果子｜海南雞飯·喇沙摻摻 (啟昌樓) (已結業)

首先，我冇影過相，因為當日心情唔好，食飯前走左其他地方飲到醉醉地先去食，所以冇影到！當晚4人去左依間果子到食，雖然我book左位佢話我冇book過，不過好快就安排返座所以都冇乜野，因為同d女人仔食飯，所以叫嘅量唔算多，叫左個肉骨茶啦，啦沙滲滲，軟殼蟹咖哩包，炒通菜同埋小食併盤，估唔到越食越有驚喜，冇諗過咁好食！1.肉骨茶味道適中，藥材同香料味道唔會遮左本身肉味，舊肉又夠晒淋，用黎送飯簡直一流😋2.喇沙海鮮滲滲味道夠香夠濃，辣味適中，成碗都係蝦嘅味道，就咁聞都已經流晒口水🤤🤤d豆卜索晒d喇沙簡直🤪🤪3.咖哩包辣味適中，但味道香濃，面包鬆軟，隻蟹炸得很鬆脆，正常😋4.併盤同炒菜正常發揮水準幾好因為我自己個人對星馬菜都麻麻地，所以今次一食，我一定要出post,佢會係我返兜名單之一，10分入面有8分😋

朋友考到車牌就要慶祝吓佢住大埔區就吓佢反正我鍾意周圍食唔多熟悉呢頭朋友多數係屋企附近或大型商場食就靠上網搵吓大埔食叻沙唔多選擇見到呢間有🦀🦀就去啦😬但係佢個名好日式叫"果子"得倆個女人仔叫唔得多野食有驚喜的小食可以二件叫👍🏻主菜更係🦀🦀見到佢成隻軟殻蟹😍👉🏻就叫咗"軟殻蟹火山飽"😋其實佢應該叫海鮮火山飽🤣因為隨咗有蟹，蝦，蜆好豐富味道似泰式咖哩個飽好脆口女人冬天更係補一補👉🏻肉骨茶煲(有二種份量選擇)個鍋好有架勢，底下有火保溫隨時飲都可以熱住👍🏻點少得菜呢👉🏻森巴醬通菜個名好少見就試下微辣香口食食吓好開胃再叫d 小食👉🏻馬鈴薯炸蝦卷👉🏻沙爹牛肉串燒好處係二件一碟👍🏻食咗咁多濃味野飲杯野解吓個心舒服d👉🏻檸檬薏米水佢用三小時煲👍🏻最尾佢地請我地食👉🏻咖央多士😋唔記得影😅合理價錢👍🏻餐廳唔似東南亞風味🤣

朋友生日約食生日飯，唸起呢間餐廳，每次經過都覺得佢地食物賣相唔錯，位置都幾舒適。約左晚上6:00，見都差不多滿坐，生意不錯呢！叫了一個咖喱蟹包，賣相很吸引，份量不多，足夠2人份量。店員善意提醒要快吃，的確，焗脆的面包很快就變淋，當然天氣冷有關係，建議上桌就要快吃。1-2人用肉骨茶，這款是日最欣嘗的，有火燒石座熱，能保持湯頭温度，湯質地濃郁，料也頗多的！走地雞海南雞飯，少脂肪，冇太多調味，健康之選，配合醬料剛好，雞飯亦不錯，有香味，very nice白雲凰爪及六角豆味道都不錯！最後既甜品㗎 吔多士都好香好脆，唔錯！叫餐配了檸檬薏米水，夠多薏米，中和熱氣及消膩。正！其實可配的飲品非常多，好多都好吸引，下次一定會再試！

我同男朋友都好中意食泰國野，所以今日去左試呢間星馬泰cafe，一次滿足晒三個願望🤩。餐廳5點半就會開始晚市餐牌，我地6點去到，一入到去已經見到掛滿聖誕裝飾，好有節日氣氛。地方都算闊落，我地2個人都係坐四人位。🐒肉骨茶煲💰$82跟白飯👉🏻82蚊黎講真係好平，佢仲要一直有個火熱住，呢啲天氣飲岩哂！入面有豆卜，腐竹，金菇，排骨，同蛋。另外都有跟個醬料同油炸鬼。個排骨好淋，不過有一舊就比較肥。🐒海南雞喇沙摻摻💰$72我覺得係必食！喇沙夠濃郁，麵又掛湯，海南雞另上連埋d醬料😍。🐒印尼炒飯💰$68飯份量唔多，但有幾種配菜(蝦，蝦片，串燒，太陽蛋)，味道正常。🐒小食👉🏻豬牛雞串燒💰$22兩串串燒係細串既，沙嗲醬係偏甜，撈飯一流👉🏻手拍青瓜💰$16👉🏻健康唐生菜💰$28。🍰甜品🐒傳統咖央多士💰$22原來想試班蘭，但無哂，所以就揀左傳統，職員好細心，等我地食哂先問叫上，呢點加分！大家記得趁熱食，半溶咖央無得輸。🐒飲品👉🏻仙草奶茶跟餐加10蚊，唔係好膩個種奶茶，反而係好重茶澀味既，仙草原來係涼粉，個下有少少失望

