果子｜海南雞飯·喇沙摻摻 (啟昌樓) (已結業)

夜晚同屋企人食飯，想轉下口味唔食中式，就去左果子食下星馬菜，之前係網上叫外賣平台叫過，但係今次堂食無論係賣相定味道都好好多👍🏻叫左個海南雞飯，係夏天食啲涼浸浸既野好好，雞都算滑身，配埋個油飯加埋自行加醬汁酸酸甜甜，調味剛剛好🙆🏻‍♀️小食拼盤有4款小食，有炸蝦、雞翼、春卷、蝦餅，炸得比較乾身，個人最鐘意既都係春卷同埋辣辣地既蝦餅印尼炒飯味道都唔錯，配上兩串沙嗲肉串，加上脆口的蝦片，成碟飯都好惹味，又唔算太鹹，份量都好夠👍🏻

今日喺大埔早咗做完嘢仲係下午茶時間， 於是即刻去搵個下午茶， 順便想搵個地方有得坐下， 見到呢度原來新開咗一間餐廳仔， 行簡約風嘅裝修都幾warm, 既然有時間就試下餐廳全部係原木色風格， 光猛坐得都舒服，我叫咗個下午茶原來都只係三十幾蚊， 已經有杯嘢飲同埋一個咖哩飯， 價錢都唔算貴呀， 而且牛腩飯都幾多牛腩， 當係下午茶個份量就啱啱好點解我叫咗杯焦糖咖啡， 焦糖味調得都唔錯， 上面仲有一個整得幾靚嘅cream， 飲埋杯嘢仲可以慢慢坐

值得一試再試既「果子」。環境舒服，裝飾好靚，牆上面全部係靚靚既掛牆盆栽，簡約得黎又好有生氣👍🏻同朋友下午茶去，好肚餓咁叫好多，食咗海鮮喇沙摻摻，海鮮足料，大蝦同蜆都新鮮好甜。無骨海南雞，皮滑肉嫩，黃油飯好香唔膩。併盤每樣都好食，重點係跟餐餐飲有得揀柚子蜜/ 檸檬薏米水，唔洗加錢，正！ 仲有其他特飲珍珠奶茶可揀，但我梗係潤下飲健康啲😝餐廳仲好細心提供酒精搓手液俾客人任用之餘，可以用良心價購買。用心小店一定多多支持！ ✌🏻

最初見到舖頭名以為都係all day breakfast或者咖啡店啦又估佢唔到喎 原來係星馬菜🍜海鮮喇沙摻摻賣相相當吸引 材料豐富蜆好鮮甜 但蝦就完全冇彈牙既口感喺星馬食正宗喇沙可選擇油麵或米粉而兩溝(油麵+米粉)就叫摻摻呢度既摻摻主要以油麵為主如果提高米粉比例 相信口感應該更佳值得稱讚既係湯底👍🏻濃郁惹味帶微辛椰漿味偏重 但絕對唔會遮蓋喇沙既香辣兩者互相輝映 既香且甜以呢個價錢 有呢個質素都算不過不失 值得回頭

今日推薦一下太和食街一帶的restaurant!係太和消防局附近都係食肆林立，而依一間小餐廳🍴係其中一間😚lunch hour既人數都唔少，不過勝在座位偏排得唔錯，空間闊，令人坐得幾舒服😌今次我叫左無骨海南雞飯（可選油飯或白飯）甘我就簡左白飯既😍凍檸茶係我經常飲，依個餐都只係$58（因為凍飲加兩蚊，本身$56）！雖然係叫左白飯，不過佢都精心製作過，加左少少顏色既（少少Source)雞好嫩滑，有三款醬同青瓜送飯，好惹味好好食！

