林洪記水產

營業中

休息中

見幾多人排隊，門口裝修幾靚，就book枱試下佢，但真係中晒伏！叫左個蒸汽海鮮火鍋，total 8樣海鮮，其實蠔、帶子係可接受，但其他全部都below average，尤其是隻蝦，好似已經死左好多年咁，食落去完全冇彈性，亦都冇任何蝦味，自問要求已經唔高，但真係令人失望。到打邊爐部份，拎開個蒸架，再加雞湯，可以話有種食緊shabushabu既感覺，完全係用緊清水黎烚野食咁，最恐怖係，所有火鍋料既味道係幾乎一樣，無論你係食緊丸類、午餐肉定係芝士腸，都好似食緊麵粉咁，食到一半已經堅持唔到落去。成餐唯一可取之處竟然係蝦多士，食左幾舊平衡一下自己心理。2個鐘任食放題，最尾食左一個鐘已經頂唔順走人，食物質素真心對唔住呢個價錢，假期仲要+$20添，只能說有更多更好既選擇。

在幫襯前先看過食評，知道經tapnow訂位有些不愉快經歷，所以今次特登“蠔多廿蚊“walk in, 果然順利。之前的食評話地方狹窄，果然窄到連背囊也放不下，結果放左係收銀度。今次來食$218/位海鮮套餐加$20/位任飲再加$38/位刺身任食。首先我先蒸海鮮，蟹和蠔都是一人一隻不切添叫，在蒸頭輪的途中，我們先食$38刺身，舖頭先給頭輪一碟各款，之後可以任叫，但CP值一般，三文魚刺身不夠肥美，貝類較好。飲品有小玻璃樽可樂和幾款罐裝飲品。蟹好新鮮。值得注意的是全部都是海鮮原本應有的腥味，沒有醃製過的，如不喜歡可以自己加蒜蓉、辣椒或豉油。蝦多士不是叫的，舖頭會一lock過全埸給的，每人一小件，但由於貪新鮮出爐忘記打咭，吃了一半才記起可想到有幾好味。最後我覺得最正的是大頭蝦，因為全部隻隻都 全部都 全部都爆膏。當然間中有一隻不新鮮。整體來說值得去試架。

第一次去食，食物質素幾好，海鮮夠新鮮，食完蒸海鮮再食打邊爐，最後食埋個粥，非常有驚喜。職員服務態度幾好，用WhatsApp訂枱，去到唔駛等就有位，上菜夠快， 不過啲枱有啲細，而且幾嘈下，綜合來講，可以推薦試吓。

二百幾蚊有成盤新鮮嘅海鮮，同埋其他火鍋配料任食，算係物有所值👍龍蝦係好新鮮，好出色，其他嘅海鮮呢，都食得出係新鮮貨嚟嘅👍至於火鍋配料呢，都來得好足，亦都來得好快。舖頭細細，坐得有啲迫，枱面都唔可以放太多野。簡單來講呢個係一個抵食嘅海鮮餐選擇。但值得一提係，呢間野其實我之前曾經試過網上預約，獲得確認，但係最終去到舖頭嘅時候就話冇我嘅預約。然後同時間又有另外一位師兄都有咁嘅情況，同我一樣都要臨場轉移陣地搵第二度食……今日去到見到好似仲有位，於是就問有冇得Walk in，得到回覆係稍等幾個字，可能會有，咁就碰碰運氣啦！等左三四個字，準備入座嘅時候，聽到又有位師兄話自己book咗枱，但係店員查過預約簿，就搵唔到。結果聽講店員話，下次嚟俾返優惠佢，結果就氹佢去咗第二度食🤭

原先訂咗5月8號母親節去林洪記食蒸海鮮，我太太已經係訂咗位今日打電話去double confirm 佢話冇曬位；一佢話因為上次你冇講明係要訂位只係問有冇為你冇確實話要為所以佢冇留到 曾經whatsapp畀佢話有位嘅時候佢話會留座位但係今日打電話畀佢double confirm佢話冇同埋態度好差 我睇食評都已經話佢呢間 林洪記嘅招呼好差食品好差各方面都唔得我有朋友去過 見到佢門面太細裏面座位太少所以冇入去食諗住不妨一試點知都係中伏希望大家睇到佢食完之後呢自己諗清楚去唔去啦 通常喺openrice訂位都應該冇問題佢就話要你double confirm其實應該係佢主動聯絡我哋問我哋係咪確認去唔去因為我食過幾間海鮮佢都會打電話嚟問你係咪幾多位係咪幾時幾月幾日幾點鐘嚟呀咁通常都係咁做嘅但係估唔到呢間林洪記我唔知佢係似住自己鋪呀定係點啦態度服務真係好差我未試過有未見過有咁差嘅服務囉所以我一定一定唔會幫襯呢一間。

