果子｜海南雞飯·喇沙摻摻 (啟昌樓) (已結業)

近排太和附近開咗好多餐廳，之前食過幾間都唔錯，所以今晚特登試吓呢間星馬菜餐廳，因為聽附近街坊講口碑唔錯，所以專誠嚟試吓。首先講講價錢，價錢都幾街坊㗎，因為佢有一個主食，一個小食，仲配埋一杯特飲。如果你唔想飲特飲，仲可以加錢飲啤酒。餐廳內嘅裝修都幾舒服，好友星馬餐廳嘅感覺。叫咗一份香茅豬扒米粉，豬扒厚切，湯底香濃。另外叫咗個印尼炒飯，份量都唔少，佢有一隻雞蛋，兩塊蝦片，三隻蝦同兩串串燒。另外再加多兩串雞肉串燒，啲雞肉好入味，配合佢哋嘅沙嗲醬，入口香濃。另外叫咗個絲網春卷，春卷上枱時熱辣辣，外皮香脆，裏面嘅豬肉味好香濃。