見到「果子」這個名字，我聯想到的是日本菜，或現時流行的有意粉、甜品的cafe，原來賣東南亞菜。我們共叫了3款飯麵，1個甜品。海鮮喇沙摻摻 碗內配料頗多，「藏」著兩種麵條。湯很好味，小辣，足夠過喇沙癮的同時，又不會太辣！無骨海南雞飯 無骨雞夠滑，可惜欠了點味道。油飯味道一般。肉骨茶飯 看著好像餸不多，原來也有4條骨。兩片油炸鬼的質素一般。豉油有一股酒味，跟海南雞的豉油是一樣的。紫薯牛奶慕絲蛋糕 白色的mousse口感不像mousse，在口中溶化後好像有牛油的香和油膩感。總結來說，最好吃的是喇沙，最特別的是紫薯牛奶慕絲蛋糕。

呢間係大埔嘅一間cafe，如果係大埔俾我揀一間最鐘意嘅cafe，一定係佢。因為佢真係俾到好多驚喜我我地今日黎食晚餐，佢serve嘅主要係東南亞味道嘅食物。今次我叫左呢個無骨海南雞飯（$64）配飲品海南雞飲係油飯，都可以揀白飯，油飯好香又唔會太油膩，唔錯。加埋雞都好夠味所以呢個飯整真係唔錯。飲品方面都有驚喜，我揀左朱古力咖啡，估唔到有cream同可可粉，真係好靚，飲落個味都香。最後我地仲跟餐以優惠價叫左兩件餅做甜品抺茶蛋糕同紫薯蛋糕。兩件餅各有特色，都好配合，好好味，真係揀唔到邊個味好味d。總之呢個甜品真係呢餐一個完美嘅句號呀！

位於大埔近太和嘅一間越南餐廳餐廳出名嘅菜式有海南雞飯喇沙等等但今次想試新野所以試咗南乳雞翼配香茅豬扒飯☺️豬扒比我想像中幼嫩食落唔韌好軟身而且香茅味道十足 用嚟送飯一流！南乳雞翼嘅南乳味道都好出少少咸 多多趣又係要來送飯正！最後試埋佢杯珍珠奶茶不過不失 略嫌普通不過越南餐廳黎講都唔會要求杯珍珠奶茶要幾好味😂整體黎講餐廳菜式嘅份量適合女生對男仔黎講就可能份量較少需要叫多啲小食🤣午市價錢平民 大概$45-60有興趣嘅朋友都可以去試吓👍🏻📍 果子 (太和)太和汀角路11-13號啓昌樓地下13號舖

大埔其實好多好嘢食，中西日泰乜都有，但今晚諗住是但hea食，諗起近太和有間小店，好一段時間冇幫襯，今晚就再去試吓啦七點前到咗餐廳，唔算多人仲有好多位。餐廳最入邊有幾張卡位，當然即刻揀卡位坐喇，兩個人食佢都俾我哋坐卡位晚市套餐包埋嘢飲，我哋都叫左喇沙，一個海鮮喇沙一個豬頸肉喇沙望落去個樣都幾靚仔㗎佢哋跟嘅餐飲有薏米水，柚子蜜等...雖然我哋Hea食，間餐廳絕對唔hea再加多咗個通菜，係份量少左啲囉，都接受嘅，加$20姐想點喎😂😂完

接女朋友放工，經過這間店， 外觀整潔舒服， 光猛清新，適合兩人慢活地， 點個餐嘆杯咖啡輕鬆傾計。餐廳老闆 很友善很健談， 迅速地和我們點單。 雖然我倆都有選擇困難症 ，但餐牌上都有熱門介紹， 我們就順勢選了最熱門的兩度菜式， 南乳雞翼的配搭更是值得一讚， 飲品也落重本 ，有檸檬薏米水 ，食物也很快送到。環境很舒服 ，不經不覺間， 就聊了 一個多小時 以及飛來說， 算是相當不錯， 相當適合朋友家人來這裏 ，輕鬆用過餐享受聊天的美好時光。

本身係大埔返工既我，已經黎呢間餐廳食過2次，以平價黎講，質素都算係唔錯！呢個喇沙係我次次都會變嘅，今次我就點左配豬頸肉！每次食呢個喇沙我都會想飲埋啲湯嘅，好香味道又夠濃郁！呢個小食拼盤真係冇得頂啦，每一樣都好香脆同埋夠味，兩個人食啱啱好！不過杯珍珠奶茶好淡，唔夠甜，有點失望。不過呢，呢個肉骨茶就認真麻麻啦！我朋友食都話唔夠味，個湯似溝左好多水！我有食入邊啲豬骨，啲肉都有啲硬，似浸左好耐咁，唔太好食！