都未試過食一個放題，系叫咩無咩，只有佳寶買到概嘢食，那洗咩幫襯佢？？我見到個頭盤已好想離埸，以為系昨晚食剩概廚餘還更差，最衰系話加20食龍蝦啦，話晒生日飯，竟然話要book 位時訂定先有，到場才加就無！那做booking 時你又唔問下人一聲，太tricky 了, 最慘系位置迫到有點透不到氣，想落單就要你食晒台面尼食物才可加單，台面又細，爐又細又慢，放了四人餐具，剩下台面空位只可放兩碟食物， 四人不歡而散！雖知疫階段,生意難做，食材貴了，此餐的食材300(4人份量)已俾多了，現每人收$220, 請問店老闆真的有良心嗎？？如再有此類食店的作業模式，只會又多一間店無生意而執笠！

在網上付費購買了林洪記水產的一款套餐，共三位。於前一晚先透過 WhatsApp 跟餐廳訂了該晚 8 點正一桌 3 人枱，然後於當日正午12時再致電對方確認該預訂(留了電話和姓氏)。怎知道我們三人準時在約 7 時 50 分到達餐廳時，負責招待的男員工很不禮貌的說”沒有你們的預約喎！” 我禮貌地提供WhatsApp 對話作證據，並指出本人下午十二時打過電話來確認。那員工才承認忘記了我們的預約，但態度輕挑的說 “就算有預約，都要等到 8 點 30 分才有位。”還試圖混淆視聽，說他不能趕走正在進食的食客。請問，如果不能準時提供餐桌，為何要有預約？為什麼要寫明有3個時段用膳？預約有什麼用？還要全數收取費用？我們嘗試理論，並告知該員工我們是特意從其他地區坐車來用餐的，怎知該員工態度差劣，叫我們一係等，唔等得唔好食，不然就去別的分店(分別在長沙灣和坑口)！我忍著怒火，告訴他我們已在網上付費了，而且問題在於他們，他們就要處理！該員工繼續以囂張態度叫我們可自行上網申請退款，再不滿意就報警！我們要求聯絡更高級職員但遭到不同藉口拒絕，我也嘗試致電其他分店，亦不果。就這樣到了八時四十五分(已等候了55分鐘)，

whatsapp提前book位6-8話冇曬位 要8-10先得 8點到咗成間鋪頭d位full曬 仲要人繼續等 明明係最先到等位 但因為得兩個人 俾新到嘅四個人入去先 成間鋪頭出面都係8-10 book咗位嘅人 全世界都等緊入 等到8:30個侍應走出黎話今日8-10已經full曬 問我地可唔可以等到10-12嘅時間段 笑出聲 第一次見book咗位仲要等walk in 冇位安排唔到就咪學人搞放題啦 網站提前俾咗錢已經仲唔比人退款 第一次見咁理直氣壯嘅鋪頭

屋企人已經book好晒位，亦都一早預先俾左幾個人錢，到埋單既時候見到個價錢唔岩，就同個待應講。點知個侍應話俾左幾個人錢仲咩一早入座個時同佢講，仲係咁叫我地下次先用😡屋企人明明記已經係whatapps訂枱個時會用埋個prepayments ！自己又唔問人地有冇prepayment ，又冇去check清楚就大聲懶我地唔一早同佢講。自己打過張單又有幾難，人懶就懶。啲野食已經唔係出色，估唔到啲態度出色到一個極點🤬

餐廳門面木系風格，平日晚上都好多人等位。入到去唔算太大，但好多位。坐低一於揀最豐富嘅9款海鮮$238/位， 升級任飲$20/位。套餐定量有本地或澳洲龍蝦（半隻）、膏蟹、大元貝（一隻）、六頭鮮鮑魚（一隻)、大頭蝦（兩隻）、生蠔（一隻）、貴妃蚌/大螄蚶（一隻）、花尾龍躉（一份）、安格斯牛小排（一份）。呢度上菜好快，而且海鮮都幾新鮮。龍蝦夠爽口，膏蟹大大隻。鍾意鮑魚味都唔錯。大頭蝦真係好大隻同爽口。另外指定海鮮、火鍋配料任食。 基本上蒸完海鮮仲可以打邊爐，真係相當豐富。開頭仲驚兩個鐘頭太少，點知時間其實好充足，因為呢度點完賽食物好快就到，所以唔使怕。最後食到飽飽！