太和有好多嘢好嘢食就大家都知，今次搵黎果子食個lunch，叫左一人一個lunch set，主食+小食+飲品。我就叫左香煎豬頸肉喇沙摻摻+馬鈴薯炸蝦卷+凍榛子朱古力，朋友就叫左肉骨茶飯+白雲酸辣鳳爪+熱榛子咖啡。豬頸肉喇沙摻摻係用左米粉同油麵做混麵，加強左個口感，而豬頸肉亦好香口，份量都好多，湯底好香椰奶味，豆卜索曬湯底咁食真係好唔錯。肉骨茶飯個茶非常之濃味，藥材味好夠👍🏻👍🏻豬骨亦好入味。小食方面推介馬鈴薯炸蝦卷，好香口好脆，蝦仲咬到係爽口的，而白雲酸辣鳳爪已經去左骨，非常方便去食用，酸酸辣辣咁好易食到上癮。餐廳已經佈置曬聖誕裝飾，好有氣氛：）侍應們都好有禮貌，整體感覺都好舒服，讚好👍🏻👍🏻👍🏻

太耐冇食星馬菜，又好想食下，所以上網search到呢間評分都幾高既小店，就想同朋友去試下🙈🙈呢間野都幾近地鐵站，行左十分鐘左右就到了😛😛去到差唔多19:30，都有唔少人係到等，等左一陣就入得去～～店鋪裝潢設計都幾乾淨舒適，又唔會好細間，仲有聖誕樹🎄都幾有聖誕氣氛😙😙呢間野主打一系列新加坡及馬來西亞菜，食物選擇都幾豐富🤩🤩😋😋我地叫左🦀新加坡軟殼蟹火山包（$168）、🍢串燒拼盤（雞、牛、豬串燒各兩串，豬頸肉一份）（$86）、🐥無骨走地海南雞飯（$72）🐥無骨走地海南雞飯我地配左油飯，而雞肉嫩滑，唔會‘’鞋‘’，油飯入味，粒粒分明。雞肉、油飯、醬汁每一個環節都配合得好好👍🏻🍢串燒拼盤呢個都幾抵食，有齊雞牛豬同埋豬頸肉☺️☺️好惹味香口～～😋😋🦀軟殼蟹火山包🤩🤩重頭戲黎啦～～～唔知有冇人同我一樣鍾意食軟殼蟹🥰🥰香脆既軟殼蟹再撈埋新加坡辣椒蟹醬😋😋😋真係幾好食～～而且分量十足，有蝦、青口、蜆，麵包撈埋個汁都幾滋味🙈🙈最後仲叫左個咖央多士🍞呢個我俾5粒星⭐️⭐️⭐️⭐️⭐️熱辣辣又有絲絲椰香，好脆口👍🏻👍🏻👍🏻飲品方面就跟餐叫左🍵桂圓紅棗茶同埋叫左馬來西亞既國民飲料之一～～～美祿恐龍，都唔錯，大家可以試下～～

其實本身無諗住去呢間食，只係路過被門面吸引加上去個時又唔洗等位。就咁睇門面同個名叫果子睇落仲以為係食蛋糕甜品cafe，睇餐牌先知係星馬菜。座位空間唔會有壓逼感。Lunch time時間仲要禮拜日食60蚊就連熱飲都合理既。碗麵係油麵同粉絲撈埋一碗不過都無咩違和感，但聽落係有些奇怪既撈埋一齊，但都係滿足到又想食粗麵同幼麵既我。有3粒蜆 2條蝦 幾塊豆卜同魚片 不過留意少辣，所以我係會簡凍飲配呢碗麵，感覺無咁熱。對果子既評價係都算可回頭既餐廳。