今日難得黎到大埔搵朋友 問下朋友有咩好食 朋友推介有間新開既星馬餐廳 就一齊去試下啦！入到餐廳 設計雖然簡約 但勝在環境舒適 仲有音樂聽下 但唔會好嘈我地食lunch,午市餐牌都有好多抵食套餐 好多野我地都想試啊最後我就點左香煎豬頸肉喇沙摻摻，味道唔算好辣，豬頸肉都好林，個麵係油麵同米粉，好香好入味啊而朋友就點左香茅豬扒椰漿飯，豬扒唔會太硬身，易咬口，仲有d蝦米仔同花生伴碟，幾野味另外仲分別加12蚊叫左兩款小食，南乳雞翼同白雲酸辣鳳爪雞翼唔會太乾，岩哂我啊而朋友就中意無骨既酸辣鳳爪飲品我就揀左檸檬薏米水，正啊呢到價格平民化又坐得舒服，下次探朋友又可以再黎食啦

放工經過見到新開食店，環境不錯，原來係吃泰國菜的。豬扒煎蛋椰漿飯，豬扒入味，但個蛋煎得太熟，有些硬同乾，如果係流心蛋就好啦！喇沙海鮮麵好膿味，唔錯，不過蝦唔夠新鮮。整體味道不錯，份量足，價錢唔貴，性價比高，下次會在來

第2次食了~ 上次食晚飯覺得幾好食，想食仔細點，今次食lunch，水準同晚餐一樣~個人鍾意食喇沙，出面d喇沙好普通，呢度就唔同啦~叫左香茅豬扒喇沙摻摻($58)，已經第二次食喇，佢喇沙椰香好出，唔辣，好味！佢同正宗咖喱喇沙一樣都係油麵+米粉，連湯都飲埋不過如果米粉多返d會更好，老婆叫左肉骨茶飯($58)，佢藥材味濃，味甘，不過蛋同一字排都唔太入味，正正常常一般。叫左森巴醬通菜(+$20)，好食既，個味係幾特別，好少食到，不過有d濃同咸，同埋份量有d少，有少少失望。送飲品，即磨咖啡做句號~

小編的媽媽是馬拉華僑，令小編從小接觸不少地道星馬美食。近年，香港也開了許多主打星馬菜的餐廳，今日終於去了位於太和的果子Café一試。我們點了肉骨茶飯和海鮮喇沙摻摻，午市套餐會附送兩杯飲品，我們點了熱即磨咖啡和熱柚子茶。🌿 肉骨茶飯 $58肉骨茶湯入面有蛋、排骨、豆卜，配白飯一碗。另外有小碟裝有辣椒粒、點排骨的甜醬油和兩小件油炸鬼。或者許多香港人未必知道，在星馬食肉骨茶可加油炸鬼浸湯食，我想原理跟打邊爐將炸魚皮浸湯食差不多🙈不過，這裡的小細節令小編更失望；因為油炸鬼不新鮮，浸湯後仍很硬，而且有油膉味，因此小編寧願無油炸鬼了。其他食材不過不失，值得一讚的地方就是湯的藥材味頗濃，而且夠香，有回甘， 撈湯食一流。🌿 海鮮喇沙摻摻 $63果子的喇沙摻摻跟許多香港餐廳一樣，味道較似新加坡叻沙：椰漿味重，偏香偏甜。在星馬食喇沙，麵底可選油麵、米粉或摻摻。摻摻是指油麵摻米粉，這裡的油麵多，米粉較少。喇沙的賣相吸引，有大蝦兩隻、半顆蛋、魚片、蜆、豆卜和少量芽菜。喇沙的湯惹味亦夠熱，湯面也有不少辣油的油花。唯一略嫌麵質較稔，不夠爽彈；另外，可能小編較重口味🙈，如果湯可以鹹少少就更好。🌿 小結：餐廳環境