意今餐，我哋都食得好滿足。

今個周末同男朋友去咗位於大埔市中心嘅校長燒肉食放題，因為我哋已經好耐冇食放題喇！一去到已經見到門口好多人喇，嘟完安心出行，見到幫我哋量體溫嘅竟然係男朋友最愛嘅Iron man! 梗係停低腳步，同佢影返張相打卡先啦📸 上到去見到好熱鬧，好有氣氛，呢度好適合一家大細/朋友聚會呀🙆🏻‍♀️呢間餐廳雖然主打日式同韓式燒肉，但係佢同時間亦有火鍋、刺身，甚至乎點心等多款美食😍 啱晒鍾意食燒肉同時又鍾意食刺身嘅我，事不宜遲即刻去拎嘢食先～燒肉材料有多款肉類，豬牛雞魚魷魚⋯⋯我哋每樣都有拎啲啲🤏 黑椒牛扒入晒味，肉質鮮嫩唔柴。豬腩片肉質肥美，啖啖肉好滿足！就連火腿都好大塊！掛住食刺身都唔記得影相添🤣 帶子清新鮮甜，我哋不停encore👍🏻 赤蝦肉質鮮嫩，大大隻夠新鮮。三文魚肉質彈牙，厚身冇渣。

事緣我有位好為食嘅朋友食過呢間校長燒肉😂 話好好食又平，極力推介，咁我就一於跟佢嚟覓食啦～我都好耐冇去酒樓飲茶了，拎咗幾件中式點心😅 喺放題入面食點心感覺好有趣😆 燒賣唔係普通魚肉燒賣，係有菇粒同蟹子嘅燒賣，熱辣辣好好食。粉果皮唔黏餡唔油，正👍🏻 流沙包一個唔覺意瀉到成隻碟都係，非常滿足。燒肉果然係招牌，見好多人拎金沙骨，真係好入味，已經唔需要點調味料，我encore咗好多舊。蔬菜都好新鮮，拎咗好多粟米、雞脾菇、翠玉瓜、四季豆，啱晒鍾意健康嘅我🤣 加少少調味就好好食啦，記住唔好燒得太乾呀，要少少juicy先好味😋比軟特別嘅仲有雞軟骨餃子，內餡香濃飽滿。麻吉燒，內餡濃郁外皮Q彈。腸仔、火腿同鴨胸都好夠味，整體食物高質👍🏻

之前食過觀塘嘅校長燒肉，一直令我念念不忘，因為真係好抵食呀，值得我認真寫返篇食評俾佢哋！今次嚟到大埔分店，睇睇食物質素如何先😆😆丸類有魚腐、三角魚蛋、貢丸、牛丸、墨丸、芝心丸等等。牛丸爽彈爆汁，墨丸有咬口，貢丸香濃扎實👍🏻👍🏻蔬菜類有芋絲、四季豆、粟米、菠蘿、南瓜、杏鮑菇、翠玉瓜，另外仲有自選沙律吧，素食者都完全唔洗擔心會冇啖好食！豆角清新爽口，翠玉瓜鮮甜爽脆，粟米清甜甘香，杏鮑菇厚肉彈牙👍🏻韓風雞扒香辣惹味，牛肉片厚薄適中，豬腩片鮮嫩油香。芝士腸鹹香爆芝，煙肉同鴨胸皮脆肉嫩，雞翼入味濃厚👍🏻暫時以我多年食放題嘅經驗（笑），全香港都真係冇邊間同類型燒肉餐廳可以提供到咁多種類嘅食物！校長燒肉絕對係我心目中性價比最高嘅放題餐廳呀🙌🏻

上星期朋友帶咗我去一間平靚正嘅燒肉放題——校長燒肉😋真係冇諗過居然喺放題入面會見到有點心！作為點心控嘅我，當然要每樣點心都拎啲試下啦～燒賣菇味濃，好食。咖哩魚蛋彈牙有魚香，蘿蔔清甜冇渣。春卷皮脆涵足，冇油益味。粉果個皮煙煙韌韌，滿滿肥豬肉好好味。流沙包爆漿味蕾大滿足‼️除點心外，呢度仲有數之不盡嘅熟食、炸物、涼拌菜。我就拎咗薯餅，薯仔有咬口唔太油👍🏻 海蜇爽口彈牙，中華沙律味道清新夠開胃👍🏻👍🏻燒雞翼，好鍾意食💕 燒咗激多隻雞翼，因為真係好好食呀，肉質嫩滑又juicy💦 另外仲燒咗肥牛，鮮嫩冇根重牛味。呢度環境好大，每一枱都有闊落卡位坐👍🏻 食物種類多而且分類清晰，客人拎嘢食唔會逼埋一齊。裝修設計亦有心思，不論係座位定樓梯位都有好多懷舊造型嘅壁畫同Iron man裝飾😍👏🏻

早幾日係爸爸嘅生日，又唔想喺屋企煮咁麻煩，就揀咗嚟屋企附近安泰路大埔廣場嘅校長燒肉。👍🥳🥳🥳🥳🥳點間嘢有好多唔同種類的食物，可以讓我地一家人都選擇自己喜歡的食物。其中比較特別的就系牛肉腸🙃🤗和黑椒薄牛扒。平時通常都系食豬肉腸的，牛肉腸入面好多汁好彈牙。黑椒薄牛扒就好入味，因為夠薄，好快就熟，😇👍😍一口一薄片，口齒留香。玉米，脆肉瓜，菇類同埋午餐肉呢D 都好新鮮，工作人員fill 得好快。🌵🍀☘️🧇🌽仲有好多嘢飲好多雪糕食，絕對系一家人聚餐的好選擇！ 👨‍👩‍👧‍👦

☘️☘️☘️☘️☘️☘️☘️☘️☘️☘️好耐都冇食韓燒放題, 見朋友極力推介呢間校長燒肉, 大食妹的我一於走去試試。我朋友話校長燒肉嘅嘢食好多元化, 除咗一般嘅韓燒以外, 仲有好多其他甜品和美食，難怪咁有人氣。💯💯💯💯💯💯💯💯💯💯講真我好大食嘅，所以放題燒烤最適合我，但係其實放題通常俾人嘅感覺就係食物嘅質素反而冇咁高，但係今次校長燒烤食物嘅質素都保持好高，雞翼同豬扒都醃得好入味，肥牛片都fill 得好快，而且肉质夠新鮮，一口牛的肉質好彈牙肉味濃，豬腩片易燒易熟。💕💕💕💕💕💕💕總體來說，呢間真係性價比非常之高值得推介！ 👍👍👍👍👍👻👻🥳🥳🥳