林洪記水產

營業中

休息中

佢地嘅海鮮，有大頭蝦、帶子、貝類同埋龍蝦，仲有涼伴木耳同花甲，大家一定要留意下啊！首先講下呢度嘅大頭蝦，呢啲大頭蝦真係新鮮到爆，每隻蝦肉都幾實，而且煮得啱啱好，彈牙程度非常好，真係唔會太老唔會太嫩，就好啱味道。另外，呢度嘅帶子同埋貝類都值得一試。帶子鮮味好濃郁，肉質腍身夠彈牙，一啖落肚，真係好過癮。而貝類都好鮮甜，煮得夠熟夠鮮嫩，一啖落去味道非常鮮美，真係好出色。另外一樣推介係龍蝦，呢度嘅龍蝦都好鮮甜，而且唔會太膩，肉質亦都好夠緊實。龍蝦可以選擇焗或者清蒸，焗得啱啱好，夠鮮味，而清蒸都唔會失色，龍蝦肉質都保持得好好，絕對係一道非常出色嘅海鮮。如果你鍾意涼拌菜，就要試下佢地嘅涼伴木耳啦。涼伴木耳同花甲一齊拌食，清新開胃，木耳爽脆，而花甲肉質滑嫩，一啖落肚，味道好爽口，真係一流。

首先要講嘅就係椒鹽賴尿蝦啦，個人認為係呢度最出色嘅一款菜式。呢度嘅賴尿蝦同其他地方唔同，佢地嘅賴尿蝦好大隻，鮮甜又鮮脆。而椒鹽炸得好香脆，唔會太油膩，個味道好香。不過要提醒返大家，呢個菜式唔係太適合唔鍾意辣嘅人食。另外要講嘅就係帶子同扇貝啦，佢地嘅帶子係生猛海產，質感好細緻，肉質鮮甜。扇貝都係同樣咁新鮮，用簡單嘅調味就已經好好味。如果你係海鮮控，咁一定唔可以錯過啦！最後，要提返一下呢度嘅龍蝦，佢地嘅龍蝦又大隻又肥美，味道非常鮮甜。而且佢地嘅龍蝦係可以按照你嘅要求煮，例如煮咁啦、清蒸、炒飯同埋湯煮等等，好適合不同口味嘅人。如果你想食啲清淡嘅嘢，咁就可以試下佢地嘅涼伴皮蛋啦。呢個菜式賣相唔錯，皮蛋切咗片，再配埋一啲凍瓜同埋花生，非常爽口，又幾清爽。

訂座講埋用voucher都用唔到務必要張開眼睛睇清楚店內所有告示*最好掛住個code 係頸* 唔知payment system 喺邊間，一開左單就有入冇出之後會叫你open rice 退款啦，（就唔使拆比人啦）其實本身好小事，都係差一百幾十，但感覺似被騙，比人呃完仲要受氣前線店員同事都好好，又預留大少少的吧枱比我地，係手法問題同埋最後同事應對手法（唔使一定高級西餐廳先會識remark 嘅）為咗賺多少少，少咗個回頭客，何必呢？大家買咗嘅留意返啦咁就唔使有不愉快嘅經歷

早2星期經過，見到好多人排隊，又有象拔蚌刺身，昨天打算同朋友食老公生日飯，就即刻book左。佢$258有9款海鮮，再加打邊爐任食，很高性價比。去到落單時，店員說今天沒有象鼻蚌，只有瀨尿蝦，心諗最重要想食既野無左，但都係生日免費送，也沒法，照要。套餐內的蟹，又話無，變左貴妃蚌，心諗，價錢差好遠喎？但都坐低左，唔緊要啦。再黎套餐寫有元貝/蟶子王，但原來只有元貝，帶子/象鼻蚌仔，但原來又只有帶子。如果你個menu咁多野無得揀，或者你根本無果樣海鮮，你就唔好寫出黎啦？我覺得menu好多寫有選擇但原來都係無既，已經覺得麻麻地，但算啦，雖然海鮮差d但個價都仲係高性價比既，照食。海鮮中規中矩，都算新鮮。但係size 上，就真係一般。食完轉自助打邊爐，食食下到22:30開始比人催，我以為佢收00:00，我們20:15去到食尾場，都唔滿人，以為可以直坐到00:00，點知店員話：不是幾點收工的問題，係你只係食2小時而已。噢！原來是只有2小時，完全overlook左，因為個2小時完美地同個「任食」logo融合左，但你都已經無人入黎，食耐左係咪都可以呢？你話你已經過左收工時間我就唔啱啫，但你仲開住門架喎？好啦