曾幾何時我去吃蒸氣海鮮火鍋，是要$1000/1位。而它卻只需$238任食，+$20任飲。任食不是完全任食，部分食物是有限制，例如龍蝦每人半隻，再叫要另加加錢。生日夠4人有一條象拔蚌刺身送。可是入到店後卻說今日賣晒。變成了每人送一隻不值錢的扇貝。我已經是頭一轉客人，竟然這麼快賣光。我們訂了6點30分，理應8點30分完。但是我們8點沒有收到截單通知，8點叫的單一直等到8:15才到。叫了多次的煮粥米一直沒到和漏單。8:10時已被不斷吹交枱。同時個侍應發脾氣整到我成枱汽水罐、碟倒瀉晒。筷子幫我整跌埋最後都冇比番我。到最後食物到時，後面又一個待應催交枱。我吃了兩啖唯有浪費食物離開。這算是我遇過最差的服務，而且地方非常擠擁。唯一可取就只有價錢便宜，食物又不算差。

冬天黎到，梗係要打邊爐暖暖胃。普通火鍋、雞煲都已經成日食，今日我地黎個豐富啲既火鍋！食任食蒸氣海鮮火鍋呢間林洪記有幾間分店，我地去左新浦崗個間，呢間應該係新開既，裡面好乾不過地方略為淺窄，如果可以闊落啲就更好喇任食海鮮有幾個套餐揀，我地揀左9款任食+埋$20任飲落餐後好快阿姐就放左盤靚野阿姐仲好好咁講野食材同蒸既時間。套餐$238，雖然以上只係可以食一輪唔可以免費添，但食材真係好鮮味！唔係好夠喉！之後我地就嗌可以任食既食材，其實我地都係每樣嗌少少，都已經飽哂，值得讚係阿姐一人走全場，忙到死下死下都不忙關心食客，又會幫我地蒸氣轉火鍋後不時加水飲品方面，$20一人便可任飲大滿足，飽飽

新蒲崗林洪記水產幾抵食！主打蒸氣海鮮，200幾就食到高質數海鮮，so far食左咁多款都無樣係伏，而且仲要係幾高質，所以非常開心！先來一盤海鮮盤，來包有各種海鮮，蟹，蠔，鮑魚，元貝等等。膏蟹 size適中，而膏就多到滿瀉，甘香鮮味，肉質肥厚，好得。蠔肉夠挺身幾飽滿，還帶著陣陣既蠔香，好夠鮮。鮑魚口感爽彈，好夠新鮮，size適中，好幾正。花螺亦係好正，鮮味帶爽口，我食了20幾隻，非常過癮！不得不提大頭蝦，蝦頭既膏夠多，鮮香十足，好難忘！Menu點餐紙還有好多不同食材可以order,試左幾款都係好正，安格斯牛小排香嫩帶牛香！田雞肉質嫩滑。加$20仲可任飲優惠，還有啤飲！相睇高性價比。想食新鮮海鮮，這間是好選擇。

和朋友都是海鮮迷，一起去吃海鮮就最開心了，今晚我們來到林洪記水產吃海鮮蒸氣火鍋，一定要訂位，因為很受歡迎的呢。我們選了9款海鮮加任食套餐，每人$238，海鮮有: 龍蝦、膏蟹、大元貝、六頭鮮鮑魚、大頭蝦、生蠔、貴妃蚌、花尾龍躉、安格斯牛小排。龍蝦夠大隻，肉厚，啖啖肉加上鮮味，十分滋味；膏蟹亦是重點，金黃和橙色的蟹膏很香滑，蟹肉亦很鮮甜；然後還有大頭蝦，令我想起泰國的大蝦，蝦頭有少少膏，蝦肉口感十足。吃完蒸海鮮就到火鍋和任食項目，最特別的是有黃金炒蟹，蟹炒到好香口，好有鑊氣；花螺亦是必吃之選，還選了安格斯肥牛、魷魚、鯇魚、蝦等，墨魚滑是最有驚喜的，墨魚味道很突出很鮮味。我們倆食力一般，只叫了一轉自選任食已飽，滿足的離去。

Whatsapp話有可以6個位但逼d…最後發現比個4人位我地坐 ，正。Whatsapp話逼d坐到。好心啦，冇位我咪唔黎囉。人都黎哂，跟住比個4人位叫我地坐到就坐坐唔到佢都冇辦法。門口個啊姐串到。好激心既一餐。一定唔會食好心啦冇位我咪唔黎囉又唔係一定要食你你話有位，我先至會過黎姐。我一定要黎食你咁態度差到爆炸其實我都有好多選擇其實我既時間都係時間夜晚收工，8點去到又餓又攰仲要咁差待遇咁既態度睇過埋尼排會有幾多人再黎食佢？