秋高氣爽，踩完單車，諗住喺附近搵嘢食。喺OpenRice 搵到呢間星馬餐廳，見評價都好高，咁岩又想食下東南亞菜，就決定食呢間啦!!一入到去已經覺得間餐廳好企理整齊，環境光猛，牆身掛滿小盆栽作為裝飾，🎍🌵仲有大大棵聖誕樹🌲🌲好有節日氣氛，而且坐得舒適闊落。餐牌有唔少款式嘅星馬菜選擇，例如馬來西亞嘅椰漿飯、新加坡嘅海南雞飯、新加坡喇沙等等.....🌟海鮮喇沙 有大蝦、蜆、魚片、豆卜、芽菜，海鮮非常新鮮，食落鮮甜，好足料，湯底有少少辣，飲落有濃濃椰香味🤩😝🌟咖啡牛腩火山包份量超大，賣相好吸引，用農夫包放下咖哩牛腩。牛腩非常入味，炆到好夠淋，肉質嫰滑，唔會韌。薄餅包住牛腩同埋咖哩汁食，真係好夾，食落香濃咖哩味，而面包粒烤到好脆，沾上咖哩汁，相當惹味。🌟串燒拼盤雞、牛、豬串燒各有2串，仲有一份豬頸肉，串燒沾滿沙嗲醬，滿滿花生香味，非常香口惹味，豬頸肉份量多，點埋醬汁，酸酸甜甜，正😋🌟白雪唐揚雞芝士波波足足有成12件雞塊，非常多，炸到皮香脆。芝士波可以做到拉絲效果，而且好夠熱😙飲品可以跟餐加$12就換到百香果梳打同水蜜桃梳打，都幾抵飲👍🏻😬總括來講，呢間餐廳嘅CP值高🤩🤩，大份而且又食好抵食，如果

都唔知幾多年冇去過大埔啦，去咗大埔超級城行街，原來大埔超級城有宜家傢俬，但係超級細間。行到肚餓又諗唔到食咩，當然上網睇吓有咩好介紹，見到一間「果子」嘅食物好吸引，決定要去試一試。由大埔超級城去「果子」約8至10分鐘，位置不會太偏僻，相對易找。軟殼蟹火山包 $168 ，絕對值得打卡，除咗有軟殼蟹之外，還有蜆肉、蝦和青口，另上醬汁。職員還親切地提醒要趁熱食。海皇海鮮喇沙摻摻 (微辣) $88，有帆立貝、大蝦、青口、蜆、蟹柳、点片、豆卜、芽菜。很足料，麵既份量很多。惹味沙嗲牛肉串燒 2串 $22餐廳嘅飲品種類很多，我哋叫咗一杯凍檸茶和茉莉綠茶芝士奶蓋。就快到聖誕節，餐廳都佈置了一棵聖誕樹和聖誕裝飾，很有聖誕節氣氛。

在大埔踏完單車後去了吃晚飯，經過這間餐廳，見門口有人等位，覺得應該不錯，所以便排入座.餐廳都挺大，卡位也很多.menu 有套餐和單點，單點價錢也不貴🤩因為太肚餓了，所以叫了很多😛.💠原隻菠蘿海鮮炒飯 🍍🍚$89將炒飯放入菠蘿入面，賣相造很可愛😍飯的份量很多，盛滿整菠蘿，菠蘿是用上新鮮的菠蘿，鮮甜多汁😛加上有大大隻的蠔豉和鮮蝦，充滿了很香的菠蘿香海鮮味💠咖哩牛腩火山包 🍛🐂🍞$98這個要讚嘆，用農夫包放入咖喱牛腩，真的給名字一樣火山爆發，牛腩超香大件，肉質很嫩滑.要配上薄餅包著一起食.包入面有超多咖喱汁，浸著豆卜.吃完牛腩，可連同包皮一起吃，包身非常香脆，大有咖喱的香味，超好味。💠白雪唐揚雞芝士波波 🐓🧀🍘$78芝士波炸得炸卜卜，入面包着流心芝士，有拉斯的有拉絲效果，而且芝士味超香.唐揚雞味濃，大件香脆可口，肉質多又不會炸得多粉，沾上蛋黃醬令味道更佳。💠串燒拼盤 🍢🍢🍢$86拼盤有雞肉、豬肉、牛肉和豬頸肉，豬頸肉外皮煎得香脆，可配酸甜汁😬串燒上面已淋上醬汁，每款肉也是滑身嫩肉。💠秋葵蝦沙律 🦐🥗$58沙律汁用上甜酸汁，酸酸甜甜很開胃，秋葵切細易入口，配上大隻鮮蝦，蝦皮一早被去除，方便入口

What a surprisingly Comfortable and worth-trying Singaporian restaurant in Tai Woo😍The decoration is comfortable. it is also very eye-catching too We ordered this 鳳爪for starter, it is not spicy. The cheese 🧀 balls, 春卷，魚餅，We love the taste so much ❤️💖 they are crispy 😊Of coz , we won’t miss this signature dish- 肉骨茶😋 very yummy ~ must give it a try as the meat is so fresh and the soup is the perfect match with the meat. I forgot to take photo😢as I can’t wait to eat it.Finally, it comes to this 馬拉盞炒