多年前曾經到過長沙灣林洪記街市嘗試過海鮮蒸氣火鍋， 品質十分好 ，念不忘，只可惜 因為在街市大樓上， 感覺貴生欠奉， 不敢再踏足， 直至近日發現新蒲崗有地舖， 雖然地方淺窄， 都知道她們的服務 態度非一般，因為相信他們的食物質素， 所以特意在openrice上買餐飲券$198，比 walk in便宜$20， 相約兩位朋友 一齊去試。提早15分鐘到埗， 臨時通知因 冬至前 胡需另加$20，心裡感到不妥， 點解昨日訂位時沒有提及，到埗才 坐地起價 ， 無奈也要接受 ，連任飲$20，共$238位。各款海鮮優質，惟有聖子有沙，蟹比從前細了一半，牛肉太美味，任食海鮮都有多款選擇，下次再來。

喺社交平台見雞煲火鍋只係$128都唔期望太高，不過見平平地就試下一去到餐廳職員已經西口西面，好似得罪左佢咁我3人去食，竟然係俾已bar 枱我地打邊爐係坐bar枱我都係第一次，啲位同張枱都極窄，係窄到個爐放左喺我前面，無位放碗Bar枱對住個海鮮缸，不過見入面啲海鮮全部都係死嘅😵之後先精彩，叫左個唔辣嘅雞煲，係一滴汁都無，啲雞得個咸字，好辛苦咁食完個雞，諗住加湯繼續火鍋啦，個湯底已經無味，叫左啲肥牛，蝦滑之類無一樣係食得落口，求其食左幾舊頂唔順走人🤮極差嘅體驗，倒貼都唔會再去！

天氣咁凍同朋友聚會最啱就係打邊爐，今次經朋友推介去咗呢間林洪記水產。除左海鮮外, 佢地都有傳統嘅雞煲一樣食完雞煲就可以加湯任飲任食一開始食雞煲嘅時候都幾香濃，係加湯後味道會淡啲，整體嚟講都影響唔大值得一試！呢間嘅海鮮都係任食，試過啲貝殼類都冇沙處理得算幾乾淨，海鮮好新鮮 $200左右任食火鍋，性價比真係好高啲位都坐得幾舒服, 員工態度十分有善，服務細心滿意肉類同蔬菜類可以自己選, 要多少食多少, 唔會浪費, 都可以多叫蔬菜食物都黎得好快，唔會拖單。非常新鮮，真係幾抵，有海鮮有雞煲, 飲品仲係任飲

呢間海鮮蒸鍋算係本年度最令我們享受既餐廳。海鮮一定要夠新鮮，客人一試便食得出黎既，絕唔能騙己騙人。疫情下，睇見入座率仍然好高，就知道餐廳一定係真材實料！首先，店員會為所有餐具蒸焗一次，保持高度衛生，令我們感覺服務唔錯亦好乾凈於係我們揀選左“9款鮮套餐”。所有海鮮黎自唔同國家，好像帶着你既味蕾周遊列國。一開始店員就拿黎兩大盤海鮮令我們手機先食，影相時，我們睇見呢麼多海鮮已經十分興奮，流哂口水！大頭蝦蝦膏超多！多到溢出黎肉質爽口扎實，唔會有種霉氣既感覺澳洲龍蝦：呢係真正既澳洲龍蝦，大隻而且啖啖肉，鮮味十足，蒸煮後會見到龍蝦肉脹卜卜鮑魚非常新鮮，沾上辣椒豉油有助提鮮。到最後海鮮蒸雞湯麵真係不得了，簡直就係一個完美既結束

平時最鍾意食龍蝦同貝類海鮮，所以毫唔猶疑揀左蒸氣海鮮煱放題呢度每樣海鮮都非常好食，唔但非常新鮮，而且近乎唔需要用任何調味，都已食到該海鮮既鹹鮮味由淡至濃咁食，終於等到龍蝦，好耐冇食過咁多肉咁原汁原味激讚大頭蝦又大隻又甜 !!!蟹就係全晚最正，d膏未蒸已經夠吸引。 蟹膏好香，因為味道清新所以感覺唔算好邪惡，食食下唔覺唔覺都好飽。今餐既海鮮非常新鮮，比起知名既自助餐真係好得多。而且價錢相差好多，呢度唔需要200蚊就食齊大部分海鮮, 自助餐係種類多但唔新鮮。但呢類蒸鍋係非常講求食材既新鮮，更能食出食物本身既味道，我會寧願選擇貴精唔貴多。難得搵到一間，而且最近還有疫情價，更加值得去。