呢個海南雞飯嗰啲雞肉係滑身, 而且冇乜骨架, 肉質唔錯 ,醬汁方面都有三款一個係蒜蓉, 一個係甜酸醬, 另外一個係黑色豉油, 呢三款醬汁要嚟撈埋啲雞油飯食啱曬南乳雞翼麵, 雞翼有三隻外面陳皮係脆脆地, 裏面啲雞肉都幾滑, 廚師用咗南乳來醃隻雞翼, 所以有好香嘅南乳味, 呢三隻雞翼都整得唔錯呀呢個套餐會包埋飲品嘅, 呢杯係朱古力咖啡餐廳裝修冇幾耐, 環境比較乾淨, 而且啲店員都比較後生, 我十二點鐘去到餐廳, 裏面嘅人唔算太多, 所以都食得幾舒服

個飯有淡淡既椰奶香好好味而且飯身唔會濕蝶豆花其實本身無咩味但就係天然既食物染色劑佢既花青素更係一般植物既10倍真係好睇而又有營養👍🏻✨跟飯可以自選兩餸或者三餸同朋友們揀左香茅豬扒同去殼蝦個飯本身仲會跟埋滷水蛋、蝦片、花生同魚仔乾仲可以點埋沙嗲醬辣辣地特別惹味成個飯都好豐富好香好好味😋👍🏻其他菜式都一樣好味👍🏻最重要一點係佢既價錢我覺得係非常實惠👍🏻 CP值高👍🏻有機會一定會再幫襯呢間餐廳😋

岩岩去完泰國，今次到新加坡同馬來西亞。。。餐廳啦！環境先，疫情過左一段長時間，好多餐廳都對清潔要求低左，但係果子冇鬆懈到，餐具乾淨係基本，所有野都整齊放好，就連佢地嘅洗手間（後巷果種）都乾淨到不得了，e張相係食食下野果陣影，進食其間都忍唔住望左幾次，非常整潔餐廳牆上加左好多小植物，好duck意嫁～飲品出場先，黑糖珍珠鮮奶，叫左全糖，同奶味夾得岩岩好，而且珍珠好QQ，同埋有用糖煮過士多啤梨沙冰，好夠味，有時出面d沙冰飲飲下會冇味，佢去度最後一啖都有味串燒拼盤，串燒 + 花生沙爹醬，絕對係今餐嘅mvp，拼盤有曬豬牛雞，唔洗諗，仲有豬頸肉 + 鳳爪果隻酸味味汁，正！肉骨茶，好夠果種藥材味，d肉又滑，隻蛋如果可以再入味dd就perfect啦～藍蝶椰漿飯，又可以打卡，又好味，佢可以揀2～3餸，我地揀左咖哩牛 + 香茅豬，咖哩牛係牛筋腩黎嫁，超入味，超淋！香茅豬加左蔥油非常香，送飯一流！邊邊仲有花生，蝦片，魚乾仔，完全挑戰緊個口感豐富程度，正！芝士蝦波波，就係蝦丸 + 芝士，可以拉絲嫁，不過要熱食，放耐左芝士會硬番其實仲有好多野食想試。。。可惜得2個人，唔夠胃（位）去試多幾種，值得再讚下嘅係，佢d

軟殼蟹🦀️農夫包原來唔係輕蟹蟹，仲有蝦蝦蝦，三隻青口，有唔少蜆🤪 完全係海鮮餐！細心嘅位係，咖喱汁 / 沙嗲汁係客人自己按份量倒落去，咁就有得adjust! 蝦🦐肉都彈牙～青口係正常～碟豆花椰漿飯 配 兩餸兩餸我就分別揀咗沙嗲牛肉串燒～ 燒豬頸肉。牛肉串燒肉質林，入口唔黏牙、質素有嘅。至於豬頸肉就有少少韌，如果配埋泰式辣醬就更好好味😋 別煩就真係幾吸引，天藍色嘅碟豆花已經好搶眼，而且入口飯粒均勻，少少乾身，感覺不會好擠胃咁！海南雞配摻摻海南雞肉嘅表現出色。雞肉新鮮滑嫩，雞肉與雞皮之間有一層啫喱狀嘅正野。摻摻見面條都彈牙爽口，唔會太冧，失缺口感。唔使驚，有喇沙味但唔辣㗎愚蠢的我叫咗杯檸檬🍋薏米水，點知唔記得左走冰。但自己走冰之後，原來仲有好大杯！😝 同埋味道唔會太甜，有清熱解毒嘅感覺。秋葵係好少見到餐廳會提供嘅小食、保健脾胃㗎！