用TapNow 優惠買。海鮮大部分無味無鮮味，導致下面嘅水到後期打邊爐做湯底都無味。放完個爐之後得翻半張枱，逼、無湯匙、無濕紙巾、乾紙巾提供。醬料一開頭比你拎一次，最基本個啲鼓油、葱、蒜、辣椒。星期日去食，去到先知假日要每人加$20，之後飲品又要加$20，最後$248一位。計時由book位時間計，不是開單時間，最後2小時任食食小15分鐘。吾係話咩，蒸海鮮火鍋黎講200零蚊當然性價比高、不過呢間呢世人試一次夠了

呢間既海鮮同肉類都十分唔錯,，上菜都好快! 野食好新鮮 !唯一美中不足就係個地方有少少逼,，不過勝在店員效率好高，仲提出左好既建議落單。我地選左肉類 ( 雞 牛 ), 肉味香濃，充滿豐郁嘅香味! 海鮮蒸氣煱 ，我同幾個朋友都忍唔住連湯底都飲埋 ，新鮮就係唔同D! 必有下次。

我愛'海鮮'已開始變成癮., 前幾日又同朋友再次到訪林洪記水產,  我地兩個都係海鮮控,  所以果日放工之後就相約一齊聊聊天，吃點愛吃的東西慰勞自己吧我係一個超級海鮮控,無論係八爪魚,肥牛,蝦等等，我都超級鍾意‼️ 所以一見蒸氣海鮮拼盤，就即刻點左個二人前試試啦～ 全部都好出色架!!

本來同班朋友約咗新蒲崗店6點嘅，點知去到嗰陣店方就話收唔到booking，有個黑衫阿姐更用極為惡劣嘅態度質疑我地，話預約嗰啲乜都唔關佢事，仲好不滿咁叫我地自己打去問。最後我地自己打去問先知道原來佢地直頭冇落到booking，話間鋪已經滿晒。本身搞錯booking呢啲事我同啲朋友都遇唔少，如果店方係有心想解決嘅根本就唔係啲咩大問題，但今次最不滿嘅係店方成個過程裡邊連一句道歉嘅說話都冇，個黑衫阿姐剩係話乜都唔知乜都唔關佢事就想打發我地走，連打電話去問清楚公司有關預約嘅事都推晒比我地，呢啲咁惡劣嘅服務態度同處理手法，奉勸各位去之前真係要三思

今日同屋企人預祝生日，係網上(TapNow)見到有coupon就訂咗呢間任食海鮮蒸氣火鍋。地點位於新蒲崗，地點都算方便，係Mikiki附近。去到餐廳地方唔係好大，坐滿人其實都幾迫下，行出行入都幾唔方便。過一陣店員就問我地需唔需要加$20一位出面飲品任飲，反正都係咁就加左。飲品種類都還可以，有玻璃樽汽水係surprise嘅。餐廳做緊優惠5位以上就送象拔蚌一客，但咁岩得咁橋，今日冇象拔蚌，改左送炒蟹，都冇計。確認曬所有野之後，餐廳會先安排一份刺身上枱，之後想食再叫，跟著就上海鮮，其後打邊爐或者加野就再寫紙落單。整體黎講，海鮮一般，但係呢個價錢黎講都算幾好，買coupon $249/人 已經包加一，再現場加$20/人，姐係總共$269/人。唔洗三百蚊呢個質素都算係唔錯！原過店員嘅態度就好似係兆萬放題嘅態度（大家明喇！），因為全場爆，所以大家都唔好要求有服務喇！

本人見諗住呢間舖頭咁多人食 ，應該估佢質素幾好呀 ， 點知第一次幫襯呢間食肆， 本來想試試呢間食肆食品嘅味道 ，就遇到一個一世難忘的回憶， 點知真係簡直出乎意料之外 ，開頭個海鮮尚算ok嘅，之後到個火鍋，簡直可以叫係一絕， 啲雲吞係臭嘅 ，牛肉丸又有陣宿味，啲蝦仔魚滑又係臭嘅，搞到成煲湯底都係臭嘅，啲職員態度又冇乜禮貌，出現問題又不負責任，唔會同你跟進你食物變壞嘅事件， 埋單總數食咗二千幾蚊，跟住一夠鐘即刻趕你走，個火鍋餐只可以食到生菜及粟米，先係正常， 呢一間舖頭， 你食完呢一餐之後，你冇屙同埋嘔你已經算做贏咗㗎喇，所以呢一間舖頭 ，打死都唔會再有下次去食， 呢啲食肆真係要等天收佢。 溫馨提示各位去呢間食肆食嘢之前，真係要三思 🙏🙏